ທ່ີນີ້ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ່ຟັງທ່ີໂຄລົບ, ຊົມເຊີຍທ່ານເຂົ້າສູ່
ລາຍການນັດພົບໃນວັນອາທິດ. ໃນເດືອນເມສາຂອງທຸກໆປີ, ຢູ່ນະຄອນຄຸນມິງ ເທດສະ
ບານແຂວງຢຸນນານທ່ີຕັ້ງຢູ່ທາງພາກຕາເວັນຕົກສຽງໃຕ້ຂອງຈີນກໍຈະຈັດເທດສະການ
ທ່ອງທ່ຽວວັດທະນະທຳສາກົນ,ງານລາຕີອັນມະໂຫລານແລະການສະແດງລາຍການສິລະ
ປະທີ່ມີລະດັບສູງໃນພິທີໄຂງານແມ່ນຈຸດຮຸ່ງຂອງເທສະການທ່ອງທ່ຽວວັດທະນະທຳດ່ັງ
ກ່າວ. ໃນລາຍການນັດພົບໃນວັນອາທິດພາກນີ້, ພວກເຮົາຈະສະເໜີບາງລາຍການຍອດ
ຢ້ຽມໃນງານລາຕີຂະໜາດໃຫຍ່ທີ່ໃຫ້ຊື່ວ່າ"ຮ້ອງເພງດຽວກັນ--ກ້າວເຂົ້າສູ່ຢຸນນານ"
ໃນເທດສະການທ່ອງທຽວວັດທະນະທຳສາກົນຄຸນມິງຈີນປີ 2004

ລາຍການ"ຖົງຢີ້ໂສ້ວເກີ່"ແປວ່າ"ຮ້ອງເພງດຽວກັນ"ແມ່ນລາຍການໂທລະພາບທ່ີມີຊ່ືສຽງ
ດົງດັງແລະມີຜູ່ຊມຫຼາຍທ່ີສຸດຂອງຈີນ. ກ່ອນຈະໄປຈັດງານລາຕີຂະໜາດໃຫຍ່ຢູ່ແຂວງ
ຢຸນນານເທ່ືອນີ້ກໍໄດ້ຢ່ັງປະຊາມະຕິຢູ່ເວັບໄຊຂອງໂທລະພາບສູນກາງຈີນແລະຕາມສື່ມວນ
ຊົນຂອງຢຸນນານກ່ອນແລ້ວ,ເພື່ອຢາກຮູ້ວ່າຜູ່ຊົມມັກລາຍການໃດຫຼາຍກວ່າຫມູ່ແລະຈັດ
ວາງລາຍການຕາມຜົນການຢ່ັງປະຊາມະຕິ 4 ໝື່ນກວ່າເທ່ືອຄົນ, ໃຫ້ນັກຮ້ອງທ່ີຜູ່ຊົມທັງ
ຫຼາຍມັກທ່ີສຸດນັ້ນເປັນຄະນະດາລາເພງໃນງານລາຕີເທື່ອນີ້. "ພິທີໄຂງານທ່ອງທ່ຽວວັດ
ທະນະທຳສາກົນຄຸນມິງຈີນປີ 2004" ກໍ່ຄືງານລາຕີຂະໜາດໃຫຍ່ "ຮ້ອງເພງດຽວກັນ--
ກ້າວເຂົ້າສູ່ຢຸນນານ"ໄດ້ໂຮມດາລາເພງແຜ່ນດິນໃຫຍ່ ຮົງກົງແລະໄຕ້ຫວັນແລະສິລະປິນ
ພື້ນເມືອງແຂວງຢຸນນານມາສະແດງນຳກັນ.

ໜ້າທ່ີອີກອັນໜ່ຶງຂອງງານລາຕີ"ຮ້ອງເພງດຽວກັນ--ກ້າວເຂົ້າສູ່ຢຸນນານ" ເຊ່ິງເປັນພີທີໄຂ
ເທສະການທ່ອງທ່ຽວວັດທະນະທຳສາກົນຄຸນມິງຈີນປີ2004 ກໍແມ່ນໂຄສະນາວັດທະນະ
ທຳຊົນຊາດທ່ີມີຫຼາຍສີຫຼາຍສັນແລະຊັບພະຍາກອນທຳມະຊາດທ່ີອຸດົມສົມບູນຂອງແຂວງ
ຢຸນນານໄປຍັງທ່ົວປະເທດແລະທ່ົວໂລກ.

ໃນງານລາຕີ ນາງກ່ານຜິງໄດ້ຮ້ອງເພງທ່ີຊ່ືວ່າ"ໂຢວອີເກີ້ເຫມີຍລີ້ເຕ່ີຕີ້ຟ່າງ" ແປວ່າ"ມີ
ບ່ອນໜ່ຶງທ່ີສວຍງາມ" ທ່ີມີເອກະລັກຂອງເຜ່ົາລື້ແຂວງຢຸນນານ.

ມີແຫ່ງໜ່ຶງທ່ີສວຍງາມ, ເປັນບ່ອນປະຊາຊົນເຜ່ົາລື້ຕັ້ງພູມລຳເນົາ, ບ້ານຕິດກັບບ້ານກັນ
ຢ່າງໃກ້ຊິດ, ແມ່ນ້ຳທີ່ຄົດລ້ຽວ ໃສສະອາດ,ເປັນຟອງບວກຍູ້, ນີ້ແມ່ນເພງສະຫຼັບໃນຮູບ
ເງົາເລ່ືອງ"ເມີງລົງຊາ"ຂອງຈີນທ່ີຖ່າຍທຳເມ່ືອຊຸມປີ 5-60 ສັດຕະວັດແລ້ວນີ້, ບ້ານທ່ີ
ສວຍງາມແຫ່ງນີ້ຢູ່ໃສ? ຢູ່ສິບສອງພ່ັນນາແລະເມືອງຍຸ້ຍລີ້ແຂວງຢຸນນານ, ແຫ່ງນັ້ນເຕັມ
ໄປດ້ວຍໄມ້ໄພທີ່ຂຽວງາມ, ແມ່ນແດນອັນມ່ັງມູນ,ດິນດຳນ້ຳຊຸ່ມ ມີຮີດດີຄອງ ງາມ ທິວ
ທັດທຳມະຊາດງາມຕາ ເປັນບ່ອນທີ່ຄົນທັງຝັກໄຝ່ຫາ.

ທ່ີຈິງແລ້ວ ຢູ່ຢຸນນານບ່ອນໃດກໍງາມ, ເພາະວ່າຢຸນນານກໍແມ່ນດິນແດນທ່ີສວຍງາມ,
ຢູ່ແຫ່ງນີ້ທ້ອງຟ້າປອດໂປ່ງສົດໃສ, ດິນດຳນ້ຳຊຸ່ມ ພູເຂົາຂຽວງາມ ແມ່ນ້ຳໄຫຼລ່ອງໃສ
ສະອາດ; ຢູ່ຢຸນນານມີ 26 ຊົນເຜ່ົາສ່ວນໜ້ອຍ, ເປັນແຂວງໜ່ຶງທ່ີມີຊົນເຜ່ົາສ່ວນໜ້ອຍ
ຫຼາຍກວ່າໝູ່ຢູ່ຈີນ, ຢູ່ຢຸນນານມີປູຊະນີຍະສະຖານທ່ີມີຊ່ືສຽງຫຼາຍແຫ່ງ, ມີຮີດຄອງປະ
ເພນີດີງາມ, ອັນໄດ້ດູດດຶງສາຍຕາຂອງຜູ່ທ່ອງທ່ຽວທ່ີມາຈາກແຫ່ງຕ່າງໆ.

ນາງລີວານຈຸນກໍແມ່ນຜູ່ໜ່ຶງ, ອາຈານຊາວອາເມລິກາຜູ່ນີ້ໄດ້ເຮັດວຽກຢູ່ຄຸນມິງ 13 ປີ
ແລ້ວ, ໃນງານລາຕີ ຮ້ອງເພງດຽວກັນ--ກ້າວເຂົ້າສູ່ຢຸນນານ, ເພ່ິນໄດ້ຮ້ອງເພງຮ່ວມ
ກັບທ່ານຫວງເກີສຽນ ນັກຮ້ອງເຂດໃນຈີນເພງນັ້ນຊື່ວ່າ"ຫູແຕສຽນປຽນ"ແປວ່າ ແຄມ
ນ້ຳບໍ່ແມງກະເບື້ອ.

ພາບວິວເດືອນສາມຂອງເມືອງຕ້າລີສວຍງາມ,ມວນມາລາອ້າກີບສ່ົງກ່ິນຫອມຫວນ,
ຊວນກັນລົງໃຕ້ໄປພູຊ່າງຊ່ານ, ສະແຫວງກ່ິນຫອມຢູ່ແຄມບໍ່ແມງກະເບື້ອ.

ເພງ"ຢູ່ແຄມບໍ່ແມງກະເບື້ອສ່ອງແສງຊີວິດການເປັນຢູ່ຂອງເຜ່ົາໄປຢຸນນານໄດ້ພາຄົນ
ທັງຫຼາຍເຂົ້າສູ່ພາບວິວທຳມະຊາດທ່ີສວຍງາມຂອງເມືອງຕາລີ. ນາງລີລິງຢູ້ ນັກຮ້ອງ
ທີ່ຈາກໄປຫຼາຍປີຮ້ອງເພງຊົນເຜົ່າ"ແສ່ວກະເປົ່ານ້ອຍສູ່ຟັງ.

ເມື່ອທຽບກັບດົນຕີເຜ່ົາສ່ວນໜ້ອຍທີ່ມີທຳນອງເພງອັນເຂັ້ມຂຸ້ນ, ທ່ານຊ່າປາວລ້ຽງດາ
ລາເພງໃຫມ່ທ່ີໄດ້ຮັບຄວາມນິຍົມຊົມເຊີຍຮ້ອງເພງ"ອ້ານຊຽງ"ແປວ່າ"ຫອມອ່ອນໆສູ່
ຟັງ", ເພງນີ້ໄດ້ຮັບຄວາມນິຍົມຫຼາຍໃນປີກາຍ.

ຢູ່ຕໍ່ໜ້າຜູ່ຊົມທ່ີອາຍຸແກ່ແດ່, ທ່ານຖົງອານເກີ ນັກຮ້ອງເພງໄຕ້ຫວັນແມ່ນຍັງຄົງມີສະ
ເໜຢູ່ຄືເກ່ົາ, ທ່ານໄດ້ຮ້ອງເພງ"ໝິງທຽນໜີຊື້ເຝົາຢ່ີຣານອ້າຍວໍ" ແປວ່າ"ມື້ອື່ນເຈົ້າຍັງ
ຮັກຂ້ອຍບໍ່".

ສິລະປິນພື້ນເມືອງແຂວງຢຸນນານກໍບໍ່ຍອມຫນ້ອຍຫນ້າ,ຄະນະຮ້ອງຮວມຫມູ່ຊາວນາ
ເຜ່ົາມົ້ງທ່ີມາຈາກບ້ານສຽວຈິງເມືອງຟູ້ໝິນໃຊ້ສຽງທຳມະຊາດຮ້ອງເພງ"ຢວນຟາງເຕີ
ເຄີ້ຢັນສິງໜີຫຼຽວເຊ້ຍຫຼາຍ"ແປວ່າ"ແຂກທ່ີມາຈາກທາງໄກເຊີນແວ່ແດ່ອັນໄດ້ສ້າງບັນ
ຍາກາດອັນຟົດຟື້ນທີ່ສຸດໃນງານລາຕີ.

ທ່ານຜູ່ຟັງທ່ີໂຄລົບ,ທີ່ຟັງມານັ້ນແມ່ນລາຍການດີເດ່ັນໃນງານລາຕີຂະໜາດໃຫຍ່ ທີ່
ໃຫ້ຊື່ວ່າ"ຮ້ອງເພງດຽວກັນ--ກ້າວເຂົ້າສາູຢຸນນານ"ຊ່ິງເປັນພິທີເປີດສາກເທດສະການ
ທ່ອງທ່ຽວວັດທະນະທຳສາກົນຄຸນມິງຈີນປີ 2004, ຊາວຢຸນນານເປັນຫນ້າອ່ອນຊອນ
ນໍ ພວກເຂົາເຈົ້າໄດ້ຫຼິ້ນບຸນເປັນເວລາເກືອບເດືອນໜ່ຶງໃນໄລຍະເທດສະການທ່ອງ
ທ່ຽວ, ທ່ານຢາກໄປທ່ຽວຢຸນນານບໍ່, ຢູ່ນັ້ນມີບ່ອນທ່ຽວທ່ີສວຍງາມ, ມີເພງມ່ວນໆຟັງ,
ຖ້າທ່ານມາຈີນ, ທ່ານຕ້ອງໄປແວຢຸນນານແດ່ເດີ້.

ທ່ານຜູ່ຟັງທ່ີໂຄລົບ, ລາຍການນັດພົບໃນວັນອາທິດພາກນີ້ຂໍສ້ຽງສຸດລົງພຽງທໍ່ນີ້, ພົບ
ກັນໃໝ່ໃນລາຍການໜ້າ, ສະບາຍດີ.