ສະບາຍດີທ່ານຜູ່ຟັງທ່ີເຄົາລົບ,ເຊີນຊວນທ່ານຮັບຟັງລາຍການຢ່ອນອາລົມໃນວັນ
ເສົາ.ມື້ນີ້ ພວກເຮົາຈະຈັດເພງປະມວນຫນຶ່ງກ່ຽວກັບການອະນຸລັກສິ່ງແວດລ້ອມສູ່
ທ່ານຟັງເພງເຫລົ່ານີ້ແມ່ນບຸກຄົນໃນວົງການດົນຕີແລະວົງການອະນຸລັກສິ່ງແວດ
ລ້ອມທ່ີມີທັດສະນະຄະຕິພາລະກຳກອບກູ້ສິ່ງແວດລ້ອມນັ້ນແຕ່ງຂຶ້ນ,ຫວັງຈະໃຊ້ເພງ
ເຫລົ່ານີ້ຕັກເຕືອນຊາວໂລກແຕ່ລະຄົນ,ເອົາໃຈໃສ່ແລະອະນຸລັກຫນ່ວຍໂລກມານ
ດາຂອງຕົນ.
ເພງທ່ີທ່ານພວມຟັງຢູ່ນີ້ແມ່ນເພງວັນສັນລະເສີນຫນ່ວຍໂລກ,ເນື້ອເພງມີຢູ່ວ່າ:ເມື່ອ
ພວກເຮົາມາຮອດໂລກນີ້ ຫນ່ວຍໂລກມານດາຂອງເຮົາໄດ້ລ້ຽງດູພວກເຮົາ,ເຮົາດູດ
ກິນນ້ຳນົມຂອງແມ່,ພັດລືມແມ່ເລື້ອຍໆ.ບັດນີ້ ພວກເຮົາໄດ້ຕື່ນຕົວແລ້ວ, ແມ່ຢ່າເສຍ
ໃຈອີກ,ທະແນມແຕ່ແຕ່ລະຄົນເຮັດໄປແຕ່ດຽວນີ້ ກໍ່ຈະມີກຳລັງແຮງກອບກູ້ເອົາ
ຫນ່ວຍໂລກໄດ້ຢ່າງແນ່ນອນ.
ສຳລັບມະນຸດແລ້ວ, ໂລກທ່ີພວກເຮົາສາມາດດຳລົງຊີວິດຢູ່ໄດ້ມີແຕ່ຫນ່ວຍດຽວ,ແຕ່ ມະນຸດທ່ີດຳລົງຊີວິດຢູ່ເທິງຫນ່ວຍໂລກພັດທຳລາຍສິ່ງແວດລ້ອມທ່ີຕົນເອງຕ້ອງເພິ່ງ
ພາອາໃສເພື່ອດຳລົງຊີວິດຕະຫລອດມາ.ປະຈຸບັນ,ຄຽງຄູ່ກັບການພັດທະນາວິທະຍາ
ສາດເຕັກນິກແລະເສດຖະກິດຂອງມວນມະນຸດ,ສິ່ງແວດລ້ອມດຳລົງຊີວິດຂອງມະ
ນຸດພັດຊຸດໂຊມລົງເລື້ອຍໆ.ໄພນ້ຳນອງ ໄພແຫ້ງແລ້ງ ລົມດິນຊາຍ ຂີ້ເຫຍື້ອແລະ
ການເຊື່ອມພິດອາກາດເປັນຕົ້ນໄດ້ປະກອບເປັນການຂົ່ມຂູ່ຢ່າງຮ້າຍແຮງຕໍ່ການກ້າວ
ຫນ້າຂອງສັງຄົມແລະການດຳລົງຊີວິດຂອງມະນຸດ.ແຕ່ວ່າ, ມະນຸດໄດ້ເລີ່ມມີຄວາມ
ສຳນຶກຮູ້ແລ້ວວ່າ, ຖ້າຢາກກອບກູ້ເອົາຫນ່ວຍໂລກ, ກໍ່ມີແຕ່ອາໃສຕົນເອງເທົ່ານັ້ນ.
ບັດນີ້ ພວກເຮົາຈົ່ງມາຟັງຄຳຮຽກຮ້ອງຂອງມວນມະນຸດເຖີດ:ມາ ພວກເຮົາຈົ່ງມາ
ຖະນຸຖະຫນອມນ້ຳທຸກຢອດ,ນັ້ນແມ່ນເລືອດຂອງທໍລະນີມານດາ,ມາ ພວກເຮົາຈົ່ງ
ມາປູກຕົ້ນໄມ້ຕົ້ນຫນຶ່ງນຳກັນ, ນັ້ນແມ່ນລຳຄີງຜທນແຜ່ນທໍລະນີ,ມາ,ພວກເຮົາມາ
ປ່ອຍນົກໂຕຫນຶ່ງ, ນັ້ນແມ່ນລູກຫລານຂອງຫນ່ວຍໂລກ.ເຊີນຟັງເພງຮັກແພງຫນ່ວຍ
ໂລກ.
ເພງຮັກແພງຫນ່ວຍໂລກຂອງຄະນະໄຮຢາຈື່ຮຽກຮ້ອງໃຫ້ພວກເຮົາໃຫ້ຮັກແພງ
ຫນ່ວຍໂລກດ້ວຍມະໂນທຳ, ຄວາມຮັກແລະການກະທຳຕົວຈິງ, ຮັກສາຫນ່ວຍໂລກ.
ເພາະວ່າ, ຮັກສາຫນ່ວຍໂລກແມ່ນຮັກສາມວນມະນຸດເອງ.
ທ່ີທ່ານພວມຟັງຢູ່ນີ້ແມ່ນເພງຫນ່ວຍໂລກ ບ້ານເຮືອນພຽງແຫ່ງດຽວຂອງມວນມະນຸດ,
ຂັບຮ້ອງໂດຍໂມຫັນມັດ.ກິມຊານ.ໃນຫລາຍປີມານີ້, ເພງສ່ວນຫລາຍໄດ້ສັນລະເສີນ
ແຕ່ຄວາມຮັກ, ມິດຕະພາບແລະຄວາມມ່ວນຊື່ນ, ແຕ່ໄດ້ຫລົງລືມຫນ່ວຍໂລກມານ
ດາຂອງພວກເຮົາທ່ີຮ່າງຄີງເຕັມໄປດ້ວຍບາດແຜ.ສິ່ງທ່ີເປັນຕາຊົມຊື່ນນັ້ນກໍ່ຄື ມີຄົນ ນັບມື້ນັບຫລາຍຄິດແຕ່ງເພງສະແດງຄວາມອາໄລຕໍ່ສັດສາວາສິ່ງທ່ີຖືກມະນຸດທຳລາຍ
ຈົນສູນເຊື້ອສູນພັນ.ເພາະພວກເຂົາເຈົ້າຮູ້ແລ້ວວ່າ, ຖ້າບໍ່ມີບ້ານມີເຮືອນແລ້ວ, ກໍ່ຈະບໍ່
ມີບ່ອນດຳລົງຊີວິດ, ບໍ່ມີຄວາມຈະເລີນຮຸ່ງເຮືອງ, ແລະກໍ່ບໍ່ມີບົດເພງແລະດົນຕີ. ນັກ
ຮ້ອງໂມຫັນມັດ.ກິມຊານກໍ່ແມ່ນຜູ່ຫນຶ່ງທ່ີມີຄວາມສຳນຶກຮູ້ດ່ັງກ່າວ, ໃນເວລາອັດເພງ ຫນ່ວຍໂລກແມ່ນບ້ານເຮືອນແຫ່ງດຽວຂອງມວນມະນຸດນັ້ນ, ທ່ານຕື່ນເຕັ້ນໃຈຈົນນ້ຳ
ຕາໄຫລອອກ.ທ່ານເວົາວ່າ, ໃນຖານເປັນຊາວບ້ານຂອງຫນ່ວຍໂລກ,ເປັນລູກຫລານ
ຂອງຫນ່ວຍໂລກ,ຂ້າພະເຈົ້າມີຄວາມຕື່ນຕົວຊ້າໂພດ,ຂ້າພະເຈົ້າຫວັງໃຫ້ເພງນີ້ຕັກ
ເຕືອນຕົນເອງເລື້ອຍໆວ່າ, ຕ້ອງນຳຫນ້າພາຫມູ່ເຮັດວຽກເພື່ອອະນຸລັກຫນ່ວຍໂລກ,ອຸດທິກຳລັງຂອງຜູ່ເປັນລູກໃຫ້ແກ່ຫນ່ວຍໂລກຜູ່ເປັນແມ່ດ້ວຍຄວາມຈິງໃຈ.
ທ່ານວາງຊິນຢູກໍ່ເອົາໃຈໃສ່ນຳແມ່ຂອງຕົນຢູ່ທຸກເວລາເຫມືອນກັບທ່ານກິມຊານ,ຕຳຫລວດປະຊາຊົນຜູ່ນີ້ເມື່ອໄດ້ເຫັນການກະທຳຕ່າງໆ່ີທຳລາຍສິ່ງວແວດລ້ອມ,ໄດ້
ເຫັນຂີ້ຊາຍເຫລືອງໄງ່ກຸບທ້ອງຟ້ານະຄອນປັກກິ່ງ, ເຫັນເທິງລົດທ່ີຂາວສະອາດມີ
ແຕ່ຂີ້ດິນແລ້ວ,ທ່ານກໍ່ໄດ້ຈັບປາກກາໃນມື, ແຕ່ງເພງທ່ີຊື່ວ່າຫນ່ວຍໂລກ ເຈົ້າສະ
ບາຍດີບໍ່?ຫວັງໃຫ້ເພງນີ້ສາມາດປຸກຄວາມຕື່ນຕົວທາງດ້ານມະໂນທຳແລະຄວາມ
ຈຸບຈ້າວຫ້າວຫັນຂອງຄົນຍິ່ງຫລາຍກວ່າເກົ່າ,ພ້ອມກັນອະນຸລັກບ້ານເກີດຂອງພວກ
ເຮົາ. ເນື້ອເພງຮ້ອງວ່າ,ເມພື່ອທ້ອງຟ້າບໍ່ເປັນສີຟ້າອີກ, ນົກກໍ່ບິນບໍ່ເປັນ;ເມື່ອແມ່ນ້ຳບໍ່
ໃສສະອາດອີກ, ປາກໍ່ລອຍຈາກບ້ານໄປ;ເມື່ອອາກາດບໍ່ສົດຊື່ນອີກ,ດອກໄມ້ກໍ່ຈະບໍ່
ຫອມຫວນ;ເມື່ອເຝື້ອບັງຕາເວັນໄວ້,ໂລກນີ້ມົ່ນມືດມົວຫມອງ.ພວກເຮົາຈົ່ງພາກັນຮັກ
ຫອມຫນ່ວຍໂລກ,ພວກເຮົາຈົ່ງພາກັນຮ້ອງເພງ,ພວກເຮົາຈົ່ງສ່ົງສຽງຮຽກຮ້ອງ,
ຫນ່ວຍໂລກເຈົ້າສະບາຍດີບໍ່?
"ເດມືຂອງເຮົາອອກ,ຮັກແພງຫນ່ວຍໂລກ,ຮັກຫອມຊີວິດ".ທ່ານຜູ່ຟັງ,ຕໍ່ໄປເຊີນ
ຟັງເພງກອບກູ້ຫນ່ວຍໂລກ ເຊິ່ງຂັບຮ້ອງໂດຍດາລາເພງຫລາຍຄົນຄື ນາງທຽນເສິນ
ທ້າວດ້າຍຈຸນ ນາງຮວງຢີຊານແລະນາງອູປີເຊຍເປັນຕົ້ນ.ເພງນີ້ພໍເລີ່ມຕົ້ນກໍ່ທຳນອງ
ສີເສົ້າໆ,ແຕ່ສຸດທ້າຍພັດເຕັມໄປດ້ວຍກຳລັງແຂງແຮງຄ້າຍເພງເດີນ,ຮຽກຮ້ອງໃຫ້ຄົນ
ທັງຫລາຍເຂົ້າຮ່ວມຖັນແຖວອະນຸລັກສິ່ງແວດລ້ອມ,ຢຸດເຊົາການຂ້າສັດຕັດຊີວິດທຸກ
ຢ່າງ, ໃຫ້ໂລກນີ້ກັບຄືນສູ່ສີສັນທຳມະຊາດ.
ທ່ານຜູ່ຟັງທ່ີເຄົາລົບ, ທ່ີຟັງມານັ້ນແມ່ນລາຍການຢ່ອນອາລົມໃນວັນເສົາ.ຂອບໃຈ
ທ່ານທ່ີຮັບຟັງ.
|
