ເມືອງຫລ້າຕັ້ງຢູ່ພາກຕາເວັນອອກສຽງໃຕ້ຂອງກິ່ງແຂວງສິບສອງພັ່ນນາແຂວງຢຸນ
ນານຈີນ, ມີຊາຍແດນຕິດກັບລາວ.ໃນລາຍປີມານີ້, ຄຽງຄູ່ກັບການຄ້າລະຫວ່າງຈີນ
ລາວນັບມື້ນັບຂະຫຍາຍຕົວອອກ,ເມືອງຫລ້າທ່ີເປັນແນວຫນ້າແຫ່ງການໄປມາສູ່
ກັນລະຫ່າຈີນລາວ, ຍິ່ງມີບົດບາດນັບມື້ນັບສຳຄັນໃນການຮ່ວມມືພັດທະນາຊັບພະ
ຍາກອນມະນຸດກັບຝ່າຍລາວ.ອີງຕາມຄວາມຮຽກຮ້ອງຂອງຝ່າຍລາວ, ໂດຍໄດ້ຮັບ ອະນຸມັດຈາກກິ່ງແຂວງສິບສອງພັ່ນນາເຜ່ົາລື້ປົກຄອງຕົນເອງ,ປີ 2001 ແນວພັນມິດ
ຕະພບຈີນລາວໄດ້ຖືກທວ່ານກ້າໃນເດືອນກັນຍາ ເຊິ່ງເປັນລະດຸໃບໄມ້ຫລົ່ນຂອງຈີນ,ເມືອງຫລ້າໄດ້ຕົກລົງຈັດຫ້ອງສອນພາສາຈີນຢູ່ໂຮງຮຽນອຸດົມອາຊີບຊັ້ນສູງ.

ທ່ານນາງຈຽງອາຍຊຽງ ຫົວຫນ້າຫ້ອງການສຶກສາຂອງໂຮງຮຽນອຸດົມອາຊີບເມືອງ
ຫລ້າບອກນັກຂ່າວວ່າ:ທາງໂຮງຮຽນໄດ້ຮັບເອົານັກສຶກສາລາວຄັງທຳອິດ 57 ຄົນ,
ພວກເຂົາເຈົ້າຕ່າງມາຈາກແຂວງຜົ້ງສາລີ ແຂວງຫລວງນ້ຳທ່າ ແຂວງອຸດົມໄຊແລະ
ແຂວງຫລວງພະບາງ.ໃນເວລາເຂົ້າຮຽນ,ນັກສຶກສາລາວສ່ວນຫລາຍບໍ່ຮູ້ພາສາຈີນ
ຈັກໂຕຈົນ ຄຳສັບທ່ີໃຊ້ປະຈຳວັນແລະພື້ນຖານທ່ີສຸດກໍ່ບໍ່ຮູ້.ທາງໂຮງຮຽນໄດ້ວາງ
ຫລັກສູດສາມປີ, ກະວ່າເມື່ອຮຽນຈົບ, ນັກສຶກສາລາວງວດນີ້ຕ້ອງໄດ້ເວົ້າພາສາຈີນ
ໄດ້ຢ່າງລ່ຽນໄຫລ,ຕ້ອງຂຽນໂຕຫນັງສືຈີນໄດ້ຢ່າງງາມ,ຢ່າງຕຳ່ຕ້ອງໃຫ້ໄດ້ລະດັບ
ພາສາຈີນຊັ້ນມັດຕະຍົມຕົ້ນ.

ເພື່ອບັນລຸຈຸດຫມາຍດັ່ງກ່າວ, ໃນດ້ານຈັດວາງຫລັກສູດໃຫ້ນັກສຶກສາລາວ, ທາງ ໂຮຍຮຽນອຸດົມອາຊີບເມືອງຫລ້າໄດ້ໃຊ້ວິທີສອນທ່ີຕ່າງກັບການສອນໃຫ້ນັກສຶກສາ
ຈີນແລະຍັງຈັດວາງໃຫ້ອາຈານຊ່ອຍຊີ້ນຳໂດຍສະພາະໃນວັນທ້າຍສັບປະດາ.

ແຕ່ວ່າພາສາຈີນແມ່ນພາສາທ່ີເພື່ອນຕ່າງປະເທດຖືເປັນພາສາແລະໂຕຫນັງສືທ່ີຮຽນ
ຍາກທ່ີສຸດໃນໂລກ,ຄັນຊັ້ນ ນັກສຶກສາລາວທ່ີບໍ່ມີພື້ນຖານພາສາຈີນຈັກເມັດນັ້ນ,ກໍ່ບໍ່
ແມ່ນເປັນບັນຫາຍາກຄືກັນຫວາ?ຄຳເວົ້າຂອງທ່ານນາງຈຽງອາຍຊຽງໄດ້ເຮັດໃຫ້
ພວກເຮົາຫາຍຫ່ວງ,ເພິນບອກພວກເຮົາດ້ວຍຄວາມດີໃຈວ່າ:"ເມື່ອໄດ້ຮຳ່ຮຽນມາ
ປີປາຍແລ້ວ, ດຽວນີ້ ນັກສຶກສາສ່ວນຫລາຍກ້າວຫນ້າໄວຫລາຍ, ຄຳເວົ້າທ່ີໃຊ້ປະ ຈຳວັນແລະຄວາມຮູ້ພາສາຈີນອື່ນໆພວກເຂົາເຈົ້າກໍ່ຮຽນໄດ້ຫລາຍເຕີບ,ຫວ່າງກ່ອນ
ນີ້ບໍ່ດົນ, ຝ່າຍປົກຄອງເມືອງໄດ້ຈັດການຄົ້ນຄວ້າຫົວຂໍ້ຈຳເພາະເທື່ອຫນຶ່ງ,    ຜູ່ນຳ
ແຂວງຢຸນນານໄດ້ມາໂອລົມກັບນັກສຶກສາລາວ, ເພື່ອຊອກຮູ້ສະພາບຂອງລາວ, ໃນ
ເວລາພວກເຂົາເຈົ້າໂອ້ລົມກັບຜູ່ນຳນັ້ນ, ກໍ່ບໍ່ຕ້ອງການຜູ່ແປແລ້ວ,   ຜູ່ນຳຖາມຫຍັງ ພວກເຂົາເຈົ້າກໍ່ຕອບດ້ວຍພາສາຈີນໂດຍກົງໄດ້ໂລດ, ຈັ່ງແມ່ນດີຫລາຍ."

ໃນເວລາພວກເຮົາເຫັນນັກສຶກສາລາວເຫລົ່ານີ້ທ່ີອາຈານຈີນພູມໃຈນຳນັ້ນ,ພວກ ເຂົາເຈົ້າພວມອອກກຳລັງກາຍນຳກັນກັບສັກສຶກສາຈີນຢູ່.ພວກເຂົາເຈົ້ານຸ່ງເສື້ອຍືດ
ນຸ່ງໂສ້ງຂາຍາວ, ຄັນບໍ່ແມ່ນອາຈານແນະນຳ,ພວກເຮົາແມ່ຈຳແນກບໍ່ໄດ້ວ່າຜູ່ໃດ
ແມ່ນນັກສຶກສາລາວ.

ນັກສຶກສາລາວບອກພວກເຮົາວ່າ:ເຖິງວ່າຈາກເມືອງຫລ້າໄປເມືອງລາວບໍ່ໄກກັນ
ປານໃດ,ສິ່ງແວດລ້ອມແລະອາກາດກໍ່ຄ້າຍຄືກັນ,ແຕ່ເວລາຫາກໍ່ມາເມືອງຈີນແມ່ນ
ບໍ່ລຶ້ງກິນອາຫານຈີນທ່ີເມືອກມັນ,ຕໍ່ມາ ທາງໂຮງຮຽນໄດ້ຂໍຄວາມເຫັນນຳພວກເຂົາ
ເຈົ້າ,ແລ້ວໄດ້ແຕ່ງອາຫານທ່ີຖືກປາກຖືກຄໍໃຫ້ເຂົາເຈົ້າຕ່າງຫາກ,ອັນໄດ້ເຮັດໃຫ້ ນັກສຶກສາລາວທັງຫລາຍທ່ີຈາກບ້ານຈາກເຮືອນມານັ້ນຮູ້ສຶກກະຕຸ້ນໃຈທ່ີສຸດ.

ບໍ່ພຽງແຕ່ທໍ່ນີ້, ແຕ່ລະມື້ ທາງໂຮງຮຽນຍັງໄດ້ຈັດວາງອາຈານສອງຄົນຮັບຜິດຊອບ ການຮຽນແລະຊີວິດການເປັນຢູ່ຂອງນັກສຶກສາລາວ.ເມື່ອມີຜູ່ໃດເຈັບໄຂ້ໄດ້ພະຍາດ,
ອາຈານກໍ່ພາເຂົາເຈົ້າໄປໂຮງຫມໍ,ນັກສຶກສາລາວຢາກຫລິ້ນບານ, ອາຈານກໍ່ພາໄປ
ຫລິ້ນບານ, ຢາກໄປເລາະຮ້ານຄ້າ, ອາຈານກໍ່ພາໄປ.

ທາງໂຮງຮຽນຍັງລະດົມໃຈໃຫ້ນັກສຶກສາລາວແລະນັກສຶກສາຈີ່ນຜູກເປັນຫມູ່ເພື່ອນ
ກັນ,ຮຳ່ຮຽນນຳກັນແລະແລກປ໋ຍນເຊິ່ງກັນແລະກັນ.

ຄຽງຄູ່ກັບສຽງເພງທ່ີຂັບຮ້ອງໂດຍພວກນັກສຶກສາລາວ, ພວກເຮົາຂໍຜ່ານບົດຄວາມ ຂອງພວກເຮົາຖາມຂ່າວມາຍັງພໍ່ແມ່ແລະພີ່ນ້ອງຂອງນັກສຶກສາລາວທ່ີພວມຮຽນຢູ່
ໂຮງຮຽນອຸດົມອາຊີບເມືອງຫລ້ານັ້ນວ່າ:ລູກຫລານຂອງທ່ານຢູ່ຈີນສະບາຍດີ,ທ່ານ
ບໍ່ຕ້ອງເປັນຫ່ວງເດີ້.ພ້ອມນີ້ ພວກເຣົາກໍ່ຂໍອວຍພອນຢ່າງຈິງໃຈໃຫ້ນັກສຶກສາລາວ ທ່ີມາຮຽນຢູ່ຈີນຈົ່າງປະສົບຜົນສຳເລັດໃນການຮ່ຳຮຽນ,ຫວ່ານແນວພັນມິດຕະພາບ
ຍິ່ງຫລາຍກວ່າເກົາລະຫວ່າງສອງປະເທດຈີນລາວ, ຂໍໃຫ້ມັນກິ່ງໃບດົກຫນາແຕກ
ດອກອອກຜົນ.