CRI ລາຍງານວ່າ: ພາຍຫຼັງອາເມລິກາແລະອັງກິດສະເໜີຍັດຕິດັດແກ້ມະຕິກ່ຽວກັບ
ການມອບອຳນາດໃຫ້ອີລັກຕໍ່ສະພາຄວາມໝັ້ນຄົງສະຫະປະຊາຊາດໃນວັນທີ 1 ມິ
ຖຸນາແລ້ວ, ວັນທີ 2 ປະຊາຄົມໂລກໄດ້ທະຍອຍກັນທຳປະຕິກິລິຍາຕໍ່ເລ່ືອງນີ້.
ທ່ານເລົາໂຣ ບາຮາ ປະທານຝຽນເດືອນນີ້ຂອງສະພາຄວາມໝັ້ນຄົງສະຫະປະຊາ
ຊາດ ຜູ່ແທນຟິລິບປິນປະຈຳສະຫະປະຊາຊາດກ່າວຢູ່ນິວຢອກວ່າ, ສະພາຄວາມ
ໝັ້ນຄົງຈະໄຂກອງປະຊຸມຢ່າງເປີດເຜີຍໃນວັນທີ3 ມິຖຸນາ,ຮັບຟັງຄວາມເຫັນຂອງ
ທ່ານໂຮຊີຢາ ເຊບາຣີ ລັດຖະມົນຕີການຕ່າງປະເທດຂອງລັດຖະບານຊ່ົວຄາວຂອງ
ອີລັກທ່ີມີຕໍ່ຍັດຕິດັດແກ້.
ຜູ່ແທນຂອງປະເທດສະມາຊິກສະພາຄວາມໝັ້ນຄົງສະຫະປະຊາຊາດຄືເຢຍລະມັນ
ຝຣ່ັງ ຈີນແລະລັດເຊຍເປັນຕົ້ນລ້ວນແຕ່ກ່າວວ່າ, ເມ່ືອທຽບກັບຮ່າງມະຕິສະບັບເດີມ
ແລ້ວ, ຍັດຕິດັດແກ້ໄດ້ສະໜອງພື້ນຖານຫາລືກັນທ່ີດີກວ່າ, ແຕ່ກໍຍັງມີຫຼາຍບ່ອນທ່ີ
ຄວນດັດແກ້ໃຫ້ດີໄດ້.
ທ່ານຣີຊາດ ລີ ອາມີເທດ ຮອງລັດຖະມົນຕີການຕ່າງປະເທດອາເມລິກາເວົ້າວ່າ, ອາເມລິກາເຫັນວ່າຍັດຕິດັດແກ້ກ່ຽວກັບການມອບອຳນາດອະທິປະໄຕໃຫ້ອີລັກສາ
ມາດຮັບເອົາຄວາມເຫັນຂອງປະເທດສະມາຊິກສະພາຄວາມໝັ້ນຄົງອື່ນໆ.
|
