ທ່ີນີ້ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ່ຟັງທ່ີໂຄລົບ, ລາຍການນັດພົບ
ໃນວັນອາທິດໄດ້ວຽນມາພົບກັບທ່ານອີກຕາມເຄີຍ.ວັນທີ 1 ມິຖຸນາແມ່ນວັນເດັກສາ
ກົນ, ນ້ອງນ້ອຍທັງຫຼາຍຄົງຈະເບີກບານມ່ວນຊ່ືນໃນວັນບຸນຂອງຕົນເໜາະ. ໃນລາຍ
ການນັດພົບໃນວັນອາທິດພາກນີ້, ເຊີນຟັງເພງເດັກທ່ີມ່ວນຊ່ືນເບົາອາລົມປະມວນໜ່ຶງ ແລະຂໍອວຍພອນໃຫ້ນ້ອງນ້ອຍທັງຫຼາຍຈ່ົງເບີກບານມ່ວນຊ່ືນຕະຫຼອດທີພາລາຕີ.
ທ່ານຜູ່ຟັງທ່ີໂຄລົບທ່ີພວມຟັງຢູ່ນີ້ແມ່ນເພງ"ສຽວໜ້ຽວ ສຽວໜ້ຽວ"ແປວ່າ"ນົກ
ນ້ອຍເອີຍ ນົກນ້ອຍ", ເນື້ອເພງຮ້ອງວ່າ: ຢູ່ທ້ອງຟ້າສີຄາມມີແສງແດດ, ຢູ່ໃນປ່າມີ
ດອກໄມ້ຫອມຫວນ, ນົກນ້ອຍເອີຍເຈົ້າຍູທ່າງບິນໄປບິນມາ.ຈ່ົງຮັກລະດູບານໃໝ່ຮັກ
ແສງແດດຮັກບຶງໜອງຮັກດອກໄມ້, ນົກເອີຍນົກນ້ອຍເພ່ືອນດີຂອງຂ້ອຍ, ພວກເຮົາ
ຈ່ົງພ້ອມກັນບິນເວ່ີນຮ້ອງເພງນຳກັນ.
ຢູ່ຈີນເຖິງວ່າວັນທິ 1 ມິຖຸນາແມ່ນວັນບຸນຂອງເດັກກໍ່ຕາມ,ແຕ່ຜູ່ເປັນພໍ່ແມ່ກໍຍັງຫວັງ
ໃຫ້ວັນບຸນດ່ັງກ່າວມາຮອດໄວແດ່. ພວກເພ່ີນໄດ້ກຽມຂອງຂວັນໄວ້ເປັນຢ່າງດີຕັ້ງແຕ່
ດົນແລ້ວ, ເມ່ືອຮອດມື້ບຸນ ກໍ່ນຸ່ງສົ້ງເສື້ອໃໝ່ທ່ີສວຍງາມໃຫ້ລູກໃຫ້ຫຼານ, ແລ້ວພ້ອມ
ກັນໄປຮ່ວມການເຄ່ືອນໄຫວສະຫຼອງຕ່າງໆຢູ່ສວນສາທາລະນະຫຼືວັງເຍົາວະຊົນ.
ທ່ີທ່ານພວມຟັງຢູ່ນີ້ແມ່ນເພງ "ຄວ້າຍເລີ້ເຕີ່ເຈຍະຢື" ແປວ່າ "ບຸນທ່ີມ່ວນຊ່ືນ". ເນື້ອເພງໄດ້ວາດພາບພວກນ້ອງນ້ອຍທັງຫຼາຍຫຼິ້ນຢ່າງເບີກບານມ່ວນຊ່ືນໃນຍາມບຸນ, ສະແດງອອກເຖິງຄວາມມຸ່ງຫວັງໃນອະນາຄົດຂອງພວກເຂົາເຈົ້າ. ເນື້ອເພງຮ້ອງວ່າ:
ດອກໄມ້ຕອດຫົວໃສ່ພວກເຮົາ, ຕົ້ນແປຢັງໂອ່ນໄປໂອ່ນມາດັງວິວໆ, ພວມພ້ອມກັນ
ກັບນົກນ້ອຍທ່ີສວຍງາມອວຍພອນໃຫ້ພວກເຮົາ, ຮ້ອງເພງໃສ່ພວກເຮົາຟັງ.ພວກເພ່ິນ
ເວົ້າວ່າໃນໂລກນີ້ເມ່ືອມີພວກເຮົາແລ້ວ ໂລກກໍຍ່ິງສວຍງາມກວ່າເກົ່າ.
ໃນສາຍຕາຂອງເດັກນ້ອຍ ໂລກນີ້ແມ່ນດີງາມແທ້ໆ, ເໝືອນດ່ັງເຂົາເຈົ້າຮ້ອງໃນເພງ
ວ່າ"ຕີລີຕີລີ":ລະດູບານໃໝ່ຢູ່ໃສ່? ລະດູບານໃໝ່ຢູ່ໃນປ່າຂຽວຊະອຸ້ມ, ຢູ່ຫັ້ນມີດອກ
ໄມ້ແດງ ຢູ່ພີ້ມີຫຍ້າຂຽວ,ແລະຍັງມີນົກເຂົ້າໝິ້ນທ່ີຊ່າງຮ້ອງເພງ.ລະດູບານໃໝ່ຢູ່ໃສ່?
ລະດູບານໃໝ່ຢູ່ໃນສາຍຕາຂອງພວກນ້ອງນ້ອຍ, ເຂົາເຈົ້າຫຼຽວເຫັນດອກໄມ້ແດງ
ຫຼຽວເຫັນຫຍ້າຂຽວ, ແລະຍັງເຫັນນົກເຂົ້າໝິ້ນທ່ີຊ່າງຮ້ອງເພງນຳອີກ.
ຄົນທັງຫຼາຍແມ່ນນິຍົມຮ້ອງເພງທ່ີດີເລີດຕະຫຼອດມາ, ເພງເດັກກໍຄືກັນ. ຢູ່ຈີນມີເພງ
ເດັກທ່ີໄພເລາະເພາະຫູຫຼາຍເພງໄດ້ຮັບຄວາມນິຍົມຮ້ອງກັນມາຕັ້ງຫຼາຍຮຸ່ນຄົນແລ້ວ,
ຈົນມາຮອດຊູ່ມື້ນີ້ ພວກນ້ອງນ້ອຍທັງຫຼາຍກໍຍັງມັກຟັງແລະມັກຮ້ອງເພງເຫຼ່ົານີ້ຢູ່.
ທ່ີທ່ານພວມຟັງຢູ່ນີ້ແມ່ນເພງ "ຢ້າງຫວໍເໝີນຕ້າງສິຊວ່າງຈຽງ" ແປວ່າ"ພວກ
ເຮົາຈ່ົງພາຍເຮືອນຳກັນ", ນີ້ກໍແມ່ນເພງທ່ີນິຍົມຮ້ອງທ່ົວໄປໃນຊຸມປີ 50 ຂອງສັດ
ຕະວັດທ່ີແລ້ວ, ເດັກໃນສະໄໝນັ້ນໄດ້ເຕີບໃຫຍ່ຂຶ້ນທ່າມກາງສຽງເພງດ່ັງກ່າວ.ເນື້ອ
ເພງຮ້ອງວ່າ: ພວກເຮົາຈ່ົງມາພາຍເຮືອນຳກັນ, ເຮືອນ້ອຍຜ່າຫົວຟອງ, ທາດສີຂາວ
ທ່ີສວຍງາມພິມເງົາລົງສູ່ໜ້ານ້ຳ, ມີຕົນໄມ້ສີຂຽວກຳແພງສີແດງອ້ອມໝົດສ່ີດ້ານ.
ເມ່ືອເຮັດການບ້ານແລ້ວໆ, ພວກເຮົາກໍພາກັນມາຫຼິ້ນດ້ວຍຄວາມເບີກບານມ່ວນຊ່ືນ.
ເຮືອນ້ອຍຄ່ອຍໆໂງກເງກຢູ່ຕາມໜ້ານ້ຳ,ຢູ່ຕໍ່ໜ້າພວກເຮົາມີລົມເຢັນພັດໂຊຍມາຢ່າງ
ຊ່ືນໃຈ.
ໃນສະໝອງຂອງພວກນ້ອງນ້ອຍມັກປ່ຽມລົ້ນໄປດ້ວຍຮູບພາບອະນາຄົດຕະການແລະ
ຄວາມໃຝ່ຝັນຕ່າງໆ, ພວກເຂົາເຈົ້າຫວັງຢາກເຫາະເຫີນຢູ່ກາງຫາວ ຫວັງຢາກຄົ້ນ
ຫາຄວາມລັບຢູ່ພື້ນທະເລ, ຄວາມໃຝ່ຝັນເຫຼ່ົານີ້ໄດ້ຊຸກຍູ້ໃຫ້ສັງຄົມກ້າວໜ້າ, ຊຸກຍູ້ໃຫ້
ວິທະຍາສາດເຕັກໂນໂລຊີພັດທະນາ. ດຽວນີ້ພວກເຂົາເຈົ້າກໍພວມຝັນຢາກ"ປູກຕາ
ເວັນ".
ທ່ີທ່ານພວມຟັງຢູ່ນີ້ແມ່ນເພງ "ປູກຕາເວັນ", ເນື້ອເພງຮ້ອງວ່າ: ຂ້ອຍມີຄວາມມຸ່ງ
ຫວັງອັນທ່ີດີງາມ,ເມ່ືອໃຫຍ່ຂຶ້ນແລ້ວຈະສາມາດປູກຕາເວັນໄດ້,ປູກດວງໜ່ຶງກໍພໍແລ້ວ,
ມັນຈະເກີດເປັນຕາເວັນຫຼາຍດວງ. ດວງໜ່ຶງມອບໃຫ້ຂົ້ວໂລກໃຕ້, ດວງໜ່ຶງມອບໃຫ້
ມະຫາສະໝຸດອາກຕິກ, ດວງໜ່ຶງແຂວນໄວ້ໃນຍາມໜາວ, ດວງໜ່ຶງແຂວນໄວ້ໃນ
ຍາມຄ່ຳຄືນ.ຮອດເວລານັ້ນ ຢູ່ໃນໂລກທຸກມຸມແຈກໍຈະມີຄວາມອົບອຸ່ນແລະແສງສະ
ຫວ່າງ.
ໃຫ້ເດັກນ້ອຍທຸກຄົນມີສຸກຂະພາບເຂັ້ມແຂງໃຫຍ່ກ້າໜ້າບານແມ່ນຄວາມປາຖະໜາ
ອັນດີງາມຂອງພວກເຮົາ, ພວກເຮົາຫວັງໃຫ້ເດັກທຸກຄົນໃຜກໍໄດ້ຊົມໃຊ້ແສງຕາເວັນ
ອັນສັນຕິ,ຊົມໃຊ້ອາກາດອັນສົດຊື່ນ,ແລະມີສຽງຫົວອັນຊ້ອນຊ່ືນຢູ່ໃຕ້ແສງຕາເວັນ.ຕໍ່
ໄປເຊີນຟັງເພງ "ທ້າຍຢາງຊູ່ຫຼາຍສິຢາງໆ" ແປວ່າ "ຕາເວັນໂພ່ຂຶ້ນຊ່ືນອຸລາ", ເພງນີ້ໄດ້ສະແດງໃຫ້ເຫັນຄວາມຂະຫຍັນໝ່ັນພຽນ ແລະຄວາມກ້າຫານຂອງເດັກ
ນ້ອຍ, ສະແດງໃຫ້ເຫັນຄວາມຮັກແພງບ້ານເກີດຂອງເດັກນ້ອຍ.
ທ່ີທ່ານພວມຟັງຢູ່ນີ້ແມ່ນເພງ "ຕາເວັນໂພ່ຂຶ້ນຊ່ືນອຸລາ", ເນື້ອເພງຮ້ອງວ່າ: ຕາ
ເວັນໂພ່ຂຶ້ນແລ້ວຈ່ັງແມ່ນມ່ວນຊື່ນ, ແບກໄມ້ຄານຖືຂວານຂຶ້ນພູ, ບໍ່ຍ່ອມຢ້ານເສືອ
ແລະໝາໄນ. ພູສູງຜາຊັນກໍເປັນເລ່ືອງທຳມະດາ, ທັງຮ້ອງເພງບັກໄມ້ຟັນຟືນ. ຖ້າ
ພວກເຮົາຫາກດຸໝ່ັນຂະຫຍັນພຽນ, ກໍບໍ່ຢ້ານຈະບໍ່ມີເຄ່ືອງຢູ່ຂອງກິນແລະເຄ່ືອງນຸ່ງ
ຂອງຖື.
ຄຽງຄູ່ກັບສຽງເພງອັນໄພເລາະເພາະຫູຂອງເດັກຄ່ອຍໆມິດໄປ, ລາຍການນັດພົບໃນ
ອາທິດພາກນີ້ກໍຂໍສ້ຽງສຸດລົງພຽງທໍ່ນີ້, ຂໍອວຍພອນຕ່ືມອີກເທ່ືອໜ່ຶງໃຫ້ນ້ອງນ້ອຍທັງ
ຫຼາຍຈ່ົງຮຽນດີຮຽນເກ່ັງ, ມື້ໃດກໍເບີກບານມ່ວນຊ່ືນ, ພົບກັນໃໝ່ໃນລາຍການໜ້າ,ສະ
ບາຍດີ.
|
