ທ່ານຫູຈິນທາວ ປະທານປະເທດຈີນໄດ້ເດີນທາງໄປຮອດບູດາແປັສໃນວັນທີ 10
ມິຖຸນາ,ເລ່ີມຢ້ຽມຢາມຮຸງກາລີທາງລັດຖະກິດເຊິ່ງແມ່ນປະເທດທີສອງໃນການຢ້ຽມ
ຢາມເອີລົບອາຊີຂອງທ່ານເທ່ືອນີ້.

ບູດາແປັສຕັ້ງຢູ່ແຄມແມ່ນ້ຳດານຸບ,ແຕ່ໃດມາກໍ່ມີສົມຍານາມວ່າ"ເມືອງປາລີ່ຢູ່ເອີລົບ
ຕາເວັນອອກ"ແລະ"ດອກກຸຫລາບແມ່ນ້ຳດານຸບ".ການເຈລະຈາລະຫວ່າງປະມຸກລັດ
ສອງປະເທດແມ່ນຈັດຂຶ້ນຢູ່ເທີງທຳນຽບປະທານາທິບໍດີເທີງພູຜາສາດ. ກ່ອນເຈລະ
ຈາ, ທ່ານປະທານາທິບໍດີມາແດວໄດ້ຈັດພິທີຢ່າງຄຶກຄຶ້ນ,ຊົມເຊີຍທ່ານປະທານຫູຈິນ
ທາວໄປຢ້ຽມຢາມ.

ພາຍຫລັງສຽງແກດັງຂຶ້ນສາມບາດ,ໂດຍມີທ່ານປະທານາທິບໍດີມາແດວເປັນເພ່ືອນ,ທ່ານຫູຈິນທາວໄດ້ກວດແຖວກອງທະຫານມ້າຊົງເຄ່ືອງແລະກອງກຽດຕິຍົດ,ກອງດຸ
ລິຍາງໄດ້ບັນເລງເພງຊາດຂອງສອງປະເທດ.

ຈາກນັ້ນ,ປະມຸກລັດສອງປະເທດໄດ້ຈັດການເຈລະຈາເປັນເວລາໜ່ຶງຊົ່ວໂມງ.ພາຍ
ຫລັງການເຈລະຈາ,ປະມຸກລັດສອງປະເທດໄດ້ເຊັນຖະແຫລງການຮ່ວມຈີນຮຸງກາລີ,ປະກາດສ້າງການພົວພັນໝູ່ຄູ່ມິດຕະພາບຮ່ວມມືກັນ,ສອງຝ່າຍຍັງໄດ້ເຂົ້າຮ່ວມພິທີ
ີລົງນາມໃນເອກະສານຮ່ວມມືສອງຝ່າຍຢ່າງເປັນລະບົບ.ພາຍຫລັງການເຈລະຈາ,ປະ
ມຸກລັດສອງປະເທດໄດ້ຮ່ວມກັນພົບປະນັກຂ່າວ,ທ່ານຫູຈິນທາວເວົ້າວ່າ,"ລະຫວ່າງ
ຈີນຮຸງກາລີມີການພົວພັນຮ່ວມມືອັນດີງາມ,ຈຸດປະສົງທ່ີຂ້າພະເຈົ້າມາຢ້ຽມຢາມເທ່ືອ
ນີ້ແມ່ນເພ່ືອເພ່ີມຄວາມໄວ້ເນື້ອເຊ່ືອໃຈກັນ,ຮັດແໜັ້ນມິດຕະພາບ ລົງເລິກການຮ່ວມ
ມືກັນ,ຮ່ວມກັນບຸກເບີກອະນາຄົດ.ເມ່ືອກີ້ນີີ້,ຂ້າພະເຈົ້າກັບທ່ານປະທານາທິບໍດີໄດ້ເຈ
ລະຈາກັນຢ່າງໄດ້ຮັບໝາກຜົນຫລາຍທ່ີສຸດ.ໃນການເຈລະຈາ,ພວກເຮົາໄດ້ພ້ອມກັນ
ຫວນຄືນວິວັດທະນາການຂອງການພົວພັນຈີນຮຸງກາລີໃນ 50ກວ່າປີມານີ້,ຕ່າງມີ
ີຄວາມເພ່ິງພໍໃຈຕໍ່ໝາກຜົນທ່ີສອງຝ່າຍໄດ້ຮັບໃນການຮ່ວມມືກັນ.ທ່ານປະທານາທິ
ບໍດີກ່າວລື້ມວ່າ,ຮຸງກາລີຍຶດໝັ້ນນະໂຍບາຍປະເທດຈີນດຽວ, ສະໜັບສະໜູນພາລະ
ກິດອັນຍ່ິງໃຫຍ່ຂອງຈີນທ່ີໂຮມປະເທດເຂົ້າເປັນເອກະພາບກັນ,ຂ້າພະເຈົ້າຂໍສະແດງ
ຄວາມຂອບອົກຂອບໃຈຕໍ່ເລ່ືອງນີ້.ພວກເຮົາເປັນເອກະສັນກັນເຫັນດີສ້າງການພົວພັນ
ໝູ່ຄູ່ມິດຕະພາບຮ່ວມມືກັນລະຫວ່າງຈີນຮຸງກາລີ,ແລະໄດ້ເຊັນຖະແຫລງການຮ່ວມ
ຈີນຮຸງກາລີແລະສັນຍາ ອ່ືນໆ 6 ສະບັບກ່ຽວກັບການຮ່ວມມືກັນລະຫວ່າງສອງຝ່າຍ."

ພວກເຮົາໄດ້ເອົາໃຈໃສ່ວ່າ,ໃນພິທີລົງນາມໃນວັນທີ 10 ມິຖຸນາ,ນອກຈາກຖະແຫລງ
ການຮ່ວມເຊ່ິງເປັນເອກະສານາການເມືອງທ່ີສຳຄັນສະບັບນີ້ແລ້ວ,ສັນຍາອື່ນໆໄດ້ພົວ
ພັນເຖິງການຮ່ວມມືເສດຖະກິດ ການອະນຸລັກສ່ິງແວດລ້ອມ ການກໍ່ສ້າງໂຮງຮຽນ
ສອງພາສາຈີນຮຸງກາລີແລະການຮ່ວມມືລະຫວ່າງບໍລິສັດການບິນຈີນຮຸງກາລີແລະ
ຂົງເຂດອ່ືນໆ.

ທ່ານຫູຈິນທາວສະເໜີວ່າ,ສອງຝ່າຍຕົກລົງຖືການຮ່ວມມືເສດຖະກິດການຄ້າເປັນ
ທິດພະຍາຍາມຕົ້ນຕໍໃນການຮ່ວມມືສອງຝ່າຍໃນພາຍໜ້າ,ຕ້ອງເພ່ີມຂະໜາດການ
ລົງທຶນເຊ່ິງກັນແລະກັນ,ຕ້ອງເປີດກ້ວາງການຮ່ວມມືລະຫວ່າງສອງປະເທດໃນຂົງ
ເຂດອຸດສາ ຫະກຳ ຂ້ໍມູນຂ່າວສານ ການຄົມມະນາຄົມ ການຈໍລະຈອນວັດສະດຸ
ການທະນາຄານແລະການທ່ອງທ່ຽວເປັນຕົ້ນ.ພວກຂ້າພະເຈົ້າຍັງເຫັນວ່າ,ການເພ່ີມ
ທະວີການແລກປ່ຽນລະຫວ່າງສອງປະເທດໃນຂົງເຂດວັດທະນະທຳ ການສຶກສາ
ແລະວິທະຍາສາດເຕັກນິກນັ້ນມີຜົນດີຕໍ່ການເພ່ີມຄວາມເຂົ້າໃຈກັນລະຫວ່າງປະຊາ
ຊົນສອງຊາດ,ສອງຝ່າຍເຫັນດີເຮັດວຽກໃຫ້ຫລາຍກວ່າເກົ່າໃນດ້ານນີ້.

ທ່ານມາແດວ ປະທານາທິບໍດຮຸງກາລີເວົ້າວ່າ,"ສັນຍາຮ່ວມມືເສດຖະກິດທ່ີລັດຖະ ບານສອງປະເທດເຊັນກັນເທ່ືອນີ້ໄດ້ອຳນວຍໂອກາດໃໝ່ແກ່ການຮ່ວມມືກັນທາງ
ດ້ານເສດຖະກິດລະຫວ່າງສອງຝ່າຍໃນທຸກຂົງເຂດ.ສ່ິງສຳຄັນກວ່າໝູ່ໃນສະເພາະ
ໜ້ານີ້ກໍ່ແມ່ນນອກຈາກການຮ່ວມມືລະຫວ່າງລັດຖະບານແລະອົງການຂອງລັດຖະ
ບານແລ້ວ,ຍັງຕ້ອງອຳນວຍເງ່ືອນໄຂແກ່ການຮ່ວມມືລະຫວ່າງອົງກອນເສດຖະກິດ
ວິສາຫະກິດແລະເອກະຊົນຂອງສອງປະເທດ.ເວົ້າສຳລັບນັກທຸລະກິດຮຸງກາລີແລ້ວ,
ງານກິລາໂອລິມປິກປັກກ່ິງທ່ີຈະຈັດຂຶ້ນໃນປີ 2008 ແລະງານເອັກສ໌ໂປຊຽງໄຮ້ປີ
2010 ຈະນຳເອົາໂອກາດການຄ້າຕົວຈິງມາໃຫ້ແກ່ວິສາຫະກິດຮຸງກາລີ.ພ້ອມກັນນັ້ນ,ພວກຂ້າພະເຈົ້າກໍ່ຍິນດີຕ້ອນຮັບນັກທຸລະກິດລົງທຶນຂອງປະເທດພວກທ່ານມາລົງ
ທຶນຢູ່ຮຸງກາລີ.