ອຸສເບກີສະຕານຕັ້ງຢູ່ພາກກາງຂອງອາຊີກາງ,ພາກຕາເວັນຕົກສຽງເຫນືອແປະກັບທະເລ
ອາຣານ,ພາກເຫນືອແລະພາກຕາເວັນຕົກສຽງເຫນືອຕິດກັບກາຊັກສະຕານ,ພາກຕາເວັນ
ອອກຕໍ່ແດນກັບກຽກກີຊີສະຕານແລະຕາຊີກີສະຕານ,ພາກຕາເວັນຕົກສຽງໃຕ້ແປະກັບ
ຕວກເມນີສະຕານ,ພາກໃຕ້ຕິດກັບອາຟການິສະຖານ,ມີເນື້ອທີທັງຫມົດ4ແສນ4 ຫມື່ນ7
ພັນ400ຕາລາງກິໂລແມັດ.

            ທຸງຊາດອຸສເບກີສະຕານ

ປະເທດດ່ັງກ່າວມີລະດູຮ້ອນຍາວ, ອົບເອົ້າ,ລະດູຫນາວສັ້ນ,ແລະຫນາວຈັດ, ເປັນດິນ
ຟ້າອາກາດທະວີບທີ່ແຫ້ງແລ້ງຫນັກຫນ່ວງ,ມີທີ່ຕັ້ງພູມສາດດີຫຼາຍ,ຄືຕັ້ງຢູ່ທາງສ່ີແຍກ
ຂອງບ່ອນຄົບກັນທາງຄົມມະນາຄົມເອີລົບກາງແລະອາຊີກາງທີ່ເຊື່ອມຕໍ່ທິດຕາເວັນ
ອອກກັບທິດຕາເວັນຕົກແລະທິດໃຕ້ກັບທິດເຫນືອ,ໃນສະໄຫມບູຮານເຄີຍເປັນບ່ອນ
ຄົບກັນຂອງເສັ້ນທາງການຄ້າທີ່ສຳຄັນ.ແລະບ່ອນຄຶກຄັກທີ່ພົວພັນກັບພາຍນອກແລະ
ວັດທະນະທຳຊະນິດຕ່າງໆແລກປ່ຽນກັນ.

         ກາໝາຍຊາດຂອງອຸສເບກີສະຕານ

ນະຄອນຫຼວງ: ຕັສແກນ  ແມ່ນຕົວເມືອງໃຫຍ່ກວ່າຫມູ່ໃນພາກພື້ນອາຊີກາງ.

ປະຫວັດສາດໂດຍຫຍໍ້:ຄ.ສ ສະຕະວັດທີ11ຫາສະຕະວັດທີ12ໄດ້ຈໍ່ຕົວຂຶ້ນເປັນກົກເຫຼ່ົາ
ອຸສເບກີສະຕານ,ແຕ່ສະຕະວັດທີ13 ຫາສະຕະວັດທີ15ຖືກລາຊະອານາຈັກວົງເທມູ້ເອີ
ຊາວຕັກຕາຂອງມົງກູລີປົກຄອງ, ສະຕະວັດທີ15 ໄດ້ສ້າງເປັນປະເທດອຸສເບກີ,ຊຸມປີ60
ຫາ70ໃນສະຕິວັດທີ19, ດິນແດນສ່ວນຫນ່ຶງໄດ້ໂຮມເຂົ້າລັດເຊຍ,ເດືອນພະຈິກປີ1917
ໄດ້ສ້າງອຳນາດການປົກຄອງໂຊວຽດ,ວັນທີ27 ຕຸລາປີ1924 ,ໄດ້ສ້າງຕັ້ງສາທາລະນະ
ລັດສັງຄົມນິຍົມໂຊວຽດອຸສເບກີສະຕານແລະໂຮມເຂົ້າສະຫະພາບໂຊວຽດ,ວັນທີ31ສິງ
ຫາປີ1991 ໄດ້ປະກາດເປັນເອກະລາດ,ປ່ຽນຊື່ເປັນສາທາລະນະລັດອຸສເບກີສະຕານ.

ການເມືອງ: ວັນທີ8 ທັນວາປີ1992,ສະພາໂຊວຽດສູງສຸດຂອງອຸສເບກີສະຕານໄດ້ຜ່ານ
ລັດຖະທຳມະນູນສະບັບໃຫມ່,ລັດຖະທຳມະນູນສະບັບໃຫມ່ລະບຸໄວ້ວ່າ:ອຸສເບກີສະຕານ
ແມ່ນປະເທດອະທິປະໄຕທີ່ມີປະຊາທິປະໄຕ,ປະຊາຊົນທຸກຖ້ວນຫນ້າມີສິດແລະເສລີພາບ
ເທ່ົາທຽມ,ທຸກຄົນມີສິດສະເຫມີພາບຕໍ່ຫນ້າກົດຫມາຍ,ໂຄງປະກອບອຳນາດແຫ່ງຊາດ
ແມ່ນສ້າງຕັ້ງຢູ່ບົນພື້ນຖານຫລັກການແຍກອຳນາດ,ນິຕິບັນຍັດ,ອຳນາດບໍລິຫານແລະ
ອຳນາດຕຸລາການອອກຈາກກັນ. ປະທານາທິບໍດີທັງເປັນປະມຸກລັດແລະກໍແມ່ນປະທານ
ຄະນະລັດຖະບານແລະຜູ່ບັນຊາການສູງສຸດຂອງກອງທະຫານປະກອບອາວຸດ,ຫລັງຈາກ
ປະທານາທິບໍດີພົ້ນອາຍຸຕ່ຳແຫນງແລ້ວ,ຈະເປັນສະມາຊິກສານລັດຖະທຳມະນູນຕະຫຼອດ
ຊີວິດ,ສະມາຊິກຄະນະລັດຖະບານແມ່ນໃຫ້ປະທານາທິບໍດີເປັນຜູ່ສະເຫນີ,ຜ່ານລັດຖະ
ທຳມະນູນອະນຸມັດ,ລັດຖະສະພາເອີ້ນເປັນສະພາສູງສຸດ,ແມ່ນອົງການຕາງຫນ້າອຳນາດ
ສູງສຸດແຫ່ງຊາດທີ່ປະຕິບັດອຳນາດນິຕິບັນຍັດ.ວັນທີ27ມັງກອນປີ2002,ອຸສເບກີສະຕານ
ໄດ້ຈັດການຢ່ັງປະຊາມະຕິທ່ົວປວງຊົນ,ຕົກລົງປ່ຽນລັດຖະສະພາອຸສເບີກີສະຕານເປັນລະ
ບອບສອງສະພາ.

ເສດຖະກິດ: ອຸສເບກີສະຕານມີຊັບພະຍາກອນທຳມະຊາດອຸດົມສົມບູນ,ແມ່ນປະເທດ
ທີ່ມີກຳລັງເສດຖະກິດຂ້ອນຂ້າງເຂັ້ມແຂງໃນ5ປະເທດອາຊີກາງຂອງປະຊາຄົມລັດເອ
ກະລາດ(CIS),ອຸດສາຫະກຳເສົາຄ້ຳເສດຖະກິດແຫ່ງຊາດແມ່ນຄຳ, ຝ້າຍ,ນ້ຳມັນເຊື້ອ
ໄຟອາຍແກັສທຳມະຊາດ.ແຕ່ອົງປະກອບເສດຖະກິດມີແຕ່ຢ່າງດຽວ,ອຸດສາຫະກຳປຸງ
ແຕ່ງຂ້ອນຂ້າງຫຼ້າຫລັງ,ກະສິກຳການປະສຸສັດແລະການຂຸດຄົ້ນບໍ່ແຮ່ພັດທະນາ.

ທາງການທູດ: ລັດຖະທຳມະນູນທີ່ຜ່ານເມື່ອວັນທີ8ພະຈິກປີ1992,ລະບຸໄວ້ວ່າ,ຈຸດເລ່ີມ
ຕົ້ນຂອງນະໂຍບາຍການຕ່າງປະເທດແມ່ນບັນດາປະເທດມີອະທິປະໄຕສະເຫມີພາບ
ກັນ,ບໍ່ໃຊ້ກຳລັງອາວຸດຫຼືຂ່ົມຂູ່ດ້ວຍກຳລັງອາວຸດ,ຊາຍແດນແມ່ນລ່ວງລ້ຳບໍ່ໄດ້,ແກ້ໄຂ
ການວິວາດໂດຍສັນຕິ,ບໍ່ແຊກແຊງວຽກງານພາຍໃນຂອງກັນພ້ອມດ້ວຍຫລັກການແລະ
ຫລັກມາດຖານກົດຫມາຍສາກົນທີ່ຮັບຮອງກັນໂດຍທ່ົວໄປ,ປະຕິບັດທາງການທູດຄົບ
ວົງຈອນ.

ການພົວພັນກັບຈີນ: ວັນທີ27 ທັນວາປີ1991, ຈີນໄດ້ປະກາດຮັບຮອງຄວາມເປັນເອ
ກະລາດຂອງສາທາລະນະລັດອຸສເບກີສະຕານ,ວັນທີ2ມັງກອນປີ1992,ອຸສເບກີສະ
ຕານໄດ້ສ້າງສາຍສຳພັນການທູດຂັ້ນເອກອັກຄະລັດຖະທູດກັບຈີນ,ແລະເຊັນປະກາດ
ແຈ້ງການຮ່ວມຢູ່ຕັສແກນ. ເດືອນກໍລະກົດປີ1996,ທ່ານປະທານຈຽງເຈີມິນໄດ້ໄປຢ້ຽມ
ຢາມອຸສເບກີສະຕານທາງລັດຖະກິດ, ສອງຝ່າຍໄດ້ເຊັນຖະແຫຼງການຮ່ວມລະຫວ່າງ
ຈີນອຸສເບກີສະຕານ,ເດືອນພະຈິກປີ1999, ທ່ານປະທານາທິບໍດີຄາລີມົຟມາຢ້ຽມຢາມ
ຈີນທາງລັດຖະກິດຕາມຄຳເຊີນ.