|
ໃຜໆກໍ່ຮູ້ດີເລ່ືອງຈິງແນວນີ້ແລ້ວວ່າ,ຄຽງຄູ່ກັບອາຍຸສັງຂານເພ່ີມຂຶ້ນ,ຄວາມດັນເລືອດຂອງຜູ່ເຖົ້າຜູ່ແກ່ຈະຄ່ອຍໆສູງຂຶ້ນ,ແລ້ວເປັນໂລກເລືອດດັນສູງ, ມີຜົນຮ້າຍຕໍ່ສຸຂະພາບຂອງຜູ່ເຖົ້າຜູ່ແກ່ຢ່າງໜັກໜ່ວງ,ແຕ່ຖ້າເປັນເລືອດດັນຕ່ຳກໍບໍ່ດີເຊ່ັນດຽວກັນ.
ມີແມ່ເຖົ້າຜູ່ໜ່ຶງຮູ້ສຶກໂຊກດີໂດຍຕະຫລອດທ່ີຕົນເອງບໍ່ເປັນໂລກເລືອດດັນສູງ.ແຕ່ຢູ່ມາມື້ໜ່ຶງ,ແມ່ເຖົ້າຜູ່ນີ້ລຸກຢືນຂຶ້ນຈາກເກົ້າອີ້,ບັງເອີນຮູ້ສຶກວິນຫົວມົວຕາ,ຍ່າງເຊໄປເຊມາ, ເລີຍລົ້ມລົງພື້ນດິນ, ເຖິງວ່າບຶດນ່ຶຶງໄດ້ຮູ້ເມ່ືອຄີງຂຶ້ນມາອີກກໍ່ຕາມ,ແຕ່ກະດູກຂາພັດຫັກ.ຄົນໃນຄອບຄົວສ່ົງແມ່ເຖົ້າໄປໂຮງໝໍ, ນາຍໝໍເວົ້າວ່າ, ນີ້ແມ່ນຍ້ອນປັດໄຈອັນຕະລາຍຈາກຄວາມດັນເລືອດຕຳ່ຍ້ອນນ່ັງດົນ. ນາຍໝໍອະທິບາຍວ່າ,ເລືອດດັນຕ່ຳຂອງຜູ່ເຖົ້າຜູ່ແກ່ກໍ່ພາໃຫ້ການສະໜອງເລືອດຂອງສະ ໝອງແລະຫົວໃຈບໍ່ພຽງພໍຢ່າງໜັກໜ່ວງໄດ້ຄືກັນ,ລະດັບອັນຕະລາຍຂອງມັນບໍ່ດ້ອຍກວ່າເລືອດດັນສູງ.
ເລືອດດັນຕ່ຳຂອງຜູ່ເຖົ້າຜູ່ແກ່ແມ່ນໝາຍເຖິງຄວາມດັນສູງຕ່ຳກວ່າ 90 ມີລີແມັດບາຫລອດ,ຄວາມດັນຕ່ຳຕ່ຳກວ່າ 60 ມີລີແມັດບາຫລອດ. ເລືອກດັນຕ່ຳອາດຈະແມ່ນຊ່ົວຄາວ,ແລະກໍ່ອາດແມ່ນໄລຍະຍາວ,ຜົນຮ້າຍຂອງມັນແມ່ນພາໃຫ້ການສະໜອງເລືອດແກ່ອະໄວຍະວະຕ່າງໆຂອງຮ່າງກາຍຄົນບໍ່ພຽງພໍ.ຍ້ອນສະໝອງຮູ້ສຶກສະດຸ້ງໄວທ່ີສຸດຕໍ່ການຂາດເລືອດຂາດອັອກຊີແຊນ,ຜົນຮ້າຍຍ້ອນເລືອດດັນຕ່ຳພາໃຫ້ເນື້ອເຍ່ືອສະໝອງຂາດເລືອດນັ້ນແມ່ນພົ້ນເດ່ັນທ່ີສຸດ,ຄົນເຈັບມັກຮູ້ສຶກວິນຫົວ ເຈັບຫົວ ຕາມົວ ມັກລືມ,ສະໝອງເຊີ້ຊ້າ,ມັກສະຫຼົບໄປຍ້ອນສະໝອງຂາດເລືອດ ເຈັບຫົວໃຈແລະຫົວໃຈຕີບ.
ສາເຫດທ່ີພາໃຫ້ເປັນເລືອດດັນຕ່ຳມີຫລາຍຢ່າງ, ເຊ່ັນຢາຫລາຍໆຢ່າງສາມາດພາໃຫ້ເລືອດດັນຕ່ຳ,ຕົວຢ່າງຄືຜູ່ເປັນເລືອດດັນສູງກິນຢາຫລຸດຄວາມດັນຫລາຍເກີນໄປກໍ່ອາດຈະພາໃຫ້ເລືອດດັນຕ່ຳ;ຫລາຍໆຄົນໃນເວລາຖ່າຍເບົານັ້ນ,ຄວາມດັນໃນທ້ອງຫລຸດລົງຢ່າງກະທັນຫັນ,ເລືອດໄຫລຄືນຫົວໃຈຫລຸດລົງຈ່ິງເກີດອາການສະຫລົບຍ້ອນເລືອດດັນຕ່ຳລັກສະນະຊ່ົວຄາວ,ອາການເຫ່ົຼານີ້ມັກເກີດຂຶ້ນໃນເວລາພໍ່ເຖົ້າລຸກຂຶ້ນມາຖ່າຍເບົາຫລືຖ່າຍເບົາແລ້ວໃນຍາມກາງຄືນ.ເວົ້າສຳລັບຜູ່ເຖົ້າຜູ່ແກ່ແລ້ວ, ຄັນນອນປ່ວຍເປັນເວລາດົນນານ,ກໍອາດຈະພາໃຫ້ບົດບາດປັບປຸງຂອງເສັ້ນປະສາດພຶກສາຊາດອ່ອນລົງ, ບວກກັບຂາດທາດບຳລຸງກໍ່ມັກເປັນເລືອດດັນຕ່ຳ; ແມ່ເຖົ້າທ່ີຮ່າງກາຍອ່ອນໂຊມັກເປັນເລືອດດັນຕ່ຳຍ້ອນຄຸນທາດຮ່າງກາຍ,ແລະກໍມີປັດໃຈຍ້ອນທ່າງ່ຽງກຳມະພັນ,ຜູ່ປ່ວຍມັກວິນຫົວ ຫົວໃຈເຕັ້ນໄວແລະອ່ອນເພຍ,ໄປຫາໝໍຢູ່ໂຮງໝໍກໍ່ກວດບໍ່ຮູ້ວ່າເປັນພະຍາດຫຍັງ,ນີ້ແມ່ນຍ້ອນມີພະລັງພອງຂຶ້ນຂອງກ້າມເນື້ອຫົວໃຈຂອງຜູ່ເຖົ້າຜູ່ແກ່ອ່ອນລົງ,ຝາເສັ້ນເລືອດຂາດຄວາມດີດ. ນອກນີ້,ໃນເວລາເປັນເລືອດຈາງ ເລືອດອອກດ່ວນ ໂລກຫົວໃຈ ໂລກເບົາຫວານ ກະເພາະອາຫານອອກເລືອດ ເປັນລົມເປັນຕົ້ນກໍ່ມັກເປັນເລືອດດັນຕ່ຳ.
ການປ້ອງກັນເລືອດດັນຕ່ຳຂອງຜູ່ເຖົ້າແກ່ຊະລາຕ້ອງຊອກຫາສາເຫດກ່ອນ,ເຊັ່ນຄັນຫລຸດຄວາມດັນແຮງເກີນໄປກໍ່ຄວນເຊົາກິນຢາຫລຸດຄວາມດັນສູງຊ່ົວຄາວ,ຖ້າເປັນເລືອດຈາງ ກະເພາະອາຫານອອກເລືອດເປັນຕົ້ນກໍ່ຕ້ອງໄປຫາໝໍຢ່າງທັນການ; ຖ້າເປັນເລືອດດັນຕ່ຳຍ້ອນນ່ັງດົນຫຼືນອນດົນ,ໃນເວລາລຸກຂຶ້ນຢືນຫລືຕ່ືນນອນຕ້ອງຄ່ອຍໆຂຶ້ນ,ຢ່າຟ້າວຟ່ັງ,ປ່ຽນທ່າຮ່າງກາຍເທ່ືອໃດຕ້ອງພັກຜ່ອນ 2-3 ນາທີ;ຜູ່ຮ່າງກາຍອ່ອນແອຄວນເພ່ິມທາດບຳລຸງ.
ຜູ່ເປັນເລືອດດັນຕ່ຳຕ້ອງຍຶດໝັ້ນອອກກຳລັງກາຍ,ເສີມສ້າງຄຸນທາດຮ່າງກາຍ,ເພີ່ມບົດບາດປັບປຸງຂອງເສັ້ນເລືອດຫົວໃຈແລະເສັ້ນປະສາດ.ຜູ່ຊ່ຽວຊານເວົ້າວ່າ,"ອອກກຳລັງກາຍສາມາດເຂົ້າແທນຢາຫລາຍໆຢ່າງໄດ້,ແຕ່ຢາຂະໜານໃດກໍ່ເຂົ້າແທນການອອກກຳລັງກາຍບໍ່ໄດ້."ຜູ່ເຖົ້າແກ່ຊະລາທ່ີ່ເປັນເລືອດດັນຕ່ຳສາມາດອີງຕາມສະພາບຮ່າງກາຍຂອງຕົນ,ເລືອກເອົາລາຍການອອກກຳລັງກາຍທ່ີເໝາະກັບຕົນເອງ.
ໃນດ້ານກິນດ່ືມ,ຜູ່ເປັນເລືອດດັນຕ່ຳຄວນເອົາໃຈໃສ່ເພ່ີມທາດບຳລຸງ,ຈະກິນເກືອໃຫ້ຫລາຍແດ່ກໍ່ໄດ້,ຄືປະມານ 2-3 ເທ່ົາຂອງປະລິມານເກືອໃນຍາມປົກກະຕິ,ຄື 20 –25 ກະລາມຕໍ່ມື້.ເມ່ືອກິນເກືອໃຫ້ຫລາຍແລ້ວຍັງຕ້ອງກິນນ້ຳໃຫ້ຫລາຍ,ນ້ຳເຂົ້າໃນເລືອດອ່າວຫລາຍສາມາດເພ່ີມປະລິມານເລືອດ,ແລ້ວເຮັດໃຫ້ເລືອດດັນສູງຂຶ້ນ.
|
