(ວັນທີ 17 ມິຖຸນາ ກອງປະຊຸມສຸດຍອດອົງການຮ່ວມມືຊຽງໄຮ້ໄດ້ໄຂຂຶ້ນຢູ່ຕັສເກນ,
ນະຄອນຫລວງອຸສເບກີສະຖານ, ນີ້ແມ່ນປະມຸກລັດຂອງ 6 ປະເທດສະມາຊິກອົງການ
ຮ່ວມມືຊຽງໄຮ້ຖ່າຍຮູບນຳກັນກັບທ່ານກາຈາອີ ປະທານາທິບໍດີລັດຖະບານຂ້າມຜ່ານ
ອາຟການີສະຖານ)
CRI ລາຍງານວ່າ: ຕອນທ່ຽງວັນທີ 17 ມິຖຸນາ ກອງປະຊຸມສຸດຍອດອົງການຮ່ວມມືຊຽງໄຮ້ທ່ີຈັດເປັນເວລາມື້ຫນຶ່ງໄດ້ໄຂຂຶ້ນຢູ່ຕັສເກນ ນະຄອນຫລວງອຸສເບກີສະຖານ.
ປະມຸກລັດຂອງ 6 ປະເທດສະມາຊິກຄື ຈີນ ກາຊັກສະຖານ ກຽດກິຊິສະຖານ ລັດເຊຍ ຕາກີຊິສະຖານແລະອຸສເບກີສະຖານໄດ້ລົງເລິກແລກປ່ຽນຄວາມເຫັນກ່ຽວກັບບັນຫາສ້າງສາກົນໄກຂອງອົງການຮ່ວມມືຊຽງໄຮ້ແລະສະຖານະການພື້ນຖານ,ໄດ້ເຊັນແລະອະນຸມັດເອກະສານສຳຄັນຫລາຍສະບັບຄື ຄຳຖະແຫລງການຕັສເກນ,ຕົກລົງນຳໃຊ້ບາດກ້າວອັນລະອຽດ,ຊຸກຍູ້ການຮ່ວມມືໃນຂົງເຂດຄວາມປອດໄພແລະເສດຖະກິດ.ປະມຸກລັດບັນດາປະເທດຍັງເປັນເອກະສັນກັນເຫັນດີຮັບເອົາປະເທດໂມງໂກນເປັນນັກສັງເກດການຂອງອົງການນີ້.
(ທ່ານຫູຈີນທາວໄດ້ກ່າວຄຳປາໃສສຳຄັນທ່ີພາດຫົວເລື່ອງວ່າ: ເພີ່ມທະວີການຮ່ວມມືທ່ີຕິດແທດຕົວຈິງ, ສະແຫວງຫາການພັດທະນາພ້ອມກັນໃນກອງປະຊຸມສຸດຍອດຕັສການ)
ໃນເວລາເຈລະຈາລະຫວ່າງປະມຸກລັດ, ທ່ານຫູຈີນທາວໄດ້ກ່າວຄຳປາໃສສຳຄັນທ່ີພາດຫົວເລື່ອງວ່າ: ເພີ່ມທະວີການຮ່ວມມືທ່ີຕິດແທດຕົວຈິງ, ສະແຫວງຫາການພັດທະນາພ້ອມກັນ.ທ່ານເວົ້າວ່າ, ອົງການຮ່ວມມືຊຽງໄຮ້ໄດ້ສ້າງໂສມຫນ້າອັນດີງາມແຫ່ງສັນຕິພາບ ຮ່ວມມືກັນແລະໄຂປະຕູສູ່ພາຍນອກໃນສາກົນ, ກາຍເປັນກຳລັງທ່ີມີລັກສະນະກໍ່ສ້າງໃນວຽກງານສາກົນແລະພາກພື້ນ.ແຕ່ປະຈຸບັນເປັນຕົ້ນໄປ, ຄວນຫັນຈຸດຫນັກວຽກງານຂອງອົງການນີ້ໄປສູ່ການເປີດກວ້າງແລະລົງເລິກການຮ່ວມມືໃນທຸກຂົງເຂດ.
ຕອນເຊົ້າມື້ດຽວກັນ, ປະມຸກລັດ 6 ປະເທດຍັງພ້ອມກັນເຂົ້າຮ່ວມພິທີສ້າງຕັ້ງຄະນະບໍລິຫານງານອົງການຕ້ານການກໍ່ການຮ້າຍພາກພື້ນຂອງອົງການຮ່ວມມືຊຽງໄຮ້ຢ່າງເປັນທາງການ, ນີ້ເປັນຂີດຫມາຍສະແດງໃຫ້ເຫັນວ່າ, ອົງການນີ້ໄດ້ຢ່ວງບາດກ້າວອັນສຳຄັນໃນການຕ້ານການກໍ່ການຮ້າຍ.
ກອງປະຊຸມສຸດຍອດເທື່ອຫນ້າຈະຈັດຂຶ້ນຢູ່ກາຊັກສະຖານ.
ທ່ານກາຈາອີ ປະທານາທິບໍດີລັດຖະບານຂ້າມຜ່ານອາຟການີສະຖານໄດ້ເຂົ້າຮ່ວມກອງ
ປະຊຸມເທື່ອນີ້ໃນນາມເປັນແຂກຂອງປະເທດເຈົ້າພາບ.
|
