|
ນິທານທ່ີຊອກຄົ້ນໄວເດັກຂອງມະນຸດແມ່ນນ່ືງໃນເລື້ອງທ່ີຕິດອົກຕິດໃຈຄົນສະໄໝນີ້ໂດຍຕະຫຼອດ.ການຄົ້ນພົບຂອງນັກວິທະຍາສາດຫວ່າງ70ກວ່າປີກ່ອນ,ໄດ້ສະເທືອນໂລກ,ນີ້ກໍແມ່ນຮ່ອງຮອຍມະນຸດທະນີປັກກ່ິງ-ມໍລະດົກໂລກທ່ີຈະນຳມາສະເໜີສູ່ທ່ານຟັງ.
ຮ່ອງຮອຍມະນຸດທະນີປັກກ່ິງໂຈວໂຄວຕ້ຽນ ຕັ້ງຢູ່ພູລົງກູທ່ີໄກຈາກນະຄອນປັກກ່ີງໄປທາງທິດຕາເວັນຕົກສຽງໃຕ້48ກີໂລແມັດ,ແຫ່ງນີ້ແມ່ນບ່ອນຄົບກັນລະຫວ່າງເຂດພູດອຍ ກັບເຂດທົ່ງພຽງ.ເທິງພູມີຫຼາຍຖ້ຳທຳມະຊາດນ້ອຍໃຫຍ່ຕ່າງກັນ,ໃນນັ້ນ,ມີຖ້ຳທຳມະຊາດຍາວແຕ່ທິດຕາເວັນອອກຫາທິດຕາເວັນຕົກປະມານ140ແມັດ,ຄົນທັງຫຼາຍເອີ້ນເປັນຖ້ຳ ມະນຸດທະນີ.ປີ1921,ທ່ານອານເດີເຊີນ ນັກປາດຊູແອດໄດ້ຄົ້ນພົບຮ່ອງຮອຍມະນຸດທະນີໃນຖ້ຳນີ້ກ່ອນໝູ່,ສະນັ້ນ,ນັກຄົ້ນຄວ້າວັດຖຸບູຮານຈິ່ງຂະໜານນາມເປັນສະຖານທ່ີໂຈວ ໂຄວຕ້ຽນແຫ່ງທຳອິດ.ປີ1929,ທ່ານໄພເວີນຈົງ ນັກບູຮານນະຄະດີຂອງຈີນໄດ້ຂຸດພໍ້ກະ ດູກກະໂຫຼກຫົວທຳອິດຂອງມະນຸດທະນີປັກກ່ິງຢູ່ແຫ່ງນີ້,ຈົນສະເທືອນໂລກ.ໜ້າເສຍດາຍແມ່ນ,ຍ້ອນຍ່ີປຸ່ນກໍ່ສົງຄາມຮຸກຮານຈີນ,ກະດູກກະໂຫຼກຫົວມະນຸດທະນີປັກກ່ິງຈ່ິງເລີຍເສຍຫາຍໄປ,ຈົນຮອດດຽວນີ້ກໍຍັງບ່ໍຮູ້ວ່າມັນໄປຕົກຢູ່ຫົນຕຳຍົນໃດ.
ຮ່ອງຮອຍການໃຊ້ໄຟທ່ີຄົ້ນພົບຢສະຖານທ່ີໂຈວໂຄວຕ້ຽນແຫ່ງທຳອິດນັ້ນກໍໄດ້ຍູ້ປະຫວັດ ສາດການໃຊ້ໄຟຂອງມະນຸດກັບຄືນເມືອຫຼັງອີກຫຼາຍແສນປີ.ຢູ່ຮ່ອງຮອຍດ່ັງກ່າວມີບ່ອນເຄີຍໃຊ້ໄຟ5ຫຼຶບ,ມີກອງຂີ້ເທ່ົາຍັງເຫຼືອຢູ່ສາມບ່ອນ,ພ້ອມທັງກະດູກທ່ີຖືກໄຟເຜົາຢ່າງຫຼວງ ຫຼາຍ,ບ່ອນໜາກວ່າໝູ່ຂອງກອງຂີ້ເທ່ົາແມ່ນ6ແມັດ,ຮ່ອງຮອຍເຫົ່ຼານີ້ສະແດງໃຫ້ເຫັນວ່າ, ມະນຸດທະນີປັກກ່ິງບ່ໍພຽງແຕ່ຮູ້ໃຊ້ໄຟ,ຫາກຍັງຮູ້ຮັກສາເຊື້ອໄຟໄວ້ອີກ.
ຢູ່ຕາມຮ່ອງຮອຍດັ່ງກ່າວຍັງຂຸດໄດ້ເຄ່ືອງຫີນນັບເປັນໝ່ືນເຄ່ືອງ, ວັດຖຸດິບລ້ວນແຕ່ເອົາມາຈາກບ່ອນມ່ໍຮ່ອງຮອຍດັ່ງກ່າວ,ເຄ່ືອງຫີນສ່ວນຫຼາຍແມ່ນມີແຕ່ແນວນ້ອຍໆ,ມີຫຼາຍຊະນິດທ່ີຕ່າງກັນ,ເຄ່ືອງຫີນໃນໄຍລະຕົ້ນແມ່ນທັງໃຫຍ່ທັງຫຶກ,ສ່ວນຫຼາຍແມ່ນເຄ່ືອງທຸບ,ເຄ່ືອງຫີນໃນໄລຍະກາງແມ່ນຄ່ອຍໆນ້ອຍລົງ,ເຄ່ືອງຫີນແບບມີດແຫຼມໄດ້ພັດທະນາຢ່າງວ່ອງໄວ.ເຄ່ືອງຫີນໃນໄລຍະທ້າຍແມ່ນຍ່ິງນ້ອຍລົງ,ເຄ່ືອງຫີນແຫຼມແມ່ນເຄ່ືອງຫີນທ່ີມີສີສັນພິເສດໃນໄລຍະນີ້.ທັງນີ້ສະແດງໃຫ້ເຫັນວ່າ,ມະນຸດທະນີປັກກ່ິງໄດ້ຮູ້ເລືອກກ້ອນຫີນມາເຮັດເຄ່ືອງຫີນ,ເອົາມັນເປັນອາວຸດຫືຼເຄ່ືອງມືການຜະລິດດຶກດຳບັນ,ຮູ້ດັດແປງຕົນເອງຢູ່ໃນການຕ່ໍສູ້ກັບທຳມະຊາດ,ເຊິ່ງສະແດງໃຫ້ເຫັນວ່າ,ມະນຸດທະນີປັກກ່ິງຮູ້ໃຊ້ເຄ່ືອງມດຶກດຳບັນມາອອກແຮງງານ,ນີ້ແມ່ນການຈຳແນກດ້ານກົກຮາກທ່ີຕ່າງກັນຂອງມະນຸດກັບທະນີ.
ອີງຕາມວັດຖຸທ່ີຂຸດອອກມາກໍພິສູດໄວ້ວ່າ, ຫ່າງຈາກດຽວນີ້ຫຼົບຄືນຫຼັງປະມານ 7ແສນປມາຮອດ 2 ແສນປີ,ມະນຸດທະນີປັກກ່ິງກໍໄດ້ດຳລົງຊີວິດຢູ່ໂຈວໂຄວຕ້ຽນ,ຫາເກັບກິນໝາກໄມ້, ເປັນຫັກແລະລ່າສັດປ່າມາກິນສຳຮອງ.ມະນຸດທະນີປັກກ່ິງແມ່ນມະນຸດປະຖົມບູຮານຂອດກາງທ່ີວິວດີຈາກທະນີບູຮານມາເປັນມະນຸດທ່ີມີປັນຍາ,ການຄົ້ນພົບດ່ັງກ່າວມຄຸນຄ່າສຳ ຄັນທ່ີສຸດໃນການຄົ້ນຄວ້າຊີວະສາດ ປະຫວັດສາດແລະປະຫວັດວິວັດທະນາການຂອງມະ ນຸດ.
ການຄົ້ນພົບມະນຸດທະນີປັກກ່ິງໄດ້ອຳນວຍຫຼັກຖານຢ່າງຫຼາກຫຼາຍແລະມີຄວາມສາມາດຊວນເຊ່ືອໃຫ້ແກ່ກົກເຄົ້າເຫງົ້າມູນຂອງມະນຸດ.ການຄົ້ນພົບແລະການຄົ້ນຄວ້າມະນຸດທະນີປັກກ່ິງແລະວັດທະນະທຳຂອງເຂົາເຈົ້າໄດ້ແກ້ໄຂການໂຕ້ຖຽງກັນໃນວົງການວິທະຍາສາດ ພາຍໃນເຄ່ິງສະຕະວັດມານີ້ທ່ີວ່າ"ຄົນຢືນ"ໄດ້ນັ້ນແມ່ນທະນີຫືຼແມ່ນຄົນແທ້.ເລື້ອງຈິງສະແດງໃຫ້ເຫັນວ່າ, ໃນສະໄໝປະຫວັດສາດມະນຸດຫາກໍແຈ້ງຂຶ້ນນັ້ນ,ຈາກຮູບຖານຮ່າງກາຍ ລັກສະນະວັດທະນະທຳຮອດການຈັດຕັ້ງສັງຄົມເປັນຕົ້ນ,ແມ່ນມີໄລຍ"ຄົນຢືນ"ແທ້,ພວກເຂົາເຈົ້າແມ່ນບັນພະບູລຸດຂອງຄົນທ່ີມີປັນຍາທ່ີປະກົດຕົວຕາມຫັຼງມາ.ຄົນຢືນແມ່ນຢູ່ຂອດສຳຄັນລະຫວ່າງກາງຈາກທະນີວິວັດມາເປັນຄົນ.ນັບມາຮອດປະຈຸບັນ,ຮູບຮ່າງແບບຢ່າງຂອງ"ຄົນຢືນ"ໄດ້ນັ້ນກໍຍັງເອົາມະນຸດທະນີປັກກ່ິງໂຈວໂຄວຕ້ຽນເປັນຫັຼກມາດຖານ,ຮ່ອງຮອຍໂຈວໂຄວຕ້ຽນຍັງຄົງແມ່ນຮ່ອງຮອຍທ່ີມີວັດຖຸອຸດົມສົມບູນກວ່າໝູ່ ເປັນລະບົບຄົບຖ້ວນກວ່າໝູ່ແລະມີຄຸນຄ່າກວ່າໝູ່ໃນຈຳນວນຮ່ອງຮອຍມະນຸດທະນີຂອງໂລກໃນສະໄໝດຽວກັນ.
ຮ່ອງຮອຍມະນຸດທະນີປັກກ່ິງໂຈວໂຄວຕ້ຽນໄດ້ຖືກຈັດເຂົ້າໃນລາຍຊ່ືມໍລະດົກໂລກເມ່ືອເດືອນທັນວາປີ1987.ຄະນະກຳມະການມໍລະດົກໂລກຕີລາຄາວ່າ,ຮ່ອງຮອຍໂຈວໂຄວ ຕ້ຽນບ່ໍພຽງແຕ່ແມ່ນຫຼັກຖານປະຫວັດສາດແຫ່ງໜຶ່ງທ່ີເຫັນໜ້ອຍກ່ຽວກັບສັງຄົມມະນຸດໃນແຜ່ນດິນໃຫຍ່ອາຊີສະໄໝປະຖົມບູຮານທໍ່ນັ້ນ,ແຕ່ມັນຍັງໄດ້ຊີ້ແຈງວິວັດທະນາການຂອງມະນຸດ,ແລະເປັນຄັງສາງປະເສີດແຫ່ງວັດທະນະທຳປະຖົມບູຮານຂອງມວນມະນຸດທ່ີສົມຊ່ື.
|
