|
ໃນລາຍການນັດພົບໃນວັດອາທິດພາກນີ້, ພວກເຮົາໄດ້ຈັດເອົາເພງຈີນແລະຕ່າງປະເທດທ່ີຂັບຮ້ອງໂດຍຄະນະຮ້ອງສະຫຼັບສຽງເພດຊາຍ "ປ່າຈ່ືອຽນ".
ທ່ີທ່ານພວມຟັງຢູ່ນີ້ແມ່ນເພງ "ອູຊູລີສວນເກ່ີ" "ເພງຊາວເຮືອແມ່ນ້ຳອູຊູລີ" ທ່ີຂັບຮ້ອງໂດຍຄະນະຮ້ອງສະຫຼັບສຽງ "ປ່າຈ່ືອຽນ". ເພງນີ້ແມ່ນເພງພື້ນເມືອງເຜ່ົາເຮີເຈີທ່ີພາກັນນິຍົມຮ້ອງທ່ົວໄປຢູ່ຈີນ, ແມ່ນ້ຳອູຊູລີແມ່ນສາຂາໃຫຍ່ຂອງແມ່ນ້ຳເຮ່ີຍລົງຈຽງ ທາງພາກຕາເວັນອອກສຽງເໜືອຂອງຈີນ, ແມ່ນ້ຳນີ້ມີປາຫຼາຍ, ພາບວິວກໍງາມ, ຊາວເຜ່ົາເຮີເຈີໄດ້ດຳລົງຊີວິດຢູ່ແຖບນີ້ມາທຸກເຊ່ັນຄົນ. ທຳນອງເພງກ້ຽວກ່ອມມ່ວນຫູ, ເຊ່ິງສະແດງເຖິງຄວາມດຸໝ່ັນຂະຫຍັນພຽນຂອງຊາວຫາປາເຜ່ົາເຮີເຈີ, ພວກເຂົາເຈົ້າຮັກຫອມຊີວິດອັນດີງາມແລະສະຫງວນພູຜາແມ່ນ້ຳໃນບ້ານເກີດຂອງຕົນ.
ຄະນະຮ້ອງສະຫຼັບສຽງ "ປ່າຈ່ືອຽນ" ແມ່ນຄະນະຮ້ອງຮວມໝູ່ທ່ີມີຊ່ືສຽງບົນເວທີດົນຕີຂອງຈີນ, ໄດ້ຮັບການສ້າງຕັ້ງຂຶ້ນໃນປີ 1990, ປະກອບດ້ວຍນັກຮ້ອງໜຸ່ມ 4 ຄົນ ຄືທ້າວເກິງໂກຈີ ທ້າວມາເວີນເຈຍະ ທ້າວຢັງຊິງແລະທ້າວຊົງລູ. ພວກເຂົາເຈົ້າໃຊ້ຮູບການຂັບຮ້ອງແບບເບົາເບົາແລະໜ້າຮັກ, ສະແດງເຖິງຈຸດພິເສດຂອງການຮ້ອງສະຫຼັບສ່ີສຽງເພດຊາຍຢ່າງສຸດຢຽດ, ອັນໄດ້ຕ່ືມເນື້ອໃນໃໝ່ແລະຄວາມມີຊີວິດຊີວາໃຫ້ແກ່ເພງພື້ນເມືອງອັນເກ່ົາແກ່. ຕໍ່ໄປເຊີນຟັງເພງ "ຮື້ຜ້າປົກໜ້າເຈົ້າຂຶ້ນ" ເຊ່ິງເປັນເພງພື້ນເມືອງເຂດຊີນຈຽງ.
ເພງນີ້ແມ່ນເພງທ່ີຊາວເຜ່ົາອຸສເບກເພ່ືອຍ້ອງເຈົ້າສາວຜູ່ງາມໃນງານວິວາ. ເນື້ອເພງມີຄວາມໝາຍວ່າ:ຮ້ືຜ້າປົກໜ້າເຈົ້າຂຶ້ນແດ່, ໃຫ້ຂ້ອຍແຍເບ່ິງໜ້າເຈົ້າ, ສີໜ້າເຈົ້າແດງຮຸນໆ, ປານໝາກໂປມເດືອນ 10, ຄິ້ວເຈົ້າກ່ົງທັງງາມ, ເໝືອນເດືອນອອກໃໝ່ຢູ່ເທິງປາຍໄມ້.
ເມ່ືອໄດ້ຍ້ອງເຈົ້າສາວຜູ່ສວຍງາມແລ້ວ, ພວກເຮົາກໍຈະໄດ້ຟັງເພງ "ຊິນຢວນຢ່າງຫູເຕັຍະເມີ້ງ" ຄືເພງໃນເລ່ືອງເປ່ົາບຸນຈິ້ນທ່ີຂັບຮ້ອງໂດຍຄະນະຮ້ອງສະຫຼັບສຽງ "ປ່າຈື່ອຽນ".
ສະມາຊິກຂອງຄະນະຮ້ອງສະຫຼັບສ່ີສຽງເພດຊາຍ "ປ່າຈື່ອຽນ" ລ້ວນແຕ່ມີລະດັບສິລະປະສູງ, ຕັ້ງແຕ່ສ້າງຕັ້ງຄະນະເປັນເວລາ 10 ກວ່າປີມານີ້, ພວກເຂົາເຈົ້າໄດ້ກໍ່ສ້າງຕົນເອງໃຫ້ສົມບູນໃນດ້ານສິລະປະຢ່າງບໍ່ຢຸດຢັ້ງ, ອັນໄດ້ຮັບຄວາມນິຍົມຫຼາຍບົນເວທີເພງດ້ວຍລະດັບສິລະປະແລະຈຸດພິເສດການຂັບຮ້ອງຂອງພວກເຂົາເຈົ້າ.
ທ່ີທ່ານພວມຟັງຢູ່ນີ້ແມ່ນເພງຊ່ືວ່າ "ສຽງເພງແຄມທະເລ" ເພງຍ່ີປຸ່ນທ່ີຂັບຮ້ອງໂດຍຄະນະຮ້ອງສະຫຼັບສຽງ "ປ່າຈື່ອຽນ", ນີ້ແມ່ນເພງຮັກທ່ີລະບາຍອາລົມຢ່າງໜ້າອອນຊອນ ເຊ່ິງໄດ້ວາດພາບພະເອກພວມຍ່າງລຽບໄປລຽບມາຢູ່ແຄມທະເລ, ຄຶດຮອດຄູ່ຮັກຂອງຕົນ ແລະຄຶດຮອດພາບອັນຈັບໃຈໃນອະດີດ.
ຕັ້ງແຕ່ສ້າງຕັ້ງຂຶ້ນຈົນຮອດປະຈຸບັນ, ຄະນະຮ້ອງສະຫຼັບສຽງ "ປ່າຈື່ອຽນ" ໄດ້ເຂົ້າຮ່ວມງານສະແດງສຳຄັນຕ່າງໆ ເຊ່ັນ ງານລາຕີບຸນກຸດຈີນຂອງຊີຊີທີວີ ງານສິລະປະຈີນຄັ້ງທີ 5 ເປັນຕົ້ນ, ອັນໄດ້ຮັບຄວາມນິຍົມຊົມເຊີຍຈາກຜູ່ຊົມອັນໄພສານ. ໃນຕອນມ້ວນທ້າຍຂອງລາຍການມື້ນີ້ ເຊີນຟັງເພງ "ເຕີງນີຕ້າວທຽນໝິງ" ແປວ່າ "ຖ້າເຈົ້າຈົນຊອດແຈ້ງ" ເຊ່ິງເປັນເພງໜ່ຶງໃນປະມວນເພງໃໝ່ສຸດຂອງພວກເຂົາເຈົ້າ.
ນີ້ແມ່ນເພງພື້ນເມືອງຊິນຈຽງ, ໄດ້ວາດພາບຊາຍໜຸ່ມຜູ່ໜ່ຶງທ່ີບໍ່ສົມຫວັງຄອຍຖ້າຄູ່ຮັກຂອງຕົນຢູ່ແຄມໜອງຈົນຊອດແຈ້ງ. ເນື້ອເພງຮ້ອງວ່າ: ນ້ຳໃນໜອງໄຊລີມູໄຫຼໂຈ້ນໆ, ຫ່ານຟ້າປ່ຽວພອຍບິນຢູ່ກາງຫາວ. ໃນຍາມຄ້ອຍຄ່ຳບໍ່ເຫັນເຈົ້າ, ມີແຕ່ສຽງເພງເຈົ້າດັງຢູ່ໄກໆ. ນ້ອງຜູ່ສວຍງາມເອີຍ, ອ້າຍໄດ້ຖ້ານ້ອງຈົນຊອດແຈ້ງ.
ທ່ານຜູ່ຟັງທ່ີໂຄລົບ ທ່ີຟັງມານັ້ນແມ່ນເພງຈີນແລະຕ່າງປະເທດທ່ີຂັບຮ້ອງໂດຍຄະນະຮ້ອງສະຫຼັບສຽງ "ປ່າຈື່ອຽນ".
|
