|
ທ່ີນີ້ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ່ຟັງທ່ີໂຄລົບ, ຊົມເຊີຍທ່ານເຂົ້າສູ່ລາຍການນັດພົບໃນວັນອາທິດ. ຂ້າພະເຈົ້າແມ່ນສົມບຸນ. ໃນລາຍການພາກນີ້, ຂ້າພະເຈົ້າຈະສະເໜີປະມວນເພງທ່ີຊ່ືວ່າ "ລົມຫາຍໃຈຂອງທ່ົງຫຍ້າ" ເຊ່ິງເປັນເພງເອກະລັກເຜ່ົາມົງໂກນຊູ່ທ່ານຟັງ. ກ່ອນອື່ນເຊີນຟັງເພງ "ໜົງແລ້ເຕ່ີໄປຈຽວ" ແປວ່າ "ເຫຼົ້າເດັດ" ເຊ່ິງເປັນເພງຮ້ອງຄູ່ດ້ວຍສຽງຍິງ.
ທ່ີທ່ານຟັງມານັ້ນແມ່ນເພງ "ເຫຼົ້າເດັດ" ເພງພື້ນເມືອງເຜ່ົາມົງໂກນ.
ເຜ່ົາມົງໂກນແມ່ນເຜ່ົາສ່ວນໜ້ອຍທ່ີມີປະຫວັດຍາວນານ ດຳລົງຊີວິດຢູ່ທາງພາກເໜືອຂອງຈີນ. ພວກເຂົາເຈົ້າຊ່າງຟ້ອນຊ່າງລຳ, ຢູ່ຕາມທ່ົງຫຍ້າທ່ີກວ້າງໃຫຍ່ໄພສານ, ຢູ່ບ່ອນໃດກໍ່ໄດ້ຍິນແຕ່ສຽງເພງອັນໄພເລາະເພາະຫູຂອງພວກເຂົາເຈົ້າປິວສະບັດມາຕາມສາຍລົມ, ດົນຕີໄດ້ກາຍເປັນອາຫານທາງຈິດໃຈທ່ີຂາດບໍ່ໄດ້ໃນຊີວິດຂອງປະຊາຊົນເຜ່ົາມົງໂກນ.
"ລົມຫາຍໃຈຂອງທ່ົງຫຍ້າ" ແມ່ນປະມວນເພງຮ້ອງຮວມໝູ່ບໍ່ມີສຽງເສບສະຫຼັບອັນເປັນເອກະລັກຂອງດົນຕີເຜ່ົາມົງໂກນ ເຊ່ິງລວມມີ 12 ເພງ. ເພງເຫຼ່ົານີ້ໄດ້ສະແດງເຖິງວັດທະນະທຳດັ້ງເດີມທ່ີມີປະຫວັດຍາວນານຂອງເຜ່ົາມົງໂກນ.
ທ່ີທ່ານພວມຟັງຢູ່ນີ້ແມ່ນເພງ "ໂນ້ເອີ່ນຈີຢາ", "ໂນ້ເອີ່ນຈີຢາ" ແມ່ນຊ່ືຂອງນາງສາວເຜ່ົາມົງໂກນຜູ່ໜ່ຶງ, ນາງແຕ່ງງານແລ້ວໄປຢູ່ນຳຜົວທ່ີໄກກັບບ້ານເກີດ, ສະນັ້ນນາງຈ່ຶງບໍ່ໄດ້ກັບເມືອບ້ານເກີດຈົນຊ່ົວຊີວິດ. ເພງນີ້ຮ້ອງເປັນພາສາເຜ່ົາມົງໂກນ, ສະແດງໃຫ້ເຫັນນາງຄຶດຮອດຄຶດເຖິງບ້ານເກີດຂອງຕົນທ່ີສຸດ.
ທ່ີຟັງມານັ້ນແມ່ນເພງຮ້ອງຮວມໝູ່ "ໂນ້ເອ່ີນຈີຢາ" ເຊ່ິງດັດແປງຕາມເພງພື້ນເມືອງເຜ່ົາມົງໂກນ.
ປະມວນເພງດ່ັງກ່າວລ້ວນແຕ່ແມ່ນທ່ານຢົງຢູປູ້ເປັນຜູ່ຮຽບຮຽງໃໝ່. ທ່ານຢົງຢູປູ້ແມ່ນນັກແຕ່ງເພງເຜ່ົາມົງໂກນທ່ີມີຊ່ືສຽງຂອງຈີນ. ທ່ານໄດ້ຮັບລາງວັນຫຼາຍເທ່ືອໃນການປະກວດດົນຕີທຸກປະເພດຂອງຈີນ, ບາງເພງທ່ີທ່ານແຕ່ງ ທາງອົງການຢູເນັສໂກສະຫະປະຊາຊາດຍັງຄັດເລືອກເອົາເປັນຫຼັກສູດດົນຕີຂອງພາກພື້ນອາຊີປາຊີຟິກ. ຕໍ່ໄປເຊີນຟັງເພງ "ລ້ຽງສັດ" ເພງຮ້ອງສະຫຼັບສີ່ສຽງເພດຍິງເຊ່ິງແມ່ນທ່ານຢົງຢູປູ້ຮຽບຮຽງຕາມເພງພື້ນເມືອງເຜ່ົາມົງໂກນ. ເພງນີ້ມີທຳນອງທ່ີຮ້ອງງ່າຍແລະຄ່ອງກັນດີ, ສະແດງໃຫ້ເຫັນພາບວິວຂອງທ່ົງລ້ຽງສັດທ່ີຂຽວງາມ, ສະແດງໃຫ້ເຫັນປະຊາຊົນທ່ົງຫຍ້າຮັກຫອມຊີວິດຂອງຕົນ.
ໃນປະມວນເພງ "ລົມຫາຍໃຈຂອງທ່ົງຫຍ້າ", ນອກຈາກມີເພງພື້ນເມືອງເຜ່ົາມົງໂກນແລ້ວ, ທ່ານຢົງຢູປູ້ຍັງໄດ້ດັດແປງຮຽບຮຽງເພງເຜ່ົາມົງໂກນທ່ີໄດ້ຮັບຄວາມນິຍົມຈາກຄົນທັງຫຼາຍຄື ເພງ "ຍ້ອງຍໍສໍລະເສີນ" ເພງ "ທ່ົງຫຍ້າຂຽວງາມ ບ້ານເກີດຂອງຂ້ອຍ" ແລະເພງ "ຂ້ອຍມາຈາກທ່ົງຫຍ້າ" ເປັນຕົ້ນ. ຕໍ່ໄປເຊີນຟັງເພງ "ຂ້ອຍມາຈາກທ່ົງຫຍ້າ" ທ່ີຮ້ອງສະຫຼັບສ່ີສຽງເພດຍິງ.
ທ່ີຟັງມານັ້ນ ແມ່ນເພງ "ຂ້ອຍມາຈາກທ່ົງຫຍ້າ" ທ່ີຮ້ອງສະຫຼັບສ່ີສຽງເພດຍິງ".
ໃນລາຍການມ້ວນທ້າຍ, ເຊີນຟັງເພງ "ຊື້ໂຈ້ຊານ" ແປວ່າ "ພູສ່ີໜ່ວຍ" ເຊ່ິງເປັນເພງພື້ນເມືອງເຜ່ົາມົງໂກນທ່ີລວມຢູ່ໃນປະມວນເພງດ່ັງກ່າວ. ເພງນີ້ແມ່ນໃຊ້ວິທີຂັບຮ້ອງໂດຍພິເສດຢ່າງໜ່ຶງທ່ີເອີ້ນວ່າ "ເສົາເອີ" ເຊ່ິງເປັນວິທີຂັບຮ້ອງທ່ີມີເອກະລັກຂອງເພງພື້ນເມືອງເຜ່ົາມົງໂກນ, ຄືຄົນຜູ່ດຽວສາມາດອອກສຽງໄດ້ສອງສຽງຫຼືສາມສຽງພ້ອມກັນ. ເພງນີ້ຮ້ອງເປັນພາສາເຜ່ົາມົງໂກນ, ໂດຍມີເນື້ອຮ້ອງວ່າ: ພູສ່ີໜ່ວຍຕັ້ງສະຫງ່າຢູ່ໃນເມກໝອກ. ເຈົ້າແມ່ນພູທ່ີສວຍງາມ, ເຈົ້າແມ່ນສິລິມົງຄຸນຂອງທ່ົງຫຍ້າ. ບໍ່ວ່າຂ້ອຍຈະພະເນຈອນໄວປານລົມໄປຮອດບ່ອນໃດ, ທ່ົງຫຍ້າກໍຈະຢູ່ຄຽງຂ້າງຂ້ອຍຕະຫຼອດໄປ.
ທ່ານຜູ່ຟັງທ່ີໂຄລົບ ທ່ີຟັງມານັ້ນແມ່ນປະມວນເພງ "ລົມຫາຍໃຈຂອງທ່ົງຫຍ້າ" ເພງເຜ່ົາມົງໂກນ, ລາຍການນັດພົບໃນວັນອາທິດພາກນີ້ຂໍສ້ຽງສຸດລົງພຽງທໍ່ນີ້, ພົບກັນໃໝ່ໃນອາທິດໜ້າ, ສະບາຍດີ.
|
