|
ການຄິດໄລ່ຜົນຂອງອັດຕາຮອບວົງກົົມແມ່ນບັນຫາຄົ້ນຄວ້າທ່ີສຳຄັນທີ່ສຸດແລະຫຍຸ້ງຍາກທ່ີສຸດໃນຄະນິສາດ.ໃນສະໄໝຈີນບູຮານ,ມີນັກຄະນິສາດຫຼາຍທ່ານໄດ້ທຸ່ມເຫ່ືອເທແຮງເຂົ້າໃນການຄິດໄລ່ອັດຕາຮອບວົງກົມ,ສ່ວນຜົນສຳເລັດທ່ີທ່ານຈູຊົ່ງຈ່ືໄດ້ຮັບໃນສະຕະວັດທີ5ອາດເວົ້າໄດ້ວ່າແມ່ນການໂດດຂັ້ນໃນການຄິດໄລ່ອັດຕາຮອບວົງກົມ.
ທ່ານຈູຊົ່ງຈ່ືແມ່ນນັກຄະນິສາດແລະນັກດາລາສາດຜູ່ຍິງໃຫ່ຍໃນສະໄໝຈີນບູຮານ.ທ່ານຈູຊົ່ງຈ່ືເກີດຢູ່ນະຄອນນານກິ່ງແຂວງຈຽງຊູ່ປະຈຸບັນເມ່ືອດປີ429.ຄອບຄົວທ່ານທຸກເຊ່ັນຄົນລ້ວນແຕ່ຄົ້ນຄວ້າວິທີຄຳນວນວັນເດືອນປີໃນດາລາສາດ.ໃນຍາມຍັງນ້ອຍ,ທ່ານກໍໄດ້ສຳຜັດກັບຄວາມຮູ້ທາງຄະນິສາດແລະດາລາສາດ.ເມ່ືອຮອດອາຍຸ35ປີ,ທ່ານຈູຊົ່ງຈ່ືເລ່ີມຄິດໄລ່ອັດຕາຮອບວົງກົມ.
ໃນສະໄໝຈີນບູຮານ,ຄົນທັງຫຼາຍໄດ້ມີຄວາມຮັບຮູ້ຈາກພຶດຕິກຳວ່າ,ຮອບວົງກົມແມ່ນທໍ່ກັນກັບ3ເທົ່າກວ່າຂອງເສັ້ນຜ່າສູນກາງວົງກົມ,ແຕ່ວ່າ,ຫຼາຍກວ່າເທ່ົາໃດກໍຍັງມີຄວາມເຫັນຕ່າງກັນ.ກ່ອນສະໄໝທ່ານຈູຊົ່ງຈື່,ທ່ານລິວຮຸ່ຍ ນັກຄະນິສາດຈີນກໍເຄີຍສະເໜີວິທີການຕັດແບ່ງວົງກົມອອກມາກ່ອນແລ້ວ ເຊ່ິງເປັນວິທີວິທະຍາສາດທ່ີຄິດໄລ່ອັດຕາຮອບວົງກົມ,ຄື,ໃຊ້ຮອບຂ້າງຮູບຫຼາຍຫຼ່ຽມໃນວົງກົມມາຄິດໄລ່ຮອບວົງກົມ,ໂດຍໃຊ້ວິທີດັ່ງກ່າວ,ທ່ານລິວຮຸ່ຍສາມາດຄິດອັດຕາຮອບວົງກົມຮອດ4ຕົວເລກເສດຫຼັງຈຸດ.
ໂດຍຢູ່ບົນພື້ນຖານຂອງຄົນຮຸ່ນກ່ອນ,ຜ່ານການຄົ້ນຄວ້າດ້ວຍຄວາມມານະອົດທົນແລະຄິດໄລ່ຫຼົບໄປຫຼົບມາ,ທ່ານຈູຊົ່ງຈື່ເລີຍຄິດໄລ່ອັດຕາຮອບວົງກົມຮອດ7ຕົວ ເລກເສດຫຼັງຈຸດ,ແລະໄດ້ຮູ້ຕົວເລກທີ່ມໍ່ຜົນເປັນເລກເສດສ່ວນຂອງອັດຕາຮອບວົງກົມ.ທ່ານຈູຊົ່ງຈື່ແມ່ນໄດ້ຮັບຜົນດັ່ງກ່າວຍ້ອນໃຊ້ວິທີແນວໃດ,ມາຮອດດຽວນີ້ຍັງຄົ້ນບໍ່ເຫັນເທື່ອ.ຖ້າທ່ານຄິດໄລ່ດ້ວຍວິທີຕັດແບ່ງວົງກົມຂອງທ່ານລິວຮຸ່ຍ,ກໍຕ້ອງ ຄິດໄລ່ຮອດ1ໝ່ືນ6ພັນຮູບຫຼາຍຫຼ່ຽມໃນກົມ,ເຊິ່ງຈະໃຊ້ເວລາແລະແຮງງານຫຼາຍພິລຶກໂພດ.
ນັກເລກຄະນິສາດຕ່າງປະເທດໄດ້ຮັບຜົນກ່ຽວກັບອັດຕາຮອບວົງກົມຄືກັນກັບທ່ານຈູຊົ່ງຈື່ຄິດໄລ່ອອກມານັ້ນແມ່ນໄດ້ຜ່ານພັນກວ່າປີແລ້ວ.ເພ່ືອລະນຶກການປະກອບສ່ວນອັນດີເດັ່ນຂອງທ່ານຈູຊົ່ງຈື່,ມີນັກຄະນິສາດຕ່າງປະເທດບາງຄົນໄດ້ສະເໜີໃຫ້ເອິ້ນອັດຕາຮອບວົງກົມເປັນອັດຕາຈູ.
ນອກຈາກໄດ້ຮັບຜົນສຳເລັດທາງດ້ານຄິດໄລ່ອັດຕາຮອບວົງກົມ,ທ່ານຈູຊົ່ງຈື່ຍັງໄດ້ພ້ອມກັບລູກເພິ່ນຄິດໄລ່ມວນສານວົງກົມດ້ວຍວິທີອັນສະຫຼາດຫຼັກແຫຼມ.ຢູ່ຝ່າຍຕາເວັນຕົກ,ຫຼັກມູນທ່ີພວກທ່ານນຳໃຊ້ນັ້ນຖືກເອິ້ນເປັນຫຼັກມູນ,ທ່ານກາວາເລຍຣີ ນັກຄະນິສາດອີຕາລີປະກົດເປັນຜູ່ຄົ້ນພົບ,ເຊ່ິງລຸນທ່ານຈູຊົ່ງຈື່ຕັ້ງພັນກວ່າປີ.ເພ່ືອລະນຶກການປະກອບສ່ວນສຳຄັນທ່ີພໍ່ກັບລູກທ່ານຈູຊົ່ງຈື່ຄົ້ນພົບຫຼັກມູນດັ່ງກ່າວ, ໃນຄະນິສາດກໍເອີ້ນຫຼັກທິດມູນດັ່ງກ່າວນີ້ເປັນຫຼັກມູນຈູ.
ຜົນສຳເລັດຂອງທ່ານຈູຊົ່ງຈື່ໃນຂົງເຂດຄະນິສາດພຽງແຕ່ແມ່ນດ້ານໜ່ຶງໃນຜົນສຳເລັດຄະນິສາດໃນສະໄໝຈີນບູຮານ.ທ່ີຈິງແລ້ວ,ກ່ອນສັດຕະວັດທີ14,ຈີນແມ່ນປະເທດໜ່ຶງທ່ີຄະນິສາດພັດທະນາຫຼາຍກວ່າໝູ່ໃນໂລກຕະຫຼອດມາ.ເຊັ່ນ,ສູດປີຕາກໍ ໃນເລຂາຄະນິດ,ໃນປຶ້ມໂຈ່ປີ້ຊ້ວນຈີ່ງ ເຊ່ິງແມ່ນປຶ້ມຄະນິສາດຂອງຈີນທ່ີຂຽນສຳ ເລັດກ່ອນຄ.ສ.2ສະຕະວັດ.ນັ້ນໄດ້ມີຊີ້ແຈງວິເຄາະມາແລ້ວ;ປຶ້ມຈິວຈ່າງຊ້ວນຊູ້ ເຊ່ິງແມ່ນປຶ້ມໄລ່ສຳຄັນຫົວໜຶ່ງອີກທ່ີຂຽນສຳເລັດເມ່ືອສະຕະວັດທີ1ໄດ້ວາງມະໂນພາບເລກລົບແລະກົດເກນວິທີບວກລົບເລກບວກເລກລົບອອກມາກ່ອນໃນປະຫວັດ ຄະນິສາດຂອງໂລກ;ໃນສະຕະວັດທີ13,ຈີນໄດ້ມີວິທີຕອບແກ້ສົມຜົນ10ເທື່ອ,ມາຮອດສະຕະວັດທີ16,ເອີລົບຈ່ຶງສະເໜີວິທີຕອບແກ້ສົມຜົນ3ເທ່ືອ.
|
