|
ນັບມາຮອດປະຈຸບັນ, ງານແຂ່ງຂັນບານເຕະຊີງຊະນະເລີດເອີລົບໄດ້ຈັດຂຶ້ນ 11 ເທ່ືອແລ້ວ. ງານແຂ່ງຂັນເທ່ືອນີ້ເລ່ີມແຕ່ວັນທີ 13 ມິຖຸນາ, ແລະຈະສິ້ນສຸດລົງໃນວັນທີ 5 ກໍລະກົດ. 16 ທີມເກັ່ງເອີລົບຈະແຂ່ງຂັນກັນໃນ 10 ສະໜາມຢູ່ປອກຕຸຍການ. ອີງຕາມຕົວເລກທ່ີຄະນະຈັດຕັ້ງງານແຂ່ງຂັນບານເຕະຊີງຊະນະເລີດເອີລົບປະກາດໃຫ້ຮູ້ວ່າ, ຈະມີແຟນບານປະເທດຕ່າງໆ 5 ແສນກວ່າຄົນຈະເດີນທາງໄປປອກຕຸຍການເພື່ອຊົມງານແຂ່ງຂັນບານເຕະຊີງຊະນະເລີດເອີລົບ,ສ່ວນແຟນບານທ່ີເບ່ິງການແຂ່ງຂັນທາງໂທລະພາບຕໍ່ທ່ົວໂລກນັ້ນກໍມີເຖິງເປັນຮ້ອຍໆລ້ານຄົນ.
ປອກຕຸຍການທ່ີຕັ້ງຢູ່ແຈທິດຕາເວັນຕົກສຽງໃຕ້ຂອງເອີລົບນັ້ນ, ເວລາຂອງປະເທດດັ່ງກ່າວພັດຊ້າກວ່າເວລາປັກກ່ິງ 7ຊົ່ວໂມງ. ເຖິງວ່າການແຂ່ງຂັນຂອງງານແຂ່ງຂັນບານເຕະຊີງຊະນະເລີດເອີລົບລ້ວນແຕ່ແມ່ນຈັດຂຶ້ນໃນຍາມຂ້ອນແຈ້ງເວລາປັກກ່ິງກໍ່ຕາມ, ແຕ່ກໍຍັງມີແຟນບານຈີນເປັນພັນເປັນໝ່ືນເບ່ິງການແຂ່ງຂັນຖ່າຍທອດສົດທາງໂທລະພາບຢູ່, ບໍ່ວ່າຈຳນວນຄົນຊົມຫຼືຄວາມຕິດອົກຕິດໃຈຂອງແຟນບານ, ປະເທດຈີນກໍສົມຊ່ືເປັນແທ່ນນ່ັງເບ່ິງງານແຂ່ງຂັນບານເຕະຊີງຊະນະເລີດເອີລົບທີ່ໃຫຍ່ກວ່າໝູ່ໃນໂລກ. ນອກນີ້, ຕາມສະຖິຕິຂອງພະແນກວັດທະນະທຳຈີນປະຈຳປອກຕຸຍການໃຫ້ຮູ້ວ່າ,ຄະນະທ່ອງທ່ຽວທ່ີຂໍໄປຊົມງານແຂ່ງຂັນບານເຕະຊີງຊະນະເລີດເອີລົບຕໍ່ບໍລິສັດທ່ອງທ່ຽວສາກົນຈີນຫວ່າງມໍ່ໆນີ້ມີຫຼາຍສິບກວ່າຄະນະ. ທ່ານນາງຫ້າຍຈິ່ງຢ່ິງ ເລຂາເອກພະແນກວັດທະນະທຳເວົ້າວ່າ, "ຖ້າເວົ້າວ່າ, ເມ່ືອງານແຂ່ງຂັນບານເຕະຊີງຊະນະເລີດເອີລົບທ່ີຈັດຂຶ້ນຢູ່ເບແນງແລະໂຮນລັງປີ 2000, ຄົນຈີນຍັງເອົາແນ່ບໍ່ໄດ້,ຫຼັງຈາກເຂົ້າຮ່ວມຄະນະພັນຄົນໃຫ້ກຳລັງໃຈໃນການແຂ່ງຂັນໂລກປີ 2002ທ່ີຈັດຂຶ້ນຢູ່ສາທາລະນະລັດເກົາຫຼີແລະຍ່ີປຸ່ນ,ແລະມີປະເທດເອີລົບນັບມື້ນັບຫຼາຍໄດ້ກາຍເປັນສະຖານທີ່ທ່ອງທ່ຽວຂອງປະຊາກອນຈີນແລ້ວ,ຄົນຈີນທີ່ເຂົ້າຮ່ວມການຊົມງານແຂ່ງຂັນບານເຕະຊີງຊະນະເລີດເອີລົບກໍອາດຈະກາຍເປັນເລື່ອງຈິງໄດ້."
ນອກຈາກແຟນບານຈີນໄດ້ຈົດຈໍ່ໃສ່ງານແຂ່ງຂັນບານເຕະຊີງຊະນະເລີດເອີລົບແລ້ວ,ສ່ືມວນຊົນຈີນກໍເອົາໃຈໃສ່ນຳການແຈ້ງຂ່າວກ່ຽວກັບງານແຂ່ງຂັນບານເຕະຊີງຊະນະເລີດເອີລົບຄືກັນ.ຕາມໄດ້ຊາບ,ຄັ້ງນີ້ມີນັກຂ່າວຫຼາຍຮ້ອຍຄົນໄດ້ເດີນທາງໄປບ່ອນຈັດງານແຂ່ງຂັນບານເຕະຊີງຊະນະເລີດເອີລົບ, ມີສ່ືມວນຊົນຈີນຈຳນວນບໍ່ໜ້ອຍຍັງແຕ່ງນັກຂ່າວທ່ີປາກພາສາປອກຕຸຍການ ຝຣັ່ງແລະເຢຍລະມັນເປັນໄປອີກ.
ໜັງສືພິມໂບລາ ເຊ່ິງເປັນໜັງສືພິມບານເຕະໂດຍຈຳເພາະທ່ີຈຳໜ່າຍຫຼາຍ ກວ່າໝູ່ຢູ່ປອກຕຸຍການກໍໄດ້ພິມບົດຄວາມທ່ີພາດຫົວເລ່ືອງວ່າ "ນັກຂ່າວຈີນພີຊິດ ງານແຂ່ງຂັນບານເຕະຊີງຊະນະເລີດເອີລົບ" ໃນໄລຍະທ່ີຈັດງານແຂ່ງຂັນບານເຕະຊີງຊະນະເລີດເອີລົບ". ບົດຄວາມຂຽນວ່າ, ໃນງານສຳພາດຂ່າວທ່ີຈັດຂຶ້ນກ່ອນທີມປອກຕຸຍການລົງສະໜາມນັ້ນ, ສູນຮັບຕ້ອນຂອງມູນນິທິເຊລາເວສ໌ໄດ້ໂຮມນັກຂ່າວຫຼາຍກວ່າ 400 ຄົນທ່ີມາຈາກແຫ່ງຕ່າງໆຂອງໂລກ, ໃນນັ້ນ, ມີນັກຂ່າວຈີນຜູ່ໜ່ຶງ, ທ່ານບໍ່ພຽງແຕ່ເປັນຜູ່ຕັ້ງບັນຫາຖາມຫຼາຍກວ່າໝູ່ທໍ່ນັ້ນ,ຫາກຍັງປາກພາສາປອກຕຸຍການຫຼ່ຽນໄຫຼຈົນເຮັດໃຫ້ຄົນງານໃຫ້ສຳພາດຕື່ນຕົກໃຈອີກດ້ວຍ.ເມ່ືອທ່ານຖາມບັນຫາຕໍ່ທ່ານລູອິສ໌ ຟີໂກ ດາລາບານທ່ີມີຊ່ືສຽງດົງດັງຂອງປອກຕຸຍການນັ້ນ, ທ່ານໄດ້ເວົ້າພາສາປອກຕຸຍການຢ່າງລ່ຽນໄຫຼ,ແຕ່ເມ່ືອທ່ານຕັ້ງບັນຫາຖາມທ່ານສໂກລາຣິ ຄູເຝິກສັນຊາດເບຼຊີນຂອງທີມປອກຕຸຍການ, ທ່ານໄດ້ປາກພາສາປອກຕຸຍການທ່ີມີສຳນຽງເບຼຊີນ.ນັກຂ່າວຈີນຈັ່ງແມ່ນເກັ່ງວິຊາສະເພາະແທ້ໆ!
ນັກຂ່າວຜູ່ນີ້ກໍແມ່ນນັກຂ່າວພະແນກປອກຕຸຍການຂອງວິທະຍຸສາກົນແຫ່ງປະເທດຈີນ.
ເມື່ອເວົ້າເຖິງພາບປະທັບໃຈຕໍ່ນັກຂ່າວຈີນຢູ່ງານແຂ່ງຂັນບານເຕະຊີງຊະນະເລີດເອີລົບ, ທ່ານເລີນາໂຕ ການວານໂຮ ນັກຂ່າວຂອງໜັງສືພິມປັບລີໂກເຊ່ິງຈຳໜ່າຍຫຼາຍກວ່າໝູ່ຢູ່ປອກຕຸຍການເວົ້າວ່າ,"ນັກຂ່າວຈີນເປັນຄົນເຮັດວຽກສຸມຈິດສຸມໃຈ. ພວກເຂົາເຈົ້າປາກພາສາອັງກິດແລະພາສາປອກຕຸຍການເກັ່ງຫຼາຍ,ທັງນີ້ເຮັດໃຫ້ຂ້າພະເຈົ້າຕ່ືນຕົກໃຈທີ່ສຸດ, ຂ້າພະເຈົ້າຮູ້ສຶກວ່າພວກເຂົາເຈົ້າເປັນຄົນຕັ້ງອົກຕັ້ງໃຈນຳວິຊາແທ້ໆ, ແຕ່ລະມື້ກໍເປັນພວກອອກຈາກສູນຂ່າວຊ້າກວ່າໝູ່."
ໃນສະໜາມແຂ່ງຂັນຂອງງານແຂ່ງຂັນບານເຕະຊີງຊະນະເລີດເອີລົບ, ທ່ານຢັນໂກວິດ ກອງໜ້າທີມບຸນກາລີແມ່ນນັກກິລາຜູ່ດຽວໃນຈຳນວນນັກເຕະບານ300ກວ່າຄົນທີ່ເຂົ້າຮ່ວມການແຂ່ງຂັນຮ່ວມຈີນປະສານກັບຈີນໃນປະຈຸບັນໃນນັກເຕະບານ 300 ກວ່າທ່ານ. ໃນເວລາທ່ານໃຫ້ສຳພາດແກ່ນັກຂ່າວວິທະຍຸພວກເຮົາ, ທ່ານເວົ້າວ່າ, "ຂ້າພະເຈົ້າແມ່ນນັກເຕະບານໃນການແຂ່ງຂັນຮ່ວມຈີນປະສານກັບຈີນພຽງຜູ່ດຽວໃນງານແຂ່ງຂັນບານເຕະຊີງຊະນະເລີດເອີລົບ. ຢູ່ທ່ີນີ້, ມີຫຼາຍຄົນຖາມຂ້ອຍວ່າ, ປະເທດຈີນເປັນແນວໃດ, ເປັນຫຍັງເຈົ້າຈຶ່ງໄປເຕະບານຢູ່ຈີນ, ພວກເຂົາເຈົ້າແມ່ນສຳນຶກບໍ່ອອກເລີຍວ່າ, ປະເທດຈີນຈ່ັງແມ່ນຈົບງາມດີ, ຢູ່ຈີນ, ຂ້າພະເຈົ້າຮູ້ສຶກມ່ວນຫຼາຍ. ແຟນບານຈີນ, ຂ້າພະເຈົ້າກໍຄິດຮອດພວກເຈົ້າຢູ່!"
ຄົນຈີນຕັ້ງໃຈເຂົ້າຮ່ວມງານແຂ່ງຂັນບານເຕະຊີງຊະນະເລີດເອີລົບ ເຊ່ິງເປັນການແຂ່ງຂັນໃຫ່ຍໃນເວທີກິລາສາກົນທ່ີມີຜົນສະທ້ອນແຮງທີ່ສຸດໂດຍສະແດງໃຫ້ເຫັນວ່າ, ປະເທດຈີນພວມເຊ່ືອມໂຍງເຂົ້າກັບໂລກຢ່າງບໍ່ຢຸດຢັ້ງ, ສ່ວນໂລກກໍຍິນດີຕ້ອນຮັບຈີນຄືກັນ. ໃນເວລາຕ້ອນຮັບການເຂົ້າສຳພາດຂອງນັກຂ່າວວິທະຍຸພວກເຮົານັ້ນ, ທ່ານເມັກກາຊີ ອະດີດຄູເຝິກຂອງທີມຊາດອຽກລັງແຫ່ງຊາດເວົ້າວ່າ, "ຊາວຈີນເອີຍ,ຊົມເຊີຍພວກທ່ານມາຮ່ວມງານແຂ່ງຂັນບານເຕະຊີງຊະນະເລີດເອີລົບ, ຈົ່ງຕັ້ງສະຕິໄວ້ຄັກແນ່, ເພື່ອຊົມງານເຕະບານ!"
|
