|
1 ບໍ່ກິນເຂົ້າເຊົ້າ. ມີຫຼາຍຄົນຕື່ນເຊົ້າມາ ບໍ່ມັກກິນອາຫານ,ເຮັດແນວນີ້ແມ່ນບໍ່ເໝາະສົມທີ່ສຸດ,ເພາະວ່າ ຖ້າບໍ່ກິນເຂົ້າເຊົ້າ,ໃນເວລາເຮັດວຽກ ຈະເໝື່ອຍງ່າຍ,ກະເພາະກໍບໍ່ສະບາຍແລະມັກເຈັບຫົວ,ພ້ອມກັນນັ້ນ ຖ້າບໍ່ກິນເຂົ້າເຊົ້າເລື້ອຍໆ ຍັງຈະພາໃຫ້ເປັນໜິ້ວຖົງບີ.
2.ເຝິກຊ້ອມແລ່ນໃນເວລາທ້ອງເປົ່າ. ຕື່ນເຊົ້າມາບໍ່ກິນຫຍັງຮອງທ້ອງກ່ອນ ກໍໄປແລ່ນໂລດ,ຈະເພີ່ມການຫາບແບກໃຫ້ແກ່ໝາກຫົວໃຈແລະຕັບ,ອາດຈະເຮັດໃຫ້ຫົວໃຈເຕັ້ນບໍ່ສະໝ່ຳບໍ່ສະໝີ,ຈົນເຖິງຂັ້ນຕາຍກະທັນຫັນກໍເປັນໄດ້. ສິ່ງທີ່ຄວນເອົາໃຈໃສ່ນັ້ນແມ່ນ,ຜູ່ອາຍຸແຕ່ 50 ປີຂຶ້ນໄປ ຍ້ອນຄວາມສາມາດໃຊ້ອາຊິດໄຂມັນທີ່ເຄື່ອນເໜັງໃນຮ່າງກາຍຕ່ຳກວ່າຊາວໜຸ່ມ,ສະນັ້ນ,ຈຶ່ງເປັນອັນຕະລາຍກວ່າ.
3.ບາງຄົນບໍ່ມັກຖູແຂ້ວກ່ອນຈະນອນ. ກ່ອນນອນຖ້າບໍ່ຖູແຂ້ວ ດົນແລ້ວ ແຂ້ວຈະເປັນແມງ ຟັນແຂ້ວມັກອອກເລືອດແລະອັກເສບ,ໃນທີ່ສຸດຈະພາໃຫ້ແຂ້ວຫຼົ່ນ.
4. ບາງຄົນມັກນອນໝູບ. ທີ່ຈິງແລ້ວ ທ່ານອນສຳຄັນຫຼາຍ,ມັກນອນໝູບແມ່ນຄວາມຊີນເຄີຍທີ່ບໍ່ດີ,ດົນໄປ ຈະເພີ່ມກຳລັງໜີບຕໍ່ໜ້າເອິກ,ໝາກຫົວໃຈ,ປອດແລະໜ້າ,ເຮັດໃຫ້ກະດູກສັນຫຼັງຄົດ,ກ້າມເນື້ອແລະເສັ້ນເອັນເປືອງແຮງຫຼາຍ,ພາໃຫ້ຄົນບໍ່ໄດ້ຮັບການພັກຜ່ອນເປັນຢ່າງດີໃນເວລານອນ,ເມື່ອນອນຕື່ນແລ້ວ ໜ້າຈະໃຄ່ບວມ,ຕາໂປ,ຕາແດງ.
5. ການກິນອາຫານປີ້ງຫຼາຍບໍ່ດີ. ອາຫານປີ້ງມັກມີທາດເບັນໂຊປີແລນເຊື່ອມພິດ,ວັດຖຸຊະນິດນີ້ອາດຈະພາໃຫ້ເປັນມະເຮັງກະເພາະແລະມະເຮັງເລືອດ.
6.ບາງຄົນມັກໃຊ້ໄມ້ຖູ່ທີ່ທາສີນ້ຳມັນຄີບຂອງກິນ. ສີນ້ຳມັນມີວັດຖຸເຄມີທີ່ເປັນໂທດຕໍ່ຮ່າງກາຍ,ໂດຍສະເພາະແມ່ນຖ້າທາດນີຕຼາດ ຖືກຮັບເອົາເຂົ້າໄປໃນຮ່າງກາຍແລ້ວ,ອາດຈະປະສົມກັບວັດຖຸອາຊົດ ແລ້ວກາຍເປັນທາດນີໂຕຼຊາມິນ ຊຶ່ງເປັນວັດຖຸຮ້າຍແຮງທີ່ພາໃຫ້ເປັນພະຍາດມະເຮັງ.
|
