"ມີບ່ອນໜ່ືງທີ່ສວຍງາມ,ປະຊາຊົນເຜົ່າໄທລື້ດຳລົງຊີວິດຢູ່ແຫ່ງນັ້ນ,ໝູ່ບ້ານຕິດກັນຢ່າງໜາແໜ້ນ,ແມ່ນ້ຳທີ່ຄົດລ້ຽວກ້ຽວກອດ,ເປັນຟອງກະທົບກັນ"ນີ້ແມ່ນເພງສະຫຼັບຮູບເງົາເລື່ອງໜື່ງຊື່ວ່າເມິງລົງຊາຂອງຈີນໃນຊຸມປີ50,60ສະຕະວັດແລ້ວນີ້.ບ່ອນໜື່ງທີ່ສວຍງາມຢູ່ໃສແດ່?ນັ້ນກໍຄືແຂວງຢູນນານພາກຕາເວັນຕົກສຽງໃຕ້ຂອງຈີນ.
ທິວທັດແຂວງຢຸນນານ: ແມ່ນ້ຳນູຈ່ຽງ
ແຂວງຢຸນນານຕັ້ງຢູ່ເຂດຊາຍແດນພາກຕາເວັນຕົກສຽງໃຕ້ຂອງຈີນ,ມີເສັ້ນຊາຍແດນຍາວ4000ກວ່າກິໂລແມັດ,ຕ່າງຕໍ່ແດນກັບລາວ,ຫວຽດນາມແລະມຽນມາ.ທ່າແຮງທຳມະຊາດພູມສາດທີ່ມີເອກະລັກພິເສດ,ຊັບພະຍາກອນວັດທະນະທຳ ,ບວກກັບເງື່ອນໄຂດິນຟ້າອາກາດສາມມິຕິ,ໄດ້ກາຍເປັນຊັບພະຍາກອນທ່ອງທ່ຽວທີ່ອຸດົມສົມບູນຂອງແຂວງຢຸນນານ.
ເຂດທັດສະນີຍະພາບຢຸນນານ:ພູຊາງຊານໜອງແສ
ແມ່ນແທ້,ບ່ອນທີ່ສວຍງາມສາມາດເຫັນໄດຢູ່ແຫ່ງຕ່າງໆໃນແຂວງຢຸນນານ.ແຫ່ງນີ້ມີທ້ອງຟ້າສີຄາມອັນປອດໂປ່ງ,ມີທົ່ງນາມັ່ງມູນ,ມີພູຂຽວອຸ່ມທຸ່ມ,ມີແມ່ນຳ້ໄສປານແວ່ນ.ແຫ່ງນີ້ມີ52ຊົນເຜົ່າຕັ້ງພູລຳເນົາຢູ່,ເປັນບ່ອນທີ່ມີຊົນເຜົ່າຫຼາຍກວ່າໝູ່ໃນທົ່ວປະເທດຈີນ.ເຂດທັດສະນີຍະພາບຊື່ດັງຫຼາຍແຫ່ງແລະຮີດຄອງປະເພນີອັນບໍລິສຸດໄດ້ດຶງດູດສາຍຕາຂອງຄົນພາຍນອກເປັນຈຳນວນຫຼວງຫຼາຍ.
ເຂດທັດສະນີຍະພາບຢຸນນານ: ໜອງແສ
ການພັດທະນາການທ່ອງທ່ຽວຂອງແຂວງຢຸນນານແມ່ນເລີ່ມຕົ້ນແຕ່ທ້າຍຊຸ່ມປີ70ສະຕະວັດແລ້ວນີ້.ຕາມເພິ່ນເວົ້າວ່າ,ໃນເບື້ອງຕົ້ນໄດ້ຕ້ອນຮັບແຂກທ່ອງທ່ຽວພົ້ນທະເລ1300ຄົນ.ທ່ານໂລມິງອີ ຫົວໜ້າກົມທ່ອງທ່ຽວແຂວງຢຸນນານທີ່ເຄີຍເປັນອາຈານສອນນັກສຶກສາປະລິນຍາເອກເປັນຜູ່ຢືນຢັນການພັດທະນາການທ່ອງທ່ຽວແຂວງຢູນນານ.ທ່ານບອກນັກຂ່າວວ່າ,ໃນເວລາຫາກໍ່ພັດທະນາການທ່ອງທ່ຽວ,ແຂວງຢູນນານກໍສຸດທິຖະໜອມຮັກແພງບ່ອນທີ່ສວຍງານແຫ່ງນີ້.ທ່ານກ່າວວ່າ:"
ໃນຫົວທີ່,ແຂວງຢຸນນານພວກເຮົາກໍ່ຊອກຄົ້ນໄດ້ກົນໄກທີ່ຂ້ອນຂ້າງດີ,ຄື,ການພັດທະນາການທ່ອງທ່ຽວຕ້ອງຖືການອະນຸລັກສິ່ງແວດລ້ອມເປັນເງື່ອນໄຂບູລິມະສິດ.ພວກເຮົາມີລະບອບຢັບຢັ້ງດ້ວຍບັດດຽວ,ຄື,ຖ້າວ່າໂຄງການພັດທະນາກໍ່ສ້າງການທ່ອງທ່ຽວໃດໆ,ຫາກບໍ່ມີຜົນດີຕໍ່ສິ່ງແວດລ້ອມ,ເມື່ອມີການລົງຄະແນນສຽງຄັດຄ້ານ,ພຽງບັດດຽວດ້ານສິ່ງແວດລ້ອມກໍປະຕິເສດໂຄງການນັ້ນໂລດ.ສອງ,ເພື່ອຮັກສາບໍ່ໃຫ້ສິ່ງແວດລ້ອມຊີວະພາບຖືກທຳລາຍ,ຢູ່ບ່ອນທີ່ມີສິ່ງແວດລ້ອມຊີວະພາບອ່ອນແອ,ພວກເຮົາໄດ້ຈຳກັດຈຳນວນແຂກທ່ອງທ່ຽວ,ກຳນົດແຂກທ່ອງທ່ຽວທີ່ເໝາະກັບສິ່ງແວດລ້ອມ.ພວກເຮົາສະເໜີວ່າການພັດທະນາແລະການກໍ່ສ້າງການທ່ອງທ່ຽວຕ້ອງດຳເນີນໄປໂດຍປະສານສົມທົບກັບການອະນຸລັກສິ່ງແວດລ້ອມ.ການພັດທະນາການທ່ອງທ່ຽວຕ້ອງມີບົດບາດຕໍ່ການປູກຕົ້ນໄມ້ຕົ້ນຫຍ້າໃສ່ພູເຮື້ອ,ແລະດິນໂນນ,ເຮັດໃຫ້ແຫ່ງເຫຼົ່ານີ້ສວຍງາມຂຶ້ນ.
ເຂດທັດສະນີຍະພາບຢຸນນານ: ໜອງລູກູ
1 2 3
|