|
ໃນຫົກເດືອນຕົ້ນປີນ້ີ, ການລຽງລຳດັບເພງສຳຄັນຕ່າງໆຂອງຈີນລ້ວນແຕ່ໄດ້ປະກວດສະພາບການພັດທະນາເພງຈີນທ່ີແຕ່ງສະບັບເດີມໃນປີ2003, ແລະໄດ້ຈັດງານລາຕີປະກາດລາງວັນຢ່າງໃຫຍ່ໂຕມະໂຫລານ. ໃນນັ້ນ, ດາລາທ່ີປະຈັກຕາກວ່າໝູ່ຢູ່ເຂດໃນຂອງຈີນແມ່ນທ່ານພູຊູ, ໃນການປະກວດເພງຕ່າງໆ, ທ່ານໄດ້ຊິງເອົາລາງວັນນັກຮ້ອງດີເລີດເພດຊາຍດີເລີດແລະແຜ່ນຊີດີທ່ີດີເລີດຂອງການປະກວດເພງດ້ວຍເພງຊີວິດຄືດອກໄມ້ລະດູຮ້ອນແລະແຜ່ນຊີດີທ່ີມີຊ່ືດຽວກັນເກືອບໝົດ. ໃນລາຍການມ້ືນ້ີ, ພວກເຣົາຈົ່ງພ້ອມກັນມາຟັງການເລ່ົາເລ່ືອງກ່ຽວກັບທ່ານພູຊູ----ນັກຮ້ອງທ່ີປະຈັກຕາຄົນທັງເຕັມໄປດ້ວຍຄວາມເລິກລັບ.
ເມ່ືອພູຊູໄດ້ອັດແຜ່ນຊີດີທ່ີຊ່ືວ່າຂ້ອຍໄປປີ2000ເຊ່ິງເປັນຊີດີແຜ່ນທຳອິດຂອງຕົນເມ່ືອປີ1999ແລ້ວ, ພູຊູກ່ໍໄດ້ກາຍເປັນດາລາທ່ີປະຈັກຕາຄົນທ່ີສຸດໃນເວທີເພງເຂດໃນຂອງຈີນ, ເຊ່ິງເຮືອງຮຸ່ງແຕ່ພັດເປັນປະເພດນ່ຶງອີກຕ່າງຫາກ. ຖ້າຫາກແກ້ເສ້ືອຜ້ານອກສະໄໝນິຍົມຂອງເພງNewboyອອກ, ມາອ່ານເບ່ິງເນ້ືອໃນອັນເສົ້າໂສກຂອງເພງBaihualin, ແລະຮູ້ແຈ້ງຄວາມຮັກອັນຫງ່ວມເຫງົາໃນເພງດອກໄມ້ເຫຼົ່ານັ້ນແລ້ວ, ພວກເຮົາຈ່ິງຈະເຫັນແຈ້ງຄວາມຄິດທ່ີຝັງໄວ້ໃນໃຈຂອງທ່ານພູຊູ, ນ້ັນກ່ໍຄືຄວາມຫງ່ວມເຫງົາແລະຄວາມອຸກອ່ັງຢ່າງບ່ໍມົ້ມຂ້ອງຜູ່ກ່ຽວ.
ເພງທ່ີທ່ານພວມຟັງຢູ່ນ້ີແມ່ນເພງBaihualinໃນຊີດີແຜ່ນທຳອິດຂອງທ່ານພູຊູ. ເນ້ືອເພງຂຽນວ່າ: ມີມື້ໜ່ຶງແປວໄຟສົງຄາມໄດ້ໄໝ້ລາມມາຮອດບ້ານເກີດ, ອ້າຍບ່າວກ່ໍຟ້າວຖືປືນອອກໄປແນວໜ້າແລ້ວ, ທັງເວ້ົ່າຕ່ໍຄູ່ຮັກວ່າ, ນ້ອງຢ່າເປັນຫ່ວງນຳອ້າຍ, ໃຫ້ນ້ອງໄປຖ້າອ້າຍຢູ່ໃນປ່ານັ້ນກ່ໍພໍແລ້ວ. ເພງນ້ີໄດ້ບັນລະຍາຍເລ່ືອງບ່າວສາວຄູ່ໜ່ຶງ, ນັດພົບກັນຢູ່ໃນປ່າຕົ້ນເລ້ືອຍໆ, ແຕ່ຍ້ອນເກີດເສິກ, ອ້າຍບ່າວຕ້ອງໄປແນວໜ້າ, ພາຍຫຼັງພັດບ່ໍໄດ້ກັບຄືນມາຊຳ້, ຍັງເຫຼືອແຕ່ຜູ່ສາວຄອງຖ້າຢູ່ໃນປ່າຜູ່ດຽວທ່ໍນັ້ນ. ຈາກເພງນ້ີໄດ້ເຮັດໃຫ້ຄົນທັງຫຼາຍເລ່ີມເຂົ້າໃຈເລ່ືອງທ່ານພູຊູ, ອາດເວົ້າໄດ້ວ່າ, ເພງນ້ີແມ່ນເພງທ່ີເຣັດໃຫ້ເພ່ິນຂ້ຶນຊ່ືລີນາມຍ້ອນ.
ແຕ່ຫຼັງຈາກຊີດີແຜ່ນທຳອິດຂອງເພ່ິນສຳເລັດຜົນແລ້ວ, ທ່ານພູຊູກ່ໍບ່ໍໄດ້ສະແດງຕົວເກີນຂອບເຂດ, ເພ່ິນຍັງສະແຫວງກ່ັນກອງນຳ້ຍອດຂອງດົນຕີຕ່ໍໄປອີກ. ເພ່ືອສ້າງຊີດີແຜ່ນທີສອງ, ທ່ານພູຊູກ່ໍໄດ້ກະກຽມເປັນເວລາຕັ້ງ4ປີ.
ໃນ4ປີດັ່ງກ່າວ, ທ່ານພູຊູໄດ້ຕັ້ງຕ່ໍພະຍາຍາມຢ່າງມິດໆເພ່ືອຊອກຫາຄວາມໝາຍອັນດີງາມແລະແທ້ຈິງໃນຊີວິດແລະດົນຕີ, ໃນທ່ີສຸດ, ເພ່ິນຈ່ິງໄດ້ແຕ່ງແຜ່ນຊີດີshengruxiahua ຊີວິດບ່ໍຕ່າງຫຍັງກັບດອກໄມ້ລະດູຮ້ອນ. ໃນຂະນະນັ້ນທ່ານພູູຊູຈ່ິງໄດ້ຫຼຸດພົ້ນອອກຈາກຄວາມໂສກເສົ້າເຫງົາໃຈ, ແລ້ວເຊ່ືອມໂຍງເຂົ້າຢູ່ໃນສັງຄົມດ້ວຍຈິດໃຈອັນຕັ້ງໜ້າ, ຍາມໃດກ່ໍມີຈິດຕະພາບບົນເສັ້ນທາງເດີນຂອງຕົນໂດຍຕະຫຼອດ, ເພ່ິນບ່ໍຫວັ່ນໄຫວຄອນແຄນແລະບ່ໍລ້ີຊ່ອນປ່ອນຕົວຜີກສາຍຕາຂອງຜູ່ອ່ືນອີກແລ້ວ, ເມ່ືອຮອດຈຸດອາຍຸຸ30ປີບົນເສັ້ນທາງໃນຊີວິດ, ເພ່ິນຈ່ິງຮ້ອງເພງສີຄ່ອຍໆວ່າ: ຂ້ອຍຢູ່ທ່ີນ້ີ, ກ່ໍຢູ່ທ່ີນ້ີແຫຼະ, ເວລາພຽງແຕ່ພັບຕາດຽວ, ຄືກັນກັບດອກໄມ້ບານໃນລະດູຮ້ອນ, ດຽວນ້ີ, ຂ້ອຍແມ່ນແຈ້ງຮຸ່ງຈົນເຫຼ້ືອມ, ປານທວນໄຟແຈ້ງວານຂ້ຶນຜ່ານຂອບຟ້າ, ຢາກໃຫ້ເຈົ້າມາຮັກຂ້ອຍ, ຂ້ອຍຈະເຮັດໝົດທຸກສ່ິງທຸກຢ່າງ, ເພາະຂ້ອຍຈະໄໝ້ເກືອບໝົດແລ້ວ, ຈະກັບຄືນມາບ່ໍໄດ້ອີກແລ້ວ, ແສງສະຫວ່າງແຈ້ງຕະຫຼອດທາງ, ແລະເຕັມໄປແຕ່ປ່າໜາມຕະຫຼອດທາງ. ເມ່ືອແຕ່ງເພງນ້ີ, ທ່ານພູູຊູບ່ໍມີຄວາມຫວ່ັນໄຫວຄືແຕ່ກ່ອນ, ມີແຕ່ສະແດງອອກເຖິງແສງສະຫວ່າງແຫ່ງຊີວິດອັນຟົດຟີນີນັນ.
ໃນເວລານັ້ນ, ທ່ານພູຊູກ່ໍເຂົ້າໃຈຄວາມໝາຍອັນແທ້ຈິງຂອງຊີວິດແລ້ວ: ກາເຟຂົມໆ, ນຳ້ເຜ້ິງຫວານໆ, ແຕ່ໃດມາ, ຂ້ອຍບ່ໍປະຕິເສດລົດຫຍັງໝົດ. ຊີວິດລ້ວນແຕ່ມີອັນຂາດຕົກບົກຜ່ອງ, ແຕ່ຂ້ອຍກ່ໍຍັງຮູ້ສຶກວ່າມັນສົມບູນຢູ່. ເພງShazicaibeishang ແປວ່າຄົນໂງ່ຈ່ິງໂສກເສົ້າຂັບຮ້ອງໂດຍພູຊູ.
ໃນແຜ່ນຊີດີແຜ່ນໃໝ່ນ້ີ, ເພງWoaini,zaijian ແປວ່າຂ້ອຍຮັກເຈົ້າ, ພົບກັນໃໝ່ເດີໄດ້ໃຊ້ວິທີເລົ່ານິທານບັນລະຍາຍຄວາມຮັກຕອນໜ່ຶງ, ໄດ້ສ່ອງແສງໃຫ້ເຫັນນິທານຄວາມຮັກແນວໜ່ຶງຄື: ໄດ້ຮັກັກັນແລ້ວເລີຍແຍກກັນໄປຄົນລະທາງ. ເພງColorful Days ແປວ່າຊີວິດທ່ີມີຫຼາຍສີຫຼາຍສັນ, ເພງນ້ີເຄີຍເປັນເພງເອກຂອງວີດີໂອໂຄສະນາລົດຍົນໂຕໂຢຕາ, ຍ່ິງເຕັມໄປດ້ວຍຄວາມມຸ່ງຫວັງຕ່ໍໂລກໃນອະນາຄົດ; ເພງSushandewuxie ແປວ່າເກີບຟ້ອນຂອງນາງຊູຊານໄດ້ບັນລະຍາຍເຖິງຄວາມຮັກປານເລ່ືອງໃນນິທານເດັກ. ຕ່ໍໄປພວກເຮົາຈົ່ງພ້ອມກັນມາຟັງເພງColorful Days ເຊ່ິງເປັນເພງທ່ີເຄີຍນິຍົມກັນຢ່າງກວ້າງຂວາງຢູ່ຈີນ.
ເນ້ືອເພງຂຽນວ່າ: ຕ້ອງມີຈິນຕະນາການ, ຢ່າໝົດຄວາມຫ້າວຫັນ, ດຽວນ້ີຂ້ອຍພວມເດີນຢູ່ກາງທາງ, ຈະມີສ່ິງໃດໄປນຳຂ້ອຍກ່ໍຕາມຊ່າງ.
ນ້ີແມ່ນເພງColorful daysຂອງທ່ານພູູຊູ.
ທ່ານພູຊູໃນປະຈຸບັນພວມສະເຫວີຍຄວາມຜາສຸກຂອງດົນຕີ, ພວກເຮົາຮູ້ສຶກມີຄວາມຊົມຊ່ືນທ່ີສຸດທ່ີໄດ້ເຫັນທ່ານພູຊູເດີນຜ່ານປ່າໜາມ, ດອກໄມ້ແຫ່ງຊີວິດໄດ້ບານແຍ້ມ. ພວກເຮົາກ່ໍຄອງຄອຍໃນລະດູຮ້ອນປີໜ້າ, ທ່ານພູຊູກ່ໍຈະນຳເອົາຄວາມຕ່ືນເຕັ້ນມາໃຫ້ພວກເຮົາຫຼາຍກວ່າເກົ່າ.
|
