|
|
 |
| (GMT+08:00)
2004-07-09 09:53:02
|
 |
|
ນາງອາຊືມາ(ພາບ)
cri
ຂ້ອຍພານາງອາຊືມາເມືອບ້ານ, ຂ້ອຍເມືອບ້ານນຳອ້າຍອາໄຮ, ໜີຈາກເຮືອນເຢ້ີປູ້ປ່າລາໄກແສນໄກ, ຈາກນັ້ນ, ແມ່ເພ່ິນກ່ໍບ່ໍເສົ້າໝອງໃຈຫຍັງເລີຍ. ທ່ານຜູ່ຟັງທັງຫຼາຍ, ເພງເບີກບານໃຈດ່ັງກ່າວທ່ີທ່ານພວມຟັງຢູ່ນ້ີແມ່ນເພງອ່າຊືມາເຊ່ິງເປັນເພງພ້ືນເມືອງຂອງເຜົ່າຊານີຊົນເຜົ່າສ່ວນໜ້ອຍຂອງຈີນທ່ີຕັ້ງພູມລຳເນົາຢູ່ແຄມພາກຕາເວັນຕົກສຽງໃຕ້ຂອງຈີນ. ເພງນ້ີໄດ້ເລົ່ານິທານຄວາມຮັກອັນແສນງາມຂອງບ່າວສາວຄູ່ໜ່ຶງ, ແລະໄດ້ຮ້ອງສືບຕ່ໍກັນຢູ່ຈີນມາໄດ້40ກວ່າປີແລ້ວ. ຜູ່ຮ້ອງເພງດັ່ງກ່າວແມ່ນຄະນະຮ້ອງໄຮຢາຈືທ່ີປະກອບດ້ວຍສາວງາມ4ຄົນ, ພວກເຂົາເຈົ້າໄດ້ໃຊ້ປັດໄຈດົນຕີທ່ີນິຍົມກັນເຊ່ືອມໂຍງເຂົ້າໃນເພງພ້ືນເມືອງດ້ັງເດີມຂອງຈີນ, ແລ້ວກາຍເປັນຮູບຊົງເສບແລະຂັບຮ້ອງແບບໃໝ່ອ່ຽມ.
ທ່ີຟັງມານັ້ນແມ່ນເພງອ່າຊືມາທ່ີຂັບຮ້ອງໂດຍຄະນະຮ້ອງໄຮຢາຈື.
ໃນຊຸມປີ90ຂອງສະຕະວັດທ່ີແລ້ວ, ນັກດົນຕີຈີນຫຼາຍໆຄົນໄດ້ບຸກເບີກຂົງເຂດໃໝ໋່ໃຫ້ແກ່ເພງພ້ືນເມືອງແລະດົນຕີພ້ືນເມືອງທ່ີອຸດົມສົມບູນຂອງຈີນ, ໄດ້ໃຊ້ເພງພ້ືນເມືອງຫຼືເຄ່ືອງເສບຊົນເຜົ່າດ້ັງເດີມຂອງຈີນມາປະສົມປະສານກັບປັດໄຈດົນຕີຝ່າຍຕາເວັນຕົກທ່ີນິຍົມກັນໃນສະໄໝມ່ໍ, ມາປະດິດສ້າງແບບວິທີໃໝ່ເປັນເພງພ້ືນເມືອງໃໝ່ແລະດົນຕີພ້ືນເມືອງໃໝ່, ໃນນັ້ນ, ບຸກຄົນທ່ີເປັນຕົວແທນແມ່ນນາງລີນ້າ. ນາງໄດ້ໃຊ້ເຂດສຽງອັນກວ້າງຂວາງແລະເສັ້ນສຽງດັງຫອງຂອງຕົນທ່ີມີໂດຍຈຳເພາະ, ເອົາການຮ້ອງເພງພ້ືນເມືອງຂອງຈີນທ່ີມີລົດຊາດພິເສດຫັນເປັນເພງທ່ີເຮັດໃຫ້ຄົນ, ຟັງແລ້ວມີຄວາມສຳນິກຢ່າງເລິກເຊ່ິງ. ເພງຫວາງຖູກ່າວພໍທ່ີນາງຮ້ອງໃໝ່ນັ້ນກ່ໍແມ່ນເພງໜ່ຶງທ່ີລືຊ່ືດຽວນ້ີ, ໃຫ້ພວກເຮົາມາຟັງເພງນ້ີນຳກັນລອງເບ່ິງ.
ທ່ີຟັງມານັ້ນແມ່ນເພງຫວາງຖູກ່າວພໍຂອງນາງທ່ີໄດ້ຍົກໃຫ້ເຫັນຊີວິດການເປັນຢູ່ຂອງປະຊາຊົນເຂດທະເລຊາຍຢູ່ພາກຕາເວັນຕົກສຽງເໜືອຂອງຈີນ, ແລະໄດ້ສະແດງອອກເຖິງຮີດຄອງປະເພນີຄູ່ກິຄູ່ກີຂອງເຂດນັ້ນ.
ຄະນະຮ້ອງໝູ່ສຽງຊາຍປານກາງປ່າຈ່ືແຢນແປວ່າຕາແປດດວງແມ່ນກຳລັງຫຼວງອີກກຳລັງໜ່ຶງໃນທ່າມກາງກະແສຟອງ ດົນຕີໃໝ່4ຊົນເຜົ່າຈີນ. ພວກເຂົາເຈ້ົາໄດ້ໃຊ້ທຳນອງອ່ອນໂຍນແລະວ່ອງໄວມາຮ້ອງເພງນາງສາວເມືອງຕາປານເຊ່ິງເປັນເພງພ້ືນເມືອງເຜົ່າວີອຸຍເອີຂອງຈີນ, ຈົນໄດ້ຮັບການຕີລາຄາສູງເປັນເອກະສັນກັນຈາກແຟນເພງພ້ືນເມືອງອັນໄພສານແລະບຸກຄົນໃນຂະແໜງການດຽວ.
ທາງປູຫີນເມືອງຕາປານທັງແຂງແລະຮາບພຽງດີ, ໝາກໂມໜ່ວຍໃຫຍ່ທັງຫວານຫອມ, ຜູ່ສາວເມືອງຕາປານເປຍຜົນເປັນສາຍຍາວໆ, ດວງຕາທັງຄູ່ກ່ໍງາມແທ້ງາມວ່າ, ຖ້ານ້ອງຢາກເອົາຜົວ, ຢ່າໄປແຕ່ງດອງກັບຜູ່ອ່ືນ, ແນວໃດກ່ໍໃຫ້ມາແຕ່ງກັບອ້າຍ, ໃຫ້ນ້ອງເອົາເຄ່ືອງແຕ່ງດອງ, ຮ້ອງເພງ, ຂ່ີລົດມ້າມາໂລດ.
ເພງຜູ່ສາວເມືອງຕາປານດ່ັງກ່າວໄດ້ສະແດງອອກເຖິງຄວາມຮັກຂອງຜູ່ບ່າວວີອຸຍເອີທ່ີມີຕ່ໍຜູ່ສາວທ່ີຕົນມັກພ້ອມທັງຮີດແຕ່ງດອງທ່ີມີເອກກະລັກຂອງເຂົາເຈົ້າ, ນັ້ນກ່ໍຄືໃນຍາມຈະແຕ່ງດອງ, ຝ່າຍຍິງຈະຕ້ອງຖືເຄື່ອງແຕ່ງດອງໄປນຳ, ຖ້າສອງຝ່າຍຫາກເຫັນດີນຳກັນ, ຍັງໃຫ້ເອ້ືອຍນ້ອງແຕ່ງດອງພ້ອມກັນກ່ໍໄດ້.
ທ່ີຟັງຢູ່ນ້ີແມ່ນເພງທາງໄກ365ລ້ີ, ທຳອິດ, ເພງນ້ີແມ່ນທ່າວຫວັນຈ່າງນັກຮ້ອງທ່ີມີຊ່ືສຽງຂອງໃຕ້ຫວັນຈີນເປັນຜູ່ຮ້ອງກ່ອນໝູ່ເຊ່ິງໄດ້ວາດພາອບເຖິງຄວາມຄິດຮອດບ້ານເກີດເມືອງນອນຂອງລູກທ່ີພວມພະເນຈອນຢູ່ເມືອງນອກ, ແລະຄວາມຮັກອັນເຂັ້ມຂຸ້ນທ່ີຈັບໃຈຄົນ. ໃນການຮ້ອງເພງດັ່ງກ່າວ, ຄະນະຮ້ອງໝູ່ຕາແປດດວງໄດ້ປະສົມກັບຮູບຊົງໃໝ່, ຍ່ິງເຮັດໃຫ້ເພງມີຄວາມເລິກເຊ່ິງແລະໜ້າຟັງກວ່າເກົ່າ.
ໃນທ່າມກາງກະແສຟອງດົນຕີໃໝ່ຂອງຈີນ, ຍັງມີຄະນະເສບທ່ີມີສີສັນພິເສດແລະໄດ້ຮັບຜົນສຳເລັດງວດໜ່ຶງປະກົດຕົວອອກ. ພວກເຂົາເຈົ້າໄດ້ໃຊ້ເຄ່ືອງເສບດັ້ງເດີມຂອງຈີນ, ມາເສບດົນຕີຝ່າຍຕາເວັນຕົກ. ໃນນັ້ນ, ຄະນະທ່ີມີຊ່ືສຽງກວ່າໝູ່ແມ່ນຄະນະເສບNvzishieryuefang ແປວ່າຊ່າງເສບດົນຕີ12ນາງ.
ທ່ານຜູ່ຟັງທັງຫຼາຍ, ບ່ໍຮູ້ວ່າທ່ານຊິນເຄີຍກັບເຄ່ືອງເສບເຫຼົ່ານ້ີຫຼືບ່ໍ? ທ່ີຈິງແລ້ວ, ເຄ່ືອງເສບເຫຼົ່ານ້ີສ່ວນຫຼາຍແມ່ນເຄ່ືອນເສບຊົນເຜົ່າດັ້ງເດີມຂອງຈີນ, ຕົວຢ່າງຄື: ກະຈັບປີ, ຜີຜາແລະຊໍອູ້ເປັນຕົ້ນ. ເມ່ືອເອົາເຄ່ືອງເສບເຫຼົ່ານ້ີປະສົມປະສານກັບເຄ່ືອງເສບໄຟຟ້າຂອງຝ່າຍຕາເວັນຕົກແລ້ວ, ມັນໄດ້ເຣັດໃຫ້ຟັງຝ່າຍຕາເວັນອອກກັບຝ່າຍຕາເວັນຕົກມີຄວາມຮູ້ສຶກຕ່າງກັນໝົດ.
|
|
|
