|
ເມື່ອທຽບກັບອັກສອນທີ່ມີພະຍັນຊະນະແລະສະຣະພ້ອງສຽງແລ້ວ,ຕົວໜັງສືຈີນແລະພາ ສາຈີນແມ່ນມີສະເໜໂດດເດັ່ນເປັນພິເສດ.ສິ່ງທີ່ສາມາດອອກເຖິງລັກສະນະໂດດເດັ່ນ ແນວນີ້ກ່ອນໝູ່,ໃນດ້ານສິລະປະຈັກຂຸວິນຍານແມ່ນການຂຽນງາມດັ້ງເດີມຂອງຈີນ,ໃນດ້ານໂສຕະວິນຍານແມ່ນຊ້ຽງເຊິ່ງຫຼືແປວ່າການເວົ້າຕະຫຼົກແບບຈີນ.
ຊ້ຽງເຊິ່ງຂອງຈີນແມ່ນມີແຕ່ດົນແລ້ວ,ແຕ່ຈໍ່ຕົວຂຶ້ນເປັນສິລະປະເອກະລາດແມ່ນເມື່ອທ້າຍສະຕະວັດທີ19ແລະຕົ້ນສະຕະວັດທີ20.ໃນນາມເປັນສິລະປະປາກເວົ້າ,ເວົ້າທາງດ້ານຮູບການແລ້ວ,ຊ້ຽງເຊິ່ງແມ່ນຄ້າຍຄືກັນກັບນັກສະແດງສີປາກ,ແຕ່ເວົ້າໃນດ້ານເນື້ອໃນແລ້ວ,ຊ້ຽງເຊິ່ງຕ້ອງມີລັກສະນະຢິກແກມຢອກແລະລັກສະນະສຽດສີ,ນັກແຕ່ງບົດຊ້ຽງເຊິ່ງແລະນັກສະແດງຊ້ຽງເຊິ່ງຕ້ອງເກ່ັງໃນການສັງເກດເບິ່ງຂໍ້ຂັດແຍ່ງທີ່ເປັນປັດໄຈພາໃຫ້ຄົນຫົວ ໃນຊີວິດປະຈຳວັນ,ແລ້ວຜ່ານການສັງເຂບ ກັ່ນກອງແລະປຸງແຕ່ງທີ່ສົມເຫດສົມຜົນ,ຈຶ່ງສາມາດປະດິດສ້າງບົດປະພັນຊ້ຽງເຊິ່ງທີ່ສຳເລັດຜົນໄດ້.ທ່ານມາຈີ້ ປີນີ້ອາຍຸ70ປີກໍ່ແມ່ນອາຈານໃຫຍ່ທາງດ້ານນີ້.
ປີ1934,ທ່ານມາຈີ້ເກີດໃນຄອບຄົວອັນທຸກຈົນທີ່ສຸດ.ຍ້ອນມີກຳລັງໜີບດ້ານຊີວິດ,ເມື່ອ ອາຍຸໄດ້14ປີທ່ານມາຈີ້ຈຶ່ງໄປຂໍເປັນລູກສິດໃນໂຮງງານປັ່ນທໍຫຼັງໜຶ່ງຢູ່ຊຽງໄຮ້.ພາຍຫຼັງ ປະເທດຈີນໃໝ່ໄດ້ຮັບການສ້າງຕັ້ງຂຶ້ນແລ້ວ,ທ່ານມາຈີ້ຈຶ່ງໄດ້ເປັນຄົນຂາຍຂອງໃນຮ້ານຂາຍປື້ມຊິນຮວາທີ່ປັກກິ່ງ.ຍ້ອນມີຈິດໃຈສຸຂະທັດແລະຄວາມຮັກຫອມຊີວິດປະຈຳວັນຂອງສາມັນຊົນ,ຕັ້ງແຕ່ໄວໜຸ່ມ,ທ່ານມາຈີ້ກໍໄດ້ແມນພູມປັນຍາໃນດ້ານຊ້ຽງເຊິ່ງອອກມາແລ້ວ.ຕົວຢ່າງຄື,ເພິ່ນສາມາດແອບສຽງຮ້ອງຈ່າວຂາຍຂອງເດັກນ້ອຍຂາຍຂອງຢູ່ຕາມແຄມທາງແລະສຽງເວົ້າພາສາທ້ອງຖ່ິນແຫ່ງຕ່າງໆຂອງຈີນຄືທີ່ສຸດຈົນບໍ່ຜິດຈັກແກ່ນ.
ປີ1956,ທ່ານມາຈີ້ໄດ້ປະສົບບາດລ້ຽວໃນຊີວິດ.ຢູ່ໃນການແຂ່ງຂັນການສະແດງຂອງຜູ່ສະໝັກຫຼິ້ນເທື່ອໜຶ່ງ,ພູມປັນຍາຂອງທ່ານມາຈີ້ໄດ້ຮັບການຍ້ອງຍໍສໍລະເສີນຈາກສິນລະ ປິນຮຸ້ນເກົ່າຂອງຈີນ,ແລ້ວເລີຍໄດ້ເປັນສະມາຊິກຂອງຄະນະຄີຕະສິນວິທະຍຸກະຈາຍສຽງຂອງຈີນຢ່າງເປັນທາງການ,ເຊິ່ງເປັນນັກສະແດງອາຊີບຊ້ຽງເຊິ່ງ.ໂດຍໄດ້ຮັບການຊີ້ນຳຂອງທ່ານໂຮປາວລີນ ອາຈານໃຫຍ່ຊ້ຽງເຊິ່ງທີ່ມີຊື່ສຽງຂອງຈີນ,ບວກກັບທ່ານມີຄວາມສະດຸ້ງໄວແລະຄວາມສາມາດຈື່ຈຳໄດ້ເກັ່ງ,ທ່ານມາຈີ້ທີ່ອາຍຸພຽງ20ປາຍປີກໍ່ປະກົດຕົວເດັ່ນຂຶ້ນໃນວົງການຊ້ຽງເຊິ່ງ.
ຫຼາຍສິບປີມານີ້,ທ່ານມາຈີ້ໄດ້ປະດິດສ້າງແລະສະແດງບົດຊ້ຽງເຊິ່ງ300ກວ່າເລື່ອງ,ແລະໄດ້ເດີນທາງໄປສະແດງຢູ່ເກືອບທົ່ວທຸກແຫ່ງໃນທົ່ວປະເທດ.ເມື່ອເວົ້າເຖິງປະສົບການຂອງຕົນແລ້ວ,ທ່ານມາຈີ້ແມ່ນກະຕຸ້ນໃຈທີ່ສຸດ.ທ່ານເວົ້າວ່າ: "ຂ້ອຍໄດ້ປະສົບທັງເລື່ອງດີແລະເລື່ອງເສົ້າຈົນນັບບໍ່ຖ້ວນແລ້ວ.ກ່ອນການສະແດງເທື່ອໜ່ຶງ,ລູກສາວຂອງອາຈານໃຫຍ່ໂຮປາວລີນ ເຊິ່ງເປັນຄູສອນຂອງຂ້ອຍເຖິງແກ່ກຳຢ່າງກະທັນຫັນ,ທ່ານໂຮປາວລີນ ກໍຍັງອອກເດີນທາງພ້ອມກັບນັກສະແດງອື່ນໆ.ສະນັ້ນ,ຂ້ອຍຈຶ່ງຮູ້ວ່າ,ຖ້າວ່າເຈົ້າຫາກເປັນນັກສະແດງ,ກໍ່ຕ້ອງນຳເອົາຄວາມມ່ວນຊື່ນມາໃຫ້ຜູ່ຊົມ,ນີ້ແມ່ນໜ້າທີ່ຂອງນັກສະແດງ."
ທ່ານມາຈີ້ເວົ້າວ່າ,ເພິ່ນໄດ້ສະແດງຊ້ຽງເຊິ່ງມາກວ່າເຄິ່ງຄົນແລ້ວ,ຮັກຫອມສິລະປະທີ່ມີສີ ສັນພິເສດຂອງຊາດຈີນລາຍນີ້ທີ່ສຸດ.ເຊິ່ງຄືກັນກັບຮູບການສິລະປະດັ້ງເດີມອ່ືນໆຂອງຈີນເຊັ່ນງິ້ວປັກກິ່ງ ເພງພື້ນເມືອງເຈ້ຍຕັດເປັນຮູບແລະອື່ນໆ,ຍ້ອນຖືກຜົນກະທົບຈາກສື່ມວນຊົນແລະຂະແໜງການບັນເທີງທີ່ທັນສະໄໝ,ເລີ່ມແຕ່ທົດສະວັດທີ9ຂອງສະຕະວັດທີ່ແລ້ວ,ການຂະຫຍາຍຕົວຂອງຊ້ຽງເຊິ່ງຈຶ່ງປະກົດມີທ່ວງທ່າຫົດຫູ່.ຕົວຢ່າງຄື ບົດປະພັນຊ້ຽງເຊິ່ງທີ່ປະດິດສ້າງໃໝ່ລັກສະນະສິລະປະບໍ່ສູງປານໃດ,ນັກສະແດງຊ້ຽງເຊິ່ງຫັນໄປ ສະແດງສິລະປະແນວອື່ນໆເປັນຕົ້ນ.ແຕ່ທ່ານມາຈີ້ຊ້ຳພັດໄດ້ກຶກກອງໂດຍຕະຫຼອດ,ແລະໄດ້ທຳຄວາມພະຍາຍາມ,ຫວັງໃຫ້ສິລະປະຊ້ຽງເຊິ່ງອັນເກົ່າແກ່ສາມາດໄດ້ຮັບຊີວິດໃໝ່ໃນຍຸກສະໄໝໃໝ່.ທ່ານເວົ້າວ່າ: "ໃນເວລາທີ່ຄົນທັງຫຼາຍເວົ້າວ່າຊ້ຽງເຊິ່ງມໍ່ຈະສູນສ້ຽງໄປ,ມີນັກສະແດງຫຼາຍຄົນຫັນໄປເຮັດອາຊີບອື່ນ.ມີບາງຄົນໄປຮ້ອງເພງ,ມີບາງຄົນໄປສະແດງຮູບເງົາ.ຂ້ອຍເອງກໍຍັງຮັກສາໄວ້ຢູ່ຂົງເຂດນີ້ຢ່າງເດັດດ່ຽວ.ຖ້າວ່າຂ້ອຍປະທຸງຜືນນີ້ແລ້ວ,ກໍ່ຈະບໍ່ມີຄົນມາຊູທຸງຜືນນີ້ຕໍ່ໄປອີກ,ສະນັ້ນ,ຂ້ອຍຈຳຕ້ອງຍຶດໝັ້ນຊູທຸງຜືນນີ້ບໍ່ໃຫ້ມັນລົ້ມ."
ໃນຖານເປັນສິນລະປິນທີ່ມີຊື່ສຽງຜູ່ໜຶ່ງ,ທ່ານມາຈີ້ເຄີຍໄປຫຼາຍແຫ່ງໃນໂລກ,ເພື່ອເຂົ້າ ຮ່ວມການແລກປ່ຽນວັດທະນະທຳລະຫວ່າງຈີນກັບຕ່າງປະເທດ.ເພື່ອສົ່ງເສີມພາລະກິດຊ້ຽງເຊ່ິງໃຫ້ຮຸ່ງເຮືອງ,ທ່ານໄດ້ອອກແຮງບຳລຸງສ້າງນັກສະແດງຊ້ຽງເຊິ່ງໄວໜຸ່ມຢ່າງສຸດຂັ້ນສຸດຂີດ.ໂດຍປະເຊີນໜ້າກັບສະພາບບໍ່ຮຸ່ງປານໃດຂອງຊ້ຽງເຊິ່ງ,ທ່ານມາຈີ້ເວົ້າວ່າ, ທ່ານຍັງມີຄວາມຫວັງຢ່າງເຕັມປ່ຽມ,ເພາະວ່າ,ຊ້ຽງເຊິ່ງແມ່ນສິລະປະທາງປາກເວົ້າ,ຄຳປາກຄຳເວົ້າແມ່ນມີຊີວິດຊີວາ,ແຫ່ຼງກຳເນີດຂອງຊ້ຽງເຊິ່ງແມ່ນບໍ່ຫ່ອນຈະບົກແຫ້ງ.ທ່ານເວົ້າວ່າ: "ຊ້ຽງເຊ່ິງໄດ້ຮັບຄວາມນິຍົມຊົມຊອບຈາກຄົນທັງຫຼາຍແມ່ນຍ້ອນມັນມີຮູບການ ສະແດງແບບກະທັດຮັດ,ເນື້ອໃນການສະແດງກໍເຂົ້າໃຈງ່າຍ,ແລະໄດ້ໃຊ້ຄຳເວົ້າອັນດີເດັ່ນທີ່ສຸດຂອງຊາດຈີນມາສະແດງເນື້ອໃນດັ່ງກ່າວ,ສະນັ້ນຈຶ່ງເຮັດໃຫ້ຜູ່ຊົມມີຄວາມນິຍົມຊົມຊອບຢ່າງເລິກເຊິ່ງ,ສະເໜຂອງມັນກໍ່ແມ່ນຢູ່ໃນຂໍ້ນີ້.ຂ້ອຍເຫັນວ່າ,ບໍ່ວ່າຈະປະຕິຮູບຊ້ຽງເຊິ່ງໄປແນວໃດ,ກໍ່ຕ້ອງຮັກສາຂໍ້ນີ້ໄວ້,ປ່ຽນແປງບໍ່ໄດ້."
ທ່ານມາຈີ້ເວົ້າວ່າ,ການທົດລອງແລະຄົ້ນຄວ້າຕ່າງໆໃນຂົງເຂດປະດິດສ້າງແລະສະແດງຊ້ຽງເຊິ່ງລ້ວນແຕ່ຄວນໄດ້ຮັບຄວາມສະໜັບສະໜູນ,ແຕ່ທ່ານຄັດຄ້ານການໃຊ້ຮູບການແບບຫຼິ້ນເຮຮະ,ເພາະວ່າສັງເກດຈາກບົດຮຽນຫຼາຍສິບປີຂອງທ່ານ,ຊ້ຽງເຊິ່ງໄດ້ຮັບຄວາມນິຍົມຊົມຊອບຫຼາຍແມ່ນຍ້ອນມັນຕິດກັບຊີວິດປະຈຳວັນຂອງສາມັນຊົນ,ເຂົ້າໃຈງ່າຍເວົ້າ ຢິກແກມຢອກແລະຫຼັກແຫຼມ,ແຕ່ບໍ່ຕ່ຳຕ້ອຍ.
|
