|
ດຽວນີ້ອາກາດຂອງປັກກິ່ງນັບມື້ນັບຮ້ອນແລ້ວ,ວຽງຈັນໃນຍາມນີ້ພໍດີແມ່ນລະດູຝົນ,ເຖິງວ່າອາກາດອາດຈະເຢັນກວ່າ,ແຕ່ອຸນຫະພູມກໍສູງສົມຄອນ. ໃນຍາມຮ້ອນ,ຄົນທັງຫຼາຍອາດຈະອາບນ້ຳມື້ລະຫຼາຍເທື່ອ.ຫຼາຍຄົນມັກອາບນ້ຳເຢັນໃນເວລາເຫື່ອໄຫຼໄຄຍ້ອຍ,ຮູ້ສຶກເຢັນສະບາຍ,ມີແຮງດີ,ແຕ່ຜູ່ຊ່ຽວຊານຜິວໜັງກ່າວວ່າ,ທີ່ຈິງແລ້ວ,ອາບນ້ຳຮ້ອນຈຶ່ງແກ້ຮ້ອນແກ້ອິດເໝື່ອຍໄດ້,ເຖິງວ່າໃນຍາມຮ້ອນກໍຄວນອາບນ້ຳຮ້ອນ,ແຕ່ເວົ້າແທ້ແລ້ວແມ່ນອາບນ້ຳອຸ່ນ,ທຳມະດາ,ອຸນຫະພູມ ປະມານ 30 ອົງສາເຊແມ່ນພໍດີ.
ໃນເວລາເຫື່ອອອກ ຖ້າຖືກນ້ຳເຢັນມັກຈະພາໃຫ້ເປັນພະຍາດງ່າຍ. ໃນລະດູຮ້ອນ,ຖ້າເຄື່ອນໄຫວເລັກໜ້ອຍ ກໍອາດຈະເຫື່ອຫຼາຍໄຄຍ້ອຍ,ເວລານີ້ ຖ້າອາບນ້ຳເຢັນຫົດໃສ່ແຕ່,ອາດຈະຮູ້ສຶກເຢັນສະບາຍຊົ່ວຄາວ,ແຕ່ຫຼັງຈາກນັ້ນບໍ່ດົນກໍອາດຈະຮູ້ສຶກຮ່າງກາຍອ່ອນເພຍ,ບາງຄົນຈົນກະທັ້ງປວດຫົວ. ນີ້ແມ່ນຍ້ອນວ່າໃນເວລາເຫື່ອອອກຫຼາຍໆນັ້ນ,ສາຍເລືອດຝອຍຈະຍະອອກ,ຖ້າອາບນ້ຳເຢັນຫົດໃສ່,ສາຍເລືອດກໍຈະຫຸບເຂົ້າກະທັນຫັນ,ຄວາມຮ້ອນໃນຮ່າງກາຍຖືກລະງັບ,ບໍ່ສາມາດລະ ບາຍອອກໄດ້ໃນທັນທີ,ສ່ວນສາຍເລືອດແດງໃນສະໝອງມີຫຼາຍທີ່ສຸດ,ແລະສະດຸ້ງໄວຫຼາຍຕໍ່ການກະຕຸກຂອງພາຍນອກ,ອາດຈະພາໃຫ້ສັບພະຄຸນຂອງສາຍເລືອດແດງໃນສະໝອງຜິດປົກກະຕິ,ພາໃຫ້ວິນຫົວ,ປວດຫົວ,ຕາມືດ,ຈົນກະທັ້ງປວດຮາກ. ສະນັ້ນ ການອາບນ້ຳເຢັນໃຫ້ຫາຍຮ້ອນຈຶ່ງແມ່ນວິທີທີ່ອັນຕະລາຍທີ່ສຸດ,ໂດຍສະເພາະແມ່ນຜູ່ທີ່ບໍ່ລື້ງອາບນ້ຳເຢັນ,ຍິ່ງຈະພາໃຫ້ຮ່າງກາຍບໍ່ສະບາຍ,ມັກຈະ້ງທີ່ງບກະທັນຫັນ່ນອາບນ້ຳອຸ່ນເປັນພະຍາດງ່າຍ.
ສ່ວນອາບນ້ຳຮ້ອນສາມາດເຮັດໃຫ້ສາຍເລືອດໃນຜິວໜັງແລະກ້າມເນື້ອ ໝູ່ນວຽນໄວ,ເຮັດໃຫ້ສາຍເລືອດຝອຍຍະອອກ,ຈຶ່ງລະບາຍຄວາມຮ້ອນໄດ້ດີ,ຊຸກຍູ້ການຂັບຖ່າຍ,ເຮັດໃຫ້ສ່ວນຕ່າງໆຂອງຜິວໜັງໄດ້ຮັບທາດບຳລຸງ,ແລະຂັບຖ່າຍສິ່ງເສດເຫຼືອອອກຈາກຮ່າງກາຍໄດ້ໄວ.ນອກນີ້,ອາບນ້ຳອຸ່ນທີ່ມີອຸນຫະພູມເໝາະສົມຍັງສາມາດລະງັບເສັ້ນປະສາດ,ກ້າມເນື້ອໝົດຄີງຜ່ອນຍານ,ຈົນຍັງມີບົດບາດລະ ງັບປະສາດ,ແກ້ຄັນ,ແກ້ປວດແລະແກ້ການແພ້ສິ່ງຕ່າງໆເປັນຕົ້ນ. ເຖິງວ່າໃນຍາມຮ້ອນອາບນ້ຳອຸ່ນອາດຈະເຫື່ອອອກແລະອາບແລ້ວຍັງຮູ້ສຶກຮ້ອນຢູ່ກໍຕາມ,ແຕ່ຖ້າພັກຜ່ອນບຶດໜຶ່ງ ກໍຈະຮູ້ສຶກເຢັນສະບາຍ.
ຕໍ່ໄປ ຂ້າພະເຈົ້າຂໍແນະນຳບາງບັນຫາກ່ຽວກັບການໃສ່ເກີບໃນຍາມຮ້ອນ.
ໜຶ່ງ,ຖ້າໃສ່ເກີບທີ່ອາກາດບໍ່ລ່ວງເປັນເວລາດົນຈະພາໃຫ້ເປັນພະຍາດຜິວ ໜັງ.ໃນຍາມຮ້ອນ,ຖ້າໃສ່ເກີບກິລາທີ່ອາກາດບບໍ່ລ່ວງເປັນເວລາຍາວນານ,ຈະກະທົບກະເທືອນຢ່າງຮ້າຍແຮງຕໍ່ສັບພະຄຸນລະບາຍຄວາມຮ້ອນແລະລະບາຍເຫື່ອຂອງຜິວໜັງສ່ວນໜຶ່ງຂອງຕີນ.ຕີນທັງສອງໃສ່ເກີບທີ່ອາກາດບໍ່ລ່ວງ,ຕີນບໍ່ສາມາດກະທົບກັບອາກາດລຸລ່ວງຢ່າງເປັນປົກກະຕິ,ເຫື່ອຂອງຕີນຈຶ່ງລະເຫີຍອອກຢ່າງທັນການບໍ່ໄດ້,ເມື່ອເປັນແນວນັ້ນຕີນທັງສອງກໍຢູ່ໃນສະພາບປຽກຊຸ່ມໂດຍຕະ ຫຼອດ,ດົນຕາມດົນຈະພາໃຫ້ເປັນດຸ່ມຍ້ອນເຫື່ອແລະປຽກຊຸ່ມ,ຖ້າເຫື່ອບໍ່ສາມາດລະເຫີຍອອກຢ່າງທັນການ,ກໍດິດຢູ່ຜິວພັນ,ເຮັດໃຫ້ສັບພະຄຸນປ້ອງກັນຂອງຜິວຕ່ຳລົງ,ເຮັດໃຫ້ຄົນອາດຈະເປັນພະຍາດຕິດແປດຜິວໜັງ,ເຊັ່ນຂີ້ກາກງ່າມຕີນເປັນຕົ້ນ,ຖ້າປິ່ນປົວບໍ່ທັນ,ແມ່ພະຍາດກໍຈະແຜ່ລາມອອກຢູ່ຜິວຂອງຕີນ,ຍັງຈະພາໃຫ້ເປັນພະຍາດຜິວທີ່ມີເຊື່ອໄວລັສ ຕື່ມອີກ.
ສອງ,ໃສ່ເກີບກິລາແຕ່ບໍ່ໃສ່ຖົງຕີນບໍ່ດີ. ບາງຄົນຮູ້ສຶກວ່າ,ຖ້າໃສ່ຖົງຕີນແລະໃສ່ເກີບກິລາ,ອີກຕີນກໍບໍ່ສະບາຍ,ເລີຍບໍ່ໃສ່ຖົງຕີນໃນເວລາໃສ່ເກີບ. ແຕ່ວ່າ,ຖ້າບໍ່ໃສ່ຖົງຕີນກໍໃສ່ເກີບກິລາເລີຍ,ຍັງບໍ່ທໍ່ໃສ່ເກີບຊັງດານດີກວ່າ,ຖ້າຈຳເປັນຕ້ອງໃສ່ເກີບກິລາ,ກໍໃສ່ຖົງຕີນຈະດີກວ່າ.ເພາະວ່າຖົງຕີນມີບົດບາດດູດເອົາເຫື່ອແລະປ້ອງກັນການຮຸກຖູຕີນ, ຖ້າບໍ່ໃສ່ຖົງຕີນກໍຈະເຮັດໃຫ້ພາຍໃນເກີບກິລາຍິ່ງປຽກຊຸ່ມ,ແລະຍັງອາດຈະທຳລາຍຜິວຕີນອີກ,ມີບາງຄົນຍ້ອນວ່າບໍ່ໃສ່ຖົງຕີນໄປໃສ່ເກີບກິລາເລີຍ,ແລ້ວພາໃຫ້ຕີນເປັນພອງເລືອດ,ຖ້າພອງເລືອດແຕກ,ຍັງອາດຈະເຮັດໃຫ້ບ່ອນນັ້ນ ຕິດເຊື້ອໂຣກງ່າຍ,ນັ້ນຍິ່ງຈະລຳຄານ.ນອກນີ້,ບາງຄົນທີ່ຜິວໜັງແພ້ປຼາສຕິກຫຼືຢາງຍິ່ງບໍ່ຄວນໃສ່ຖົງຕີນໄປໃສ່ເກີບກິລາເລີຍ.
ສາມ,ໃນຍາມທຳມະດາ,ຕ້ອງຮັກສາຕີນໃຫ້ດີ. ໃນຍາມຮ້ອນ,ດີທີ່ສຸດແມ່ນເລືອກໃສ່ເກີບທີ່ທັງເບົາ,ທັງອ່ອນແລະອາກາດລຸລ່ວງດີ,ໃສ່ເກີບຊັງດານກໍໄດ້. ຖ້າຍ້ອນສາຍເຫດວຽກງານ ຕ້ອງໃສ່ເກີບທີ່ອາກາດບໍ່ລຸລ່ວງເຊັ່ນເກີບກິລາຫຼືເກີບໜັງເປັນຕົ້ນ,ຍິ່ງຄວນໃຫ້ຕີນກະທົບອາກາດໃນເວລາສະດວກ. ກ່ອນນອນໃນຕອນຄ່ຳແຕ່ລະມື້,ຕ້ອງລ້າງຕີນ,ຖົງຕີນຕ້ອງຊັກແລະປ່ຽນເລື້ອຍໆ,ດີທີ່ສຸດກຽມເກີບຫຼາຍ ຄູ່ເພື່ອປ່ຽນກັນໃສ່,ຜູ່ທີ່ຕີນອອກເຫື່ອຫຼາຍຈະທາແປ້ງກັນຝົດຢູ່ຕີນກ່ອນໃສ່ເກີບກໍໄດ້.
|
