|
ການທ່ີຮົງກົງຂອງຈີນໄດ້ຮັບຂະໜານນາມເປັນມຸກດາຕາເວັນອອກຂອງໂລກ, ແມ່ນຍ້ອນວ່າມັນແມ່ນ1ໃນຈຳນວນສູນການທະນາຄານ, ການຄ້າແລະການແລກປ່ຽນພັນທະບັດຂອງໂລກ, ທັງເປັນສະຖານທ່ີທ່ອງທ່ຽວແລະແດນສະຫວັນແຫ່ງການຊ້ືເຄ່ືອງໃຊ້ຂອງສອຍອີກດ້ວຍ. ພາຍຫຼັງຮົງກົງກັບຄືນສູ່ຊ່ວງເອິກຂອງມາຕຸພູມໃນວັນທີ1ກໍລະກົດປີ1997ແລ້ວ, ໂດຍຢູ່ໃຕ້ນະໂຍບາຍລະບອບປະເທດດຽວມີສອງລະບອບແລະໃຫ້ຊາວຮົງກົງປົກຄອງຮົງກົງ, ຈ່ິງຍ່ິງມີຄວາມຈະເລີນແລະມີສະຖຽນລະພາບດີກວ່າເກົ່າ. ຫວ່າງກ່ອນນ້ີບ່ໍດົນ, ຄືໃນວັນທີ1ກໍລະກົດ, ເຊ່ິງເປັນວັນລະລຶກຮົງກົງກັບຄືນສູ່ປະເທດຊາດຄົບຮອບ7ປີ, ໃນທ່າມກາງສຽງເພງ, ພວກເຮົາໄດ້ພ້ອມກັນຫວນຄິດຄືນປະຫວັດສາດແລະຈ້ອງມອງອະນາຄົດອັນດີງາມ. ເພງທ່ີທ່ານພວມຟັງຢູ່ນ້ີແມ່ນເພງມຸກດາຕາເວັນອອກຂັບຮ້ອງໂດຍຄະນະຮ້ອງໝູ່Chenzhenniandai ແປວ່າຊຸມປີອັນປອດໄສ, ເພງນ້ີໄດ້ສັນລະເສີນຮົງກົງເຊ່ິງເປັນມຸກດາອັນສົດໄສໜ່ວຍນ້ີຢ່າງຈູບຈ້າວຫ້າວຫັນ.
ທ່ານຜູ່ຟັງ, ວັນທີ1ກໍລະກົດປີ1997, ທຸງຊາດສາທາລະນະລັດປະຊາຊົນຈີນໄດ້ຄ່ອຍຄ່ອຍເລ່ືອນຂ້ຶນສູ່ຍອດເສົາຢູ່ຮົງກົງຢ່າງສະຫງ່າຜ່າເຜີຍ. ຫຼັງຈາກໄດ້ຜ່ານຜ່າຄວາມທຸກທໍລະມານມາຕັ້ງຮ້ອຍກວ່າປີແລ້ວໃນທ່ີສຸດຮົງກົງກ່ໍໄດ້ກັບຄືນຊູຊ່ວງເອິກຂອງປະເທດຊາດ, ຕ້ອນຮັບຍຸກສະໄໝອັນໃໝ່ອ່ຽມ. ຄົນທັງຫຼາຍພ້ອມກັນໄຊໂຍໂຮຮ້ອງ, ຟ້ອນລຳທຳເພງຢ່າງສຸດໃຈ. ເຖິງວ່າໄດ້ຜ່ານໄປແລ້ວ7ປີ, ແຕ່ຮູບພາບອັນມ່ວນຊ່ືນດ່ັງກ່າວກ່ໍຄືວ່າຫາກ່ໍມີຂ້ຶນໃນມ້ືວານນ້ີ, ມັນໄດ້ຈາລຶກໄວ້ຢູ່ໃນຄວາມຊົງຈຳຂອງຊາວຈີນຕະຫຼອດໄປຈົນເທົ່າໃດໆ. ມັນໃຫ້ພວກເຮົາຍາມໃດກ່ໍຕ້ອງຈ່ືຈຳວາລະດ່ັງກ່າວໄວ້, ຈ່ືຈຳປີ1997ນ້ີໄວ້ຕະຫຼອດໄປ.
ເຄີຍຜ່ານລາຕີອັນມືດມົນແສນດົນນານ, ເຄີຍຜ່ານຄວາມຈຳໃຈຈາກອັນແສນທຸກທໍລະມານ, ອ້າຍເອ້ືອຍນ້ອງເຮົາໄດ້ກອດຊົມກັນຢູ່ພ້ອມກັນບ່ໍຈັກວ່າທ່ໍໃດເທ່ືອ, ໃຈເຈົ້າໃຈຂ້ອຍແມ່ນໄດ້ຢູ່ນຳກັນໂດຍຕະຫຼອດ. ປີ1997, ຂ້ອຍໄດ້ຮ້ອງຫາເຈົ້າດ້ວຍຄວາມຮັກອັນເລິກເຊ່ິງ, ຂໍໃຫ້ໝົດທົ່ວໂລກຈົ່ງຮ້ອງໂຮຊົມເຊີຍເຈົ້າ, ຂໍໃຫ້ຊ່ືອັນແສນແພງດ່ັງກ່າວຈົ່ງຈາລຶກໄວ້ໃນດວງໃຈຕະຫຼອດໄປ. ເພງປີ1997ໄດ້ລະບາຍຄວາມກະຕຸ້ນໃຈແລະຄວາມມ່ວນຊ່ືນຂອງຊາວຈີນໝົດທຸກຄົນ.
ເມ່ືອຫວນຄິດຄືນກ່ອນໜ້ານ້ີຮ້ອຍກວ່າປີ, ປະເທດຈີນໄດ້ຖືກເສີກເສືອເໜືອໃຕ້ທາງໃນທາງນອກທໍລະມານລ້າງຜານມາພໍແຮງແລ້ວ, ເຈົ້າຊີວິດລາຊະວົງຊິງຖືກບັງຄັບເຊັນສົນທິສັນຍາທ່ີບ່ໍສະເໝີພາບສາມສະບັບ, ພວກລ່າເມືອງຂ້ຶນຈ່ິງຕັດເອົາຮົງກົງອອກຈາກແຜນທ່ີປະເທດຈີນ, ອັນໄດ້ກາຍເປັນຄວາມອັບປະຍົດຂອງຈີນຕັ້ງຮ້ອຍກວ່າປີ. ຕ່ໍໄປພວກເຮົາຈົ່ງພ້ອມກັນມາຟັງເພງXianggang,bielaiwuyang ແປວ່າຮົງກົງ, ຍັງສະບາຍດີຢູ່ບໍ, ເຊ່ິງສະແດງໃຫ້ເຫັນຄວາມຄິດຮອດແລະຄວາມຖາມສະບາຍຂອງຄົນທັງຫຼາຍຢູ່ແຜ່ນດິນໃຫຍ່ທ່ີມີຕ່ໍຊາວຮົງກົງຢ່າງເລິກເຊິ່ງ.
ເນ້ືອເພງຂຽນວ່າ: ເມ່ືອຈາກເຈົ້າໄປ, ຂ້ອຍແລນຄິດຮອດຄິດເຖິງເຈົ້າ, ເມ່ືອຫຍັບເຂົ້າໃກ້ເຈົ້າ, ຄວາມກະຕຸ້ນໃຈກ່ໍມາກລ້ົນພົ້ນປະປານ. ເມ່ືອເດີນຜ່ານຟ້າຝົນລົມແດງຮ້ອຍກວ່າປີ, ເຕີບໃຫຍ່ຂ້ຶນຮ້ອຍກວ່າປີ, ຮົງກົງເອີ໋ຍ, ຍັງສະບາຍດີຢູ່ບໍ. ເມ່ືອຂ່ີເຮືອຂ້າມແມ່ນຳ້ຮົງກົງ, ທາງນຳ້ໄກປານໃດ, ແມ່ນຳ້ຮົງກົງເຕັມໄປແຕ່ຄວາມຮັກ, ອະດີດ, ປະຈຸບັນແລະອະນາຄົດ, ຄວາມຫອມຫວນຂອງແມ່ນຳ້ຮົງກົງລ້ວນແຕ່ຝັງໄວ້ຢູ່ໃນໃຈຂອງຂ້ອຍ.
ເພງXianggang,beilaiwuyang ແປວ່າຮົງກົງ, ຍັງສະບາຍດີຢູ່ບໍຂັບຮ້ອງໂດຍນາງYujing.
ທ່ານຜູ່ຟັງ, ຄຽງຄູ່ກັບທຸງອັງກິດຄອຍໆລົດລົງ, ທຸງຊາດຈີນແລະທຸງເຂດບໍລິຫານພິເສດຮົງກົງໄດ້ຖືກຊັກຂ້ຶນສູ່ຍອດເສົາດວກໆ, ກ່ໍແປວ່າ, ການປົກຄອງລ່າເມືອງຂ້ຶນຂອງອັງກິດຢູ່ຮົງກົງທ່ີເປັນເວລາສະຕະວັດເຄິ່ງນັ້ນໄດ້ຢຸດຕິ. ປະຫວັດສາດໄລຍະພັດເຊພະເນຈອນໃນອະດີດໄດ້ຜ່ານກາຍໄປແລ້ວ. ປະຈຸບັນ, ຮົງກົງທ່ີໄດ້ກັບຄືນສູ່ຊ່ວງເອິກຂອງປະເທດຊາດນັ້ນກ່ໍໄດ້ພັດທະນາໄປສູ່ຄວາມຈະເລີນຮຸ່ງເຮືອງມີສະຖຽນລະພາບແລະຄວາມສ້າງອະນາຄົດອັນດີງາມ. ມ້ວນທ້າຍຂອງລາຍການມ້ືນ້ີ, ພວກເຮົາຈົ່ງພ້ອມກັນມາຟັງຄວາມປາຖະໜາຫາອະນາຄົດອັນດີງາມຂອງລູກຫຼານປະຊາຊາດຈີນ, ຄືເພງZhufuxianggang ແປວ່າອວຍພອນຮົງກົງ.
ຫົວຟອງແມ່ນຳ້ເຫຼືອງພວມຟາດຟ້ົງ, ແມ່ນສຽງຫົວຊົມຊ້ອຍຊ່ືນຂອງລູກຫຼານປະຊາດຊາດຈີນ, ກະແສຟອງກາງທະເລແມ່ນຄວາມຄິດອັນຟົດເດືອດໃນໃຈຂອງລູກຫຼານປະຊາຊາດຈີນ, ໄຟຟ້ານີອອນທ່ີແຈ່ມແຈ້ງ, ດອກຈືຈ່ິງທ່ີເບັ່ງບານ, ເປັນການວາດພາບຄວາມບາກບັ່ນສູ້ຊົນຂອງເຈົ້າໃນຮ້ອຍປີມານ້ີ. ແນວໃດກ່ໍຕ້ອງຮ້ອງເພງສັນລະເສີນເຈົ້າ, ເພ່ືອພາກພູມໃຈນຳເຈົ້າ. ຂໍອວຍພອນໃຫ້ຮົງກົງ, ອວຍພອນໃຫ້ເຈົ້າຈົ່ງມີອະນາຄົດຍ່ິງດີງາມກວ່າເກົ່າ.
ທ່ານຜູ່ຟັງທ່ີໂຄລົບ, ໃນທ່າມກາງສຽງເພງອວຍພອນຮົງກົງດັ່ງກ່າວ, ລາຍການຂອງພວກເຮົາພາກນ້ີກ່ໍຂໍສ້ຽງສຸດລົງພຽງທ່ໍນ້ີ, ໃນທ່ີສຸດ, ພວກເຮົາຈ່ົງພ້ອມກັນອວຍພອນໃຫ້ຮົງກົງຈົ່ງມີອະນາຄົດຍ່ິງດີງາມກວ່າເກົ່າ. ຂອບໃຈທ່ານທ່ີຮັບຟັງ, ພົບກັນໃໝ່ໃນວັນເສົາໜ້າ, ສະບາຍດີ.
|
