|
ຈີນຊຸກຍູ້ການຊົມໃຊ້ເງື່ອນໄຂພື້ນຖານຂອງການຄົ້ນຄວ້າວິທະຍາສາດ,ສ້າງເງື່ອນໄຂຄົ້ນຄວ້າວິທະຍາສາດຍິ່ງດີກວ່າເກົ່າ
cri
ວິທະຍຸສາກົນແຫ່ງປະເທດຈີນລາຍງານວ່າ: ຫວ່າງມໍ່ໆນີ້ ພາກສ່ວນຕ່າງໆເຊັ່ນກະຊວງວິທະຍາສາດເຕັກໂນໂລຢີຈີນເປັນຕົ້ນໄດ້ຈັດວາງໂຄງຮ່າງກໍ່ສ້າງເງື່ອນໄຂພື້ນຖານວິທະຍາສາດເຕກນິກແຫ່ງຊາດແຕ່ປີ 2004 ຮອດປີ 2010. ວັນທີ 22 ກໍລະກົດ ໃນເວລາທ່ານລິວຢ້ຽນຮວາ ຮອງລັດຖະມົນຕີກະຊວງວິທະຍາສາດເຕັກໂນໂລຢີຈີນໃຫ້ສຳພາດຕໍ່ນັກຂ່າວວິທະຍຸພວກເຮົານັ້ນ ທ່ານຊີ້ອອກວ່າ,ຈີນຈະຜ່ານການກໍ່ສ້າງເງື່ອນໄຂພື້ນຖານວິທະຍາສາດເຕັກນິກ ສ້າງເງື່ອນໄຂເຮັດວຽກຍິ່ງດີງາມກວ່າເກົ່າໃຫ້ແກ່ພະນັກງານວິທະຍາສາດເຕັກນິກ,ໃຫ້ພວກເຂົາເຈົ້າປະດິດສ້າງໝາກຜົນຄົ້ນຄວ້າວິທະຍາສາດຍິ່ງຫຼາຍແລະຍິ່ງດີ.
ເມື່ອໄດ້ພະຍາຍາມແລະສະສົມມາຫຼາຍປີ,ຈີນໄດ້ມີເງື່ອນໄຂພື້ນຖານຂອງການຄົ້ນຄວ້າວິທະຍາສາດຈຳນວນໜຶ່ງ. ເງື່ອນໄຂເຫຼົ່ານີ້ລວມທັງ:ໄດ້ສ້າງພື້ນຖານໂຄງລ່າງດ້ານວິທະຍາສາດເຕັກນິກງວດໜຶ່ງ,ໄດ້ສ້າງຕາໜ່າງສັງເກດຢັ່ງແທກແລະຕິດຕາມຢັ່ງແທກຢູ່ບາງພາກພື້ນ,ແລະໄດ້ເກັບໂຮມແລະຊຳລະຕົວເລກວິທະຍາສາດ,ເອກະສານແລະຕົວຢ່າງຈຳນວນໜຶ່ງໃນບາງຂົງເຂດຈຸດໜັກເປັນຕົ້ນ.
ແຕ່ເມື່ອທຽບກັບປະເທດພັດທະນາແລ້ວ,ເງື່ອນໄຂຄົ້ນຄວ້າວິທະຍາສາດຂອງຈີນຍັງບໍ່ສາມາດຕອບສະໜອງຄວາມຕ້ອງການຕົວຈິງໃນການພັດທະນາວິທະຍາສາດເຕັກນິກ. ເພື່ອປ່ຽນແປງສະພາບດັ່ງກ່າວ,ຫວ່າງມໍ່ໆນີ້ ກະຊວງວິທະຍາສາດເຕັກໂນໂລຢີຈີນໄດ້ຈັດວາງໂຄງຮ່າງກໍ່ສ້າງເງື່ອນໄຂພື້ນຖານວິທະຍາສາດເຕັກນິກແຫ່ງຊາດ,ສະເໜີວ່າ ຜ່ານຈາກການເພີ່ມການລົງທຶນ,ດັດແປງຮູບການຄຸ້ມຄອງທີ່ກ່ຽວຂ້ອງແລະມາດຕະການອື່ນໆ,ເພີ່ມທະວີການກໍ່ສ້າງເງື່ອນໄຂພື້ນຖານວິທະຍາສາດເຕັກນິກ,ພະຍາຍາມປົວແປງເງື່ອນໄຂຄົ້ນຄວ້າວິທະຍາສາດໃຫ້ດີຂຶ້ນ.ທ່ານລິວຢ້ຽນຮວາ ຮອງລັດຖະມົນຕີກະຊວງວິທະຍາສາດເຕັກໂນໂລຢີຈີນເວົ້າວ່າ,
"ພວກເຮົາຫວັງຜ່ານຈາກການກໍ່ສ້າງເງື່ອນໄຂວິທະຍາສາດ ຍົກລະດັບພື້ນຖານແລະຄວາມສາມາດໃນການຄົ້ນຄວ້າວິທະຍາສາດໃຫ້ສູງຂຶ້ນເລື້ອຍໆ,ສ້າງສະພາບແວດລ້ອມແລະເງື່ອນໄຂອັນດີງາມໃຫ້ແກ່ການປະດິດສ້າງວິທະຍາສາດເຕັກນິກຂອງຈີນ."
ທ່ານລິວຢ້ຽນຮວາຊີ້ອອກວ່າ,ຈຸດໜັກຂອງການກໍ່ສ້າງເງື່ອນໄຂພື້ນຖານວິທະຍາສາດເຕັກນິກແມ່ນຊຸກຍູ້ກົນໄກຊົມໃຊ້ນຳກັນ. ໃນຫຼາຍສິບປີກ່ອນ,ລັດຖະ ບານໄດ້ລົງທຶນສ້າງເງື່ອນໄຂພື້ນຖານວິທະຍາສາດເຕັກນິກຈຳນວນໜຶ່ງ,ປະຈຸບັນ ສ່ວນໃຫຍ່ແມ່ນອົງການຄົ້ນຄວ້າເຫຼົ່ານີ້ຊົມໃຊ້ເອງ,ບໍ່ສາມາດເສີມຂະຫຍາຍບົດບາດຢ່າງເຕັມທີ່. ການກໍ່ສ້າງເງື່ອນໄຂພື້ນຖານວິທະຍາສາດເທື່ອນີ້ກໍແມ່ນຈະທັບມ້າງການຜູກມັດຊະນິດນີ້,ບັນລຸການຊົມໃຊ້ເງື່ອນໄຂພື້ນຖານວິທະຍາສາດນຳກັນ,ໃຫ້ຄົນຍິ່ງຫຼາຍໃນທົ່ວສັງຄົມນຳໃຊ້ແລະໄດ້ຜົນປະໂຫຍດນຳກັນ. ພາກສ່ວນຕ່າງໆເຊັ່ນກະຊວງວິທະຍາສາດເຕັກໂນໂລຢີຈີນເປັນຕົ້ນຈະຜ່ານຈາກເພີ່ມການລົງທຶນ,ປັບປຸງຊັບພະຍາກອນ,ຊຸກຍູ້ການຊົມໃຊ້ນຳກັນ,ແລ້ວຂ້ຽວເລັ່ງການກໍ່ສ້າງເງື່ອນໄຂພື້ນຖານທາງວິທະຍາສາດເຕັກນິກ.
ທ່ານນາງລິວສວງ ນັກຄົ້ນຄວ້າຂອງສະຖາບັນຄົ້ນຄວ້າຟິຊິກໜ່ວຍໂລກຂອງສະພາບັນດິດວິທະຍາສາດຈີນເຄີຍຮ່ຳຮຽນແລະເຮັດວຽກຢູ່ອາເມລິກາຫຼາຍປິ,ໃນເວລາເຮັດວຽກຄົ້ນຄວ້າຢູ່ຈີນ,ນາງໄດ້ປະກົດເຫັນວ່າ ຖ້າຢາກໄດ້ຂໍ້ມູນເອກະສານທີ່ກ່ຽວກັບວຽກງານຂອງຕົນນັ້ນແມ່ນຍາກຫຼາຍ,ເພາະວ່າ ຕົວເລກຢ່າງຫຼວງຫຼາຍແມ່ນຂຶ້ນກັບຫົວໜ່ວຍຄົ້ນຄວ້າອື່ນໆ. ທ່ານນາງລິວສວງເຫັນວ່າ,ການກະທຳຂອງກະຊວງວິທະຍາສາດເຕັກໂນໂລຢີຈີນທີ່ເພີ່ມທະວີການກໍ່ສ້າງເງື່ອນໄຂພື້ນຖານວິທະຍາສາດແລະຊຸກຍູ້ການຊົມໃຊ້ນຳກັນນັ້ນ ແມ່ນເລື່ອງດີສຳລັບການຄົ້ນ ຄວ້າວິທະຍາສາດ.
"ການຊົມໃຊ້ນຳກັນເຮັດໃຫ້ການຄົ້ນຄວ້າວິທະຍາສາດມີລັກສະນະສືບທອດ, ຈະບໍ່ເຮັດວຽກລະດັບຕ່ຳຄືນອີກ,ເຮັດໃຫ້ການຄົ້ນຄວ້າວິທະຍາສາດມີການຄືບໜ້າບົນພື້ນຖານຂອງຄົນຮຸ່ນກ່ອນ,ແລະກໍໄດ້ເຮັດໃຫ້ເວລາຮັບຂໍ້ມູນຂ່າວສານສັ້ນເຂົ້າ,ເຮັດໃຫ້ນັກວິທະຍາສາດມີເວລາຍິ່ງຫຼາຍເຮັດວຽກປະດິດສ້າງ. ພ້ອມກັນນັ້ນ ກໍໄດ້ສ້າງສະພາບແວດລ້ອມທີ່ທ່ຽງທຳໃຫ້ທົ່ວວົງການວິທະຍາສາດເຕັກນິກ,ເຮັດໃຫ້ພະນັກງານຄົ້ນຄວ້າວິທະຍາສາດທີ່ຍັງບໍ່ທັນຂຶ້ນຊື່ລືນາມມີໂອກາດທ່ຽງທຳ,ເຮັດໃຫ້ພວກເຂົາເຈົ້າໄດ້ຮັບໝາກຜົນງ່າຍກວ່າເກົ່າ."
|
|
