|
CRIລາຍງານວ່າ:ວັນທີ21ກໍລະກົດ,ກອງປະຊຸມລັດຖະມົນຕີການຕ່າງປະເທດຂອງປະເທດອ້ອມຂ້າງອີຣັກຄັ້ງທີ6ໄດ້ຈັດຂຶ້ນຢູ່ເລີແກເປັນເວລາໜ່ຶງມື້.ນີ້ແມ່ນກອງປະຊຸມແບບນີ້ເປັນຄັ້ງທຳອິດທີ່ຈັດຂຶ້ນພາຍຫຼັງທະຫານປະສົມອາເມລິກາອັງກິດປະຈຳອີຣັກມອບອຳ ນາດໃຫ້ລັດຖະບານຊົ່ວຄາວອີຣັກແລ້ວ.ບັນດາຝ່າຍທ່ີຮ່ວມປະຊຸມໄດ້ເຈາະຈົງດຳເນີນການຄົ້ນຄວ້າຫາລືກ່ຽວກັບຊ່ອງທາງຟື້ນຟູຄວາມປອດໄພແລະສະຖຽນລະພາບພາຍໃນປະເທດອີຣັກ.ບຸກຄົນວິເຄາະເຫັນວ່າ,ທັງນີ້ສະແດງໃຫ້ເຫັນວ່າ,ອີຣັກກັບປະເທດອ້ອມຂ້າງຂອງເຂົາໄດ້ຢ່ວງບາດກ້າວອັນສຳຄັນໃນການຮ່ວມມືດ້ານຄວາມປອດໄພ.
ລັດຖະມົນຕີການຕ່າງປະເທດຂອງ8ປະເທດ ເຊັ່ນ ເອຢິບ ທີ່ເປັນປະເທດເຈົ້າພາບພ້ອມດ້ວຍອີຣັກ ອາລາບີຊາອູດິດ ໂກແວັດ ອີຣານ ຕວກກີ ຊີເລຍແລະຊອກດານີໄດ້ເຂົ້າຮ່ວມກອງປະຊຸມຄັ້ງນີ້.ທ່ານບຼາຮີມີ ທູດພິເສດກ່ຽວກັບບັນຫາອີຣັກຂອງເລຂາທິການໃຫຍ່ສະຫະປະຊາຊາດແລະທ່ານໂຊລານາ ຜູ່ແທນຊັ້ນສູງທີ່ຮັບຜິດຊອບນະໂຍບາຍການຕ່າງປະເທດແລະຄວາມປອດໄພຂອງສະຫະພາບເອີລົບກໍ່ໄດ້ເຂົ້າຮ່ວມກອງປະຊຸມຕາມຄຳເຊີນ.
ໃນຖະແຫຼງການທີ່ປະກາດຫຼັງກອງປະຊຸມ,ບັນດາຝ່າຍທີ່ຮ່ວມປະຊຸມກ່າວວ່າ,ຊົມເຊີຍທະ ຫານປະສົມອີຣັກມອບອຳນາດໃຫ້ລັດຖະບານຊົ່ວຄາວອີຣັກ,ສະໜັບສະໜູນລັດຖະບານຊົ່ວຄາວອີຣັກຫາບແບກໜ້າທີ່ການເມືອງແລະຄວາມປອດໄພຂອງອີຣັກ.ກ່າວລື້ມວ່າ,ຕ້ອງໂຄລົບຫຼັກການຕ່າງບໍ່ແຊກແຊງວຽກງານພາຍໃນຂອງກັນ,ແລະໂຄລົບອະທິປະໄຕ ເອກະລາດແລະຜືນແຜ່ນດິນອັນຄົບຖ້ວນຂອງອີຣັກ.
ໃນໄລຍະໄຂປະຊຸມ,ທ່ານເຈບາລີ ລັດຖະມົນຕີການຕ່າງປະເທດອີຣັກກ່າວຫຼາຍເທື່ອວ່າ,ປະຈຸບັນນີ້,ສະຖານະການຄວາມປອດໄພຂອງອີຣັກເຄັ່ງຕຶງທີ່ສຸດ,ມື້ໃດກໍມີຜູ່ບໍ່ມີໂທດຫຍັງ ຕາຍຍ້ອນເຫດການກຳລັງຮຸນແຮງປະເພດຕ່າງໆ.ຍ້ອນວ່າຜູ່ປະກອບອາວຸດໃນແດນອີຣັກ ມີການພົວພັນຢ່າງໃກ້ສິດກັບລັດທິກໍ່ການຮ້າຍສາກົນ,ລັດຖະບານຊົ່ວຄາວອີຣັກຈຶ່ງຕ້ອງ ການການຊ່ອຍເຫຼືອແລະການສະໜັບສະໜູນຂອງປະເທດອ້ອມຂ້າງໂດຍດ່ວນ.
ກ່ອນໜ້ານີ້,ອາເມລິກາແລະອີຣັກເຄີຍຕິຕຽນຢ່າງເປີດເຜີຍຫຼາຍເທື່ອວ່າ ອີຣານແລະຊີເລຍໄດ້ປ່ອຍປະໃຫ້ພວກຫົວຮຸນແຮງເລັດລອດເຂົ້າແດນອີຣັກກໍ່ເຫດການກຳລັງຮຸນແຮງປະເພດຕ່າງໆ,ແຕ່ອີຣານແລະຊີເລຍລ້ວນແຕ່ບໍ່ຮັບຮອງ.ໃນເວລາໃຫ້ສຳພາດຕໍ່ສື່ມວນຊົນໃນຫວ່າງມໍ່ໆນີ້,ທ່ານຮູຈາອີ ລັດຖະມົນຕີກະຊວງປ້ອງກັນປະເທດລັດຖະບານຊົ່ວຄາວອີຣັກຈົນກະທັ້ງຂູ່ວ່າຈະຊັກນຳການເຄື່ອນໄຫວກຳລັງຮຸນແຮງທີ່ເກີດຂຶ້ນເລື່ອຍໆພາຍໃນແດນອີຣັກນັ້ນໄປສູ່ປະເທດອ້ອມຂ້າງຂອງອີຣັກທີ່ສະໜັບສະໜູນພວກກໍ່ການຮ້າຍ,ເພື່ອແກ້ແຄ້ນອີຣານແລະຊີເລຍ.ເພື່ອລະງັບຄວາມສົງໄສແລະການກ່າວໂຈມຕີກັນລະຫວ່າງອີຣັກກັບປະເທດອ້ອມຂ້າງ,ໃນໄລຍະໄຂກອງປະຊຸມລັດຖະມົນຕີການຕ່າງປະເທດຄັ້ງນີ້,ທ່ານເຈບາລີໄດ້ຊີ້ອອກຢ່າງອ່ອນໂຍນວ່າ,ຝ່າຍອີຣັກບໍ່ເຫັນວ່າບາງປະເທດປະຕິບັດນະໂຍບາຍທີ່ປ່ອຍປະໃຫ້ພວກຫົວຮຸນແຮງເລັດລອດເຂົ້າແດນອີຣັກ,ແຕ່ເຫັນວ່າປະເທດເຫຼົ່ານີ້ບໍ່ເອົາໃຈໃສ່ນຳສະຖານະການອີຣັກ.
ບຸກຄົນວິເຄາະເຫັນວ່າ,ສະຖານະການຄວາມປອດໄພຂອງອີຣັກມີການພົວພັນຢ່າງໃກ້ຊິດ ກັບຜົນປະໂຫຍດຂອງປະເທດອ້ອມຂ້າງ,ສະຖານະການຄວາມປອດໄພຂອງອີຣັກຊຸດຮ້າຍລົງຍ່ອມຈະມີຜົນກະທົບບໍ່ດີຕໍ່ປະເທດອ້ອມຂ້າງ.ສະນັ້ນ,ການຮ່ວມມືດ້ານຄວາມປອດ ໄພລະຫວ່າງສອງຝ່າຍມີພື້ນຖານອັນແນ່ນອນ.
ແຕ່ວ່າ,ບຸກຄົນວິເຄາະກໍຊີ້ອອກວ່າ,ຍ້ອນປັດໄຈໃນຫຼາຍດ້ານ ເຊັ່ນ ປະຫວັດສາດ ສາສະ ໜາແລະເຊື້ອຊາດເປັນຕົ້ນ,ການພົວພັນລະຫວ່າງອີຣັກກັບປະເທດອ້ອມຂ້າງສະດຸ້ງໄວທີ່ສຸດ,ອີຣັກເປັນຫ່ວງວ່າອິດທິກຳລັງຂອງປະເທດອ້ອມຂ້າງຊຶມເຂົ້າອີຣັກຫຼາຍເກີນໄປອາດຈະທັບມ້າງຄວາມສະໝຳ່ສະເໝີທີ່ມີຢູ່ໃນປະຈຸບັນລະຫວ່າງກຳລັງບັນດາຝ່າຍໃນແດນອີ ຣັກ,ສ່ວນປະເທດອ້ອມຂ້າງພັດມີຄວາມລະມັດລະວັງຕໍ່ອີຣັກອາດຈະແຊກແຊງວຽກງານພາຍໃນຂອງປະເທດອ້ອມຂ້າງໃນອະນາຄົດ.ສະນັ້ນ,ເຖິງວ່າປະຈຸບັນນີ້,ສອງຝ່າຍມີທ່ວງທ່າການຮ່ວມມືໃນບັນຫາຄວາມປອດໄພກໍ່ຕາມ,ແຕ່ການຮ່ວມມືແບບນີ້ຍັງມີການຈຳກັດໃນໄລຍະຂ້າງໜ້າທີ່ຄາດຄະເນໄດ້.
ນອກນີ້,ມູນເຫດທີ່ພາໃຫ້ສະຖານະການອີຣັກວຸ້ນວາຍໃນສະເພາະໜ້ານີ້ມີຫຼາຍດ້ານ,ພວກ ຫົວຮຸນແຮງຂ້າມຊາຍແດນປະເທດອ້ອມຂ້າງເລັດລອດເຂົ້າແດນອີຣັກນັ້ນພຽງແຕ່ແມ່ນປັດໄຈອັນໜຶ່ງທໍ່ນັ້ນ.ນອກນີ້,ກອງທະຫານຕ່າງປະເທດຍຶດຄອງອີຣັກແລະອິດທິກຳລັງບັນ ດາຝ່າຍພາຍໃນອີຣັກຍາດຊີງສິດແລະຜົນປະໂຫຍດເປັນຕົ້ນລ້ວນແຕ່ແມ່ນມູນເຫດອັນສຳຄັນທີ່ພາໃຫ້ສະຖານະການຄວາມປອດໄພອີຣັກເຄ່ັງຕຶງຂຶ້ນ.ສະນັ້ນ,ບຸກຄົນວິເຄາະຊີ້ອອກວ່າ,ກອງທະຫານຕ່າງປະເທດຖອນອອກຈາກອີຣັກຢ່າງສິ້ນເຊີງໂດຍໄວ,ແລະສ້າງຕັ້ງລັດຖະບານອີຣັກທີ່ຊອບກົດໝາຍແລະມີພື້ນຖານອັນກວ້າງຂວາງ,ກໍ່ແມ່ນບາດກ້າວອັນຈຳເປັນທີ່ເຮັດໃຫ້ອີຣັກຟື້ນຟູຄວາມປອດໄພແລະສະຖຽນລະພາບ.
|
