|
ວັດທະນະທຳຕົ່ງປ່າຂອງເຜ່ົານ້າຊີ່ເມືອງລີ້ຈ່ຽງແຂວງຢຸນນານຂອງຈີນແມ່ນວັດທະນະ ທຳເກົ່າແກ່ທີ່ສຸດຊະນິດໜຶ່ງ.ຫຼາຍປີມານີ້,ຄຽງຄູ່ກັບສັງຄົມວິວັດພັດທະນາຢ່າງບໍ່ຢຸດຢັ້ງ ແລະວັດທະນະທຳພາຍນອກຄ່ອຍໆແຊກຊຶມເຂົ້າ,ວັດທະນະທຳຊົນເຜ່ົາອັນເກົ່າແກ່ບູ ຮານຊະນິດນີ້ຈຶ່ງພວມປະເຊີນກັບການສູນຫາຍໄປ.ການກອບກູ້ ສັບຊ້ອນແລະຄົ້ນຄວ້າ ຢ່າງວິທະຍາສາດຕໍ່ວັດທະນະທຳເກົ່າແກ່ບູຮານຊະນິດນີ້ໄດ້ເປັນເລື່ອງທີ່ຮີບດ່ວນທີ່ສຸດແລ້ວ.ຫວ່າງມໍ່ໆນີ້,ນັກຂ່າວໄດ້ໄປສຳພາດທ່ານຈ້າວຊື້້ຮົງ ນັກປາດຜູ່ຄົ້ນຄວ້າວັດທະນະ ທຳຕົ່ງປ່າ ຫົວໜ້າສະຖາບັນຄົ້ນຄວ້າວັດທະນະທຳຕົ່ງປ່າເມືອງລີ້ຈ່ຽງແຂວງຢຸນນານ ຂອງຈີນໂດຍສະເພາະກ່ຽວກັບການກອບກູ້ແລະປົກປັກຮັກສາວັດທະນະທຳຕົ່ງປ່າເຜ່ົາ ນ້າຊີ່.
ເມື່ອເວົ້າເຖິງຄວາມຮີບດ່ວນແຫ່ງວຽກງານກອບກູ້ວັດທະນະທຳຕົ່ງປ່າ,ທ່ານຫົວໜ້າຈ້າວຊື້້ຮົງບອກພວກເຮົາວ່າ: "ເປັນຫຍັງຈຶ່ງຕ້ອງເວົ້າເຖິງການກອບກູ້?ເພາະວ່າ,ວັດທະນະທຳຊະນິດນີ້ແມ່ນວັດທະນະທຳເກົ່າແກ່ທີ່ສຸດຊະນິດໜຶ່ງ,ຕົວຢ່າງຄື,ຄຳພີຕົ່ງປ່າເຜົ່ານ້າຊີ່ທີ່ຂຽນເປັນຕົວໜັງສືພາບຕົ່ງປ່າ,ມີແຕ່ຜູ່ເຖົ້າຊາວຕົ່ງປ່າຈຳນວນໜ້ອຍທີ່ສຸດຈຶ່ງອ່ານໄດ້, ສະນັ້ນ,ພວກເຮົາຕ້ອງຂ້ຽວເລັ່ງກອບກູ້ເອົາວັດທະນະທຳຊະນິດນີ້ໄວ້ໃນເວລາຜູ່ເຖົ້າຊາວຕົ່ງປ່າຮຸ່ນສຸດທ້າຍຍັງຢູ່.ສະນັ້ນ,ພວກເຮົາໄດ້ໃຊ້ເວລາ20ປີມາກອບກູ້ວັດທະນະທຳຕົ່ງປ່າຂອງເຜ່ົານ້າຊີ່."
ໂດຍຖືເປັນຊັບພະຍາກອນວັດທະນະທຳທີ່ມີທ່າແຮງຂອງທ້ອງຖ່ິນ,ຫຼາຍປີມານີ້ອົງການປົກຄອງເມືອງລີ້ຈ່ຽງໄດ້ເພີ່ມທະວີວຽກງານຄົ້ນຄວ້າພັດທະນາວັດທະນະທຳຕົ່ງປ່າ,ແລະໄດ້ຮັບໝາກຜົນອັນອຸດົມສົມບູນໃນດ້ານກອບກູ້ສັບຊ້ອນທະນະທຳຂອງພື້ນເມືອງຊົນເຜ່ົາແລະໃນການຄົ້ນຄວ້າຫົວຂໍ້ ການແລກປ່ຽນວັດທະນະທຳກັບຕ່າງປະເທດແລະການສືບທອດວັດທະນະທຳຊົນເຜ່ົາເປັນຕົ້ນ.ທ່ານຈ້າວຊື້້ຮົງ ຫົວໜ້າສະຖາບັນສະເໜີຕໍ່ພວກເຮົາວ່າ: "ຜົນສຳເລັດໃນວຽກງານກອບກູ້ຕົ້ນຕໍມີຢູ່ໃນຫຼາຍດ້ານດັ່ງລຸ່ມນີ້,ໜ່ຶງ,ພວກເຮົາໄດ້ເອົາຄຳພີຕົ່ງປ່າ1300ກວ່າເຫຼັ້ມແບ່ງເປັນຫຼາຍປະເພດ,ຮຽບຮຽງເປັນ《ປື້ມຊຸມນຸມໝາຍເຫດແປປື້ມບູຮານຕົ່ງປ່ານ້າຊີ່》,ບັດນັ້ນຜູ່ອ່ານຄຳພີຕົ່ງປ່າບໍ່ເປັນຖ້າອ່ານປື້ມຂອງພວກເຮົາຊຸດນີ້ກໍຈະເຂົ້າໃຈໂລດ;ສອງ,ພວກເຮົາໄດ້ຮຽບຮຽງ《ສາລະບານປື້ມບູຮານຊົນເຜ່ົາສ່ວນໜ້ອຍຂອງຈີນ.ສາຂາເຜ່ົານ້າຊີ່》,ໃນປື້ມເຫຼັ້ມນີ້ພວກເຮົາໄດ້ລວບລວມເອົາປື້ມບູ ຮານເຜົ່ານ້າຊີ່ທັງໝົດທີ່ຮັກສາໄວ້ຢູ່ຈີນລວມ1800ກວ່າຊະນິດ8000ກວ່າເຫຼັ້ມບັນທຶກ ເຂົ້າໃນສາລະບານທັງໝົດ,ພວກເຮົາຍັງໄດ້ຖ່າຍທຳວີດີໂອພິທີສາສະໜາຕົ່ງປາ8ມ້ວນ ແລະອັດສຽງເທດຕົ່ງປ່າ45ມ້ວນ;ໝາກຜົນລາຍທີສາມແມ່ນ,ພວກເຮົາໄດ້ນຳເອົາປື້ມບູ ຮານເຜ່ົານ້າຊີ່ຮ້ອງຂໍຕໍ່ອົງການຢູເນັສໂກສະຫະປະຊາຊາດ,ວັນທີ30ສິງຫາປີ2003,ຄະ ນະກຳມະການກວດກາປະເມີນໂຄງການຈື່ຈຳຂອງໂລກໄດ້ຈັດເອົາປື້ມບູຮານເຜ່ົານ້າຊີ່ ຊຸດນີ້ເຂົ້າ《ບັນຊີລາຍຊື່ມໍລະດົກຈື່ຈຳຂອງໂລກ》."
ຄຽງຄູ່ກັບອົງການຢູເນັສໂກຈັດເອົາປື້ມບູຮານຕົ່ງປ່າເຜ່ົານ້າຊີ່ຂອງຈີນເຂົ້າບັນໃນຊີລາຍຊື່ມໍລະດົກຈື່ຈຳຂອງໂລກ,ວັດທະນະທຳຕົ່ງປ່າທີ່ເປັນມໍລະດົກຮ່ວມຂອງມວນມະນຸດ,ໄດ້ຮັບຄວາມເອົາໃຈໃສ່ນັບມື້ນັບຫຼາຍໃນທົ່ວໂລກ.ທ່ານຈ້າວຊື້້ຮົງບອກນັກຂ່າວວ່າ: "ທີ່ຈິງແລ້ວ,ວັດທະນະທຳຕ່ົງປ່າໄດ້ກາຍເປັນວິຊາຄົ້ນຄວ້າທີ່ເຫີ່ກັນໃນໂລກ.ກ່ອນນີ້ຮ້ອຍປີ,ນັກປາດຂອງຕ່າງປະເທດກໍໄດ້ດຳເນີນການຄົ້ນຄວ້າແລະສະເໜີຕໍ່ວັດທະນະທຳຕົ່ງປ່າ.ມີທຳມະຄຳພີຕົ່ງປ່າໝື່ນກວ່າເຫຼັ້ມຈາກຢາຍຢູ່ແຫ່ງຕ່າງໆໃນໂລກ,ເຊິ່ງລວມທັງອາເມລິກາ ເຢຍລະມັນ ອີຕາລີ ຊູແອັດເປັນຕົ້ນ,ວັດທະນະທຳຕົ່ງປ່າມີຜົນສະທ້ອນອັນກວ້າງຂວາງທີ່ສຸດໃນໂລກ.ສະນັ້ນ,ພວກເຮົາໄດ້ຖືການແລກປ່ຽນວັດທະນະທຳລະຫວ່າງຊາດເປັນວຽກງານສ່ວນໜ່ຶງຂອງຕົນ.ແຕ່ປີ2003ເປັນຕົ້ນມາ,ພວກເຮົາໄດ້ໄປດຳເນີນການແລກປ່ຽນວັດທະນະທຳວິຊາການຢູ່ຫຼາຍປະເທດ ເຊັ່ນສິງກະໂປ ໄທ ກຳປູເຈຍແລະຟິລິບປິນເປັນຕົ້ນ,ນັກສຶກສາຂອງປະເທດເຫຼົ່ານີ້ກໍມາຮຳ່ຮຽນ ຄົ້ນຄວ້າວັດທະນະທຳຕົ່ງປ່າໃນສະຖາບັນຄົ້ນຄວ້າຂອງພວກເຮົາ.
ໃນທີ່ສຸດ,ໃນເວລາກ່າວເຖິງຄວາມໝາຍແຫ່ງງານກອບກູ້ວັດທະນະທຳຕົ່ງປ່ານັ້ນ,ທ່ານຫົວໜ້າຈ້າວຊື້ຮົງທີ່ເຮັດວຽກທີ່ກ່ຽວຂອງກັບວັດທະນະທຳຕົ່ງປ່າຫຼາຍປີເວົ້າວ່າ: "ພວກເຮົາເຮັດວຽກເຫຼົ່ານີ້ໄດ້ສະໜອງຂໍ້ມູນເອກະສານອັນຄົ້ບຖ້ວນແລະວິທະຍາສາດສະບັບໜຶ່ງໃຫ້ແກ່ການຄົ້ນຄວ້າຫຼາຍວິຊາການ ເຊັ່ນ ມະນຸດສາດ ວິຊາຊົນເຜ່ົາແລະວິຊາພາ ສາສາດອັກສອນສາດເປັນຕົ້ນ,ພ້ອມທັງໃຫ້ແກ່ການຂຸດຄົ້ນ ນຳໃຊ້ຊັບພະຍາກອນວັດທະ ນະທຳຊົນເຜ່ົານຳກັນ."
ຕາມຊາບວ່າ,ເພື່ອກອບກູ້ແລະປົກປັກຮັກສາວັດທະນະທຳຕົ່ງປ່າໃຫ້ດີກວ່າເກົ່າ,ສະຖາບັນຄົ້ນຄວ້າວັດທະນະທຳຕົ່ງປ່າເມືອງລີ້ຈ່ຽງກັບສະຖາບັນຄົ້ນຄວ້າເອກະສານປະຫວັດສາດຂອງມະຫາວິທະຍາໄລສ້າງຄູຊີ່ນານໄດ້ຮ່ວມກັນສ້າງຕັ້ງບ່ອນມອບປະລິຍາໂທວັນນະຄະດີພາສາຊົນເຜ່ົາສ່ວນໜ້ອຍຂອງຈີນ,ເລີ່ມຮັບສະໝັກແລະບຳລຸງສ້າງຜູ່ມີຄວາມຮູ້ວິຊາສະເພາະດ້ານການສັບຊ້ອນແລະຄົ້ນຄວ້າປື້ມບູຮານຕົ່ງປ່າ.ເຊື່ອວ່າ,ເມື່ອທຳຄວາມພະຍາຍາມຢ່າງບໍ່ລົດລະຂອງນັກວິຊາການຈຳນວນຫຼວງຫຼາຍແລະພາກສ່ວນທີ່ກ່ຽວຂ້ອງ,ວັດທະນະທຳຕົ່ງປ່າເຜ່ົານ້າຊີ່ ເຊິ່ງເປັນສິ່ງປະເສີດວັດທະນະທຳຊົນຊາດອັນສະຫງ່າລາສີນີ້ຍ່ອມຈະໄດ້ຮັບການສືບທອດແລະຂະຫຍາຍຕົວແນ່ນອນ.
|
