|
|
 |
| (GMT+08:00)
2004-08-05 13:51:46
|
 |
|
ໂສກນາດຕະກຳມູນິດໃນປະຫວັດງານກິລາໂອລິມປິກ
cri
ໃນງານກິລາໂອລິມປິກມູນິດປີ 1972 ໄດ້ເກີດເຫດການກໍ່ການຮ້າຍການເມືອງອັນຮ້າຍແຮງທ່ີນັກກິລາອິສລະແອນ 9 ຄົນຖືກພວກກໍ່ການຮ້າຍລອບສັງຫານ,ເຊິ່ງຖືກຖືເປັນໂສກນາດຕະກຳມູນິດ
ເວລາ 4 ໂມງຕອນຮຸ່ງເຊົ້າວັນທີ 5 ກັນຍາປີ 1972, ສະມາຊິກອົງການເດືອນກັນຍາມືດ ເຊິ່ງເປັນອົງການກໍ່ການຮ້າຍຂອງປາເລັດສຕີນໄດ້ຂ້າມກຳແພງບ້ານນັກກິລາໂອລິມປິກ,ແລ້ວສົມທົບກັບຜູ່ກໍ່ການຮ້າຍສອງຄົນທ່ີເຮັດວຽກຢູ່ໃນບ້ານກິລາ, ແລ້ວຈີ້ຕົວນັກກິລາອິສລະແອນ 11 ຄົນດ້ວຍອາວຸດ.ເມື່ອຕຳຫລວດມູນິດຮັບການລາຍງານແລ້ວ, ກໍເລີຍປິດລ້ອມບ່ອນເກີດເຫດໃນທັນທີ. ຜູ່ການຮ້າຍທວງໃຫ້ປ່ອຍຕົວຊາວປາເລັດສຕີນ 34 ຄົນທ່ີຖືກອິສລະແອນຂັງຕົວແລະຜູ່ກໍ່ການຮ້າຍສອງຄົນທ່ີຖືກກັກຕົວຢູ່ເຢຍລະມັນສະຫະພັນ.ໃນເວລາເຈລະຈາກັນ, ນາຍຫມໍອິສລະແອນສອງຄົນທ່ີຖືກຈີ້ຕົວລັກຫນີໄປ. ຍ້ອນການເຈລະຈາບໍ່ໄດ້ຜົນຫຍັງ, ຕຳຫລວດເຢຍລະມັນຕົກລົງກອບກູ້ເອົາຕົວປະກັນດ້ວຍອາວຸດ. ໃນເວລາຜູ່ກໍ່ການຮ້າຍກຽມຂຶ້ນຍົນນັ້ນ, ຕຳຫລວດເຢຍລະມັນກໍ່ຍິງປືນໃສ່ຢ່າງກະທັນຫັນ. ໃນການຍິງປື່ນໃສ່ກັນ,ເຖິງວ່າຜູ່ກໍ່ການຮ້າຍຖືກຍິງຕາຍ, ພວກເຂົາເຈົ້າກໍໄດ້ຂ້າຕົວປະກັນຕາຍໝົົດທຸກຄົນ, ນີ້ກໍແມ່ນໂສກນາດຕະກຳມູນິດທ່ີສະເທືອນໂລກ.
ພາຍຫລັງໂສກນາດຕະກຳດັ່ງກ່າວເກີດຂຶ້ນແລ້ວ, ຄະນະການກີລາອິສລະແອນກັບຄືນປະເທດກ່ອນເວລາກຳນົດຍ້ອນມູນເຫດຄວາມປອດໄພ.ວັນທີ 6 ກັນຍາ, ງານກິລາໂອລິມປິກກໍ່ເຊົາແຂ່ງຂັນມື້ຫນຶ່ງ.ຢູ່ສະຫນາມແຂ່ງຂັນຕົ້ນຕໍໄດ້ປ່ອຍເພງເສົ້າສະຫລົດໃຈ,ທຸງຫ້າຮ່ວງກໍ່ຊັກລົງເຄິ່ງເສົາ,ນັກກິລາແລະຄູຝຶກທຸກຖ້ວນຫນ້າໄວ້ອາໄລເຖິງດວງວິນຍານຂອງຜູ່ປະສົບເຄາະຮ້າຍ.ໂສກນາດຕະກຳມູນິດກາຍເປັນເງົາມືດລັດທິກໍ່ການຮ້າຍປົກຫຸ້ມງານໂອລິມປິກ, ກໍ່ເຮັດໃຫ້ງານກິລາໂອລິມປິກທຸກຄັ້ງຕໍ່ໄປລ້ວນແຕ່ຖືບັນຫາຄວາມປອດໄພເປັນບັນຫາສຳຄັນອັນດັບຫນຶ່ງ.
|
|
|
