|
|
 |
| (GMT+08:00)
2004-08-09 17:53:09
|
 |
|
ຮູບເງົາໄທເລື່ອງGARUDAຈະນຳອອກສາຍຢູ່ໃນເຂດໃນຈີນ
cri
ຮູບເງົາໄທເລື່ອງGARUDAຈະນຳອອກສາຍຢູ່ເຂດໃນຈີນພ້ອມກັນກັບໄທໃນວັນທີ່ 5 ສິງຫາ,ນີ້ແມ່ນຮູບເງົາໄທເລື່ອງທຳອິດທີ່ຈີນນຳເຂົ້າເປັນທາງການ.ຮູບເງົາວິທະຍາສາດເພີ້ຝັນເລື່ອງນີ້ສິ້ນເປືອງຄ່າຖ່າຍທຳເຖິງ20,000,000ຢວນ.ບັນລະຍາຍເລື່ອງດອກເຕີປີແອກນັກບູຮານນະຄະດີວິທະຍາພົບສັດປະຫລາດ GARUDA ສັດໃຫຍ່ທີ່ສືບເລົ່າກັນໃນນິທານປະລຳປະລາຂອງໄທໃນການຜະຈົນໄພເທື່ອໜຶ່ງ,ຫລັງຈາກນັ້ນ,ດອກເຕີປີແອກກໍຫາຍສາບສູນໄປຢ່າງປະຫລາດ.ນາງLINA,ລູກຊອດຝະລັ່ງ_ໄທ,ທີ່ມີຮູບໂສມສວຍງາມແມ່ນລູກສາວຂອງດອກເຕີປີແອກ,ນາງກໍ່ແມ່ນນັກບູຮານນະຄະດີຜູ້ດີເດັ່ນຜູ້ນຶ່ງ.ນາງໄດ້ທຳຄວາມພະຍາຍາມເພື່ອຊອກຈັບສັດປະຫລາດ, ກອບກູ້ດອກເຕີປີແອກເຊັ່ນດຽວກັນກັບ JANE ພັນຕີທະຫານບົກກອງທະຫານພິເສດກະຊວງມະຫາດໄທທີ່ມີໜ້າທີ່ຊອກຈັບສັດປະຫລາດປ້ອງກັນໄທເມືອງ,ເລີ່ມຕົ້ນພວກເຂົາມີຄວາມຂັດຂີນກັນຍ້ອນສັນຊາດ ເຊື້ອສາຍແລະຄວາມເຊື່ອຖືສາສະໜາ.ແຕ່ເມື່ອໄດ້ຕິດຕໍ່ພົວພັນ,ໄປມາຫາສູ່ກັນເລື້ອຍໆແລ້ວ.ເຂົາເຈົ້າທັງສອງກໍ່ເລີ່ມເຂົ້າໃຈກັນເຫັນໃຈກັນແລະມີພິດສະຫວາດຕໍ່ກັນ.ຍ້ອນວ່າລັດຖະບານແລະກອງທັບເຂົ້າກ່ຽວຂ້ອງ,ການສຳຫລວາດບູຮານນະຄະດີວິທະຍາສາດບັ້ນນີ້ຍິ່ງປະກົດວ່າສັບສົນລະອິດລະອ້ຽວ.
GARUDA ແມ່ນສັດວິເສດທີ່ມີປີກ,ປ້ອງກັນຊັບໃນດິນໂດຍສະເພາະ.ໃນຮູບເງົາກ່ຽວກັບສັດປະຫລາດຕ່າງປະເທດ,ມັກມີພາບສັດປະຫລາດທຳລາຍຕົວເມືອງ,ສັດປະຫລາດGARUDAກໍ່ແຜງລິດແຜງເດດເຊັ່ນດຽວກັນ,ຕົວເມືອງທີ່ມັນທຳລາຍກໍ່ແມ່ນບາງກອກ.ໃນຮູບເງົາເລຶ່ອງນີ້ໄດ້ນຳໃຊ້ເຕັກນິກວິທະຍາສາດຫລາຍ,ທັງປະສານກັບນິທານພື້ນສືບຂອງໄທ,ໂດຍສະເພາະແມ່ນໄດ້ໃຊ້ກຳລັງຄົນແລະກຳລັງວັດຖຸຢ່າງຫລວງຫລາຍໃນການສ້າງຟີມເລື່ອງນີ້,ສາມາດທຽບກັບຮູບເງົາວິທະຍາສາດເພີ້ຝັນເລື່ອງສັດປະຫລາດໂກສະລາໄດ້,ບາງຕອນໃນເລື້ອງນີ້ຄ້າຍຄື ເລື່ອງຮູບເງົາເຈມສ໌ບອນ 007 ຂອງໂຮລິວຸດ, ຂາຍດີຍອ້ນໃນເລື່ອງມີພະເອກຜູ້ເກັ່ງແລະຜູ່ສາວທ່ີສວຍ,ຈໍກວ້າງສະຖານທີ່ກວ້າງໃຫຍ່,ເນື້ອເລື່ອງກ່ຽວກັບທົ່ວໂລກ,ສ່ອງແສງການຖ່າຍທຳຂອງຮູບເງົາໄທ ຮຽນແບບ HOLLYWOOD.
|
|
|
