|
ໃນລາຍການມື້ນີ້, ພວກເຮົາຂໍສະເໜີການເຄື່ອນໄຫວລວບລວມເພງຮັກປະເທດຊາດຂະໜາດໃຫຍ່ສູ່ທ່ານຟັງ, ແລະເຊີນຟັງເພງສະໄໝນິຍົມທີ່ໄດ້ຮັບລາງວັນປະພັນດີເດັ່ນສ່ວນໜຶ່ງ. ເພງທີ່ທ່ານພວມຟັງຢູ່ນີ້ຊື່ວ່າ, Wodelianqu ເພງຮັກຂອງຂ້າ, ແຕ່ງເນື້ອຮ້ອງໂດຍທ່ານຊົ້ງສຽວມິງ, ແຕ່ງທຳນອງໂດຍທ່ານສີໄພ້ຕົງ.
ເພງຮັກຂອງຂ້າ, ສ່ອງແສງນ້ຳໃສໃຈຈິງ, ຮ່ວມທຸກຮ່ວມສຸກ, ບໍ່ກິນແໜງແຄງໃຈ, ຮັກເຈົ້າເຖິງຟ້າຈະລົມ ຝົນຈະຕົກກໍບໍ່ຫົວຊາ, ຮັກເຈົ້າ, ເຖິງນ້ຳທະເລຈະເຫືອດແຫ້ງ, ຫິນຈະລະລາຍກໍບໍ່ປ່ຽນໃຈ. ທີ່ທ່ານຟັງມານັ້ນແມ່ນເພງWodelianqu ເພງຮັກຂອງຂ້າ, ສ່ອງແສງໃຫ້ເຫັນຄວາມຮັກແລະຄວາມອາໄລອາວອນຂອງປະຊາຊົນຈີນທີ່ມີຕໍ່ມະຫາຄອບຄົວປະຊາຊາດຈີນ.
ການລວບລວມເພງຮັກປະເທດຊາດຢ່າງຂະໜາດໃຫຍ່ເທື່ອນີ້ແມ່ນລິເລີ່ມດຳເນີນໃນເດືອນມັງກອນປີ 2003, ໃນປີໜຶ່ງມານີ້, ນັກດົນຕີຈີນແຜ່ນດິນໃຫຍ່, ພີ່ນ້ອງຮ່ວມຊາດໄຕ້ຫວັນແລະຊາວຈີນອັນໄພສານພາຍໃນປະເທດແລະຕ່າງປະເທດພາກັນເຂົ້າຮ່ວມດ້ວຍຄວາມກະຕືລືລົ້ນ, ໄດ້ແຕ່ງເພງດີເດັ່ນງວດໜຶ່ງທີ່ສ່ອງແສງຄວາມຄິດຮອດຄິດເຖິງບ້ານເກີດເມືອງນອນ, ແລະພີ່ນ້ອງຮ່ວມອຸທອນແລະຫວັງໃຫ້ປະເທດຊາດໂຮມເຂົ້າເປັນເອກະພາບກັນໂດຍໄວ. ນັບມາຮອດເດືອນມັງກອນປີນີ້, ຄະນະກຳມະການຈັດການເຄື່ອນໄຫວເທື່ອນີ້ໄດ້ຮັບບົດເພງ 4444 ບົດ, ເມື່ອໄດ້ປະກວດໃນເບື້ອງຕົ້ນ, ປະກວດຄືນແລະປະກວດສຸດທ້າຍແລ້ວ, ມີ 65 ເພງໄດ້ຮັບລາງວັນປະພັນ, 184 ເພງໄດ້ຮັບລາງວັນຖືກສະເໜີຊື່. ທີ່ທ່ານພວມຟັງຢູ່ນີ້ແມ່ນເພງGongtongdege ເພງດຽວກັນທີ່ໄດ້ຮັບລາງວັນ.
ເພງທີ່ທ່ານຟັງມານັ້ນແມ່ນເພງGongtongdege ເພງດຽວກັນ, ເຊິ່ງແຕ່ງໂດຍທ່ານລຽງເຫີພີງແລະທ່ານເຟີງຊືສຽນ, ເພງນີ້ໄດ້ສ່ອງແສງໃຫ້ເຫັນອາລົມຈິດທີ່ຄືກັນຂອງພີ່ນ້ອງຮ່ວມຊາດສອງຝັ່ງຮ່ອມທະເລໃຕ້ຫວັນທີ່ຢາກເຕົ້າໂຮມກັນ.
ການເຄື່ອນໄຫວເທື່ອນີ້ແມ່ນກະຊວງວັດທະນະທຳຈີນແລະວົງການສິນລະປະວັນນະຄະດີຈີນຮ່ວມກັນຈັດຂຶ້ນ, ຈຸດປະສົງແມ່ນເພື່ອຜ່ານຈາກການແຕ່ງເພງແລະຮ້ອງເພງ, ສະແດງໃຫ້ເຫັນປະຫວັດສາດຍາວນານແລະວັດທະນະທຳອັນຮຸ່ງເຮືອງຂອງປະຊາຊາດຈີນ, ລະບາຍຄວາມຮັກເພງລະຫວ່າງພີ່ນ້ອງຮ່ວມຊາດສອງຝັ່ງຮ່ອມທະເລ, ສົ່ງເສີມນ້ຳໃຈບາກບັ່ນສູ້ຊົນແລະມານະຈິດອັນເຂັ້ມແຂງຂອງປະຊາຊາດຈີນ, ສ່ອງແສງຄວາມປາຖະໜາຮ່ວມຂອງຊາວຈີນທຸກຖ້ວນໜ້າທີ່ຈະສາມັກຄີກັນ, ສ້າງປະຊາຊາດຈີນໃຫ້ຈະເລີນແລະສຳເລັດພາລະກິດອັນຍິ່ງໃຫຍ່ທີ່ໂຮມປະເທດຊາດໃຫ້ເປັນເອກະພາບກັນ. ຕໍ່ໄປເຊີນຟັງເພງໄດ້ຮັບລາງວັນອີກເພງໜຶ່ງທີ່ຊື່ວ່າ: Yeyedelaojia ບ້ານເກີດຂອງປູ, ເພງນີ້ໄດ້ບັນລະຍາຍເຖິງຄວາມຮັກຫອມແລະຄວາມຄຶດຮອດຄຶດເຖິງປະເທດຊາດຂອງພີ່ນ້ອງຮ່ວມຊາດໄຕ້ຫວັນໃນໄວຕ່າງກັນ, ສະແດງໃຫ້ເຫັນຈິດໃຈຂອງພີ່ນ້ອງຮ່ວມຊາດສອງຝັ່ງຮ່ອມທະເລທີ່ຄອງຄອຍໃຫ້ປະເທດຊາດໂຮມເປັນເອກະພາບກັນ.
ພໍ່ຄິດຮອດບ້ານເກີດຂອງປູ່, ເພີ່ນວ່ານັ້ນແມ່ນບ້ານເກີດຂອງລູກຫຼານຜູ່ໄປຢູ່ບ້ານເພີ່ນເມືອງເຂົາ. ເມື່ອໄດ້ກັບບ້ານ, ຈຶ່ງຮູ້ສຶກສະບາຍໃຈ, ສຳນຽງສຽງເວົ້າໃນບ້ານເກີດໄດ້ປົວບາດແຜໃນໃຈຂອງຂ້າໃຫ້ຫາຍ. ຂ້າໄດ້ພາກຈາກພໍ່ແມ່ທີ່ຢູ່ພົ້ນທະເລ, ເມື່ອກັບມາບ້ານແລ້ວ, ຂ້າບໍ່ຢາກຈາກໄປອີກ.
ຕໍ່ໄປໃຫ້ພວກເຮົາມາຟັງເພງManghua ເພງທີ່ໄດ້ຮັບລາງວັນເທື່ອນີ້. ເພງນີ້ໄດ້ສະແດງຄວາມງ່ວມເຫງົາຂອງພີ່ນ້ອງໄຕ້ຫວັນທີ່ອາໄສຢູ່ທາງນອກບໍ່ສາມາດກັບເມືອບ້ານເກີດ.
ເນື້ອເພງຂຽນວ່າ, ເຫັນຕົ້ນManghua ມີດອກຂາວ, ຈຶ່ງຮູ້ວ່າ, ຮອດລະດູໃບໄມ້ຫຼົ່ນອີກແລ້ວ, ຊີວິດພັດເຊພະເນຈອນບໍ່ມີວັນສຸດສ້ຽງ, ຄວາມງ່ວມເຫງົາເສົ້າໝອງບໍ່ມີວັນຈາງຫາຍ, ຄຶດເຖິງບ້ານເກີດ, ຄຶດເຖິງຍາດພີ່ນ້ອງ, ຄຶດເຖິງປະເທດຊາດທີ່ສວຍງານ, ບໍ່ຮູ້ວ່າບ້ານເມືອງເຮົາກໍຍັງງາມຄືເກົ່າບໍ່?
|
