|
ທ່ີນີ້ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ່ຟັງທ່ີໂຄລົບ, ຊົມເຊີຍທ່ານຮັບຟັງລາຍການນັດພົບໃນວັນອາທິດ.
ທ່ານຜູ່ຟັງທ່ີໂຄລົບ, ບໍ່ຮູ້ວ່າທ່ານກໍເຄີຍມີຄວາມຮູ້ສຶກແນວນີ້ບໍ່, ຄືເມ່ືອທ່ານໄດ້ຟັງເພງເກ່ົາເພງໜ່ຶງ, ຫຼືວ່າໄດ້ຟັງທຳນອງເພງທ່ີຄຸ້ມຫູເພງໜ່ຶງ, ອາດຈະເຮັດໃຫ້ທ່ານຫວນຄຶດເລ່ືອງລາວໃນອະດີດ ໝູ່ເພ່ືອນໃນເມ່ືອກ່ອນ ຫຼືວ່າເລ່ືອງເກ່ົາເລ່ືອງຫຼັງ ເລ່ືອງເປັນຕາຫົວຂອງຕົນໃນຍາມຍັງນ້ອຍ, ຫຼືວ່າຍັງມີເລ່ືອງອື່ນໆອີກ. ແມ່ນແທ້, ເພງເກ່ົາມີສະເໜແທ້. ວັນທີ 31 ທັນວາປີ 2002, ເມ່ືອສຽງເພງຂອງທ່ານໂລຕາໂຢວ ນັກຮ້ອງຈີນທ່ີມີຊ່ືສຽງໃນຊຸມປີ 80 ສະຕະວັດທ່ີ 20 ດັງຂຶ້ນໃນຫໍກິລາຂອງນະຄອນປັກກ່ິງນັ້ນ, ເຖິງວ່າອາກາດໜາວພິລຶກ, ແຕ່ຄົນນັບເປັນພັນເປັນໝ່ືນໄດ້ລຸຫຼ່ັງເຂົ້າຫໍກິລາ, ເພ່ືອໄປຟັງເພງເກ່ົາທ່ີຕົນເອງມັກ. ຕໍ່ໄປ ພວກເຮົາຈ່ົງມາຟັງເພງເກົ່າທ່ີຄຸ້ມຫູນຳກັນ.
ຈົນຮອດໃກ້ຊິນອນແລ້ວຈ່ຶງຣູ້ວ່າ ການບ້ານໄດ້ເຮັດແຕ່ໜ້ອຍດຽວ, ຈົນຮອດຈະເສັງແລ້ວ, ຈ່ຶງຮູ້ວ່າໜັງສືທ່ີຕ້ອງຮຽນນັ້ນຍັງບໍ່ທັນຮຽນເທ່ືອ. ອາຈານເຄີຍເວົ້າວ່າ, ເວລາເປັນເງິນເປັນຄຳ, ເງິນຄຳແມ່ນຊື້ເອົາເວລາບໍ່ໄດ້ດອກ. ເວລາຜ່ານໄປແຕ່ລະມື້ແຕ່ລະປີ, ຕົນເອງກໍເຕີບໃຫຍ່ຂຶ້ນໂດຍບໍ່ຮູ້ສຶກຕົວ.
ແມ່ນແທ້, ເວລາເປັນສ່ິງລ້ຳຄ່າທ່ີສຸດ, ສົມພໍຜູ່ໄປຊື້ປີ້ຊົມງານດົນຕີເທ່ືອນີ້ຈ່ຶງຕ້ອງເຂົ້າແຖວຢ່າງຍືດຍາວ. ເມ່ືອໄດ້ຟັງເພງມ່ວນໆ, ໂດຍສະເພາະແມ່ນເມ່ືອໄດ້ຟັງເພງເກ່ົາທ່ີຈັບໃຈນັ້ນ, ມີຫຼາຍຄົນໄດ້ເປີດໂທລະສັບມືຖືຂອງຕົນໄວ້ຕະຫຼອດຈົນສຸດເພງ, ຄືຊິແມ່ນໂທຫາໝູ່ທ່ີບໍ່ໄດ້ມາຟັງ, ພ້ອມກັນຫວນຄຶດລືກງາມຍາມດີຂອງພວກເຂົາເຈົ້າທ່ີຜ່ານມາ.
ແມ່ນແທ້ ກະແສເວລາຜ່ານໄປໂດຍບໍ່ມີວັນກັບຕ່າວ, ແຕ່ວ່າ ຄວາມຮັກຄວາມແພງຂອງພວກເຮົາພັດໝັນຄົງຂະໜົງແກ່ນຍິ່ງໆຂຶ້ນຕາມກາລະເວລາທ່ີຜ່ານໄປ. ຕໍ່ໄປເຊີນທ່ານຟັງເພງ"ແຢະລ້ຽງໄຕ້ປຽວໂວະເຕີຊິນ" ແປວ່າ "ດວງຈັນສ່ອງແສງຈິດໃຈຂອງຂ້າ", ພວກເຮົາຈ່ົງຫວນຄືນຄວາມຮັກໃນອະດີດນຳກັນ.
ນ້ອງຖາມວ່າ ອ້າຍຮັກນ້ອງຫຼາຍປານໃດ, ອ້າຍຮັກນ້ອງຫຼາຍປານໃດ, ໃຫ້ນ້ອງເບ່ິງເອງ ໃຫ້ນ້ອງຄຶດເອງ ດວງຈັນກໍແມ່ນດວງໃຈຂອງອ້າຍ. ຈູບເບົາໆເທ່ືອດຽວ ອ້າຍກໍແສນປື້ມໃຈແລ້ວ, ຄວາມຮັກນັ້ນເຮັດໃຫ້ອ້າຍບໍ່ລືມຈົນຮອດດຽວນີ້.
ເພງນີ້ ຂ້າພະເຈົ້າຄຶດວ່າທ່ານທັງຫຼາຍອາດຈະເຄີຍໄດ້ຟັງມາກ່ອນແລ້ວ, ຕັ້ງແຕ່ຊຸມປີ 80 ສະຕະວັດທ່ີແລ້ວພຸ້ນ, ເພງນີ້ກໍໄດ້ນິຍົມກັນຫຼາຍ, ຢູ່ຈີນແມ່ນເກືອບຮູ້ກັນໝົດສູ່ຄົນ, ເພາະວ່າມັນເຮັດໃຫ້ພວກເຮົາຫວນຄຶດເລ່ືອງໃນອະດີດ, ອາໄລທາຊີວິດອັນດີງາມໃນເມ່ືອກ່ອນ.
ເພງ ສາມາດສະແດງຄວາມຮັກຂອງຍາດຕິພ່ີນ້ອງ, ສາມາດສະແດງຄວາມຮັກຂອງຄູ່ຮັກ, ທັງຍັງສາມາດສະແດງຄວາມຮັກຂອງໝູ່ເພ່ືອນ. ເພ່ືອຮັກເພ່ືອນແພງ, ຈະເຮັດໃຫ້ເຮົາບໍ່ລືມຕະຫຼອດຊີວິດ, ເພ່ືອນຮັກເພ່ືອນແພງຈະຊ່ອຍເຮົາຜ່ານຜ່າຄວາມທຸກຍາກລຳບາກ, ນຳເອົາຊີວິດອັນຜາສຸກມາໃຫ້ເຮົາ.
ເມ່ືອເຄີຍຮັກແມ້, ຈ່ິງຮູ້ງ່ວມເຫງົາ, ຈ່ິງຮູ້ຫວນຄຶດ, ຄ່ຳໃດກໍຕ້ອງຝັນ, ຄ່ຳໃດກໍຝັນເຫັນເຈົ້າ. ເປັນເພ່ືອນກັນເດີນຮ່ວມທາງຕະຫຼອດຊີວິດ, ເປັນເພ່ືອນກັນ ບໍ່ເຄີຍມີຄວາມງ່ວມເຫງົາ. ເຖິງວ່າດຽວນີ້, ເຮົາໄດ້ຈາກກັນແລ້ວ, ແຕ່ຄວາມຮັກຍັງຝັງເລິກໃນໃຈຂອງເຮົາ.
ຄວາມຮັກທ່ີເປັນໜ້າທະນຸຖະໜອມທ່ີສຸດນັ້ນແມ່ນຄວາມຮັກຂອງແມ່. ເພາະວ່າແມ່ໄດ້ໃຫ້ຊີວິດແກ່ພວກເຮົາ, ແລະແມ່ໄດ້ລ້ຽງດູພວກເຮົາໃຫ້ເຕີບໃຫຍ່. ບຸນຄຸນຂອງແມ່ຕອບແທນບໍ່ໝົດເປັນຈັກເທ່ືອໃນຕະຫຼອດຊີວິດ. ຕໍ່ໄປພວກເຮົາຂໍໃຫ້ສຽງເພງນຳເອົາອວຍພອນໄປໃຫ້ແມ່ ຜູ່ແສນຮັກຂອງພວກເຮົາ.
ໂອ ແມ່ເອີຍ ແມ່ພາຍໃຕ້ແສງທຽນ, ລູກຈະຕອບບຸນແທນຄຸນຂອງແມ່. ໂອ ແມ່ເອີຍ, ແມ່ພາຍໃຕ້ແສງທຽນ, ເປັນຫຍັງແມ່ຈ່ຶງຫຼັງກ່ອມບໍ່ສະຫງ່າຄືແຕ່ກ່ອນ, ຂໍໃຫ້ແມ່ເຊ່ືອວ່າ ລູກຈະຍ່າງໄປກັບແມ່ຕະຫຼອດຊີວິດ.
ທ່ານຜູ່ຟັງທ່ີໂຄລົບ, ເພງເກ່ົາທ່ີຈັບໃຈ, ທຳນອງທ່ີໄພເລາະ ມັກພາໃຫ້ເຮົາຄຶດເຖິງອະດີດຕະການ, ຄຶດວ່າລາຍການນັດພົບໃນວັນອາທິດມື້ນີ້ ຄົງໄດ້ນຳເອົາຄວາມຊົງຈຳອັນດີງາມມາໃຫ້ທ່ານ, ເວລາປ່ຽນໄປ, ແຕ່ສຽງເພງບໍ່ປ່ຽນ, ຄວາມຮັກແທ້ກໍບໍ່ປ່ຽນ, ລາຍການນັດພົບໃນວັນອາທິດຂອງພວກເຮົາກໍບໍ່ປ່ຽນແປງ. ຂອບໃຈທ່ານທ່ີຮັບຟັງ, ຫວັງວ່າຄົງຈະໄດ້ພົບກັບທ່ານອີກໃນອາທິດໜ້າ, ສະບາຍດີ.
|
