|
 ຢູ່ຈີນມີກຸ່ມຄົນພິເສດກຸ່ມໜຶ່ງ,ພວກເຂົາເຈົ້າຈາກປະເທດທີ່ຕ່າງກັນ,ພ້ອມກັນກັບປະຊາຊົນຈີນເຂົ້າຮ່ອມການປະຕິວັດແລະການສ້າງສາຂອງຈີນ.ພວກເຂົາເຈົ້າມີຄວາມຮັກແພງຢ່າງເລິກເຊິ່ງຕໍ່ຈີນ,ມີບາງຄົນດຳລົງຊີວິດຢູ່ຈີນເປັນເວລາຍາວນານ,ຍັງໄດ້ເຂົ້າຮ່ອມສັນຊາດຈີນ,ຈົນກະທັ້ງກາຍເປັນສະມາຊິກຂອງພັກກອມມູນິດຈີນ.
ທ່ານເອບສເຕັນ ເກີດຢູ່ໂປໂລຍເມື່ອເດືອນເມສາປີ 1915,ໃນຄາວອາຍຸ 2 ປີປາຍກໍ່ຍ້າຍມາຢູ່ຈີນນຳພໍ່ແມ່.ຈາກນັ້ນທ່ານເຕີບໃຫຍ່ຢູ່ຈີນແລະເຂົ້າຮ່ວມວຽກງານຖະແຫຼງຂ່າວໃນຊຸມປີ 30 ສັດຕະວັດທີ 20,ແຈ້ງຂ່າວກ່ຽວກັບສະພາບການປະຕິວັດແລະສັງຄັມຂອງຈີນຕໍ່ຕ່າງປະເທດ.ເວລານັ້ນຈີນພວມຢູ່ໃນໄລຍະພາຍໃຕ້ການປົກຄອງຜະເດັດການຂອງພັກກົກມີນຕັງແລະຖືກມະຫາອຳນາດຕ່າງປະເທດຮຸກຮານ,ສົງຄາມພາຍໃນປະເທດເກີດຂຶ້ນຢ່າງບໍ່ຢຸດຢັ້ງ,ຊີວິດການເປັນຢູ່ຂອງປະຊາຊົນທຸກຍາກລຳບາກ,ສຽງຮຽກຮ້ອງຕໍ່ຕ້ານການຮຸາຮານຂອງສັດຕູຕ່າງປະເທດ, ສ້າງຕັ້ງປະເທດທີ່ມີອິດສະລະພາບແລະປະຊາທິປະໄຕນັ້ນດັງຂຶ້ນຢ່າງບໍ່ຢຸດຢັ້ງ.
 ໃນໄລຍະນີ້,ພັກກອມມູນິດຈີນທີ່ສ້າງຕັ້ງຂຶ້ນໃນຕົ້ນຊຸມປີທີ່ 20 ສັດຕະວັດທີ 20 ໄດ້ຄ່ອຍໆເຕີບໂຕຂຶ້ນ,ກາຍເປັນພັກການເມືອງກ້າວໜ້າທີ່ຕາງໜ້າຜົນປະໂຫຍດຂອງປະຊາຊາດຈີນ.ປີ 1944, ໃນນາມເປັນນັກຂ່າວຂອງນິວຢອກແທມສ໌ແລະວາລະສານແທມສ໌ຂອງອາເມສິກາ,ທ່ານເອບສເຕັນໄດ້ເຂົ້າຮ່ວມຄະນະຢ້ຽມຢາມພາກຕາເວັນຕົກສຽງເໜືອຂອງຈີນຂອງນັກຂ່າວຈີນແລະຕ່າງປະເທດ,ໄດ້ຢ້ຽມຢາມແຢ໋ນອ່ານແຂວງສານໄປເຊິ່ງເປັນທີ່ຕັ້ງສຳນັກງານຂອງສູນກາງພັກກອມມູນິດຈີນໃນຄາວນັ້ນ.ທ່ານຍັງລົງໄປຮອດເຂດຕໍ່ແດນລະຫວ່າງແຂວງສ້ານຊີແຂວງກ່ານຊູ້ແລະເຂດໜິງເຊ້ຍເຊິ່ງເປັນທີ່ໝັ້ນຕໍ່ຕ້ານຍີ່ປຸ່ນຢູ່ແນວຫຼັງສັດຕູທີ່ນຳໂດຍພັກກອມມູນິດຈີນໃນຄາວນັ້ນ,ແຈ້ງຂ່າວກ່ຽວກັບສະພາບການຕໍ່ສູ້ຂອງພັກກອມມູນິດຈີນນຳພາປະຊາຊົນເຂດປົດປ່ອຍຕໍ່ຕ້ານຍີ່ປຸ່ນຜູ່ຮຸກຮານຢ່າງພິລະອາດຫານນັ້ນຕໍ່ທົ່ວໂລກ.ບົດຄວາມຫຼາຍສິບບົດທີ່ທ່ານຂຽນນັ້ນໄດ້ພິມຈຳໜ່າຍຢູ່ໜັງສືພິມວາລະສານຂອງອາເມລິກາ,ອັງກິດ,ອິນເດຍແລະອົສຕຼາລີເປັນຕົ້ນຢ່າງເປັນລຳດັບ.ເມື່ອຫວນຄືນເຖິງປະຫວັດສາດຕອນນີ້,ທ່ານເອບສເຕັນເວົ້າດ້ວຍຄວາມກະຕຸ້ນໃຈວ່າ:
"ໃນຄາວນັ້ນ,ເຂດຕໍ່ແດນລະຫວ່າງສານຊີ່,ການຊູ້,ນິງເຊ້ຍໄດ້ເປັນຕົວແທນໃຫ້ແກ່ພາບພົດຂອງປະເທດຈີນໃໝ່ຢ່າງສິ້ນເຊິງ,ມັນຕ່າງກັບເຂດທີ່ພັກກົກມິນຕັງປົກ ຄອງນັ້ນຢ່າງສິ້ນເຊິງ.ຢູ່ແຫ່ງນີ້ມີບັນຍາກາດເສລີພາບ,ປະຊາຊົນເຕັມໄປດ້ວຍຄວາມເຊື່ອໝັ້ນຕໍ່ຕົນເອງ.ພວກເຂົາເຈົ້າເຊື່ອວ່າ,ຕົນເອງຈະເອົາຊະນະສົງຄາມຕ່ໍຕ້ານຍີ່ປຸ່ນໄດ້ໃນທີ່ສຸດ,ແລະສ້າງປະເທດຈີນໃໝ່."
ຢູູ່ເມືອງແຢ໋ນອ່ານທ່ານເອບສເຕັນຍັງໄດ້ສຳພາດຜູ່ນຳຂອງພັກກອມມູນິດຈີນເຊັ່ນທ່ານໝາວເຈີຕົ່ງ,ທ່ານຈູ່ເຕີ໋ແລະທ່ານເຈົ໋າເອີ່ນຫຼາຍເປັນຢູ່ໃນຖ້ຳ.ທ່ານໄດ້ຕີລາຄາສູງຕໍ່ຜູ່ນຳພັກກອມມູນິດາຈີນໃນຄາວນັ້ນ,ເຫັນວ່າພວກເພິ່ນໝູ່ຄະນະນຳທີ່ເຫັນກວ້າງມອງໄກ,ຍ່ອມຈະໄດ້ຮັບໄຊຊະນະຂອງການປະຕິບັດ.
(ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄປຢາມທ່ານເອບສ໌ເຕັນ)
ຫຼັງຈາກສົງຄາມຕໍ່ຕ້ານຍີ່ປຸ່ນໄດ້ຮັບໄຊຊະນະແລ້ວ,ທ່ານເອບສເຕັນໄດ້ກັບຄືນເມືອອາເມລິກາຍ້ອນວຽກງານ.ແຕ່ທ່ານບໍ່ໄດ້ເຊົາເອົາໃຈໃສ່ນຳການປະຕິບັດແລະການສ້າງສາຂອງຈີນຈັກເທື່ອ.ໃນປີທີສາມແຕ່ສະຖາປະນາປະເທດຈີນໃໝ່,ໂດຍຕອບສະໜອງຄຳເຊີນຂອງທ່ານນາງຊຸ້ງຊິ້ງຫຼິງຮອງປະທານປະເທດຈີນໃນຄາວນັ້ນ,ທ່ານເອບສເຕັນກັບພັນລະຍາໄດ້ຈາກອາເມລິກາກັບຄືນມາຈີນ,ເຂົ້າຮ່ວມການສ້າງວາລະສານຕໍ່ຕ່າງປະເທດຄືການສ້າງສາປະເທດຈີນ,ປະຈຸບັນຊື່ວ່າ"ປະເທດຈີນວັນນີ້",ກາຍເປັນຜູ່ເລີ່ມສ້າງພາລະກິດໂຄສະນາຕໍ່ຕ່າງປະເທດຂອງປະເທດຈີນໃໝ່.
ໃນນາມເປັນຜູ່ລິເລີ່ມສ້າງຜູ່ຮັບຜິດຊອບຕົ້ນຕໍຂອງວາລະສານດັ່ງກ່າວ,ທ່ານເອບສເຕັນໄດ້ດຳເນີນການທົດລອງຢ່າງກ້າຫານໃນດ້ານບຳລຸງສ້າງຜູ່ມີຄວາມຮູ້ຄວາມສາມາດ,ການກຳນົດແລະປະຕິບັດທິດທາງບັນນາທິການເປັນຕົ້ນ.ໃຕ້ຄວາມພະຍາຍາມຂອງທ່ານ,ວາລະສານສະບັບນີ້ໄດ້ສະເໜີສະພາບການສ້າງສາສັງຄົມນິຍົມທີ່ປະເທດຈີນໃໝ່ພວມດຳເນີນຢູ່ນັ້ນໃຫ້ຜູ່ອ່ານຕ່າງປະເທດຊາບດ້ວຍການແຈ້ງຂ່າວຢ່າງພາວະວິໄສແລະລະອຽດ,ກາຍເປັນຂົວສະພາບອັນສຳຄັນສຳລັບຜູ່ອ່ານຕ່າງປະເທດຊອກຮູ້ປະເທດຈີນຢ່າງຮອບດ້ານ.
ທ່ານເອບສເຕັນຍັງໄດ້ໄປສຳພາດແລະຂຽນບົດເອົາເອງ.ຍ້ອນມີກຳລັງເກດທີ່ແຫຼມຄົມນັກຂ່າວ,ບວກກັບທ່ານມີຄວາມເຂົ້າໃຈຫຼາຍສົມຄວນຕໍ່ປະຫວັດສາດແລະວັດທະນະທຳຂອງຈີນ,ການແຈ້ງຂ່າວຂອງທ່ານມັກມີຄວາມເລິກເຊິ່ງ,ການວິເຄາະແລະການຄາດຄະເນລ້ວນແຕ່ຂ້ອນຂ້າງແຂງແຮງ,ອັນໄດ້ຮັບຄວາມນິຍົມຊົມຊອບຫຼາຍຈາກຜູ່ອ່ານຕ່າງປະເທດ.ທ່ານເອບສເຕັນເຫັນວ່າ,ເພື່ອນຕ່າງປະເທດຮູ້ຈັກປະເທດຈີນໃໝ່ໜ້ອຍທີ່ສຸດ,ບາງຄົນຍັງຫຼົງເຊື່ອເລື່ອງຈີງທີ່ຖືກການແຈ້ງຂ່າວຂອງຝ່າຍຕາເວັນຕົກບິດເບືອນແລ້ວນັ້ນ,ຄວາມຈິງແລ້ວ,ປະເທດຈີນທີ່ແທ້ຈິງແມ່ນເປັນແນວໃດ,ພວກເຂົາເຈົ້າພັດບໍ່ຮູ້.ສະນັ້ນ,ທ່ານມັກແຈ້ງຂ່າວກ່ຽວກັບປະເທດຈີນທີ່ເພື່ອນຕ່າງປະເທດເຫັນກັບຕານັ້ນຢ່າງກົງໄປກົງມາ.
"ຂ້າພະເຈົ້າມັກໄປສຳພາດເພື່ອນຕ່າງປະເທດທີ່ມາຈີນເທື່ອທຳອິດ,ຖາມພວກເຂົາເຈົ້າວ່າຕີລາຄາແນວໃດຕໍ່ປະເທດຈີນທີ່ພວກເຂົາເຈົ້າເຫັນກັບຕາ.ພວກເຂົາເຈົ້າມັກເວົ້າວ່າ,ສິ່ງທີ່ພວກເຂົາເຈົ້າເຫັນນັ້ນດີກວ່າສິ່ງທີ່ຄາດຄຶດ."
ໃນນາມເປັນນັກຂ່າວ,ທ່ານເອບສເຕັນໄດ້ໄປສຳພາດທົ່ວປະເທດຈີນ,ໄດ້ຂຽນບົດແຈ້ງຂ່າວຢ່າງຫຼວງຫຼາຍ.ບົດປະພັນເລື່ອງ"ສົງຄາມຂອງປະຊາຊົນ","ການຫັນປ່ຽນຂອງຕິເບດ"ແລະ"ຊີວະປະຫວັດຂອງທ່ານນາງຊຸ້ງຊິ້ງຫຼິງ"ທີ່ທ່ານແຕ່ງນັ້ນໄດ້ສະແດງໃຫ້ເຫັນການປ່ຽນແປງຂອງປະຫວັດສາດຈີນດ້ວຍຮູບການບັນທຶກເລື່ອງຈິງ.
ປີ 1957,ທ່ານເອບສເຕັນໄດ້ເຂົ້າສັນຊາດຈີນ.ຫຼັງຈາກນັ້ນຫຼາຍປີທ່ານໄດ້ເຂົ້າເປັນສະມາຊິກພັກກອມມູນິດຈີນ.ໃນນາມເປັນພົນລະເມືອງແລະສະມາຊິກພັກກອມມູນິດຈີນ,ທ່ານໄດ້ວາງຂໍ້ສະເໜີຕໍ່ທິດທາງສະໂຍບາຍຈຳນອນນຶ່ງທີ່ພັກກອມມູນິດຈີນປະຕິບັດນັ້ນຢ່າງຕັ້ງໜ້າແລະໄດ້ປະກອບຄຳເຫັນຂອງຕົນຕໍ່ບາງບັນຫາຈຸດເດືອດຂອງສັງຄົມ,ຊຸກຍູ້ການແກ້ໄຂບັນຫາ.ຕົວຢ່າງຄືຕໍ່ບັນຫາຈະຄຸ້ມຄອງປະຊາກອນຊົນນະບົດຈີນທີ່ໄປຫາວຽກເຮັດຢູ່ຕົວເມືອງແນວໃດ,ໃນຂະນະດຳເນີນການສ້າງສາເສດຖະກິດນັ້ນຄວນເອົາໃຈໃສ່ນຳການກໍ່ສ້າງວັດທະນະທຳເປັນຕົ້ນ,ທ່ານລ້ວນແຕ່ໄດ້ສະເໜີວິທີທີ່ມີລັກສະນະປະຕິບັດໄດ້ຢ່າງແຂງແຮງ.
ນອກນີ້,ທ່ານຈັງຕັ້ງຫຼັກຈັ້ງຕີນຢູ່ບົນຜືນແຜ່ນດິນຂອງຈີນ,ສັງເກດການປ່ຽນແປງຈີນ,ທ່ານໄດ້ແຈ້ງຂ່າວຜົນສຳເລັດຂອງການປະຕິຮູບໄຂປະຕູສູ່ພາຍນອກແລະການສ້າງສາເສດຖະກິດເປັນເວລາ 20 ກວ່າປີຂອງຈີນໃຫ້ຊາວຕ່າງປະເທດຊາບ,ປະຈຸບັນ,ວາລະສານການສ້າງສາຂອງປະເທດຈີນປະຈຸບັນຊື່ປະເທດຈີນວັນນີ້,ທ່ານລິເລີ່ມສ້າງນັ້ນໄດ້ມີປະຫວັດ 51 ປີແລ້ວ,ໄດ້ກາຍເປັນນຶ່ງໃນວາລະສານຂອງຈີນທີ່ໄດ້ຮັບຄວາມນິຍົມຊົມຊອບທີ່ສຸດຈາກຜູ່ອ່ານຕ່າງປະເທດ.
ທ່ານເອບສເຕັນເຫັນວ່າ,ການປະຕິວັດຂອງຈີນໄດ້ປ່ຽນແປງຊົ່ວຊີວິດຂອງທ່ານ,ຊົ່ວຊີວິດຂອງທ່ານກໍໄດ້ຕິດພັນກັບປະເທດຈີນຢ່າງແໜ້ນແຟ້ນ,ທ່ານເວົ້າວ່າ.
"ປະເທດຈີນໄດ້ກາຍເປັນບ້ານຂອງຂ້າພະເຈົ້າແລ້ວ,ແລະກາຍເປັນເນື້ອໃນໃຈກາງຂອງວຽກງານຂ້າພະເຈົ້າແລ້ວ,ສະນັ້ນ,ຂ້າພະເຈົ້າຕົກລົງເຂົ້າສັນຊາດຈີນກໍ່ແມ່ນເລື່ອງທຳມະດາ.ຕໍ່ມາ,ຂ້າພະເຈົ້າກໍ່ໄດ້ກາຍເປັນພົນລະເມືອງຈີນ,ແລະຕົກລົງເຂົ້າຮ່ວມພັກກອມມູນິດຈີນ.ທ່ານເອບສເຕັນເວົ້າວ່າ,ທ່ານແມ່ນສັກຂີພິຍານຂອງປະຫວັດສາດຈີນໃນຫຼາຍສິບປີມານີ້,ທ່ານຮູ້ສຶກພາກພູມໃຈໂດຍຕະຫຼອດທີ່ຕົນເປັນພົນລະເມືອງຜູ່ນື່ງຂອງຈີນ."
|
