|
ຕາມແວບໄຊຊິນຮວາ,ວັນທີ22ສິງຫາປີນີ້,ແມ່ນວັນລະລຶກວັນຄ້າຍວັນເກີດຂອງທ່ານເຕິ້ງສຽວຜິງຄົບຮອບ100ປີ.ເພື່ອໄວ້ອາໄລບູລຸດຜູ່ຍິ່ງໃຫຍ່ແຫ່ງສະຕະວັດຜູ່ນີ້,ແຕ່ທ້າຍເດືອນມິຖຸນາເປັນຕົ້ນມາ,ແວບໄຊຊິນຮວາຈີນໄດ້ດຳເນີນການສຳຫຼວດເທື່ອໜື່ງທາງແວບໄຊ.ແລ້ວໄດ້ມີສຽງສະທ້ອນຢ່າງຟົດຟື້ນໃນໝູ່ປະຊາກອນເນັດ.ນັບມາຮອດວັນທີ27ກໍລະກົດ,ລວມມີ5541ຄົນໄດ້ຕອບໃນຄຳຖາມ,ແລະມີຜູ່ຂຽນຈົດໝາຍນ້ອຍໄວ້ພັນກວ່າຂໍ້.
ຈາກການສຳຫຼວດສາມາດເຫັນໄດ້ວ່າ,ຄົນທັງຫຼາຍຮູ້ຊີວະປະຫວັດຂອງທ່ານເຕິ້ງສຽວຜິງບູລຸດຜູ່ຍິ່ງໃຫຍ່ແຫ່ງສະຕະວັດຜູ່ນີ້ມາແຕ່ດົນແລ້ວ.ຜູ່ຕອບວ່າ"ຮູ້"ແລະ"ຮູ້ດີຫຼາຍ"ກວມ67,6%.ທິດສະດີເຕິ້ງສຽວຜິງກໍໄດ້ຊຶມເລິກໃນໃຈຄົນແຕ່ດົນແລ້ວ.ຜູ່ຕອບວ່າ"ເຂົ້າໃຈເລິກສົມຄວນ"ກວມ31,2%.ຜູ່ຕອບວ່າ,"ຮູ້ເນື້ອໃນສຳຄັນຂອງທິດສະດີເຕິ້ງສຽວຜິງ"ກວມ45,2%,ສອງລາຍນີ້ບວກເຂົ້າກັນໄດ້ເຖິງ76,4%.ຍີ່ງກວ່ານັ້ນ,ຄົນທັງຫຼາຍຍັງຢາກຜ່ານຈາກຊ່ອງທາງຕ່າງໆຮັບຮູ້,ວິເຄາະວິໄຈທ່ານເຕິ້ງສຽວຜິງແລະທິດສະດີເຕິ້ງສຽວຜິງຕື່ມອີກ.ທັງໝົດເຫຼົ່ານີ້ສະແດງໃຫ້ເຫັນຢ່າງເຕັມສ່ວນວ່າ,ທ່ານເຕິ້ງສຽວຜິງມີສະເໜຫາຢ່າງບໍ່ມີເສົ້າໝອງໃນດວງໃຈຂອງປະຊາຊົນ.
ຄົນທັງຫຼາຍອາໄລຫາແລະຮັກແພງທ່ານເຕິ້ງສຽວຜິງກໍແມ່ນຍ້ອນທ່ານຮັກຫອມປະເທດຊາດແລະປະຊາຊົນຂອງທ່ານຢ່າງເລິກເຊິ່ງ.ໃນຂໍ້ຖາມທີ່ຖາມວ່າ,ໃນຄຳເວົ້າຍອດຢ້ຽມຕ່າງໆຂອງທ່ານເຕິ້ງສຽວຜິງ,ຄວາມໃດ?ທ່ານມີຄວາມຮູ້ສຶກເລິກເຊິ່ງກວ່າໝູ່.ຄວາມເວົ້າທີ່ມີຜູ່ເລືອກເອົາຫຼາຍກວ່າໝູ່ແມ່ນຄວາມທີ່ວ່າ,ຂ້າພະເຈົ້າແມ່ນລູກຂອງປະຊາຊົນຈີນ,ຂ້າພະເຈົ້າຮັກຫອມປະເທດຊາດແລະປະຊາຊົນຂອງຂ້າພະເຈົ້າ.ມີອັດຕາກວມເຖິງ34%.
ຄົນທັງຫຼາຍອາໄລຫາແລະຮັກແພງທ່ານເຕິ້ງສຽວຜິງແມ່ນຍ້ອນວ່າ,ໃນໄລຍະຫົວລ້ຽວຫົວຕໍ່ຂອງຈີນ,ທ່ານເຕິ້ງສຽວຜິງໄດ້ໄຂປະຕູປະຫວັດສາດດ້ວຍມືຜູ່ຍິ່ງໃຫຍ່.ບຸກເບີກທາງເສັ້ນໃໝ່ແຫ່ງການສ້າງສາສັງຄົມນິຍົມທີ່ມີສີສັນພິເສດຂອງຈີນ,ເຮັດໃຫ້ປະເທດຈີນທີ່ມີປະຫວັດຍາວນານມີພະລັງຊີວິດຢ່າງບໍ່ເຄີຍມີມາກ່ອນ.ເມື່ອຖາມປະຊາກອນເນັດວ່າ,ເອົາໃຈໃສ່ນຳເນື້ອໃນດ້ານໃດຂອງທິດສະນະດີເຕິ້ງສຽວຜິງຫຼາຍກວ່າໝູ່ມີ48,2%ຕອບວ່າ,ເຮັດແນວໃດເອົາທິດສະດີເຕິ້ງສຽວຜິງປະສານກັບພຶດຕິກຳ, ຊີ້ນຳການສ້າງສາສັງຄົມນິຍົມທັນສະໄໝ.ທ່ານສີຈື້ກົ່ງ ຜູ່ຊ່ຽວຊານທິດສະດີເຕິ້ງສຽວຜິງເຫັນວ່າ,ກໍແມ່ນທາງເສັ້ນໃໝ່ນີ້ເອງ,ໄດ້ເຮັດໃຫ້ປະຊາຊາດຈີນທີ່ມີປະຫວັດຍາວນານມີພະລັງຊີວິດໃໝ່ທີ່ບໍ່ເຄີຍມີມາກ່ອນ.
ຜົນການສຳຫຼວດສະແດງໃຫ້ເຫັນວ່າ,"ການພັດທະນາແມ່ນເຫດຜົນອັນແນ່ນອນ" ,"ການປະຕິຮູບໄຂປະຕູສູ່ພາຍນອກແມ່ນມາດຕະການທີ່ຕັດສິນຊາຕາກຳຂອງຈີນ","ບໍ່ວ່າແມວຂາວແມວດຳ,ຄັນຈັບໜູໄດ້ກໍແມ່ນແມວດີ." ຄຳເວົ້າທີ່ລືຊາຂອງທ່ານເຕິ້ງສຽວຜິງເຫຼົ່ານີ້ໄດ້ສ້າງພາບປະທັບໃຈອັນເລິກເຊິ່ງໃຫ້ແກ່ຄົນທັງຫຼາຍ.ທ່ານສາສະດາຈານສີຈື້ກ່ົງເຫັນວ່າ,ຄົນທັງຫຼາຍຄິດຮອດແລະຮັກແພງທ່ານເຕິ້ງສຽວຜິງຍັງຍ້ອນວ່າທ່ານຍຶດຖືຄວາມເປັນຈິງ,ບໍ່ອວດອົ່ງທະນົງຕົວ,ທ່ານເຕິ້ງສຽວຜິງບໍ່ມັກເວົ້າຫຍັງຫຼາຍ,ແຕ່ຖ້າເວົ້າແລ້ວແມ່ນມີນຳ້ໜັກທີ່ສຸດ.ຄຳໃດຄຳນັ້ນ,ທິດສະດີເຕິ້ງສຽວຜິງກໍບໍ່ເລິກລັບຫຍັງ,ແຕ່ວ່າຖືກຫຼັກວິທະຍາສາດແລະໃຊ້ໄດ້ຕົວຈິງ.
ທ່ານເຕິ້ງສຽງຜິງໄດ້ລ່ວງລັບໄປແລ້ວ,ແຕ່ວ່າພາລະກິດອັນຍິ່ງໃຫຍ່ຂອງເພິ່ນຍັງຈະຊົງຕົວຢູ່ຕະຫຼອດໄປ.ປະຊາກອນເນັດທັງຫຼາຍທະຍອຍກັນຝາກຄວາມລະລຶກໃນແວບໄຊ,ໄວ້ອາໄລຕໍ່ທ່ານເຕິ້ງສຽວຜິງຢ່າງເລິກເຊິ່ງ.ເຊັ່ນວ່າ,"ຂ້າພະເຈົ້າຂໍເວົ້າອີກເທື່ອໜຶ່ງວ່າ,ສະບາຍດີ,ທ່ານສຽວຜິງ","ສະຫາຍສຽວຜິງ,ພວກເຮົາຄິດຮອດສະຫາຍ" ດ່ັງນີ້ເປັນຕົ້ນໄດ້ເຫັນເລື້ອຍໆຕາມແວບໄຊ.
|
