|
ໃນສະໄໝລາຊະວົງຊ້ົງຂອງຈີນ,ມີເຈົ້າເມືອງຜູ່ໜ່ຶງເຫັນເສນາຜູ່ໜ່ຶງທ່ີຮັກສາຄັງເງິນຈັບເອົາເງິນຫຼຽນໜ່ຶງໃສ່ຖົງເສື້ອຕົນເອງແລ້ວຍ່າງໜີ, ຈ່ຶງເອີ້ນເອົາເສນາຜູ່ນັ້ນມາສອບຖາມ, ເສນາທ່ີຮັກສາຄັງເງິນຮັບຮູ້ວ່າເງິນຫຼຽນນັ້ນແມ່ນເອົາຈາກຄັງເງິນ,ແຕ່ເຂົາຖືວ່າຫຼຽນດຽວທໍ່ບໍ່ມີຫຍັງ.ເຈົ້າເມືອງຕິຕຽນເຂົາ,ເຂົາຍັງບໍ່ຍອມຮັບ.ເຈົ້າເມືອງກ່າວວ່າ,ມື້ໜ່ຶງລັກຫຼຽນໜ່ຶງ,ຄືວ່າບໍ່ທໍ່ໃດ,ແຕ່ຖ້າລັກ1000ມື້ກໍ1000ຫຼຽນ;ເສັ້ນເຊືອກເບິ່ງຄືວ່າບໍ່ແຫຼມບໍ່ຄົມ, ແຕ່ເຖືອໄປເຖືອມາ ດົນແລ້ວກໍສາມາດເລ່ືອຍທ່ອນໄມ້ໃຫ້ຂາດໄດ້;ນ້ຳຢອດລົງໃສ່ກ້ອນຫີນ,ເບ່ິງຄືວ່າບໍ່ແຮງ, ແຕ່ເວລາດົນແລ້ວມັນສາມາດເຈາະກ້ອນຫີນໃຫ້ຊອດເປັນຮູໄດ້.ພາຍຫຼັງມາຄົນທັງຫຼາຍຈ່ຶງໄດ້ຖືຄຳທ່ີວ່າ "ນ້ຳຢອດໃສ່ຫີນກໍຍັງຊອດໄດ້ " ເປັນຄຳສຸພາສິດຄຳໜ່ຶງ,ໝາຍຄວາມວ່ານ້ຳຢອດລົງໃສ່ຫີນຢູ່ບໍ່ເຊົາ,ສາມາດເຈາະກ້ອນຫີນໃຫ້ຊອດເປັນຮູໄດ້.
ແມ່ນແທ້, ຄຳເວົ້າຂອງເຈົ້າເມືອງຜູ່ນີ້ມີເຫດຜົນທ່ີສຸດ,ເຖິງວ່ານີ້ແມ່ນເລ່ືອງເກີດຂຶ້ນໃນສະໄໝບູຮານຂອງຈີນກໍຕາມ,ແຕ່ຈົນຮອດຊູ່ມື້ນີ້ກໍຍັງຄົງມີຄວາມໝາຍທ່ີສອນໃຫ້ຄົນຮູ້ເຫດຮູ້ຜົນ.ນິທານເລ່ືອງນີ້ອຸປະມາເຖິງວ່າກຳລັງອ່ອນນ້ອຍ,ແຕ່ທະແນມມີໃຈມານະ,ຍຶດໝັ້ນພະຍາຍາມຢ່າງບໍ່ລົດລະແລ້ວກໍຈະໄດ້ຮັບຜົນສຳເລັດ.ເພື່ອນທັງຫຼາຍ,ເມ່ືອທ່ານເຮັດວຽກໃດໜ່ຶງ,ຖ້າປະສົບຄວາມຫຍຸ້ງຍາກ,ຄຶດວ່ານິທານສຸພາສິດເລ່ືອງນີ້ຄົງຈະຊ່ອຍໃຫ້ທ່ານເຂົ້າໃຈເຫດຜົນດ່ັງທ່ີກ່າວມາ,ທະແນມແຕ່ທ່ານຍຶດໝັ້ນພະຍາຍາມຢ່າງບໍ່ລົດລະ,ທ່ານກໍຄົງຈະໄດ້ຮັບຜົນສຳເລັດຢ່າງແນ່ນອນ.ທ່ີຈິງແລ້ວ,ລາວກໍມີຄຳສຸພາສິດຄ້າຍຄືກັນນີ້ ເຊ່ັນ: ເກົ້າອົດເກົ້າເຍື້ອນ ຫາກຊິໄດ້ທ່ອນຄຳ,ສູ້ຊົນໝ້ົນທຸກ ສຸກຕາມທ່ີຫຼັງ.ເມ່ືອສັງເກດຈາກຄຳສຸພາສິດຂອງຈີນແລະລາວແລ້ວເຫັນວ່າ,ວັດທະນະທຳຂອງສອງປະເທດພວກເຮົາມີການພົວພັນຢ່າງສະໜິດແໜ້ນ,ພວກເຮົາຈ່ົງຖອດຖອນສ່ິງທ່ີມີຜົນປະໂຫຍດຈາກວັດທະນະທຳອັນຮຸ່ງເຮືອງເຫຼືອງເຫຼື້ອມເຫຼ່ົານີ້ຢ່າງບໍ່ຢຸດຢັ້ງ,ທຳຄວາມພະຍາຍາມພັດທະນາປະເທດຂອງພວກເຮົາ.
|
