|
 ນາງຈິ່ນຫາຍຊີ່ນແມ່ນນັກຮ້ອງດີເດັ່ນເທິງເວທີເພງສະໄໝນິຍົມຂອງຈີນ. ແຕ່ນາງໄດ້ອັດຈຳໜ່າຍແຜ່ນວີດີແຜ່ນທຳອິດທີ່ໃຫ້ຊື່ວ່າshuibuzhaodehai ແປວ່າ ທະເລທີ່ນອນບໍ່ຫຼັບ ໃນປີ 1999 ແລ້ວ, ນາງຈີ່ນຫາຍຊີນກໍໄດ້ຮັບຄວາມຊົມເຊີຍຈາກແຟນເພງຈີນທັງຫລາຍດ້ວຍຮູບໂສມອັນແຈ່ມໃສ ໜ້າຮັກ ແລະພອນສະຫວັນການຂັບຮ້ອງທີ່ພົ້ນເດັ່ນ. ໃນທ້າຍປີ 2003, ນາງຈີນຫາຍຊີນໄດ້ອັດຈຳໜ່າຍແຜ່ນວີດີສ່ວນຕົວອີກແຜ່ນໜື່ງທີ່ໃສ່ຊື່ຂອງນາງເອງ. ໃນລາຍການມື້ນີ້, ແສງແກ້ວກໍຂໍສະເໜີເພງໃນແຜ່ນວີດີດັ່ງກ່າວສູ່ຟັງ.
ທີ່ທ່ານພວມຟັງຢູ່ນີ້ແມ່ນເພງCishi cike ແປວ່າຍາມນີ້ຄາວນັ້ນ, ໃນແຜ່ນວິດີໃໝ່ຂອງນາງຈີ່ນຫາຍຊີນ. ໃນເພງນີ້, ນາງຈີ່ນຫາຍຊີນໄດ້ໃຊ້ວິທີຮ້ອງແບບຕ່າງໝູ່ດ້ວຍທຳນອງແບບເພີ້ຝັນ, ຄົນຟັງແລ້ວຮູ້ສຶກໃໝ່ຫູໃໝ່ຕາ.
 ນາງຈີ່ນຫາຍຊີນເກີດຢູ່ໃນຄອບຄົວດົນຕີ, ນາງຮຽນຫຼີ້ນເປຍໂນແຕ່ອາຍຸ 5 ປີ,, ຕໍ່ມາກໍຮຽນເປົ່າ
ຂຸ່ຍ. ຍ້ອນໄດ້ຮັບການອົບຮົມຈາກຄອບຄົວແລະຮຽນວິຊາດົນຕີຢ່າງເປັນລະບົບ, ໄດ້ເຮັດໃຫ້ນາງມີຄຸນທາດດົນຕີທີ່ດີ. ປີ 1988, ນາງຈີ່ນຫາຍຊີນ ອາຍຸ19ປີ, ໄດ້ເຂົ້າຮ່ວມບໍລິສັດດົນຕີໂຊນີ-ສຽງແລະພາບຊຽງໄຮ້, ແລ້ວໄດ້ຂຶ້ນຊື່ລືນາມເທິງເວທີເພງຂອງຈີນທີ່ບໍ່ຮຸ່ງປານໃດໃນຄາວນັ້ນດ້ວຍເພງBaerduojiaoxing ແປວ່າປຸກຫູໃຫ້ຕື່ມ, ແລະໄດ້ຮັບລາງວັນຄົນໃໝ່ທີ່ດີເລີດໃນການແຈກລາງວັນດົນຕີສະໄໝນິຍົມປະເພດຕ່າງໆໃນປີນັ້ນ.
ປີ2003, ນາງຈີ່ນຫາຍຊີນໄດ້ອອກຈາກບໍລິສັດດົນຕີໂຊນີ, ແລ້ວເຊັນສັນຍາກັບບໍລິສັດແຜ່ນສຽງເວີເນີ. ແຜ່ນວີດີໃໝ່ຈີ່ນຫາຍຊີນກໍແມ່ນCDແຜ່ນທຳອິດຂອງນາງຫລັງຈາກໄດ້ເຊັນສັນຍາກັບບໍລິສັດເວີເນີ. ໃນແຜ່ນວີດີດັ່ງກ່າວ, ນາງບໍ່ພຽງແຕ່ໄດ້ຄັດເລືອກເພງທີ່ຈະຮ້ອງແລະແຕ່ງດົນຕີສະຫຼັບສຽງໃຫ້ເພງທັງໝົດທໍ່ນັ້ນ, ຫາກຍັງເປັນຜູ່ຈັດທຳແຜ່ນວິດີໃໝ່ໂດຍຕົນເອງນຳອີກ. ຄວາມສາມາດຂອງນາງໃນດ້ານຈັດທຳກໍຄືກັບເພງທີ່ນາງຮ້ອງໄດ້ຮັບຄວາມຊົມເຊີຍຈາກແຟນເພງທັງຫລາຍແລະບຸກຄົນພາຍໃນຂະແໜງການດຽວກັນ.
1 2 3
|
