|
ໃນສະໄໝຍຸດທະຈັກຊຸນຊິວບູຮານຂອງຈີນ, ເຈົ້າຊີວິດເມືອງອູຍົກທັບໄປບຸກໂຈມຕີິເມືອງແຢ--ຕັ້ງຢູ່ແຂວງເຈີຈຽງຂອງຈີນປະຈຸບັນ, ຖືກນາຍທະຫານເມືອງອູເອົາດາບຟັນໃສ່ຂາ, ພາຍຫຼັງມາໄດ້ເສຍຊີວິດຍ້ອນບາດເຈັບສາຫັດ. ເຈົ້າຟ້າຊາຍຂອງເຈົ້າຊີວິດເມືອງອູຊ່ືວ່າຟູໄຊໄດ້ສືບລາດຊະສົມບັດຂອງພໍ່, ຈາກນັ້ນມາສາມປີ, ເພ່ືອແກ້ແຄ້ນຕາງພ່ໍ, ຟູໄຊໄດ້ຍົກທັບໄປຕີເມືອງແຢ, ພວກເຂົາເຈົ້າໄດ້ປິດລ້ອມລາຊະທານີເມືອງແຢ, ເມ່ືອໄດ້ສູ້ລົບກັນຢ່າງດຸເດືອດແລະໃນທ່ີສຸດເມືອງອູໄດ້ເອົາຊະນະເມືອງແຢ. ໂກວຈ້ຽນ ເຈົ້າຊີວິດເມືອງແຢຈຳເປັນຕ້ອງຍອມຈຳນົນ ກາຍເປັນຊະເລີຍເສິກຂອງເມືອງອູ. ຟູໄຊໄດ້ຄຸມຕົວເຈົ້າໂກວຈ້ຽນມາເມືອງອູ, ໃຫ້ຢູ່ເຮືອນນ້ອຍໆທ່ີຢູ່ຂ້າງສຸສານອະດີດເຈົ້າຊີວິດເມືອງອູ ພະບິດາຂອງຟູໄຊ, ໃຫ້ເຝົ້າສຸສານທັງລ້ຽງມ້າໄປນຳ.
ໂກວຈ້ຽນ ເຈົ້າຊີວິດເມືອງແຢຖືກຢຽດຫຍາມທໍລະມານຈົນເຫຼືອພັນລະນາ, ແຕ່ຍັງເຮັດຕາງຕິຈົງຮັກພັກດີຕໍ່ເຈົ້າຟູໄຊທ່ີສຸດ, ສະນັ້ນພາຍຫຼັງມາຈ່ຶງໄດ້ຖືກປ່ອຍຕົວກັບຄືນເມືອງແຢ. ພາຍຫຼັງໂກວຈ້ຽນກັບຄືນເມືອງແຢແລ້ວ, ກໍໄດ້ຕັ້ງມານະຈິດຈະແກ້ແຄ້ນ. ໂກວຈ້ຽນທ້ອນໂຮມກຳລັງ, ໝົກໝົ້ນເຮັດວຽກ. ເພ່ືອເຕືອນສະຕິຕົນເອງ, ໃນເວລານອນກາງຄືນ, ເຈົ້າຊີວິດໂກວຈ້ຽນບໍ່ນອນເສ່ືອ, ບໍ່ຫ່ົມຜ້າ, ແຕ່ຫາກນອນຢູ່ເທິງກອງຟືນ. ຢູ່ໃນຫ້ອງຂອງສົມເດັດ, ໄດ້ແຂວນຖົງບີໃສ່ຖົງໜ່ຶງ, ກ່ອນກິນເຂົ້າ ກ່ອນນອນ, ເຈົ້າຊີວິດໂກວຈ້ຽນກໍຕ້ອງເລຍຖົງບີ, ຊິມລົດຂົມຂອງມັນເພ່ືອເຕືອນໃຫ້ຕົນເອງຢ່າລືມຄວາມອັບປະຍົດໃນເວລາເປັນຊະເລີຍເສິກ. ເມ່ືອໄດ້ພັດທະນາການຜະລິດ ສະສົມກຳລັງມາເປັນ ເວລາ 10 ປີ, ແລະສ່ັງສອນຝຶກແອບໄພ່ຟ້າລາສະດອນເປັນເວລາ 10 ປີແລ້ວ, ໃນທ່ີສຸດໄດ້ເຮັດໃຫ້ເມືອງອູເຂັ້ມແຂງຂຶ້ນ. ບັດແລ້ວ ເຈົ້າຊີວິດໂກວຈ້ຽນສວຍໂອກາດຕີເອົາເມືອງອູ, ເຮັດໃຫ້ເມືອງແຢກາຍເປັນເມືອງໜ່ຶງທ່ີເຂັ້ມແຂງກວ່າໝູ່ໃນສະໄໝນັ້ນ.
ນິທານເລ່ືອງນີ້ແມ່ນເລ່ືອງສົມເດັດໂກວຈ້ຽນ ເຈົ້າຊີວິດເມືອງແຢທົນທຸກທົນຍາກ, ເຕືອນໃຫ້ຕົນເອງມານະພະຍາຍາມ, ຕັ້ງມານະຈິດແກ້ແຄ້ນເພ່ືອປະເທດຊາດຂອງຕົນ. ຊູ່ມື້ນີ້ ພວກເຮົາຕ້ອງຮຽນເອົານ້ຳໃຈມານະອົດທົນແບບນີ້, ແນ່ນອນແລ້ວບໍ່ແມ່ນຕ້ອງນອນເທິງກອງຟືນ, ແລະຊິມບີຂົມອີຫຼີ.
|
