|
|
 |
| (GMT+08:00)
2004-08-19 16:13:22
|
 |
|
ຮ້ານວາງສະແດງໃນງານມະຫາກຳຈີນອາຊຽນຄັ້ງປະຖົມລະເລີກບໍ່ຕອບສະໜອງຄວາມຕ້ອງການ
cri
ງານມະຫາກຳຈີນອາຊຽນຄັ້ງປະຖົມລະເລີກຈະຈັດຂຶ້ນຢູ່ເມືອງນານໜີງເທດສະບານເຂດກວາງຊີໃນເດືອນພະຈິກປີນີ້. ງານມະຫາກຳຄັ້ງນີ້ມີລັກສະນະສັງລວມແລະສາກົນ ເຊ່ິງມີການຄ້າສິນຄ້າ ການຮ່ວມມືລົງທຶນ ການຄ້າບໍລິການ ເວທີປາໄສຊັ້ນສູງແລະການແລກປ່ຽນວັດທະນະທຳ, ຈັດໂດຍກະຊວງການຄ້າແລະຂະແໜງການຄຸ້ມຄອງເສດຖະກິດການຄ້າຂອງ 10 ປະເທດອາຊຽນ, ງານມະຫຳກຳຈີນອາຊຽນຈະເສີມຂະຫຍາຍບົດບາດອັນຕັ້ງໜ້າຕໍ່ການສ້າງເຂດການຄ້າເສລີຈີນອາຊຽນກ່ອນປີ 2010.
ຕາມໄດ້ຊາບ,ນັກທຸລະກິດພາຍໃນປະເທດແລະຕ່າງປະເທດທ່ີຈະເຂົ້າຮ່ວມງານມະຫາກຳຈີນອາຊຽນຄັ້ງປະຖົມລະເລີກມີຄວາມຈູບຈ້າວຫ້າວຫັນທ່ີບໍ່ເຄີຍມີມາແຕ່ກ່ອນ, ຮ້ານວາງສະແດງໃນງານນີ້ຈະຕອບສະໜອງຄວາມຕ້ອງການບໍ່ໄດ້. ທ່ານເຈີ້ນຈຸນຈ້ຽນ ຮອງເລຂາຄະນະເລຂາງານມະຫາກຳຈີນອາຊຽນ ຮອງຫົວໜ້າພະແນກວຽກງານມະຫາກຳສາກົນເຂດກວາງຊີແລະຮອງເຈົ້າຄອງນະຄອນນານໜີງສະເໜີວ່າ, "ປະຈຸບັນ, ຈຳນວນຮ້ານວາງສະແດງທ່ີນັກທຸລະກິດຮ້ອງຂໍນຳຄະນະເລຂາງານມະຫາກຳຈີນອາຊຽນນັ້ນໄດ້ບັນລຸ 3300 ຮ້ານ, ລ່ືນແຜນການຕາມເດ່ີມ 60%. ໃນນັ້ນ, ຮ້ານວາງສະແດງທ່ີປະເທດອາຊຽນຮ້ອງຂໍນັ້ນກກວມ 40%. ເພ່ືອຜ່ອນຄາຍສະພາບທ່ີຮ້ານວາງສະແດງບໍ່ພຽງພໍ,ຂະແໜງການທ່ີກ່ຽວຂ້ອງຈະຄັດເລືອກໂຄງການຄຸນນະພາບດີງວດໜ່ຶງຈາກໂຄງການຫຼວງຫຼາຍເຫຼົ່ານີ້ໂດຍອີງຕາມມາດຖານສາກົນ ວິຊາສະເພາະແລະຕະຫຼາດ, ເພ່ືອຮັບປະກັນງານມະຫາກຳຈີນອາຊຽນຄັ້ງປະຖົມມະເລີກມີລະດັບສູງແລະຜົນສະທອນອັນກວ້າງໃຫຍ່, ເຮັດໃຫ້ງານມະຫາກຳຈີນອາຊຽນມີຊ່ືສຽງດົງດັງ."
ໃນຖານເປັນເຈົ້າພາບຈັດຂຶ້ນງານມະຫາກຳຈີນອາຊຽນ, ນະຄອນນານໜີງພວມເລັ່ງລັດສ້າງສາ. ປີ 2004, ນະຄອນນານໝີງໄດ້ລົງທຶນບັນລຸ 12 ຕື້ຢວນ ສ້າງໂຄງການສ້າງສາຕົວເມືອງປະມານ 200 ໂຄງການ. ໃນນັ້ນ, ໂຄງການພື້ນຖານໂຄງລ່າງທ່ີບໍລິການານມະຫາກຳຈີນອາຊຽນໂດຍສະເພາະນັ້ນລວມ 50 ກວ່າໂຄງການ, ເຊ່ິງລວມທັງການສ້າງຮ້ານມາດຖານສາກົນໃໝ່ສ້າງສວນເສດຖະກິດຈີນອາຊຽນແລະຂະຫຍາຍສ້າງສະໜາມບິນສາກົນນານໜີງເປັນຕົ້ນ.
ທ່ານເຈີ້ນຈຸນຈ້ຽນເວົ້າວ່າ, "ເພ່ືອຍົກສູງຄວາມສາມາດທ່ີຕ້ອນຮັບແຂກ, ນະຄອນນານໜິງພວມສ້າງໂຮງແຮມຂັ້ນດາວໃໝ່, ແລະດັດສ້າງໂຮງແຮມຂັ້ນດາວເກົ່າ."
1 2
|
|
|
