|
|
 |
| (GMT+08:00)
2004-08-19 16:45:13
|
 |
|
ຍ້າຍໄປຢູ່ເຮືອນໃໝ່ແລ້ວ ນຶກເຖິງແຫຼ່ງຂອງຄວາມຮັ່ງມີ ບ້ານຊາວຫາປາຂອງເມືອງເຊີນເຈີນຄຶດເຖິງທ່ານເຕິ້ງສຽວຜິງຢ່າງເລິກເຊ່ິງ
cri
ຕອນບ່າຍວັນທີ 18 ສິງຫາ, ບ້ານຊາວຫາປາຄຸ້ມໂລຫູເມືອງເຊີນເຈີນເຕັມໄປດ້ວຍຄວາມເບີກບານມ່ວນຊ່ືນ. ຢູ່ເດ່ີນວັດທະນະທຳບ້ານຂອງຄຸ້ມໂລຫູໄດ້ຈັດງານສະແດງສິນລະປະລະລຶກວັນຄ້າຍວັນເກີດຄົບຮອບ 100 ປີຂອງທ່ານເຕິ້ງສຽວຜິງກໍຄືພິທີສ້າງບ້ານຊາວຫາປາແຫ່ງໃໝ່ສຳເລັດ.
ໃນຫຼາຍມື້ມານີ້, ຊາວບ້ານຫາປາຂອງຄຸ້ມໂລຫູໄດ້ທະຍອຍກັນຍ້າຍເຂົ້າຢູ່ເຮືອນໃໝ່ຫຼາຍຊັ້ນທ່ີມີລິບໄຟຟ້າ."ແມ່ນນະໂຍບາຍປະຕິຮູບແລະໄຂປະຕູສູ່ພາຍນອກທ່ີທ່ານເຕິ້ງສຽວຜິງລິເລ່ີມນັ້ນໄດ້ນຳພາບ້ານຊາວຫາປາພວກເຮົາຮັ່ງມີຂຶ້ນ. " ທ່ານເຕິ້ງຈື້ປຽວ ນາຍບ້ານອາຍຸ 63 ປີນີ້ໄດ້້ເວົ້າຕາງຄວາມຮູ້ສຶກໃນໃຈຂອງຄົນທັງຫຼາຍ.
ໃນງານສະແດງ, ລາຍການສະແດງຟ້ອນແລະດົນຕີທ່ີຊ່ືວ່າ ລະດູບານໃໝ່ມາຮອດບ້ານຊາວຫາປາໄດຊຳ້ຄືນພາບທ່ີຊາວບ້ານທັງຫຼາຍລືມຍາກຈົນເທ່ົາໃດໆ. ຄືເມື່ອຕອນເຊົ້າວັນທີ 25 ມັງກອນປີ 1984, ທ່ານເຕິ້ງສຽວຜິງໄດ້ໄປກວດກາຢູ່ແຫ່ງນິ້. ເມ່ືອທ່ານເຫັນຕຶກທ່ີສ້າງໃໝ່ຢູ່ສອງຂ້າງທາງ, ທ່ານໄດ້ເວົ້າດ້ວຍຄວາມດີໃຈວ່າ, "ດີຫຼາຍ, ພັດທະນາໄດ້ດີຫຼາຍ!" ທ່ານເຕິ້ງສຽວຜິງຍັງໄດ້ຍ່າງເຂົ້າເຮືອນຂອງລູງ ອູໂປເຊິນ ຊາວຫາປາຜູ່ອາຍຸແກ່, ຊອກຮູ້ສະພາບຊີວິດການເປັນຢູ່ຂອງຊາວບ້ານ. ເມ່ືອໄດ້ຍິນວ່າ, ລາຍໄດ້ຕໍ່ເດືອນທ່ີສະເລ່ຍຕາມຫົວຄົນຂອງຄອບຄົວລູງອູໂປເຊີນບັນລຸເຖິງ 4-5 ຮ້ອຍຢວນ, ຄອບຄົວໃດໃນບ້ານລ້ວນແຕ່ແມ່ນຄອບຄົວທ່ີມີເງິນໝ່ືນຢວນນັ້ນ, ທ່ານເຕິ້ງສຽວຜິງເວົ້າຢ່າງດີໃຈວ່າ, "ຍັງຫຼາຍກວ່າເງິນເດືອນຂອງຂ້າພະເຈົ້າເດີ່!" ພາຍຫຼັງອອກຈາກເຮືອນຂອງລູງວູໂລເຊີນແລ້ວ, ທ່ານເຕິ້ງສຽວຜິງຖາມພະນັກງານທ້ອງຖ່ີນທ່ີໄປນຳທ່ານວ່າ, "ແມ່ນຄອບຄົວໃດກໍ່ມີຕຶກຫຼັງໜ່ຶງບໍ່? ແມ່ນຮັ່ງມີຂຶ້ນພ້ອມກັນບໍ່?" ເມື່ອໄດ້ຮັບຄຳຕອບແບບຢືນຢັນແລ້ວ, ທ່ານໄດ້ງຶກຫົວຢ່າງດີອົກດີໃຈ.
1 2
|
|
|
