|
ໃນຊີວິດປະຈຳວັນຂອງຫລາຍໆຄົນ,ໄຂ່ໄກ່ແມ່ນອາຫານທ່ີຂາດບໍ່ໄດ້,ແຕ່ເວົ້າສຳລັບຜູ່ຍິງຈຳນວນບໍ່ໜ້ອຍແລ້ວ,ການກິນໄຂ່ໄກ່ທຸກມື້ພັດມີຜົນຮ້າຍຕໍ່ສຸຂະພາບ, ຈົນກະທັ້ງອາດຈະມີຜົນຮ້າຍເຖິງແກ່ຊີວິດ.ຕາມຂ່າວສານຣອຍເຕີລາຍງານໃນວັນທີ 28 ກໍລະກົດ,ເມ່ືອໄດ້ຄົ້ນຄ້ວາເປັນເວລາ 14 ປີແລ້ວ,ຜູ່ຊ່ຽວຊານງວດໜ່ຶງປະກົດເຫັນວ່າ,ຍ້ອນຢູ່ໃນມອນໄຂ່ມີໂຄເລັສເຕຣອນຫລາຍ,ບໍ່ມີຜົນດີຕໍ່ສຸຂະພາບ,ຜູ່ຍິງທ່ີກິນໄຂ່ໄກ່ຫລາຍກວ່າໜ່ຶງໜ່ວຍທຸກມື້ອາດຈະມີອາຍຸສັ້ນກວ່າຜູ່ຍິງທ່ີກິນໄຂ່ໄກ່ໜ່ຶງຫາສອງໜ່ວຍຕໍ່ອາທິດ.
ຜ່ານພຶດຕິກຳ,ໜ່ວຍຄົ້ນຄ້ວາປະກົດເຫັນວ່າ,ໃນເລືອດຂອງຜູ່ຍິງທ່ີກິນໄຂ່ໄກ່ມື້ລະໜ່ຶງໜ່ວຍນັ້ນ,ປະລິມານໂຄເລັສເຕຣອນສູງກວ່າຜູ່ຍິງທ່ີບໍ່ສູ້ກິນໄຂ່ໄກ່ນັ້ນຕັ້ງ 3 ເທ່ົາ,ອັດຕາການຕາຍຂອງພວກເຂົາເຈົ້າສູງກວ່າຜູ່ທ່ີກິນໄຂ່ໄກ່ອາທິດໜ່ຶງຫາສອງໜ່ວຍນັ້ນ 22%,ສ່ວນອັດຕາການຕາຍຂອງຜູ່ຍິງທ່ີກິນໄຂ່ໄກ່ຫລາຍກວ່າມື້ລະສອງໜ່ວຍນັ້ນຍ່ິງສູງກວ່າ.ນັກປາດທັງຫລາຍຊີ້ອອກວ່າ,ຜູ່ຍິງທ່ີກິນໄຂ່ໄກ່ເປັນປະຈຳນັ້ນມັກເປັນລົມ ເສັ້ນເລືອດແດງແຂງແລະໂຣກເສັ້ນເລືອດຫົວໃຈແລະເສັ້ນເລືອດສະໝອງ.ສ່ວນພະຍາດເຫົ່ຼານີ້ລ້ວນແຕ່ອາດຈະພາໃຫ້ຜູ່ຍິງຕາຍຢ່າງກະທັນຫັນ,ອັດຕາດັ່ງກ່າວບໍ່ມີສ່ວນກ່ຽວຂ້ອງກັບອາຍຸ ນ້ຳໜັກແລະປັດໄຈອ່ືນໆຂອງຜູ່ຍິງເຫ່ົຼານີ້.
ແຕ່ວ່າ,ສະພາບສຸຂະພາບຂອງຜູ່ຍິງທ່ີບໍ່ກິນໄຂ່ໄກ່ທຸກມື້ກໍ່ດີກວ່າຜູ່ຍິງທ່ີກິນໄຂ່ໄກ່ທຸກມື້ນັ້ນຫລາຍເທ່ົາໃດ.ຜ່ານການສຳຫລວດເຫັນວ່າ,ຜູ່ຍິງທ່ີບໍ່ສູ້ກິນໄຂ່ໄກ່ນັ້ນມັກແງ້ນຢາສູບ,ສ່ວນສູບຢາມີຜົນຮ້າຍຕໍ່ສຸຂະພາບຂອງຮ່າງກາຍຄົນເຮົາຫລາຍທ່ີສຸດ. ພ້ອມກັນນັ້ນ,ໜ່ວຍສຳຫລວດຍັງປະກົດເຫັນວ່າ,ຜູ່ຊາຍກິນໄຂ່ໄກ່ຫລາຍແລະກິນເລື້ອຍໆພັດບໍ່ມີສ່ວນກ່ຽວຂ້ອງກັບອັດຕາການຕາຍ.
ຄວາມຜິດພາດບາງຢ່າງໃນການກິນໄຂ່ໄກ່
ຄວາມເຫັນຜິດພາດອັນທີໜ່ຶງແມ່ນ ໄຂ່ໄກ່ເປືອກແດງດີກວ່າໄຂ່ໄກ່ເປືອກຂາວ
ຫລາຍໆຄົນຊື້ໄຂ່ໄກ່ມັກເລືອກເອົາແຕ່ໄຂ່ໄກ່ເປືອກແດງ,ເຫັນວ່າໄຂ່ໄກ່ເປືອກແດງມີຄຸນຄ່າທາດບຳລູງຫລາຍ.ທ່ີແທ້ບໍ່ແມ່ນຈັ່ງຊັ້ນ,ສີຂອງເປືອກໄຂ່ຕົ້ນຕໍແມ່ນຊີ້ຂາດຢູ່ນຳວັດຖຸ"ທ່ີປະກອບເປັນເປືອກ",ສ່ວນວັດຖຸຊະນິດນີ້ບໍ່ມີທາດບຳລຸງ.ການວິເຄາະສະແດງໃຫ້ເຫັນວ່າ,ໄຂ່ໄກ່ມີທາດບຳລຸງຫລາຍຫຼືບໍ່ນັ້ນ ຂໍກະແຈແມ່ນຊີ້ຂາດຢູ່ນຳອົງປະກອບທາດບຳລຸງຂອງອາຫານ.
ຄວາມເຫັນຜິດພາດອັນທີສອງແມ່ນໄຂ່ໄກ່ຕົ້ມຍ່ິງດົນຍິ່ງດີ
ໄຂ່ໄກ່ຕົ້ມດົນໂພດ,ທາດເຫັຼກໃນມອນໄຂ່ກັບທາດກຳມະຖັນໃນໄຂ່ຂາວຈະເກີດເປັນວັດຖຸຊະນິດໜ່ຶງທ່ີລະລາຍຍາກ,ແລະດູດຮັບຍາກ.ຜູ່ຊ່ຽວຊານດ້ານທາດ ບຳລຸງເຫັນວ່າ,ໄຂ່ໄກ່ຄວນຕົ້ມໃນນ້ຳຟົດ 5 ຮອດ 7 ນາທີແມ່ນດີ.ໄຂ່ໄກ່ຈືນສຸກໂພດ,ຂອບຂອງມັນຈະຖືກຈືນຈົນໄໝ້,ທາດໂປຼຕິນໃນໄຂ່ຂາວຈະປ່ຽນເປັນທາດອາມີໂນໂມເລກຸນຕ່ຳ,ໃຕ້ອຸນຫະພູມສູງ,ອາມີໂນຊະນິດນີ້ສາມາດກາຍເປັນວັດຖຸເຄມີທ່ີມີພິດ.
ຄວາມເຫັນຜິດພາດອັນທີສາມແມ່ນ "ໄຂ່ໄກ່ສັບພະຄຸນ"ດີກວ່າໄຂ່ໄກ່ທຳມະດາ
ຄຽງຄູ່ກັບການພັດທະນາຂອງວິທະຍາສາດເຕັກນິກ,"ໄຂ່ໄກ່ສັບພະຄຸນ"ທ່ີມີທາດສັງກະສີ ທາດອີອົດ ທາດເຊເລນິອົມແລະທາດແຄນຊຽມຫລາຍນັ້ນໄດ້ກຳເນີດເກີດຂຶ້ນ.ທ່ີແທ້,ບໍ່ແມ່ນໝົດທຸກຄົນລ້ວນແຕ່ເໝາະກັບການກິນ"ໄຂ່ໄກ່ສັບພະຄຸນ"ດອກ.ເພາະວ່າບໍ່ແມ່ນໝົດທຸກຄົນລ້ວນແຕ່ຂາດທາດບຳລຸງທ່ີມີຢູ່ໃນ"ໄຂ່ໄກ່ສັບພະຄຸນ"ເຫ່ົຼານີ້.ສະນັ້ນ,ໃນເວລາເລືອກ"ໄຂ່ໄກ່ສັບພະຄຸນ"ນັ້ນ,ຜູ່ບໍລິໂພກຄວນເລືອກຢ່າງມີເປົ້າຫມາຍ,ຂາດອັນໃດກໍ່ກິນອັນນັ້ນ
ຄວາມເຫັນຜິດພາດອັນທີສ່ີແມ່ນ ຜູ່ເຖົ້າຜູ່ແກ່ຫ້າມກິນໄຂ່ໄກ່
ຍ້ອນວ່າໃນໄຂ່ໄກ່ມີໂຄເລັສເຕຣອນອ່າວຫລາຍ,ສະນັ້ນ,ຈ່ິງໄດ້ເຜີຍແຜ່ກັນຫລາຍສົມຄວນວ່າ,ຜູ່ເຖົ້າຜູ່ແກ່ຫ້າມກິນໄຂ່ໄກ່.ການທົດລອງດ້ານວິທະຍາສາດໃນຫລາຍປີມານີ້ໄດ້ຢັ້ງຢືນວ່າ,ຄຳເວົ້າແບບວນີ້ບໍ່ມີເຫດຜົນ.
ຄວາມເຫັນຜິດພາດອັນທີຫ້າແມ່ນເອົາໄຂ່ໄກ່ມາເພ່ີມທາດບຳລຸງໃຫ້ເດັກນ້ອຍທ່ີເປັນໄຂ້ນັ້ນໄດ້
ໃນໄຂ່ໄກ່ມີທາດໂປຼຕິນຢ່າງຫລວງຫລາຍ,ມັນບໍ່ພຽງແຕ່ຫລຸດອຸນຫະພູມຮ່າງກາຍໄດ້ເທ່ົານັ້ນ,ຫາກຍັງເຮັດໃຫ້ອຸນຫະພູມໃນຮ່າງກາຍເພ່ີມຂຶ້ນ,ເຮັດໃຫ້ອຸນຫະພູມຮ່າງກາຍຂອງເດັກນ້ອຍສູງຂຶ້ນຍ່ິງຫລາຍ,ບໍ່ມີຜົນດີຕໍ່ເດັກນ້ອຍຜູ່ປ່ວຍຟື້ນຟູສຸຂະພາບ, ສະນັ້ນ,ໃນເວລາເດັກນ້ອຍເປັນໄຂ້,ຄວນໃຫ້ເຂົາເຈົ້າກິນນ້ຳອຸ່ນໃຫ້ຫລາຍ,ແລະໃຫ້ເຂົາເຈົ້າກິນໝາກໄມ້ ຜັກໝ່ີແລະອາຫານທ່ີມີທາດໂປຼຕິນໜ້ອຍ.
|
