|
ໃນກາງເດືອນກໍລະກົດປີນີ້,ນັກວິທະຍາສາດຈີນແລະເຢຍລະມັນໄດ້ຄົ້ນພົບບໍ່ແຮ່ນ້ຳກ້າມທ່ີເປັນວັດຖຸເຊື້ອໄຟໃຫຍ່ກວ່າຫມູ່ໃນທ່ົວໂລກຢູ່ພື້ນທະເລ ພາກເຫນືອຂອງທະເລນານໄຫ.
ນ້ຳກ້າມວັດຖຸເຊື້ອໄຟແມ່ນວັດຖຸປະສົມຂອງອາຍແກັສທຳມະຊາດແລະນ້ຳທ່ີຢູ່ທະເລເລິກ,(ກໍ່ເອີ້ນເປັນວັດຖຸປະສົມຂອງອາຍແກັສທຳມະຊາດເມຕານແລະນ້ຳ),ເປັນພະລັງງານໃຫມ່ຊະນິດຫນ່ຶງທ່ີມີກຳລັງບົ່ມຊ້ອນໃນການຄົ້ນຄວ້າພັດທະນາ,ສາມາດໃຊ້ແທນພະລັງງານດັ້ງເດີມທ່ີນັບມື້ນັບຫຼຸດຫນ້ອຍລົງເຊ່ັນ:ຖ່ານຫີນນ້ຳມັນເຊື້ອໄຟອາຍແກັສທຳມະຊາດເປັນຕົ້ນ,ຜູ່ຊ່ຽວຊານກ່າວວ່າ,ຖ້າຂຸດເອົາແຮ່ທາດຢ່າງສຳເລັດຜົນໄດ້,ສາມາດແກ້ໄຂບັນຫາຄວາມຕ້ອງການພະລັງງານໃນຮ້ອຍກວ່າປີຂອງຈີນໃນຂັ້ນພື້ນຖານ.
ເມ່ືອເວົ້າເຖິງພະລັງງານ,ຄົນສ່ວນຫຼາຍອາດຈະຄິດເຖິງແປວໄຟທ່ີໄຫມ້ຂຶ້ນວູ່ໆ,ບໍ່ອາດພົວພັນກັບນ້ຳກ້າມທ່ີເຢັນຫຼາຍ,ນ້ຳກ້າມຈະໄຫມ້ໄດ້ແນວໃດ? ເວົ້າທ່ົວໄປແລ້ວ,ໄຟກັບນ້ຳແມ່ນເຊ່ືອມໂຍງເຂົ້າກັນບໍ່ໄດ້,ແຕ່ວ່ານ້ຳກ້າມທ່ີເປັນວັດຖຸເຊື້ອໄຟແມ່ນມີແທ້? ມັນແມ່ນພະລັງງານໃນອະນາຄົດທ່ີຮູບນອກຄືຫິມະທ່ີສວຍງາມ,ຖ້າຈູດໄຟກໍ່ໄຫມ້ໄດ້,ທັງສະອາດທັງອະນຸລັກສ່ິງແວດລ້ອມ,ມັນມີຊ່ືອີກວ່າ ວັດຖຸປະສົມຂອງອາຍແກັສທຳມະຊາດແລະນ້ຳ.
ວັດຖຸປະສົມຂອງຳອາຍແກັສທຳມະຊາດແລະນ້ຳແມ່ນວັດຖຸທາດກ້ອນຊະນິດຫນ່ຶງທ່ີປະກອບດ້ວຍໂມເລກຸນຂອງອາຍແກັສທຳມະຊາດແລະນ້ຳໃຕ້ເງ່ືອນໄຂຄວາມດັນສູງແລະອຸນຫະພຸມຕ່ຳ,ຮູບນອກຄ້າຍຄືກັນກັບຫິມະ,ຄັນຈຸດໄຟກໍ່ເຫມືອນດ່ັງເຫຼົ້າເກົ້າສິບໄຫມ້ໄດ້,ຈ່ຶງຖືກເອີ້ນເປັນນ້ຳກ້າມທ່ີເປັນວັດຖຸເຊື້ອໄຟ. ນີ້ແມ່ນພະລັງງານປະເພດໃຫມ່ທ່ີມີສັນຍະລັກຫຼາຍຕ່າງກັນກັບອາຍແກັມທຳມະດາທ່ີໄດ້ຄົ້ນພົບໃນ 30 ປີທ່ີຜ່ານມາ,ມັນແຈກຢາຍຢ່າງກວ້າງຂວາງຕາມທຳມະຊາດ,ນ້ຳກ້າມຊະນິດນີ້ີ້ອາດຈະມີຢູ່ໄຫຼ່ທະວີບພື້ນທະເລທ່ີເລິກແຕ່ສູນຮອດ 1500 ແມັດຢູ່ດິນກ້າມຫມົດປີທ່ີຢູ່ຂົວໂລກເຫນືອ,ໃນໂລກນີ້ມີ 79 ປະເທດແລະເຂດແຄ້ວນໄດ້ຄົ້ນພົບບໍ່ແຮວັດຖຸປະສົມຂອງອາຍແກັສທຳມະຊາດແລະນ້ຳ.
ຕາມທ່ານສາດສະດາຈານຮວາຢົງຊຽງ ນັກວິສະວະກອນໃຫຍ່ຂອງພະແນກສຳຫຼວດທໍລະນີມະຫາສະຫມຸດເມືອງກວາງໂຈວຈີນແນະນຳວ່າ,ແຕ່ປີ 1999ເປັນຕົ້ນມາ,ຈີນໄດ້ເລ່ີມສຳຫຼວດແລະປະເມີນຊັບພະຍາກອນວັດຖຸປະສົມຂອງອາຍແກັສທຳມະຊາດແລະນ້ຳຢູ່ທະເລນານໄຫ,ເດືອນມີນາປີນີ້,ພະແນກສຳຫຼວດທໍລະນີມະຫາສະຫມຸດເມືອງກວາງໂຈວກັລສະຖາບັນຄົ້ນຄວ້າວິທະຍາສາດມະຫາສະຫມຸດຂອງມະຫາວິທະຍາໄລກີຣ໌ເຢຍລະມັນໄດ້ເຊັນສັນຍາຮ່ວມມື,ກຳນົດວ່າ ສອງຝ່າຍຈະຄົ້ນຄວ້າວັດຖຸປະສົມຂອງອາຍແກັສທຳມະຊາດແລະນ້ຳຢູ່ທະເລນານໄຫເປັນເວລາຫນ່ຶງປີ.
ເດືອນກໍລະກົດປີນ,ນັກທໍລະນີສາດຈີນແລະເຢຍລະມັນ 26 ຄົນທ່ີຂ່ີເຮືອເລກຕາເວັນຂອງເຢຍລະມັນ,ຫຼັງຈາກພວກເຂົາເຈົ້າໄດ້ທັດສະນະສຶກສາ 42 ມື້ແລ້ວ,ໃນທ່ີສຸດ,ໄດ້ຄົ້ນພົບມີສາງສະສົມນ້ຳກ້າມທີ່ເປັນວັດຖຸເຊື້ອໄຟຢູ່ທະເລນານໄຫຂອງຈີນ,ເນື້ອທ່ີລວມມີເກືອບ 430 ກິໂລແມັດຕາ,ນີ້ແມ່ນສາງສະສົມນ້ຳກ້າມທ່ີເປັນວັດຖຸເຊື້ອໄຟໃຫຍ່ທ່ີກວ່າຫມູ່ໃນໂລກເຊ່ິງໄດ້ຄົ້ນພົບປະຈຸບັນ,ເມ່ືອສັງເກດຈາກຜົນສຳຫຼວດຢ່ັງແທກໃນເບື້ອງຕົ້ນໃນສະເພາະຫນ້າເຫັນວ່າ,ພຽງແຕ່ປະລິມານນ້ຳກ້າມທ່ີເປັນວັດຖຸເຊື້ອໄຟທ່ີຢູ່ພາກເຫນືອທະເລນານໄຫຈີນກໍ່ມີປະມານເຄ່ິງຫນ່ຶງຂອງຍອດປະລິມານນ້ຳມັນເຊື້ອໄຟເທິງບົກຂອງຈີນ
ບຸກຄົນພາຍໃນວົງການວິຊາສະເພາະຊີ້ອອກວ່າ,ໃນຫຼາຍປີມານີ້,ຄວາມຂັດແຍ່ງລະຫວ່າງການສະຫນອງກັບຄວາມຕ້ອງການພະລັງງານພາຍໃນປະເທດຈີນນັບມື້ນັບພົ້ນເດ່ັນ,ວັດຖຸເຊື້ອໄຟຊາກຫິນດັ້ງເດີມບໍ່ສາມາດຕອບສະຫນອງຄວາມຕ້ອງການແຫ່ງການພັດທະນາເສດຖະກິດແລະອະນຸລັກສ່ິງແວດລ້ອມ.ພຽງແຕ່ໃນປີ2002,ກໍ່ນຳເຂົ້ານ້ຳມັນເຊື້ອໄຟແລະນ້ຳມັນສຳເລັດຮູບເກືອບຮ້ອຍລ້ານໂຕນ,ຮອດປີ 2010,ຈະຂາດນ້ຳມັນເຊື້ອໄຟ 120 ລ້ານໂຕນ.ຄຽງຄູ່ກັບການພັດທະນາເສດຖະກິດຢ່າງວ່ອງໄລ,ຄວາມຕ້ອງການພະລັງງານຂອງຈີນໃນຕໍ່ໄປພາຍຫນ້າຍັງຈະເພ່ີມຂຶ້ນຢ່າງໄວພະລັນ,ລະດັບອາໄສນ້ຳມັນເຊື້ອໄຟແລະຊັບພະຍາກອນອາຍແກັສທຳມະຊາດຂອງຕ່າງປະເທດຈະເພ່ີມຂຶ້ນຢ່າງບໍ່ຢຸດຢັ້ງ,ການເຮັດແນວໃດຮັບປະກັນຄວາມປອດໄພຂອງພະລັງງານພາຍໃນປະເທດແລະຮັບປະກັນການສະຫນອງພະລັງງານໃຫ້,ມັນມີການພົວພັນໂດຍກົງກັບການພັດທະນາເສດຖະກິດແລະສັງຄົມຂອງຈີນ ແບບຍືນຍົງ,ແລະມີຄວາມຫມາຍສຳຄັນທາງຍຸດທະສາດ,ສ່ວນການຄົ້ນພົບຊັບພະຍາກອນນ້ຳກ້າມທ່ີເປັນວັດຖຸເຊື້ອໄຟຢູ່່ທະເລມໍ່ຂອງຈີນນັ້ນຈະອຳນວຍແລວ ຄວາມຄຶດດີໃຫ້ແກ່ການແກ້ໄຂບັນຫາພະລັງງານ
ນັກວິທະຍາສາດທະເລຫຼາຍຄົນສະເຫນີວ່າ,ຕ້ອງເລ່ັງລັດການຄົ້ນຄວ້າທ່ີກ່ຽວຂ້ອງຂອງນ້ຳກ້າມທ່ີເປັນວັດຖຸເຊື້ອໄຟ,ຈີນເອົາສະຖານນີອະວະກາດເປັນແວ່ນແຍງ,ຄືສ້າງສະຖານນີອະວະກາດຢູ່ໃຕ້ນ້ຳ,ໃຫ້ນັກວິທະຍາສາດຫຼາຍຍ່ິງຂຶ້ນລົງໄປດຳເນີນການຄົ້ນຄວ້າຢູ່ພື້ນທະເລ.
ແຕ່ວ່າ,ຜູ່ຊ່ຽວຊານກໍ່ຊີ້ອອກວ່າ,ອາຍເມຕານເປັນວັດຖຸທ່ີບໍ່ຫມັ້ນທ່ຽງ,ມີປະຕິກິລິຍາໄວ,ໄລຍະຂຸດ,ອາຍເມຕານຈະປ່ອຍອອກໄປສູ່ຊັ້ນອາກາດຢ່າງຫຼວງຫຼາຍ,ຜົນຮ້າຍຈາກປະກົດການເຮືອນແກ້ວທ່ີເກີດຂຶ້ນນັ້ນຈະຫນັກຫນ່ວງກວ່າກາກບອນດີອອກສິດ10 ເທົ່າ,ຈະພາໃຫ້ອຸນຫະພຸມຫນ່ວຍໂລກສູງຂຶ້ນຢ່າງໄວວາ,ຈົນກະທັ້ງເຮັດໃຫ້ນ້ຳທະເລຫັນເປັນກະລໍ,ເກີດຄຶ້ນຟອງທະເລແລະກະທົບເຖິງຄວາມປອດໄພຂອງເຮືອເປັນຕົ້ນ,ສະນັ້ນ ຖ້າຢາກຂຸດຄວນແກ້ໄຂບັນຫາເຫຼົ່ານີ້ຢ່າງລະມັດລະວັງ
|
