|
ຜູ່ນຳຕ່າງປະເທດຜູ່ຫນື່ງຕີລາຄາວ່າ,ທ່ານເຕິ້ງສຽວຜິງແມ່ນຜູ່ຍິ່ງໃຫຍ່ທ່ີສຳນຶກກຶກກອງບັນຫາຈາກຄວາມສູງອີກຕ່າງຫາກ.
ຄວາມສູງນີ້ແມ່ນຄວາມສູງແຫ່ງປະຫວັດສາດ,ແລະກໍ່ແມ່ນຄວາມສູງຂອງທ່ົວໂລກ.ຜູ່ນຳທາງຂອງຈີນທ່ີນຳຫນ້າທາງີແນວຄິດຜູ່ນີ້ໄດ້ມອງເຫັນອະນາຄົດຂອງຈີນກ່ອນຜູ່ອື່ນ,ທ່ານໄດ້ຖືສັງຄົມພໍຢູ່ພໍກິນແລະມີສ່ວນເຫລືອເປັນຫລັກຫມາຍທາງອັນຫນຶ່ງຂອງການຍົກລະດັບຊີວິດການເປັນຢູ່ຂອງປະຊາຊົນໃຫ້ສູງຂຶ້ນ,ທ່ານໄດ້ປູທາງແຫ່ງການປະຕິຮູບແລະໄຂປະຕູສູ່ພາຍນອກຢູ່ລະຫວ່າງປະຊາຊົນຈີນກັບຫລັກຫມາຍທາງດ່ັງກ່າວທ່ີເບິ່ງໃນຄາວນັ້ນຍັງແມ່ນເປົ້າຫມາຍກວງໄກທ່ີຢື້ບໍ່ໄດ້ບາຍບໍ່ເຖິງ.
ເມື່ອ 26 ປີກ່ອນ, ຊາວນາ 18 ຄົນຂອງບ້ານສຽວກາງເມືອງເຟິງຢາງແຂວງອານຮຸຍໄດ້ສ່ຽງໄພແປະໂປ້ມືໃສ່ສັນຍາມອບເຫມົາການຜະລິດຮອດຄອບຄົວ,ປີລຸມມາ,ລາຍໄດ້ສະເລ່ຍຕາມຫົວຄົນຂອງຊາວນາໃນບ້ານສຽວກາງໄດ້ເພີ່ມຂຶ້ນຈາກ 22 ຢວນຮອດ 400 ກວ່າຢວນ.
ທ່ານເຕິ້ງສຽວຜິງໄດ້ສະແດງຄວາມເຫັນດີເຫັນຊອບນຳວິທີມອບເຫມົາການຜະລິດຮອດຄອບຄົວຢ່າງເປີດເຜີຍ, ອັນໄດ້ເປີດສາກແ່ຫງການປະຕິຮູບໂຄງປະກອບເສດຖະກິດຊົນນະບົດ.
ມື້ຫນຶ່ງໃນປີ 1982 ຢູ່ຕະຫລາດແຫ່ງຫນຶ່ງໃນນະຄອນຊຽງໄຮ້, ທ້າວຈ່ຽງອານຢູ ຜູ່ຂາຍຫນໍ່ໄມ້ເມື່ອໄດ້ຍິນຄົນເວົ້າສຳນຽງເຊສວນກໍ່ເງີຍຫນ້າເບິ່ງ,ລາວຕື່ນເຕັ້ນຈົນຮ້ອງຂຶ້ນວ່າ:ລຸງເຕິ້ງ.
ເມື່ອທ່ານເຕິ້ງສຽວຜິງສຳຫລວດຕະຫລາດແລ້ວ, ພວກພໍ່ຄ້າແມ່ຂາຍເອກະຊົນໃນຕະຫລາດໄດ້ລວມກັນ,ພວກເຂົາເຈົ້າໄດ້ວິເຄາະສອງບັນຫາຄື ຫນຶ່ງ ເປັນຫຍັງທ່ານເຕິ້ງສຽວຜິງຈິ່ງມາເບິ່ງຕະຫລາດ, ທ່ານໄດ້ນຳເອົາຫຍັງມາໃຫ້ພວກເຣົາ?ທ້າວຈ່ຽງອານຢູເວົ້າວ່າ:ດຽວນີ້ ພໍ່ຄ້າແມ່ຂາຍສ່ວນບຸກຄົນພວກເຣົາກໍ່ເງີຍຫົວຂຶ້ນນຳເພິ່ນໄດ້ແລ້ວ,ພວກເຣົາຟື້ນຕົວໄດ້ແລ້ວ, ນະໂຍບາຍບໍ່ປ່ຽນແປງແລ້ວ.
ໃນສະໄຫມມະຫາປະຕິວັດວັດທະນະທຳໃນເວລາທ່ານເຕິ້ງສຽວຜິງຍ່າງໄປຕາມທາງຂີ້ຕົມໃນເມືອງສິນຈ້ຽນແຂວງຈ່ຽງສີຊູ່ມື້ເພື່ອໄປເຮັດວຽກຊ່ງຄີມແປງຈັກຢູ່ໂຮງງານທ່ີໄກຈາກເມືອງຫລັກເຄິ່ງນັ້ນ,ທ່ານກໍ່ກຶກກອງອະນາຄົດຂອງຈີນໄປຕະຫລອດທາງ.ໃນເວລານັ້ນ, ເສດຖະກິດແຫ່ງຊາດຈີນເກືອບຈະໄປຮອດທາງສຸດສ້ວຍແລ້ວ.ກໍ່ຍ້ອນເປັນຫ່ວງນຳຄວາມປັ່ນປ່ວນແລະຄວາມທຸກຈົນຂອງປະເທດຊາດ, ຜູ່ເຖົ້າທ່ີມີສາຍຕາພັດທະນາທ່ີສຸດຜູ່ນີ້ຍິ່ງໄດ້ເນັ້ນຫນັກເຖິງສະຖຽນລະພາບແລະການພັດທະນາ.ໃນຊຸມນຸມບົດປະພັນເລືອກເຟັ້ນຂອງທ່ານເຕິ້ງສຽວຜິງເຫລັ້ມທີສາມ, ລວມມີ 383 ຫນ້າໄດ້ກ່າວເຖິງຄຳທ່ີວ່າພັດທະນາ 558 ເທື່ອ.
ຄຳເວົ້າອັນຄົມຄາຍກ່ຽວກັບການພັດທະນາເຫລົ່ານີ້ໄດ້ຫຍໍ້ເຂົ້າເປັນຄຳເວົ້າຍອດຢ້ຽມຄຳດຽວທ່ີວ່າ: ການພັດທະນາແມ່ນເຫດຜົນເດັດຖານ.ຄຳເວົ້າຄຳນີ້ໄດ້ນຳພາການພັດທະນາຂອງຈີນກ້າວຂຶ້ນຂັ້ນໃດຂັ້ນໃຫມ່ເລື້ອຍໆ.ປີ 1978 GNP ຂອງຈີນໄດ້ບັນລຸ 362 ຕື້ 400 ລ້ານຢວນ, ປີ 2003 GNP ຂອງຈີນເພີ່ມຂຶ້ນຮອດ 1 ຫມື່ນ 1 ພັນ 669 ຕື້ 400 ລ້ານຢວນ, 20 ກວ່າປີຜ່ານໄປ, ກຳລັງຕົວຈິງຂອງຈີນໃນຊູ່ມື້ນີ້ແມ່ນ 32 ເທົ່າວຂອງຄາວນັ້ນ.
ທ່ານເຕິ້ງສຽວຜິງໄດ້ປ່ຽນແປງປະເທດຈີນແລະກໍ່ໄດ້ປ່ຽນແປງໂລກໃນລະດັບໃດຫນຶ່ງ.ທ່ານເຮັດໃຫ້ຊາວໂລກເຕັມໄປດ້ວຍຄວາມເຄົາລົບນັບຖືຈີນຄືນໃຫມ່.
ທ່ານເຕິ້ງສຽວຜິງເຄີຍເຫັນຕົ້ນມ້ຊະນິດຫນຶ່ງຊື່ວ່າ:່ຕົ້ນລາບລວຍ,ທ່ານເວົ້າວ່າ, ໃຫ້ປະຊາຊົນທົ່ວປະເທດຈີນປູກຕົ້ນລາບລວຍ,ເພື່ອໃຫ້ປະຊາຊົນທົ່ວປະເທດຈີນຮ່ັງມີຫມົດທຸກຄົນ.ໃນປື້ມບັນທຶກຄວາມເຫັນຂອງຜູ່ຊົມ 100 ກວ່າເຫລົ້ມທ່ີເຮືອນເກົ່າເມືອງກວາງອານ ບ້ານເກີດຂອງທ່ານ,ຄວາມບັນທຶກທ່ີຂຽນໄວ້ຫລາຍກວ່າຫມູ່ແມ່ນຄວາມຂອບໃຈຢ່າງຈິງໃຈຕໍ່ນະໂຍບາຍໃຫ້ປະຊາຊົນຮ່ັງມີຂອງທ່ານເຕິ້ງສຽວຜິງ.
ໂດຍໄດ້ຮັບຜົນປະໂຫຍດຈາກນະໂຍບາຍໃຫ້ປະຊາຊົນຮ່ັງມີ, ຜູ່ຊົມຂອງມະຫາວິທະຍາໄລຈຸ່ງກິ່ງ 3 ຄົນໄດ້ຂຽນວ່າ:ພວກເຮົາໄດ້ຮັບການປົດປ່ອຍບໍ່ລືມທ່ານມາວເຈີຕົງ, ຮ່ັງມີສີສຸກແມ່ນຍ້ອນທ່ານເຕິ້ງສຽວຜິງ.
ທ່ານລີຈົ່ງເຈ ຜູ່ຊ່ຽວຊານດ້ານທິດສະດີທ່ີມີຊື່ສຽງຂອງຈີນເວົ້າວ່າ,ບໍ່ມີທ່ານປະທານມາວເຈີຕົງກໍ່ບໍ່ມີປະເທດຈີນໃຫມ່, ບໍ່ມີທ່ານເຕິ້ສຽງຜິງກໍ່ບໍ່ມີປະເທດຈີນໃນຊູ່ມື້ນີ້.
|
