|
ຫວ່າງກ່ອນນີ້ບໍ່ດົນ,ສັບປະດາວັດທະນະທຳຊາວໜຸ່ມຈີນຄັ້ງປະຖົມມະເລີກອັດລົງຢູ່ເມືອງເຊິ່ນເຈີ້ນຂອງຈີນຢ່າງສຳເລັດຜົນ.ການເຄື່ອນໄຫວ "ປະກວດຊາວໜຸ່ມທີ່ຂ້ອຍນິຍົມບູຊາ"ແມ່ນລາຍການອັນສຳຄັນຂອງສັບປະດາວັດທະນະທຳຄັ້ງນີ້.ຕາມສະຖິຕິ,ມີປະມານ12ລ້ານຄົນໄດ້ກົດແວບໄຊ້ສົນໃຈນຳການປະກວດ.
ວັນທີ15ຕຸລາປີ2003,ຍານອະວະກາດເຊິນໂຈ່ວເລກ5ຖືກຍິງສົ່ງຂຶ້ນສູ່ອະວະກາດ,ຄົນຈີນໄດ້ຍິນສຽງຖາມສະບາຍດີດ້ວຍພາສາຈີນທີ່ສົ່ງຈາກອະວະກາດເປັນຄັ້ງທຳອິດ, ແຕ່ນັ້ນມາ,ທ່ານຢາງລີ້ເຫວ ນັກບິນອະວະກາດຈີນກໍມີຊື່ສຽງດົ່ງດັງຂຶ້ນ.ເດືອນສິງຫາປີ2004,ໃນການປະກວດ "ຊາວໜຸ່ມທີ່ຂ້ອຍນິຍົມບູຊາ"ທີ່ຈັດຂຶ້ນໂດຍຄະນະກຳມະການຈັດຕັ້ງສັບປະດາວັດທະນະທຳຊາວໜຸ່ມຈີນຄັ້ງປະຖົມມະເລີກ,ທ່ານຢາງລີ້ເຫວຖືກຄັດເລືອກເປັນຊາວໜຸ່ມທີ່ຖືກຊາວໜຸ່ມເຍົາວະຊົນຈີນນິຍົມບູຊາຫຼາຍກວ່າໝູ່.ທ່ານຢາວມີງ ດາລາບານບ້ວງ ທ່ານຕີ່ງເຫຼ ຜູ່ລິເລີ່ມສ້າງແວບໄຊ້ ນາງອູສຽວລີ້ ໂຄສົກໂທລະພາບຮົງກົງຈີນແລະນາງເຕິ້ງຢາຜິງ ດາລາປິ່ງປ່ອງຈີນຕ່າງໄດ້ເປັນທີ່ສອງຫາທີ່ຫ້າຕາມລຳດັບໃນການປະກວດເທື່ອນີ້.
ທ່ານເຫຼເຟິ່ງ,ແມ່ນຜູ່ໜຶ່ງທີ່ຄົນຈີນຮູ້ກັນໂດຍທົ່ວໄປຄືກັນກັບທ່ານຢາງລີ້ເຫວ.ໃນຊຸມປີ60ສະຕະວັດແລ້ວນີ້,ນ້ຳໃຈຂອງເພິ່ນທີ່ "ປະກອບສ່ວນຂອງຕົນຢ່າງບໍ່ເຫັນແກ່ຕົວ"ແລະຄຳປະຕິຍານສູ້ຊົນຂອງເພິ່ນທີ່ວ່າ "ທຸ່ມຊີວິດທີ່ມີການຈຳກັດຂອງຕົນເຂົ້າໃນການຮັບໃຊ້ປະ ຊາຊົນຢ່າງບໍ່ມີການຈຳກັດ"ໄດ້ລະດົມໃຈຊາວໜຸ່ມຈີນເປັນລ້ານເປັນໂກດເຂົ້າຮ່ວມການສ້າງສາປະເທດຊາດ,ບົນດິນແດນຈີນໄດ້ເປີດຂະບວນ "ຮຳ່ຮຽນນຳທ່ານເຫຼເຟິ່ງ".
ນາງຫຼີຊູ້ເຊຍແມ່ນຄູສອນຂອງໂຮງຮຽນມັດຖະຍົມແຫ່ງໜຶ່ງຂອງແຂວງຈ່ຽງຊູ່,ປີນີ້ນາງມີ ອາຍຸ40ປາຍປີປີ,ໃນຍາມໄວໜຸ່ມກໍແມ່ນ "ແຟນດາລາ"ຜູ່ໜຶ່ງ.ໃນຄາວນັ້ນ,ນາງຫຼີຊູ້ເຊຍມັກນາງວາງຟ່າງ ຕົວເອກໃນຟີມເລື່ອງ《ລູກຫຼານວີລະຊົນ》ທີ່ສຸດ,ເພິ່ນໄດ້ຕັດຜົມຍາວທີ່ໄດ້ຈົ່ງໄວ້ເປັນເວລາຍາວນານນັ້ນໃຫ້ສັ້ນແລ້ວມັດເປຍສັ້ນສອງສາຍ,ເພື່ອເປັນຊົມຜົມຂອງນາງວາງຟ່າງ.
ເພິ່ນເວົ້າວ່າ:"ໃນຄາວນັ້ນ,ລະດັບການສ້າງສາປະເທດຊາດໃນດ້ານຕ່າງໆຍັງຂ້ອນຂ້າງຕຳ່.ໃນໄລຍະປະສົບຄວາມຫຍຸ້ງຍາກ,ທ່ານເຫຼເຟິ່ງທີ່ຍອມປະກອບສ່ວນຂອງຕົນເຂົ້າໃນການສ້າງສາພັດທະນາປະເທດຊາດຢ່າງບໍ່ເຫັນແກ່ຕົວກໍໄດ້ກາຍເປັນຊາວໜຸ່ມທີ່ຄົນທັງ ຫຼາຍນິຍົມບູຊາກັນ.ທຳມະດາແລ້ວວ່າ,ວີລະຊົນສູ້ລົບ ເໝືອນນາງວາງຟ່າງກໍໄດ້ຮັບຄວາມໂຄລົບນັບຖືເຊັ່ນດຽວກັນ."
ດຽວນີ້ຕ່າງຍຸກຕ່າງສະໄໝແລ້ວ.ຄະນະກຳມະການຈັດຕັ້ງການປະກວດ "ຊາວໜຸ່ມຈີນທີ່ຂ້ອຍນິຍົມບູຊາ"ກໍເຄີຍເຫັນວ່າ,ຊູ່ມື້ນີ້ທັດສະນະຄ່ານິຍົມມີຫຼາຍຢ່າງຫຼາຍແນວ,ດາລານັກ ສະແດງນັກຮ້ອງເພງອາດຈະຖືກຊາວໜຸ່ມຍຸກປະຈຸບັນນິຍົມບູຊາຫຼາຍກວ່າ.
ນາງຫຼີຊູ້ເຊຍ ກໍເຄີຍເຫັນວ່າ: "ສິ່ງທີ່ພວກເຮົານິຍົມກັນໃນແຕ່ກ່ອນ,ຊາວໜຸ່ມຍຸກປະຈຸບັນຄືຊິບໍ່ນິຍົມກັນອີກ,ເພາະເວລາໄດ້ຜ່ານໄປດົນແລ້ວ,ສິ່ງທີ່ພວກເຂົາເຈົ້າປະສົບໃນຊູ່ມື້ນີ້ຕ່າງເກົ່າຫຼາຍແລ້ວ."
ແຕ່ວ່າຜົນການປະກວດໄດ້ຢືນຢັນວ່າ,ມາດຖານທີ່ຊາວໜຸ່ມຈີນຍຸກປະຈຸບັນຕີລາຄາບຸກ ຄົນທີ່ນິຍົມບູຊານັ້ນແມ່ນຖືເອົານ້ຳໃຈເປັນສິ່ງສຳຄັນແມ່ນສຳຄັນກວ່າໂສມໜ້າທາງນອກ.ບຸກຄົນທີ່ຄັດເລືອກອອກມີນ້ຳໃຈຊາດອັນລ້ຳຄ່າ.ທ້າວຫຼິວເຕິຮວາເປັນດາລາຊື່ດັງຢູ່ຈີນແລະຢູ່ບັນດາປະເທດອາຊີອາຄະເນ,ເພິ່ນຂະຫຍັນໝັ່ນພຽນ ມີພູມປັນຍາຫຼາຍດ້ານ ເຊັ່ນຮ້ອງເພງມ່ວນ ສະແດງຮູບເງົາແລະລະຄອນໂທລະພາບກໍໜ້າເບິ່ງ,ເທື່ອນີ້ເປັນຜູ່ໄດ້ຮັບບັດຫຼາຍກວ່າໝູ່ໃນວົງການບັນເທີງ,ແຕ່ບັດທີ່ທ່ານໄດ້ຮັບຍັງໜ້ອຍກວ່າທ່ານຢາງລີ້ເຫວເກືອບ5ໝື່ນບັດ.
ນາງອານນ້າແມ່ນນັກສຶກສາວິຊາການທະນາຄານຂອງມະຫາວິທະຍາໄລແຫ່ງໜຶ່ງ,ນາງເປັນສາວງາມທັງນິຍົມສະໄໝ.ນາງໄດ້ເຂົ້າຮ່ວມການປະກວດເທື່ອນີ້.ເມື່ອເວົ້າເຖິງບຸກຄົນທີ່ນາງນິຍົມບູຊາ,ນາງມີທັດສະນະຂອງຕົນ.
ນາງເວົ້າວ່າ:"ນ້ອງເຫັນວ່າ,ຄວາມໝາຍຂອງບຸກຄົນທີ່ນິຍົມບູຊານັ້ນແບ່ງເປັນຄວາມໝາຍຂອບເຂດກວ້າງແລະຄວາມໝາຍຂອບເຂດແຄບ.ດາລາບັນເທີງສາມາດນຳເອົາຄວາມມ່ວນຊ່ື່ນແລະຄວາມສະບາຍໃຈໃຫ້ພວກເຮົາໃນດ້ານຈັກຂຸວິນຍານແລະໂສຕະວິນຍານ,ແຕ່ດາລາປານນີ້ພຽງແຕ່ສອດຄ່ອງກັບຄວາມໝາຍຂອບເຂດແຄບ.ເວົ້າສຳລັບພວກນ້ອງແລ້ວ,ບຸກຄົນທີ່ພວກນ້ອງນິຍົມບູຊາຕາມຄວາມໝາຍຂອບເຂດກວ້າງຄວນແມ່ນບຸກຄົນຜູ່ດີເດັ່ນໃນຂົງເຂດຕ່າງໆທີ່ປະກອບສ່ວນອັນໃຫຍ່ຫຼວງເພື່ອການພັດທະນາຂອງຈີນແລະຍົກອິດທິພົນຂອງຈີນບົນເວທີສາກົນໃຫ້ສູງຂຶ້ນ."
ທ້າວຊາງເຫຼທີ່ກຳລັງຮຽນຢູ່ມະຫາວິທະຍາໄລພາສາຕ່າງປະເທດປັກກິ່ງກໍມີທັດສະນະຄືກັນກັບນາງອານນ້າ.ລາວເວົ້າວ່າ: "ຜູ່ທີ່ຂ້ອຍນິຍົມບູຊານັ້ນແມ່ນທ່ານຢາງລີ້ເຫວ,ເພິ່ນເຮັດໃຫ້ຊາວຈີນໝົດທຸກຄົນໃນທົ່ວໂລກຮູ້ສຶກທະນົງຕົວແລະພາກພູມໃຈ.ນ້ຳໃຈຊາດທີ່ບາກບັ່ນສູ້ຊົນແລະຍາດຊິງເອົາກຽດສັກສີໃຫ້ປະເທດຊາດນັ້ນເປັນສິ່ງທີ່ຊາວໜຸ່ມພວກເຮົາຕ້ອງສືບທອດແລະສົ່ງເສີມ."
ແຕ່ທ່ານເຫຼເຟິ່ງຮອດທ່ານຢາງລີ້ເຫວ,ຍຸກສະໄໝໄດ້ປ່ຽນແປງແລ້ວ,ບຸກຄົນທີ່ຄົນທັງຫຼາຍ ນິຍົມບູຊານັ້ນປ່ຽນແປງ.ແຕ່ທາດແທ້ດ້ານນ້ຳໃຈຂອງພວກເຂົາເຈົ້າບໍ່ໄດ້ປ່ຽນແປງຈັກເມັດ, ນ້ຳໃຈຮັບຜິດຊອບທ່ີຫາບແບກໜ້າທີ່ສ້າງສາປະເທດຊາດໃຫ້ຈະເລີນຮຸ່ງເຮືອງຂອງຊາວໜຸ່ມຈີນກໍ່ບໍ່ໄດ້ປ່ຽນແປງຈັກເມັດເຊັ່ນດຽວກັນ.
|
