|
|
 |
| (GMT+08:00)
2004-08-25 11:29:22
|
 |
|
ປະຊາຊົນຮັກເພິ່ນ
cri
ວັນທີ 1 ສິງຫາປີ 2004,ເຫມືອນກັບມື້ປົກກະຕິ,ລຸງພ່ານຊັ້ງເມິງ ທ່ີອາຍຸ 90 ປີຢູ່ເມືອງປາຍເຊີເຂດກວາງຊີລຸກແຕ່ເຊົ້າ,ເລື່ອງທຳອິດທ່ີເພິ່ນຕ້ອງເຮັດກໍ່ແມ່ນຈຸດທູບດອກຫນຶ່ງ,ແລ້ວຍ່າງສັ່ນໆເຊັນໆໄປສຽບໃສ່ໂຖທ່ີຕັ້ງຢູ່ຕໍ່ຫນ້າປ້າຍບູຊາທ່ານເຕິ້ງສຽວຜິງ ການເມືອງກອງທັບທ່ີຕັ້ງຢູ່ໃນເຮືອນຂອງລຸງ,ແລ້ວໂຄ້ງຄຳນັບສາມເທື່ອ.
ຕັ້ງແຕ່ທ່ານເຕິ້ງສຽວຜິງລ່ວງລັບໄປ, ລຸງພ່ານຊັ້ນເມິງທ່ີໄປໃສມາໃສກໍ່ຕ້ອງມີຄົນໂຊມນັ້ນກໍ່ຕ້ອງຈຸດທູບໄວ້ອາໄລຫາເພິ່ນແຕ່ວັນອອກໃຫມ່ຫນຶ່ງຄຳ່ຮອດ 15 ຄຳ່ທຸກເດືອນບໍ່ມີວັນເວັ້ນໂດຍຕະຫລອດ.
ລຸງພ່ານຊັ້ງເມິງຈື່ໄດ້ຢ່າງຈະແຈ້ງວ່າ, ມື້ຫນຶ່ງໃນປີ 1929,ທ່ານເຕິ້ງສຽວຜິງໄດ້ກິນເຂົ້າປຽກແປ້ງສາລີທ່ີປົນແປ້ງມັນຕົ້ນຫລາຍຖ້ວຍຢູ່ເຮືອນເພິ່ນ,ທ່ານຮູ້ສຶກບໍ່ເຫມາະບໍ່ຄວນທ່ີສຸດໃຫ້ການເມືອງກອງທັບກິນແຕ່ເຂົ້າປຽກແປ້ງສາລີ.
ແຕ່ລະມື້ ລຸງກໍ່ຕ້ອງນັ່ງແຍງເບິ່ງຮູບແຕ້ມຂອງທ່ານເຕິ້ງສຽວຜິງການເມືອງກອງທັບທ່ີຫ້ອຍຢູ່ເທິງຝາ,ຄືວ່າເພິ່ນຍັງຢູ່ກັບລຸງ,ບາງເທື່ອເບິ່ງຕັ້ງດົນນານ.
ທ່ານຈ່າງຈື້ ນັກສຶກສາມະຫາວິທະຍາໄລປັກກິ່ງທ່ີຊູແຜ່ນຄຳຂວັນທ່ີວ່າສະບາຍດີທ່ານສຽວຜິງຢູ່ສະຫນາມຫລວງທຽນອານເມິນໃນເວລາແຫ່ຂະບວນປາງກ່ອນ,ປີນີ້ທ່ານ 41 ແລ້ວ, ດຽວນີ້ ເພິ່ນແມ່ນຜູ່ອຳນວຍການຂອງບໍລິສັດການຢາຫລັງຫນຶ່ງ.ທ່ານເວົ້າວ່າ,ເມື່ອ 20 ປີກ່ອນ ນັກສຶກສາໄດ້ຖາມສະບາຍດີນຳທ່ານເຕິ້ງສຽວຜິງແມ່ນເພື່ອສະແດງຄວາມຮູ້ບຸນຄຸນຕໍ່ພັກແລະລັດຖະບານທ່ີໄດ້ໃຫ້ຊາວຫນຸ່ມມີໂອກາດເຂົ້າຮຽນມະຫາວິທະຍາໄລຮັບການສຶກສາ;ຈາກນັ້ນມາ 20 ປີ ຄືໃນຊູ່ມື້ນີ້ີ, ພວກເຮົາຖາມສະບາຍດີນຳທ່ານເຕິ້ງສຽວຜິງອີກເທື່ອຫນຶ່ງ,ແມ່ນອາໄລຫາແລະຂອບອົກຂອບໃຈນຳບູລຸຜູ່ຍິ່ງໃຫຍ່ຜູ່ນີ້ດ້ວຍຄວາມຈິງໃຈ,ປະຊາຊົນຈີນນັບເປັນລ້ານເປັນໂກດໄດ້ຮັບຜົນປະໂຫຍດຢ່າງຫລວງຫລາຍຈາກເພິ່ນ,ແລະຮູ້ບຸນຄຸນຂອງເພິ່ນ.
ເດືອນກຸມພາປີ 1984 ຢູ່ນະຄອນຊຽງໄຮ້ ທ່ານເຕິ້ງສຽວຜິງໄດ້ເຫັນນັກຮຽນປະຖົມພວມໃຊ້ຄອມພິວເຕີແບບງ່າຍໆ,ກໍ່ເວົ້າວ່າ:ການຝຶກແອບໃຊ້ຄອບພິວເຕີຕ້ອງສອນມາແຕ່ນ້ອຍໆ.ໃນຍາມນັ້ນ ໃນຫມູ່ປະຊາຊົນຈີນບໍ່ມີຜູ່ຮູ້ຄອມພິວເຕີມີຫນ້ອຍທ່ີສຸດ.
ຫລັງຈາກນັ້ນ 10 ປີ, ອິນເຕີເນັດໄດ້ຜ່ານຈຸດທົດລອງຂອງກະຊວງໄປສະນີແລະໂທລະຄົມມະນາຄົມເຂົ້າສູ່ປັກກິ່ງແລະຊຽງໄຮ້,ຈຳນວນຜູ່ໃຊ້ອິນເຕີເນັດກໍ່ເພີ່ມຂື້ນຢ່າງວ່ອງໄວ.
ຕໍ່ມາອີກ 10 ປີ,ເມື່ອຮອດທ້າຍປີ 2003 ຈຳນວນຜູ່ເຂົ້າອິນເຕີເນັດໃນທົ່ວປະເທດຈີນໄດ້ບັນລຸ 78 ລ້ານຄົນ, ຢູ່ໃນອັນດັບທີສອງໃນໂລກ.ເດັກຊາຍທ່ີເຄີຍຫລິ້ນຄອມພິວເຕີໃຫ້ທ່ານເຕິ້ງສຽວຜິງເບິ່ງນັ້ນ ດຽວນີ້ໄດ້ກາຍເປັນນັກວິທະຍາສາດຊາວຈີນທ່ີມີຊື່ສຽງໃນໂລກແລ້ວ.
ພາຍຫລັງຊາວຈີນສາມາດໃຊ້ອິນເຕີເນັດຢ່າງຊຳນານແລ້ວ, ພໍດີຮອດວັນຄ້າຍວັນເກີດຂອງທ່ານເຕິ້ງສຽວຜິງຄົບຮອບ 100 ປີ,ຢູ່ທຸກມຸມແຈໃນທົ່ວໂລກ,ຜ່ານອິນເຕີເນັດກໍ່ຈະໄດ້ເຫັນຄຳເວົ້າທ່ີເຕັມໄປດ້ວຍຄວາມຮັກແພງອັນເລິກເຊິ່ງວ່າ:ສະບາຍດີທ່ານສຽວຜິງ.
ຄົນຈີນຜູ່ຫນຶ່ງໄດ້ຂຽນໃນອິນເຕີເນັດວ່າ:ທ່ານແມ່ນລູກຊາຍຂອງປະຊາຊົນຈີນ, ປະເທດຊາດແລະປະຊາຊົນຂອງທ່ານຮັກແພງທ່ານຢ່າງສຸດເຊິ່ງ.
ເວລານີ້ທ່ານເຕິ້ງສຽວຜິງໄດ້ລ່ວງລັບໄປ 7 ປີແລ້ວ.
ໃນທາງຮ່ອມນ້ອຍໆເສັ້ນຫນຶ່ງທ່ີຍາວບໍ່ຮອດ 200 ແມັດທ່ີຊື່ວ່າ ທາງຮ່ອມມີລຽງຄູ້ຢູ່ປັກກິ່ງ, ເບິ່ງໄປແລ້ວກໍ່ບໍ່ຕ່າງຫຍັງກັບທາງຮ່ອມນ້ອຍໃຫຍ່ອື່ນໆໃນປັກກິ່ງ,ແຕ່ກໍ່ແມ່ນຢູ່ແຫ່ງນີ້ເອງ,ທ່ານເຕິ້ງສຽວຜິງ ບູລຸດຜູ່ຍິ່ງໃຫຍ່ແຫ່ງຍຸກສະໄຫມຂອງຈີນໄດ້ຜ່ານຜ່າຊີວິດບັ້ນປາຍ 20 ປີສຸດທ້າຍຂອງເພິ່ນ.
ຈີນຍິ່ງມ່ັງຄັ່ງເຂັ້ມແຂງຂຶ້ນທໍ່ໃດ, ຄວາມຮັກແພງຂອງປະຊາຊົນຈີນທ່ີມີຕໍ່ທ່ານເຕິ້ງສຽວຜິງກໍ່ຍິ່ງເລິກເຊິ່ງຈິງໃຈ,ເພາະວ່າທ່ານເຕິ້ງສຽວຜິງໄດ້ເຮັດໃຫ້ພວກເຂົາເຈົ້າມີຊີວິດອັນດີງາມທ່ີມີກຽດສັກສິແລະມີອະນາຄົດແຈ້ງສະຫວ່າງ.ປະຊາຊົນຈີນຮັກແພງເພິ່ນ.
|
|
|
