|
ໃນຖານເປັນຜູ່ເຖົ້າຜ່ແກ່ທ່ີອາຍຸ"100ປີ",ໃນເວລາຍາວນານມານີ້ ທ່ານເຕິ້ງສຽວຜິງໄດ້ໍ່ຢູ່ໃນຄວາມສົນໃຈຂອງປະຊາຊົນຈີນຕະຫລອດຮອດຊາວໂລກຕະຫລອດມາ.ທ່ານເຕິ້ງສຽວຜິງໃນສາຍຕາຂອງປະຊາຊົນຈີນແລະທ່ານເຕິ້ງສຽວຜິງໃນສາຍຕາຂອງຊາວໂລກແມ່ນມີຫລາຍສີຫລາຍສັນ.ແຕ່ທ່ານເຕິ້ງສຽວຜິງໃນສາຍຕາຂອງທ່ານເອງເດ?ແມ່ນເປັນແນວໃດ?ຫມາຍຄວາມວ່າທ່ານເຕິ້ງສຽວຜິງເອງແມ່ນຕີລາຄາຕົນເອງແນວໃດ?
"ຂ້າພະເຈົ້າຄືຜູ່ສາວເຜົ່າໄວອູເອີມີເປຍຜົມຫລາຍ, ເອົາມືຈັບກໍ່ຈັບໄດ້ເຕັມມື."ນີ້ແມ່ນຄຳເວົ້າຂອງ່ີທ່ານເຕິ້ງສຽວຜິງທ່ີກ່າວໃນການນຳພາການປັບປຸງເມື່ອປີ 1975.ຄຳເວົ້ານີ້ແມ່ນແນບນຽນທ່ີສຸດ,ໄດ້ສະແດງໃຫ້ເຫັນການຫົວຂວັນຕົນເອງແບບຈຳໃຈໃນລະດັບໃດຫນຶ່ງ.ເມື່ອສັງເກດຈາກສາຍຕາອ່ຽງຊ້າຍແລ້ວເຫັນວ່າ"ເປຍຜົມ"ຂອງທ່ານເຕິ້ງສຽວຜິງຫລາຍແທ້,ແຕ່ທ່ີຈິງແລ້ວ, ອັນທ່ີວ່າ"ເປຍຜົມ"ເຫລ່ົານີ້ລ້ວນແຕ່ຖືກປະຫວັດສາດຢັ້ງຢືນແລ້ວວ່າແມ່ນຖືກຕ້ອງແລະມີຫລັກວິທະຍາສາດ.ເຖິງວ່າຖືກປົດຕຳແຫນ່ງສາມເທື່ອແລະດຳລົງຕຳແຫນ່ງຄືນໃຫມ່ສາມເທື່ອກໍ່ຕາມ, ແຕ່ທ່ານບໍ່ເຄີຍຢ້ານຖືກຈັບ"ເປຍຜົມ"ຈັກເທື່ອ, ສິ່ງທ່ີຄວນຍຶດຫມັ້ນນັ້ນຍັງຄົງຍຶດຫມັ້ນຢູ່ຄືເກົ່າ.ສະນັ້ນ ໂດຍປະເຊີນກັບສະຖານະການອັນສັບສົນຍ້ອນມະຫາການປະຕິບັດວັດທະນະທຳ,ທ່ານເວົ້າວ່າ"ຕ້ອງກ້າເຮັດ",ອອກແຮງຊຸກຍູ້ການປັບປຸງ, ໃນິງແມ່ນໄດ້ເລີ່ມຕົ້ນບວນການປັບປຸງຄວາມວຸ້ນວາຍ,ຟື້ນຟູຄວາມເປັນປົກກະຕິຄືນໃຫມ່.ໃນກອງປະຊຸມຄົບຄະນະສູນກາງພັກກອມມູນິດຈີນຄັ້ງທີ 3 ສະໄຫມທີ 11, ທ່ານກໍ່ໄດ້ຊຸກຍູ້ພັກແລະລັດບັນລຸການຫັນປ່ຽນຄັ້ງປະຫວັດສາດ,ແລ້ວໄດ້ເດີນໄປຕາມເສັ້ນທາງປະຕິຮູບແລະໄຂປະຕູສູ່ພາຍນອກ.
"ຂ້າພະເຈົ້າແມ່ນຝ່າຍສະແຫວງຫາສັດຈະທຳຈາກຄວາມເປັນຈິງ."ນີ້ແມ່ນຄຳຕີລາຄາຕົນເອງອີກຄຳຫນຶ່ງຂອງທ່ານເຕິ້ງສຽວຜິງ.ສະແຫວງຫາສັດຈະທຳຈາກຄວາມເປັນຈິງແມ່ນຫົວກະທຳຂອງແນວຄິດເມົາເຈີຕົງ.ທ່ານເຕິ້ງສຽວຜິງໄດ້ຍຶດຫມັ້ນຫົວກະທິນີ້, ພ້ອມທັງອອກແຮງສ່ົງເສີມການປົດປ່ອຍແນວຄິດ, ເອົາການປົດປ່ອຍແນວຄິດກັບການສະແຫວງຫາສັດຈະທຳຈາກຄວາມເປັນຈິງປະສານສົມທົບກັນຢ່າງມິຊີວິດອິນຊີ,ໄດ້ກຳນົດແນວທາງແນວຄິດຂອງພັກກອມມູນິດຈີນຄືນໃຫມ່.ໃນເວລາທ່ານເຕິິ້ງສຽວຜິງໄດ້ຟື້ນຟູຕຳແຫນ່ງເທື່ອທີສາມ, ທ່ານມີອາຍຸ 73 ປີແລ້ວ, ແຕ່ຄວາມຄຶກຄັກດ້ານແນວຄິດແລະລະດັບການປົດປ່ອຍແນວຄິດຂອງທ່ານແມ່ນຊາວຫນຸ່ມຈຳນວນຫລວງຫລາຍກໍ່ສູ້ກັບທ່ານບໍ່ໄດ້.ທ່ານເຕິ້ງສຽວຜິງເຄີຍເວົ້າວ່າ:"ຂ້າພະເຈົ້າແມ່ນຄົນທ່ີອ່າວຄຶກຄັກ,ແມ່ນຄົນທ່ີບໍ່ເດີນຕາມທາງຕັນ.""ຢູ່ຕ່າງປະເທດ ມີຄົນຈຳນວນຫນຶ່ງຖືຂ້າພະເຈົ້າເປັນຝ່າຍປະຕິຮູບ,ຖືຜູ່ອື່ນເປັນຝ່າຍຮັກສາຄອງເກົ່າ.""ແມ່ນແລ້ວຂ້າພະເຈົ້າແມ່ນຝ່າຍປະຕິຮູບ,ແຕ່ຖ້າວ່າການຍຶດຫມັ້ນ 4 ຫລັກການພື້ນຖານກໍ່ແມ່ນຝ່າຍຮັກສາຄອງເກົ່າ,ຄັນຊັ້ນ ຂ້າພະເຈົ້າກໍ່ແມ່ນຝ່າຍຮັກສາຄອງເກົ່າ.ສະນັ້ນ ເວົ້າຢ່າງອ່າວຖືກຕ້ອງວ່າ: ຂ້າພະເຈົ້າແມ່ນ ຝ່າຍສະແຫວງຫາສັດຈະທຳຈາກຄວາມເປັນຈິງ."ສະແຫວງຫາສັດຈະທຳຈາກຄວາມເປັນຈິງ,ທຸກສິ່ງທຸກຕ້ອງຖືສະພາບແຫ່ງຊາດອັນພື້ນຖານເປັນເດີມພັນ, ທຸກສິ່ງທຸກຢ່າງສະພາບຕົວຈິງຂອງສັງຄົມນິຍົມໄລຍະຕົ້ນເປັນເດີມພັນ, ທັງຍຶດຫມັ້ນເດີນຕາມເສັ້ນທາງສ້າງຊາດໃຫ້ມັ່ງຄັ່ງເຂັ້ມແຂງ, ທັງຍຶດຫມັ້ນພື້ນຖານສ້າງຊາດ, ຈີນຈິ່ງຈະໄດ້ຮັບຜົນສຳເລັດທ່ີປະຈັກຕາຊາວໂລກຢ່າງບໍ່ຢຸດຢັ້ງ.
ທ່ານເຕິ້ງສຽວຜິງຖືຕະຫລອດຊີວິດຂອງຕົນເປັນການສອບເສັງຄັ້ງຫນຶ່ງ;ຖືກທຸກສິ່ງທຸກຢ່າງທ່ີຕົນເຮັດນັ້ນເປັນຫນ້າທ່ີຮັບຜິຊອບ. ຖ້າວ່າຖືຕະຫລອດຊີວິດຂອງຄົນເຮົາເປັນການສອບເສັງຄັ້ງຫນຶ່ງ, ຜົນງານຂອງທ່ານເຕິ້ງສຽວຜິງຄວນແມ່ນດີເດັ່ນໂດຍບໍ່ຕ້ອງສົງໄສ.ແນ່ນອນແລ້ວ, ທ່ານກໍ່ມີສິ່ງທ່ີຫນ້າເສຍດາຍ, "ຕະຫລອດຊີວິດຂອງຂ້າພະເຈົ້າຍັງເຫລືອແຕ່ວຽກດຽວເຊິ່ງກໍ່ຄື ບັນຫາໄຕ້ຫວັນ,ຄິດວ່າຈະບໍ່ໄດ້ເຫັນຍາມທ່ີແກ້ໄຂບັນຫາດ່ັງກ່າວໃຫ້ຕົກແລ້ວ."
ຊີວິດການເປັນຢູ່ຂອງທ່ານເຕິ້ງສຽວຜິງແມ່ນດ້ານສຳຄັນດ້ານຫນຶ່ງທ່ີຄົນທັງຫລາຍສົນໃຈນຳ.ທ່ານເຕິ້ງສຽວຜິງເອງກໍ່ມີຄຳບັນຍາຍທ່ີມ່ວນໆຢ່າງຫລວງຫລາຍ.ການລອຍນ້ຳກັບການຫລິ້ນໄພ້ແມ່ນຄວາມມັກສອງຢ່າງທ່ີທ່ານມັກກວ່າຫມູ່. ຈຸດພິເສດຂອງການຫລິ້ນໄພ້ແມ່ນຕ້ານຢັນກັນ, ການລອຍນ້ຳຢູ່ທະເລແມ່ນການທ້າທາຍ.ຄວາມມັກສອງຢ່າງນີ້ໄດ້ສະແດງໃຫ້ເຫັນນິດໄສໃຈຄໍຂອງທ່ານ.ຫມູ່ເພື່ອນຂອງທ່ານຢູ່ພາຍໃນແລະຕ່າງປະເທດຫລາຍໆຄົນມັກຖາມເຄັດລັບຂອງທ່ານໃນການຮັກສາສຸຂະພາບ,ຄຳຕອບຂອງທ່ານກໍ່ແມ່ນ"ລັດທິສຸກນິຍົມ."ຖ້າບໍ່ມີແນວຄິດທ່ີເຊື່ອວ່າອຸດົມການຂອງຕົນເອງຈະປະກົດເປັນຈິງໄດ້ຢ່າງແນ່ນອນນັ້ນ,ກໍ່ບໍ່ສາມາດມີຊີວິດຈົນຮອດມື້ນີ້."
ໃນເວລາຂຽນຄຳນຳໃຫ້ຊຸມນຸມບົດປະພັນເລືອກເຟັ້ນຂອງທ່ານເຕິ້ງສຽວຜິງສະບັບພາສາອັງກິດທ່ີພິມໂດຍບໍລິສັດເບເກີແມນຂອງອັງກິດ,ທ່ານເຕິ້ງສຽວຜິງໄດ້ຂຽນຄຳຫນຶ່ງວ່າ:"ຂ້າພະເຈົ້າແມ່ນລູກຫລານຂອງປະຊາຊົນຈີນ,ຂ້າພະເຈົ້າຮັກຫອມປະເທດຊາດແລະປະຊາຊົນຂອງຂ້າພະເຈົ້າຢ່າງເລິກເຊິ່ງ."
|
