|
ໃນທ່າມກາງສຽງຄຳຂວັນຂອງກອງທັບລິວເຕິ້ງທ່ີວ່າປັກທຸງແດງໃສ່ທົ່ວເຂດຕາເວັນຕົກໃນພິທີສ້າງທາງລົດໄຟແຕ່ເສິງຕູຫາຈຸ່ງກິ່ງທ່ີຄຶກຄຶ້ນນັ້ນ, ທ່ານເຕິ້ງສຽວຜິງເຄີຍປະກາດດ້ວຍຄວາມຫມັ້ນໃຈອັນເຕັມປ່ຽມວ່າ:"ໃນເວ ລາພວກເຮົາຍົກທັບເຂົ້າເຂດຕາເວັນຕົກສຽງໃຕ້,ກໍ່ໄດ້ຕົກລົງວ່າຈະສ້າງເຂດຕາເວັນຕົກສຽງໃຕ້ໃຫ້ດີ."ຄວາມເວົ້າຂອງທ່ານເຕິ້ງສຽວຜິງທ່ີກ່າວໃນເມື່ອເຄິ່ງສະຕະວັດກ່ອນນັ້ນຍັງຄົງດັງຢູ່ຂ້າງຫູຂອງປະຊາຊົນບັນດາເຜົ່າທ່ີຢູ່ພາກຕາເວັນຕົກສຽງໃຕ້ເລື້ອຍໆ,ທຸກສິ່ງທຸກຢ່າງໃນເມື່ອກ່ອນນັ້ນກໍ່ເຫມືອນເກີດຂຶ້ນໃນຫວ່າງແລ້ວນີ້.
ໂດຍອີງຕາມການຈັດວາງຍຸດທະສາດຂອງສູນກາງພັກແລະຄະນະກຳມະການການທະຫານສູນກາງພັກແລະທ່ານມາວເຈີຕົງ,ເມື່ອກະກຽມຫລາຍເດືອນແລ້ວ,ຕົ້ນເດືອນພະຈິກປີ 1949, ທ່ານເຕິ້ງສຽວຜິງ ທ່ານລິວໂປເສິງແລະທ່ານເຮີ້ໂລງໄດ້ບັນຊາກອງທັບເຄື່ອນທັບເຂົ້າເຂດຕາເວັນຕົກສຽງໃຕ້,ເປີດບັ້ນລົບປົດປ່ອຍເຂດພາກຕາເວັນຕົກສຽງໃຕ້,ອັນໄດ້ປົດປ່ອຍເຂດພາກຕາເວັນຕົກສຽງໃຕ້ອັນກວ້າງຂວາງຄື ແຂວງຢຸນນານ ແຂວງກຸ້ຍໂຈ່ວ ແຂວງເຊສວນແລະເຂດຊີຄາງເປັນຕົ້ນ,ເຮັດໃຫ້ສົງຄາມປົດປ່ອຍປະຊາຊົນຈີນທ່ີໃຫຍ່ໂຕສະຫງ່ານັ້ນໄດ້ສຳເລັດລົງຢ່າງຈົບງາມ.
ຈາກນັ້ນມາ, ທ່ານເຕິ້ງສຽວຜິງໄດ້ເຂົ້າຮ່ວມແລະນຳພາວຽກງານຍົກທັບເຂົ້າເຂດຕີເບດແລະປົດປ່ອຍຕິເບດໂດຍສັນຕິ,ໄດ້ສຳເລັດພາລະກິດໂຮມແຜ່ນດິນໃຫຍ່ປະເທດຊາດເຂົ້າເປັນເອກະພາບກັນ, ເຮັດໃຫ້ຄວາມປາຖະຫນາຂອງປະຊາຊົນຈີນບັນດາເຜົ່າບັນລຸຜົນເປັນຈິງ, ປະຊາຊົນຕິເບດໄດ້ກ້າວຂຶ້ນເສັ້ນທາງຮຸ່ງເຮືອງທ່ີສາມັກຄີ ກ້າວຫນ້າແລະພັດທະນາ.
ວັນທີ 23 ພະຈິກປີ 1949 ທ່ານເຕິ້ງສຽວເປັນເປັນເລຂາທິຫນຶ່ງຂອງກົມຕາເວັນຕົກສຽງໃຕ້ສູນກາງພັກກອມມູນິດຈີນ.
ທ່ານເຕິ້ງຈື້ລີ້ ອະດີດຮອງປະທານຄະນະປະຈຳສະພາປະຊາຊົນແຂວງເຊສວນ ພະນັກງານຜູ່ອາວຸໂສທ່ີອອກກິນເບ້ຍບຳນານຫວນຄືນວ່າ:ໃນຄາວນັ້ນ ເສດຖະກິດຂອງເຂດຕາເວັນຕົກສຽງໃຕ້ຫລ້າຫລັງທ່ີສຸດ, ຊີວິດການເປັນຢູ່ຂອງປະຊາຊົນທຸກຈົນ, ດັ່ງນັ້ນການກໍ່ສ້າງເຂດຕາເວັນຕົກສຽງໃຕ້ລຳບາກເປັນພິເສດ.
ໃນເວລາຍົກທັບເຂົ້າເຂດຕາເວັນຕົກສຽງໃຕ້, ທ່ານເຕິ້ງສຽວຜິງກໍ່ໄດ້ເລືອກເອົາພະນັກງານທ່ີມີບົດຮຽນທາງດ້ານວຽກງານທ້ອງຖີ່ນແລະວຽກງານພະລາທີການທ່ີອຸດົມສົມບູນປະກອບເປັນຄະນະນຳພາວຽກງານການເງິນຂອງເຂດຕາເວັນຕົກສຽງໃຕ້.
ທ່ານຮອງສາດສະດາຈານອາຍຊິນຊວນ ຫົວຫນ້າຫ້ອງຄົ້ນຄວ້າປະຫວັດສາດພັກຂອງຄະນະພັກນະຄອນຈຸ່ງກິ່ງເວົ້າວ່າ:"ທ່ານເຕິ້ງສຽວຜິງເປັນຜູ່ຊຳນານທ່ີເຮັດວຽກຟື້ນຟູແລະພັດທະນາເສດຖະກິດ.ໃນວຽກງານຂົນຂວາຍປັບປຸງອຸດສາຫະກຳແລະການຄ້າຢ່າງສົມເຫດສົມຜົນ,ທ່ານເຕິ້ງສຽວຜິງໄດ້ເຮັດວຽກງານນັກທຸລະກິດທ່ີມີອິດທິພົນຈຳນວນຫນຶ່ງໂດຍຕົນເອງ,ອັນໄດ້ສະແດງໃຫ້ເຫັນຄວາມກ້າຫານແລະຄວາມປະດິດສ້າງທ່ີບໍ່ທຳມະດາ."ໃນເມື່ອທ່ານຫູຈື່ອາງ ຮອງເຈົ້າຄອງນະຄອນຈຸ່ງກິ່ງ ບຸກຄົນວົງການອຸດສາຫະກຳການຄ້າຜູ່ມີຊື່ສຽງຂອງເມືອງຈຸ່ງກິ່ງຢາກມອບວິສາຫາະກິດແລະຫຸ້ນສ່ວນທັງຫມົດຂອງຕົນໃຫ້ລັດນັ້ນ, ທ່ານເຕິ້ງສຽວຜິງໄດ້ກຶກກອງຫລາຍເທື່ອ,ແລ້ວກ່າວວ່າ,ໃນທົ່ວປະເທດຍັງບໍ່ມີແບບຢ່າງນີ້ຈັກເທື່ອ, ພວກເຮົາກໍ່ໃຫ້ທ່ານຫູຈື່ອາງເປັນແບບຢ່າງນີ້ສາ.ກຸ່ມປາວຢວນທົງທ່ີມີອິດທິພົນຢູ່ພາຍໃນແລະຕ່າງປະເທດນັ້ນເມື່ອປົດປ່ອຍແລ້ວກໍ່ຮຽກຮ້ອງໃຫ້ຫັນເປັນລັດວິສາຫະກິດແລະຮ້ອງຂໍຕໍ່ຄະນະກຳມະການການເງິນສູນກາງໂດຍກົງ.ເມື່ອສຳນຶກກຶກກອງຢ່າງລະອຽດແລ້ວ, ທ່ານເຕິ້ງສຽວຜິງກໍອະນຸຍາດໃຫ້ກຸ່ມປາວຢວນທົງຫັນເປັນລັດວິສາຫະກິດ.
ພາຍຫລັງປົດປ່ອຍນະຄອນຈຸ່ງກິ່ງພຽງອາທິດຫນຶ່ງ, ທ່ານເຕິ້ງສຽວຜິງກໍ່ເປັນປະທານຈັດກອງປະຊຸມກົມຕາເວັນຕົກສຽງໃຕ້,ຕົກລົງສ້າງທາງລົດໄຟແຕ່ເສິງຕູຫາຈຸ່ງກິ່ງ.ວັນທີ 1 ກໍລະກົດປີ 1952, ໄດ້ສ້າງທາງລົດໄຟແຕ່ເສິງຕູຫາຈຸ່ງກິ່ງສຳເລັດຕະຫລອດສາຍ.ນີ້ແມ່ນທາງລົດໄຟສາຍທຳອິດສ້າງສຳເລັດພາຍຫລັງສາທາລະນະລັດປະຊາຊົນຈີນກຳເນີດເກີດໃຫມ່ ເຊິ່ງແມ່ນຄົນຈີນເປັນຜູ່ອອກແບບ ກໍ່ສ້າງດ້ວຍເຫລັກກ້າແລະຫມອນທ່ີຜະລິດໂດຍຕົນເອງ.
ພາຍຫລັງທ່ານເຕິ້ງສຽວຜິງຍ້າຍວຽກຈາກເຂດຕາເວັນຕົກສຽງໃຕ້ແລ້ວ,ຍັງສົນໃຈນຳການກໍ່ສ້າງພາກຕາເວັນຕົກສຽງໃຕ້ໂດຍຕະຫລອດ,ເລີ່ມແຕ່ທ້າຍຊຸມປີ 50 ສະຕະວັດແລ້ວນີ້ເປັນຕົ້ນມາ, ທ່ານເຄີຍໄປສຳຫລວດແລະຊີ້ນຳວຽກງານການກໍ່ສ້າງຢູ່ບັນດາເຂດແຂວງພາກຕາເວັນຕົກສຽງໃຕ້ຫລາຍເທື່ອ.ເຂດຕາເວັນຕົກສຽງໃຕ້ກໍ່ບໍ່ໄດ້ເຮັດໃຫ້ທ່ານເຕິ້ງສຽວຜິງຜິດຫວັງ, ພວມ ຄ່ອຍໆເກີດມີການປ່ຽນແປງຄັ້ງປະຫວັດສາດ:ຈາກຊຸມຄົມມະນາຄົມທ່ີແລ່ນໄປຮອດທຸກມູມທຸກແຈຂອງເຂດຕາເວັນຕົກສຽງໃຕ້ ຮອດເມືອງວິະທຍາສາດທ່ີສ້າງໃຫມ່;ຈາກປ່າໄມ້ໄພ່ໃນວັດທ່ີນອກເມືອງຈິ່ງກວນຮອດຫມາກແຕງຫອມຫວານທ່ີຢູ່ເມືອງຊິງເສິງ;ການອະນຸລັກແລະການກໍ່ສ້າງສິ່ງແວດລ້ອມນັບມື້ນັບໄດ້ຮັບການເພີ່ມທະວີ,ສະຖິຕິເຕີບໂຕຂອງເສດຖະກິດກໍ່ປ່ຽນໃຫມ່ຊູ່ປີ.ເຂດພາກຕາເວັນຕົກສຽງໃຕ້ທ່ີອັດສະຈັນໄດ້ປະກົດມີສະພາບທ່ີຮຸ່ງເຮືອງເຫລືອງເຫລື້ອມ.ລູກຫລານບັນດາເຜົ່າຢູ່ເຂດຕາເວັນຕົກສຽງໃຕ້ສາມາດບອກທ່ານສຽວຜິງຢ່າງທະນົງໃຈວ່າ: ເຂດຕາເວັນຕົກສຽງບໍ່ໄດ້ໃຫ້ເຮັດໃຫ້ທ່ານຜິດຫວັງ.
|
