|
 ເພງທີ່ທ່ານພວມຟັງຢູ່ນີ້ແມ່ນເພງpugongying ດອກດັງເດີລີອົງຫຼືດອກແຂ້ວສິງທີ່ຂັບຮ້ອງໂດຍນາງເຢ້ໄພ, ເພງນີ້ເໝືອນດັ່ງກອນບົດໜຶ່ງ, ຫຼ່ຽນໄຫຼສົດຊື່ນ, ມີການປະສານສຽງແບບດົນຕີຊາວຜິວດຳອາຟຼິກາ, ຈັງຫວະໂດດເຕັ້ນ, ແລະຍັງມີສຽງເປຍໂນແບບລັກສະນະເຈັສ໌ເສບສະຫຼັບສຽງເບົາໆ, ຄືໄດເສີມລົດນິຍົມດົນຕີທີ່ທັນສະໄໝໃຫ້ແກ່ກອນທີ່ມ່ວນໜ້າຟັງ.
ເນື້ອເພງມີຢູ່ວ່າ, ພໍເລີ່ມຕົ້ນ, ຂ້ອຍກໍເກີດຢູ່ທີ່ນີ້, ເຕີບໃຫຍ່ໃນສາຍລົມ, ບໍ່ເຄີຍມີໃຜຍ່າງກາຍຂ້ອຍໄປຈັກເທື່ອ, ຂ້ອຍເຝົ້າຢູ່ໂນນພູແຫ່ງນີ້, ອາບແສງຕາເວັນຄ້ອຍຄ່ຳ, ເພິ່ງພິງເຈົ້າແມ່ທໍລະນີ, ຂ້ອຍປິວເປື້ອງໄປສູ່ແດນໄກເພື່ອເຈົ້າ, ຂ້ອຍແມ່ນດອກໄມ້ຂອງເຈົ້າ.
ທີ່ຟັງມານັ້ນແມ່ນເພງPugongying ດອກດັງເດີລີອົງ, ຄິດວ່າຄົງໄດ້ນຳຄວາມງາມແບບບໍລິສຸດຜຸດຜ່ອງມາສູ່ທ່ານ.
ດົນຕີສາມາດນຳເອົາຄວາມຮູ້ສຶກຫລາຍຢ່າງມາຍັງຄົນທັງຫລາຍ. ໃນທ້າຍຊຸມປີ 90 ສະຕະວັດທີ່ແລ້ວ, ທ່ານຈາງທຽນຊູ ນັກຮ້ອງທີ່ມີຊື່ສຽງບົນເວທີເພງຂອງຈີນພ້ອມວົງດົນຕີຂອງທ່ານໄດ້ອັດCDເພງປະມວນໜຶ່ງທີ່ໃຫ້ຊື່ວ່າ: Pengchuziji ສະເໜີຕົນເອງ, ໃນແຜ່ນCDນີ້ມີ 11 ເພງ, ໄດ້ນຳ ຄວາມມ່ວນຊື່ນ ຂຶ້ນໃຈໃຫ້ຄົນທັງຫລາຍ, ເຮັດໃຫ້ຜູ່ຟັງລືມຄວາມອິດເມື່ອຍ, ເຕັມໄປດ້ວຍຄວາມຝັກໄຝ່ຕໍ່ຊີວິດທີ່ດີງາມ. ຖ້າຮິ່ນຕອງເບິ່ງຄັກໆແລ້ວຈະເຫັນວ່າ, ເນື້ອຮ້ອງຂອງແຕ່ລະເພງລ້ວນແຕ່ເປັນການບັນຍາຍບົດບາດບາງຕອນໃນຊີວິດທຳມະດາ, ເພື່ອລະບາຍຄວາມມ່ວນຊື່ນ, ຄວາມຫງ່ວມເຫງົາ, ຫຼືຄວາມໂສກເສົ້າຂອງສາມັນຊົນ, ສະແດງໃຫ້ເຫັນທ່າທີສຸຂະທັດຂອງພວກເຂົົາເຈົ້າທີ່ເບິ່ງບັນຫາໄປໃນແງ່ດີ. ຕໍ່ໄປ, ເຊີນຟັງເພງເອກໃນCDແຜ່ນນີ້, ຄືເພງWodeai ຄວາມຮັກຂອງຂ້າ, ໃນເພງນີ້, ທ່ານຈາງທຽນຊູ ຊາຍຜູ່ສູງໃຫຍ່ລ້ຳສັນໄດ້ສະແດງອາລົມໂລມັງຕິກອັນອ່ອນໂຍນຂອງລູກຜູ່ຊາຍ.
ພວກເຮົາພໍເກີດມາ, ກໍ່ຕ່າງຄອຍຖ້າກັນ, ຄອຍຖ້າຄວາມຮັກຂອງອ້າຍ. ບໍ່ວ່າຈະມີເລື່ອງຫຍັງເກີດຂຶ້ນ, ນ້ອງກໍບໍ່ຫ່ອນຈາກໄປ, ນ້ອງແມ່ນທຸກສິ່ງທຸກຢ່າງຂອງອ້າຍໃນອະນາຄົດ. ທີ່ທ່ານພວມຟັງຢູ່ນີ້ແມ່ນເພງWodeai ຄວາມຮັກຂອງຂ້າ ຂັບຮ້ອງໂດຍທ່ານຈາງທຽນຊູ.
1 2 3
|
