|
ຊີວິດການສຶກສາຂອງທ່ານເຕິ້ງສຽວຜິງຢູ່ຕ່າງປະເທດບໍ່ໄດ້ຮັບຜົນເຕັມເມັດເຕັມຫນ່ວຍ,ຢູ່ຝຣັ່ງ ເພິ່ນມີແຕ່ທຳມາຫາກິນຫາກບໍ່ມີໂອກາດຮັບການສຶກສາ,ແຕ່ຊ້ຳພັດໄດ້ບ່ົມເພາະເພິ່ນເປັນນັກປະຕິວັດແລະນັກປະຕິຮູບຜູ່ຍິ່ງໃຫຍ່ຂອງຈີນໃນພາຍຫລັງມາ,ກໍ່ຍ້ອນນັກສຶກສານອກທ່ີບໍ່ສຳເລັດຜົນຜູ່ນີ້,ໄດ້ຊ່ອຍຊາວຈີນເປີດຕາເບິ່ງໂລກ ເຊິ່ງເປັນຄວາມຝັນໃນຮ້ອຍປີມານີ້.
ສິ່ງທ່ີສຳຄັນກວ່ານັ້ນແມ່ນ,ພາລະກິດປະຕິຮູບແລະໄຂປະຕູສູ່ພາຍນອກທ່ີທ່ານເຕິ້ງສຽວຜິງລິເລີ່ມນັ້ນເຮັດໃຫ້ນັກສຶກສາຈີນທ່ີຮຽນຢູ່ຕ່າງປະເທດທ່ີເລືອກເອົາການກັບມາຮັບໃຊ້ປະເທດຊາດເປັນຄັ້ງທຳອິດໃນ 150 ປີມານີ້ເພື່ອຫາບແບກອັນຫນັກຫນາທ່ີສ້າງຊາດໃຫ້ຈະເລີນ.
ເດືອນຕຸລາປີ 1920 ທ່ານເຕິ້ງສຽວຜິງທ່ີອາຍຸ 16 ປີໄດ້ເດີນທາງໄກແສນໄກໄປຮອດຝຣ່ັງໂດຍມີຄວາມຝັນວ່າກູ້ຊາດດ້ວຍອຸດສາຫະກຳ,ແລ້ວເລີ່ມຮຽນຢູ່ໂຮງຮຽນມັດທະຍົມປາເຢທ່ີເຂດນອກມັງດີ;ແຕ່ບໍ່ຮອດເຄີ່ງປີ ທ່ານກໍ່ຈຳເປັນຕ້ອງອອກຈາກໂຮງຮຽນຍ້ອນບໍ່ມີເງິນຈ່າຍຄ່າຮຽນຕ່າງໆໃຫ້ທາງໂຮງຮຽນ.ຈາກນັ້ນ 4 ປີ, ທ່ານເຕິ້ງສຽວຜິງກໍ່ຊອກຫາວຽກເຮັດຢູ່ໂຮງງານເຫລັກກ້າ ແລະໂຮງງານຢາງຕາງຕິ້ວເປັນຕົ້ນ,ແຕ່ລະມື້ໄດ້ແຕ່ 10 ຝຣ່ັງທໍ່ນັ້ນ.ເດືອນເມສາປີ 1984 ໃນເວລາພົບປະຄະນະຜູ່ແທນກຳມະບານກຳມະກອນລົດຍົນປະສົມອາເມລິກາແລະຄະນະຜູ່ແທນຜູ່ນຳກຳມະບານອາເມລິກາ, ທ່ານເຕິ້ງສຽວຜິງເວົ້າວ່າ:"ຂ້າພະເຈົ້າກໍ່ແມ່ນກຳມະກອນຜູ່ຫນຶ່ງ, ປີ 1920 ເປັນກຳມະກອນຢູ່ຝຣ່ັງ, ຕອນນັ້ນອາຍຸພຽງ 16 ປີ.ໃນຄາວນັ້ນແມ່ນອອກແຮງງານເພື່ອເຂົ້າຮຽນ, ຢາກຫາເງິນເຂົ້າຮຽນຫນັງສື.ແຕ່ເປົ້າຫມາຍນີ້ຫາກບໍ່ໄດ້ບັນລຸຜົນເປັນຈິງ."
ເຖິງວ່າຊີວິດການສຶກສາຢູ່ຕ່າງປະເທດຂອງຕົນບໍ່ສຳເລັດຜົນປານໃດ,ແຕ່ນັກການເມືອງທ່ີສະຫລາດສ່ອງໃສຜູ່ນີ້ພັດໄດ້ຮູ້ໄດ້ເຫັນຄວາມສຳຄັນຂອງນັກສຶກສາທ່ີຮຽນຢູ່ຕ່າງປະເທດທ່ີມີຕໍ່ການສ້າງສາທັນສະໄຫມຂອງຈີນເດືອນມິຖຸນາປີ 1978 ທ່ານເຕິ້ງສຽວຜິງໄດ້ກ່າວຄຳປາໃສວ່າຕ້ອງສ່ົງນັກສຶກສາໄປຮຽນຢູ່ຕ່າງປະເທດໃຫ້ຫລາຍ,ຕ້ອງເພິ່ມຈຳນວນໃຫ້ຫລາຍ.ທ່ານເວົ້າວ່າ, ຕ້ອງສ່ົງໄປສຶກສາເປັນພັນເປັນຫມື່ນ,ຢ່າສົ່ງພຽງ 10 ຄົນ 20 ຄົນທໍ່ນັ້ນ.ທ່ານລີຈ້ຽນ ນັກຄົ້ນຄວ້າສະພາບັນດິດວິທະຍາສາດສັງຄົມຊຽງໄຮເວົ້າວ່າ:"ການຕົກລົງຂອງທ່ານເຕິ້ງສຽວຜິງໄດ້ປ່ຽນແປງສະພາບນັກສຶກສາໄປຮຽນຢູ່ຕ່າງປະເທດ".ຊຸມປີ 80 ສະຕະວັດແລ້ວນີ້, ທ່ານລີຈ້ຽນ ທ່ີຫາກໍ່ຮຽນຈົບຈາກຂະແຫນງເສດຖະສາດຂອງມະຫາວິທະຍາໄລຟູ້ຕານຊຽງໄຮໄດ້ຖືກຄັດເລືອກເປັນນັກສຶກສາງວດທຳອິດໄປຮຽນຕໍ່ປະລີຍາເອກຢູ່ເຢຍລະມັນ, ພາຍຫລັງມາ ທ່ານໄດ້ກາຍເປັນຜູ່ຊ່ຽວຊານໃນຂົງເຂດພັນທະບັດການທະນາຄານ.
ພາຍໃນ 25 ປີຫລັງທ່ານເຕິ້ງສຽວຜິງກ່າວຄຳເວົ້າດັ່ງກ່າວ, ນັກສຶກສາຈີນທ່ີຮຽນຢູ່ຕ່າງປະເທດລວມທັງຫມົດໄດ້ມີ 5 ແສນ 8 ຫມື່ນຄົນ,ຕ່າງໄປຮຽນຢູ່ 100 ກວ່າປະເທດແລະເຂດແຄວ້ນ.ໃນນັ້ນ ມີ 1 ແສນ 5 ຫມື່ນຄົນສຳເລັດການຮຽນແລ້ວກັບຄືນປະເທດຊາດ, ກາຍເປັນຫລັກແຫລ່ງຂອງການສ້າງສາສັງຄົມຈີນ.ປະຈຸບັນ ບັນດິດສະພາບັນດິດວິທະຍາສາດຈີນມີ 81%ແລະ ບັນດິດສະພາບັນດິດວິສາວະກອນຈີນມີ 54% ລ້ວນແຕ່ເຄີຍໄປຮຽນຢູ່ຕ່າງປະເທດ.
ເມື່ອເວົ້າຈາກຄວາມຈິງໃຈແລ້ວ, ທ່ານເຕິ້ງສຽວຜິງທ່ີຮັກຫອມປະເທດຊາດແລະປະຊາຊົນຢ່າງເລິກເຊິ່ງນັ້ນຫວັງໃຫ້ນັກສຶກສາຈີນທ່ີຮຽນຢູ່ຕ່າງປະເທດກັບມາຮັບໃຊ້ປະເທດຫມົດທຸກຄົນ.ປີ 1992 ໃນເວລາທ່ານໄປສຳຫລວດວຽກງານຢູ່ພາກໃຕ້ຂອງຈີນ, ທ່ານໄດ້ຝາກຄວາມຫວັງຕໍ່ບັນດານັກສຶກສາທ່ີຮຽນຢູ່ຕ່າງປະເທດວ່າ:"ຕ້ອງຮັກຫອມປະເທດຊາດຂອງພວກເຮົາ, ສ້າງປະເທດຊາດຂອງພວກເຮົາຈະເລີນຂຶ້ນ","ຖ້າຢາກມີການອຸທິດ,ຍັງແມ່ນກັບມາປະເທດຊາດດີກວ່າ."ແຕ່ທ່ານກໍ່ບໍ່ບັງຄັບໃຫ້ນັກສຶກສາກັບຄືນປະເທດ, ຫາກໄດ້ພ້ອມກັບຜູ່ນຳລັດຈີນໃນຄາວນັ້ນພ້ອມກັນວາງທິດທາງສະຫນັບສະ ຫນູນການໄປຮຽນຢູ່ຕ່າງປະເທດ ສ່ົງເສີມໃຫ້ຜູ່ໄປຮຽນຢູ່ຕ່າງປະເທດນັ້ນກັບຄືນປະເທດ ໄປມາເສລີ.ແລະສົ່ງເສີມນັກສຶກສາທ່ີຮຽນຢູ່ຕ່າງປະເທດຮັບໃຊ້ປະເທດຊາດດ້ວຍຮູບການຕ່າງໆ,ພ້ອມກັນນັ້ນຮຽກຮ້ອງໃຫ້ພາກສ່ວນຕ່າງໆຢູ່ພາຍໃນປະເທດຕ້ອງປົວແປງສະພາບແວດລ້ອມເຮັດວຽກແລະດຳລົງຊີວິດຂອງຜູ່ສຳເລັດການຮຽນຢູ່ຕ່າງປະເທດແລ້ວກັບຄືນປະເທດຊາດ.
ນະໂຍບາຍຂອງທ່ານເຕິ້ງສຽວຜິງໄດ້ຮັບຜົນສັກສິດອັນເດັ່ນຊັດ.ນັບມາຮອດປະຈຸບັນ ຈີນໄດ້ຕັ້ງສວນວິສາຫະກິດທ່ີມີນະໂຍບາຍພິເສດສຳລັບຜູ່ກັບຈາກການຮຽນຢູ່ຕ່າງປະເທດນັ້ນ 110 ແຫ່ງ, ຢູ່ໃນສວນເຫລົ່ານີ້ມີວິສາະຫິດ 6000 ກວ່າຫລັງ,ປີ 2003 ລາຍໄດ້ດ້ານວິທະຍາສາດເຕັກນິກ ອຸດສາຫະກຳແລະການຄ້ານັ້ນລື່ນກາຍ 32,7 ຕື້ຢວນ.
ສ່ວນການປະຕິຮູບແລະໄຂປະຕູສູ່ພາຍນອກທ່ີທ່ານເຕິ້ງສຽວຜິງລິເລີ່ມສ້າງນັ້ນຍິ່ງໄດ້ສ້າງຄວາມອັດສະຈັນທ່ີໃຫ້ຈີນໂປໂລຂຶ້ນໃນ 20 ກວ່າປີຜ່ານມາ,ນີ້ໄດ້ກາຍເປັນກຳລັງແຮງທ່ີດຶງດູດນັກສຶກສາຈີນທ່ີຮຽນຢູ່ຕ່າງປະເທດນັ້ນກັບຄືນປະເທດ.ນາງຈ່າງຮຸ້ຍ ທ່ີໄດ້ປະລິຍາ MBA ຢູ່ອັງກິດເມື່ອສຳເລັດການຮຽນແລ້ວກໍ່ລົງທຶນຕັ້ງບໍລິສັດຢູ່ຊຽງໄຮ,ນາງເວົ້າວ່າ:"ສະຖານະການຢູ່ດຽວນີ້ແຈ້ງຫລາຍແລ້ວ,ຢູ່ຕ່າງປະເທດເຈົ້າສາມາດມີຕຳແຫນ່ງຫນຶ່ງທໍ່ນັ້ນ,ແຕ່ມີແຕ່ຢູ່ປະເທດຊາດຈິ່ງຈະມີພາລະກິດຂອງຕົນເອງໄດ້."
"ແຕ່ກ່ອນ ເມື່ອເວົ້າເຖິງການສຳເລັດການຮຽນຢູ່ຕ່າງປະເທດແລ້ວກັບຄືນປະເທດນັ້ນ, ມັກຈະເວົ້າວ່າໄດ້ປະລະເງື່ອນໄຂດຳລົງຊີວິດອັນສະຫນຸກ ສະບາຍຢູ່ຕ່າງປະເທດ,"ທ່ານຊິວຟູ້ຊິງ ຜູ່ຊ່ຽວຊານປະຫວັດສາດການແລກປ່ຽນລະຫວ່າງຈີນກັບຕ່າງປະເທດເວົ້າວ່າ,"ທ່ານເຕິ້ງສຽວຜິງເປັນຜູ່ຍິ່ງໃຫຍ່ແມ່ນຍ້ອນທ່ານໄດ້ເຮັດໃຫ້ນັກສຶກສາຈີນທ່ີຮຽນຢູ່ຕ່າງປະເທດວາງຄວາມຫາບແບກທາງປະຫວັດສາດອັນຫນັກຫນາໃນ 100 ກວ່າປີມານີ້ລົງ,ເຮັດໃຫ້ເປົ້າຫມາຍທ່ີສ້າງຊາດໃຫ້ຈະເລີນກັບການພັດທະນາຂອງສ່ວນບຸກຄົນເປັນເອກະພາບກັນ."
"ເມື່ອເວົ້າຈາກດ້ານນີ້ແລ້ວ, ທ່ານແມ່ນນັກສຶກສາທ່ີສຳເລັດການຮຽນແລ້ວກັບຄືນປະເທດຜູ່ດີເດັ່ນກວ່າຫມູ່."
|
