|
|
 |
| (GMT+08:00)
2004-08-31 14:43:55
|
 |
|
ໄປຢາມບ້ານເກີດທ່ານເຕ້ິງສຽວຜີງ
cri
ທ່ານຜູ່ຟັງທ່ີເຄົາລົບ,ວັນທີ 22 ສິງຫາປີ 1904,ທ່ານເຕ້ິງສຽວຜີງໄດ້ກຳເນີດຢູ່ບ້ານຜາຍຝາງເມືອງເສຊິງທ່ີຫ່າງຈາກເມືອງກວາງອານແຂວງເສສວນ 7 ກິໂລແມັດ.ໃນຄາວອາຍຸ 15 ປີ,ທ່ານເຕ້ິງສຽວຜີງໄດ້ພາກຈາກບ້ານເກີດເມືອງນອນ,ຕໍ່ມາໄດ້ໄປຮຽນຕໍ່ຢູ່ຝຣ່ັງ,ແລະເຂົ້າເປັນສະມາຊິກພັກກອມມູນິດຈີນຢູ່ແຫ່ງນັ້ນ.ມາຮອດທ່ານເຕ້ິງສຽວຜີງເຖິງແກ່ມໍລະນະກຳເມ່ືອປີ 1997,ຍ້ອນຂຸ້ນນຳແຕ່ວຽກແຕ່ການຫລາຍ,ທ່ານບໍ່ມີເວລາກັບເມືອຢາມບ້ານເກີດເມືອງນອນຈັກເທ່ືອ.ຫວ່າງມໍ່ໆນີ້,ນັກຂ່າວcriໄດ້ໄປເອົາຂ່າວຢູ່ເມືອງກວາງອານ.
ທ່ານເຕ້ິງສຽວຜີງໄດ້ເຖິງແກ່ກຳໄປ 7 ປີກວ່າແລ້ວ,ບ່ອນເກີດຂອງທ່ານຍັງຄົງຮັກສາໄວ້ເປັນຢ່າງດີ.ເຮືອນເກົ່າຂອງທ່ານເຕ້ິງສຽວຜີງແມ່ນເຮືອນ 3 ດ້ານ ປຸກແບບຊາວນາ,ປະຕູບ້ານຫັນສູ່ທິດຕາເວັນຕົກ,ກິນເນື້ອທີ່ 800 ກວ່າຕາລາງແມັດ,ມີ 17 ຫ້ອງ.ຝາເຮືອນທາສີຂາວ ມຸງດິນຂໍສີດຳ,ປູພື້ນດ້ວຍຫີນສີຂຽວ,ຫລັງບ້ານມີປ່າໄຜ່ທ່ີຕຶບໜາ.ຊາວບ້ານຢູ່ແຫ່ງນັ້ນເອີ້ນເຮືອນຂອງທ່ານເຕ້ິງສຽວຜີງເປັນ"ເຮືອນເກົ່າຕະກຸນເຕ້ິງ".ທ່ານເຕ້ິງສຽວຜີງໄດ້ຜ່ານຊີວິດໄວເດັກແລະໄວເຍົາຢູ່ແຫ່ງນີ້.
ເມ່ືອສອງປີກ່ອນ,ອົງການປົກຄອງທ້ອງຖ່ິນໄດ້ສ້າງເຂດອະນຸລັກຢູ່ບໍລິເວນກ້ວາງ 30 ກິໂລແມັດມົນທົນອ້ອມເຮືອນເກົ່າຂອງທ່ານເຕ້ິງສຽວຜີງ,ໄດ້ສ້ອມແປງແລະຟື້ນຟູເຮືອນຫລາຍບ່ອນທ່ີທ່ານເຕ້ິງສຽວຜີງເຄີຍດຳລົງຊີວິດແລະຮຳ່ຮຽນເຊ່ັນເຮືອນເກົ່າແລະຫໍວັດທະນະທຳເປັນຕົ້ນ,ໄດ້ສ້າງຫໍວາງສະແດງຢູ່ເຮືອນເກົ່າທ່ານເຕ້ິງສຽວຜີງ,ໄດ້ຫລໍ່ຮູບຂອງທ່ານເຕ້ິງສຽວຜີງ,ແລະປູກພືນຊະນິດຕ່າງໆ. ຄຽງຄູ່ກັບເສັ້ນທາງໄປສູ່ເຮືອນເກົ່າແລະພາຫະນະຄົມມະນາຄົມດີຂຶ້ນຢ່າງບໍ່ຢຸດຢັ້ງ,ຄົນຈີນຢູ່ແຫ່ງຕ່າງໆທ່ົວປະເທດແລະຊາວຕ່າງປະເທດໄດ້ພາກັນມາຢາມເຮືອນເກົ່າຂອງທ່ານເຕ້ິງສຽວຜີງຢ່າງຕໍ່ເນ່ືອງກັນ,ຫວນຄຶດເຖິງຄຸນງາມຄວາມດີຂອງບູລຸດຜູ່ຍ່ິງໃຫຍ່.ທ່ານນາງເສີນກຸ້ຍເຊ່ຍທ່ີຕັ້ງເດີນທາງຈາກແຂວງຊານຊ່ີ ພາກເໜືອຂອງຈີນໄປຢາມເຮືອນເກົ່າຂອງທ່ານເຕ້ິງສຽວຜີງເວົ້າວ່າ,"ຕັ້ງແຕ່ເຂົ້າຮ່ວມການຕໍ່ສູ້ປະຕິວັດຮອດເຂົ້າຮ່ວມການສ້າງສາປະເທດຊາດ,ໃນຕະຫລອດຊີວິດຂອງທ່ານເຕ້ິງສຽວຜີງໄດ້ມີປະສົບການອັນລະອິດລະອ້ຽວຕ່າງໆນາໆ,ບໍ່ແມ່ນງ່າຍ.ປະຈຸບັນ,ທ່ານກໍ່ໄດ້ນຳພາພວກເຮົາເດີນໄປຕາມເສັ້ນທາງສ້າງສາໃໝ່ແຫ່ງການປະຕິຮູບໄຂປະຕູສູ່ພາຍນອກ,ພາພວກເຮົາສ້າງຮ່ັງຄູນມີຢ່າງບໍ່ຢຸດຢັ້ງ,ພວກເຮົາຄິດຮອດເພ່ິນທ່ີສຸດ."
ຢູ່ບ້ານຜາຍຝາງ ເຮືອນເກົ່າຂອງທ່ານເຕ້ິງສຽວຜີງ,ນັກຂ່າວໄດ້ເຫັນວ່າ,ຢູ່ຫ້ອງຮັບແຂກຂອງຄອບຄົວໃດກໍ່ລ້ວນແຕ່ແຂວນຮູບທ່ານເຕ້ິງສຽວຜີງ,ຢູ່ສອງຂ້າງຮູບໄດ້ຂຽນຄຳຂວັນໃສ່ວ່າ"ໄດ້ຮັບການປົດປ່ອຍແລ້ວບໍ່ລືມພັກກອມມູນິດ,ຮັ່ງມີຂຶ້ນແລ້ວຍ່ິງຄິດເຖິງທ່ານເຕ້ິງສຽວຜີງ",ຢູ່ທາງລຸ່ມຂອງຮູບຍັງຂຽນຄຳທ່ີທ່ານເຕ້ິງສຽວຜີງມັກເວົ້າຕໍ່ຊາວບ້ານໃນເວລາເພ່ິນຍັງມີຊີວິດຢູ່ວ່າ---ຕ້ອງສ້າງເມືອງກວາງອານໃຫ້ດີ."
ໃນຂະນະທ່ີອະນຸລັກແລະສ້ອມແປງເຮືອນເກົ່າຂອງທ່ານເຕ້ິງສຽວຜີງນັ້ນ,ອົງການປົກຄອງທ້ອງຖ່ິນກໍ່ໄດ້ເບີກເງິນຈຳນວນຫລາຍສົມຄວນ,ຈັດວາງໄທບ້ານທັງຫຼາຍໃຫ້ຄືນໄປຢູ່ອ້ອມຂ້າງເຮືອນເກົ່າທ່ານເຕ້ິງສຽວຜີງຄືນໃໝ່,ໄດ້ປຸກເຮືອນໃໝ່ທ່ີເປັນແບບດຽວກັນ,ແລ້ວຂາຍໃຫ້ໄທບ້ານໃນລາຄາຕ່ຳ.ເນື້ອທ່ີກໍ່ສ້າງຂອງແຕ່ລະຄອບຄົວມີ 80 ຕາລາງແມັດຮອດ 220 ຕາລາງແມັດ,ມີນ້ຳປະປາ ມີໄຟຟ້າ ອາຍແກັສ ມີທາງເນ່ັງໄປຮອດ ມີໂທລະສັບມີສາຍ ມີໂທລະສັບແລະເຄືອຂ່າຍສາຍກ້ວາງ,ສະພາບແວດລ້ອມເຮືອນຢູ່ຂອງໄທບ້ານທັງຫລາຍໄດ້ຮັບການປົວແປງໃຫ້ດີຂຶ້ນຢ່າງຫລວງຫລາຍ.
ຄຽງຄູ່ກັບຈຳນວນຄົນທ່ີໄປຢ້ຽມຢາມເຮືອນເກ່ົາຂອງທ່ານເຕ້ິງສຽວຜີງໃນຫລາຍປີມານີ້ເພ່ີມຂຶ້ນຢ່າງບໍ່ຢຸດຢັ້ງ,ໄທບ້ານຜາຍຝາງທ່ີມີເຮືອນກ້ວາງກໍ່ພາກັນເຮັດເປັນບ້ານພັກ,ເປີດຮ້ານອາຫານຊາວນາ,ຊາວນາທ່ີເຮັດໄຮ່ເຮັດນາໃນແຕ່ກ່ອນໄດ້ປ່ຽນມາເຮັດການຮັບຕ້ອນນັກທ່ອງທ່ຽວ.ທ່ານວາງລຽງ ໄທບ້ານບ້ານຜາຍຝາງທ່ີປີນີ້ອາຍຸ 38 ປີກໍ່ໄດ້ເປີດຫ້ອງພັກຢູ່ເຮືອນໃຫຍ່ຂອງເພ່ິນທ່ີກ້ວາງ 180 ຕາລາງແມັດເມ່ືອ 9 ເດືອນກ່ອນ,ທ່ານເວົ້າວ່າ,"ພວກເຮົາເອງຢູ່ຊັ້ນລຸ່ມ,ຊັ້ນ ເທີງເປັນຫ້ອງພັກໃຫ້ແຂກຢູ່.ດຽວນີ້ມີນະໂຍບາຍດີແລ້ວ,ຢູ່ເຮືອນກໍ່ຫາເງິນໄດ້ແລ້ວ,ດີກວ່າໄປເຮັດໄຮ່ເຮັດນາໃນເມ່ືອກ່ອນຫລາຍ."
ທ່ານວາງລຽງເວົ້າວ່າ,ໄທບ້ານ 300 ກວ່າຄອບຄົວໃນໝົດບ້ານມີເກືອບໜ່ຶງສ່ວນສາມໄດ້ເປີດຮ້ານອາຫານແລະຫ້ອງພັກ.ທ່ານເວົ້າວ່າ,ຕັ້ງແຕ່ເປີດຮັບແຂກເປັນທາງການເມ່ືອທ້າຍປີ 2003 ມານີ້,ມີນັກທ່ອງທ່ຽວມາພັກເຊົາຢູ່ເຮືອນຂອງທ່ານ ຢ່າງບໍ່ຂາດສາຍ,ລາຍໄດ້ຂອງທ່ານກໍ່ດີສົມຄວນ,ດຽວນີ້ຄິດສະເລ່ຍແລ້ວໄດ້ມີຮອດ 3 ພັນຢວນຕໍ່ເດືອນ.
ຢູ່ເມືອງເສຊິງທ່ີຫ່າງຈາກບ້ານຜາຍຝາງບໍ່ໄກປານໃດມີຖະໜົນເກົ່າເສັ້ນໜ່ຶງຍາວປະມານ 300 ແມັດ,ແມ່ນຕະຫລາດນັດຂອງໄທບ້ານທັງຫລາຍ,ໂຮງຮຽນປະຖົມເປີຍຊານທ່ີທ່ານເຕ້ິງສຽວຜີງເຄີຍຮຽນຢູ່ນັ້ນກໍ່ຕັ້ງຢູ່ແຫ່ງນີ້.ຢູ່ໂຮງຮຽນຫລັງນີ້ລວມ ມີຫ້ອງຮຽນສອງຫ້ອງທ່ີມີທ່ີນ່ັງ 10 ກວ່າຫາ 20 ກວ່າບອ່ນ,ໃນຫ້ອງຮຽນຫ້ອງໜ່ຶງມີໂຕະຕ່ັງທ່ີທ່ານເຕ້ິງສຽວຜີງເຄີຍໃຊ້ໃນຄາວນັ້ນ,ທາງພະແນກອະນຸລັກວັດຖຸ ບູຮານຂອງທ້ອງຖ່ິນໄດ້ໝາຍໄວ້ເປັນພິເສດ,ນັກທ່ອງທ່ຽວທ່ີມາຊົມຈະໄດ້ເຫັນຫ້ອງຮຽນທ່ີເກົ່າແລ້ວ,ຄືເຫັນວາດຊົງສະຫລາດສະຫລຽວຂອງທ່ານເຕິ້ງສຽວຜີງໃນໄວເດັກ.
ຫ່າງຈາກໂຮງຮຽນປະຖົມເປີຍຊານບໍ່ໄກປານໃດແມ່ນຮ້ານອາຫານ"ໂດຊາລົດ"ທ່ີຄອບຄົວເຕ້ິງເຄີຍເປີດ.ປະຈຸບັນ,ປ້າຍຂອງຮ້ານອາຫານດັ່ງກ່າວຍັງໄດ້ຮັກສາໄວ້ຢູ່,ພຽງແຕ່ວ່າເຈົ້າຂອງໄດ້ປ່ຽນເປັນທ່ານວາງເຢິນຫລີທ່ີມຊ່ືີສຽງຢູ່ທ້ອງຖິ່ນນີ້ຍ້ອນຂາຍເຕົ້າຮູ້ແຫ້ງ.
ທ່ານວາງເຢິນຫລີປີນີ້ອາຍຸ 52 ປີ,ມີຊ່ືຫລິ້ນວ່າ"ວາງໂກວເອີ",ລະດູໃບໄມ້ປົ່ງປີນີ້, ລາວໄດ້ຍ້າຍໄປຢູ່ຖະໜົນເກົ່າ,ຈ່າຍສອງໝ່ືນກວ່າຢວນ,ຊື້ເອົາຮ້ານອາຫານເກົ່າທ່ີຄອບຄົວຕະກຸນເຕ້ິງເຄີຍເປີດຢູ່ແຫ່ງນີ້ນຳອົງການປົກຄອງເມືອງ,ຫາກໍ່ເປີດຮ້ານບໍ່ເທ່ົາໃດເດືອນ,ກໍ່ຄ້າໄດ້ຂາຍໝານ,ເຮັດໃຫ້ລາວດີໃຈ ຫົວຈົນຫຸບປາກບໍ່ເປັນ, ທ່ານເວົ້າວ່າ,"ຂ້ອຍມາຢູ່ນີ້ສາມເດືອນກວ່າແລ້ວ,ເປີດຮ້ານແຕ່ 6 ໂມງເຊົ້າຮອດ10ໂມງຄ່ຳຈ່ິງປິດ,ມື້ໜ່ຶງຂາຍໄດ້ຫລາຍພັນຢວນ.ການປ່ຽນແປງຂອງຂ້ອຍແມ່ນ ເພ່ິງບາລະມີຂອງລຸງເຕ້ິງສຽວຜີງ."
ທ່ານວາງເຢິນຫລີເຫັນວ່າ,ຮ້ານອາຫານໂອຊາລົດຂອງເພ່ິນຂາຍດິບຂາຍດີນັ້ນແມ່ນຍ້ອນວ່າເປັນຮ້ານເກົ່າຂອງຕະກຸນເຕ້ິງ,ຍິ່ງແມ່ນຍ້ອນພາລະກິດການປະຕິຮູບໄຂປະຕູສູ່ພາຍນອກທ່ີທ່ານເຕ້ິງສຽວຜີງເປັນຜູ່ລິເລ່ີມ,ໃນນາມເປັນຜູ່ລິເລ່ີມການປະຕິຮູບໄຂປະຕູສູ່ພາຍນອກຂອງຈີນ,ໃນຂະນະທ່ີທ່ານເຕ້ິງສຽວຜີງປ່ຽນແປງຊາຕາກຳຂອງທ່ົວປະເທດຈີນນັ້ນ,ກໍ່ໄດ້ປ່ຽນແປງຊາຕາກຳຂອງບ້ານເກີດຂອງເພ່ິນ.
|
|
|
