|
ເວລາທ່ານລິວຢົງຮາວ ຊາວກະສິກອນແຂວງເຊສວນຖືກສ່ືມວນຊົນກະແສຫຼັກຝ່າຍຕາເວັນຕົກປະກວດເປັນ "ມະຫາເສດຖີຈີນ", ຊາວຕ່າງປະເທດຫຼາຍສົມຄວນບໍ່ເຂົ້າໃຈຊາວກະສິກອນຈີນທ່ີນຸ່ງຊຸດສາກົນຜູ່ນີ້. ແຕ່ຄົນທັງຫຼາຍໄດ້ເຫັນຊົນນະບົດທ່ີມີໂສມໜ້າໃໝ່ອ່ຽມຂອງຈີນ.
ເມ່ືອໄດ້ເບ່ິງສະພາບຊົນນະບົດອັນກວ້າງໄຫຍ່ໄພສານຂອງຈີນເຊິ່ງເປັນປະເທດບູຮານບົວລະພານີ້ແລ້ວ, ຄວາມຊຸດໂຊມ ເປົ່າປ່ຽວແລະອຶດຫິວທ່ີປະສົບພົບພໍ້ເລື້ອຍໆໃນປະຫວັດສາດນັ້ນໄດ້ສູນເສຍໄປແລ້ວ. ຕົວເລກທ່ີລັດຖະບານຈີນປະກາດກ່າວໄດ້ສະແດງໃຫ້ເຫັນວ່າ, ເມ່ືອປີ 1978, ຢູ່ຊົນນະບົດຈີນຍັງມີ 250 ລ້ານຄົນຍັງບໍ່ທັນໄດ້ແກ້ໄຂການກິນອ່ີມນຸ່ງອຸ່ນ, ແຕ່ມາຮອດປະຈຸບັນໄດ້ຫຼຸດລົງຍັງເຫຼືອພຽງ 29 ລ້ານຄົນແລ້ວ. ໃນ "ຜູ່ຮ່ັງມີຂຶ້ນກ່ອນໝູ່" ງວດໜ່ຶງແລະໃນນັກທຸລະກິດທ່ີມີຊ່ືສຽງ, ມີຊາວກະສິກອນຫຼາຍຄົນເປັນຜູ່ສະຫຼາດຫຼັກແຫຼມ, ຕົວຢ່າງຄື ທ່ານລູກວນສິວ "ເຈົ້າພະຍາກະປຸກຕໍ່ເພົາລົດຈີນ" ສ່ີພີ່ນ້ອງສະກຸນລິວ "ເຈົ້າພະຍາຫົວອາຫານສັດຈີນ", ຊັບສິນຂອງພວກເຂົາເຈົ້ານັບເປັນຫຼາຍຮ້ອຍລ້ານຢວນ.
ໃນເວລາວິຈານການປ່ຽນແປງທ່ີປະຈັກຕາຄົນເຫຼ່ົານີ້, ນັກປະຫວັດສາດ ນັກເສດຖະສາດກ່າວວ່າ: ຫົວກະທິໃນທິດສະດີເຕິ້ງສຽວຜິງແມ່ນ ການປະຕິຮູບໄຂປະຕູສູ່ພາຍນອກຊີ້ນຳຊາວກະສິກອນປ່ຽນແປງຊະຕາກຳຂອງຕົນ, ປ່ຽນແປງປະຫວັດສາດ.
ເມື່ືອເດືອນທັນວາປີ 1978, ຊາວກະສິກອນ 18 ຄົນຢູ່ບ້ານສຽວກາງເມືອງເຟິງຢາງແຂວງອານຮຸຍໄດ້ໃຊ້ຮູບແບບແປະໂປ້ຕາມປະເພນີພື້ນເມືອງ, ຕົກລົງໂດຍທັງລັບວ່າເອົາດິນປູກຝັງຂອງຮວມໝູ່ໃຫ້ຄອບຄົວຮັບເໝົາຜະລິດຜົນ, ເມ່ືອມອບພັນທະໃຫ້ລັດແລະຮວມໝູ່ຕາມອັດຕາແລ້ວ, ຜູ່ໃດອອກແຮງງານຫຼາຍຜູ່ນັ້ນກໍຈະໄດ້ຮັບຜົນຫຼາຍ. ເວລາຜ່ານມາບໍ່ດົນ, ການກະທຳຂອງພວກເຂົາເຈົ້າຮັບຄວາມຢືນຢັນຈາກທ່ານເຕິ້ງສຽວຜິງ "ນາຍຊ່າງໃຫຍ່ອອກແບບການປະຕິຮູບໄຂປະຕູສູ່ພາຍນອກ". ທ່ານເຕິ້ງສຽວຜິງເວົ້າວ່າ: "ພາຍຫຼັງປະຕິບັດນະໂຍບາຍຊົນນະບົດທ່ີບໍ່ຈຳກັດແລ້ວ, ຢູ່ບາງແຫ່ງທ່ີເໝາະສົມໃຫ້ຄອບຄົວຮັບເໝົາການປູກຝັງ, ໄດ້ຮັບຜົນອັນດີງາມ, ມີການປ່ຽນແປງຢ່າງວ່ອງໄວ…ຢູ່ເມືອງເຟິງຢາງສ່ວນຫຼາຍໄດ້ປະຕິບັດນະໂຍບາຍຮັບເໝົາດິນປູກຝັງ, ແລ້ວກໍໄດ້ປ່ຽນແປງໂສມໜ້າພາຍໃນປີໜ່ຶງ, ບາງສະຫາຍເປັນຫ່ວງວ່າ ເຮັດຈ່ັງຊີ້ຈະມີຜົນສະທ້ອນຕໍ່ໝູ່ຄະນະຫຼືບໍ່, ຂ້າພະເຈົ້າເຫັນວ່າຄວາມເປັນຫ່ວງນີ້ບໍ່ມີຄວາມຈຳເປັນ."
ຈົນຮອດປະຈຸບັນ, ລູງຢວນຈຸ້ນຊາງແມ່ນໜ່ຶງໃນຜູ່ນຳໜ້າຮັບເໝົາການປູກໜ່ຶງໃນຄາວນັ້ນ, ລູງອຸທານເລື້ອຍໆວ່າ: "ຖ້າບໍ່ມີທ່ານເຕິ້ງສຽວຜິງ, ພວກເຮົາກໍບໍ່ມີຊີວິດແລ້ວ, ຢ່າສູ່ເວົ້າການປະຕິຮູບ, ກໍບໍ່ມີວັນຮ່ັງມີຄືມື້ນີ້." ລູງກ່າວວ່າ, ລາຍຮັບສະເລ່ຍຕາມຫົວຄົນຂອງຊາວກະສິກອນໃນບ້ານສຽວກາງມີພຽງ 22 ຢວນ, ໃນປີທີສອງຫຼັກຈາກ "ໃຫ້ຄອບຄົວຮັບເໝົາການປູກຝັງ" ໄດ້ເພ່ີມຂຶ້ນຮອດ 400 ຢວນ, ຜົນຜະລິດທັນຍາຫານໃນໝົດປີຂອງທ່ົວບ້ານໄດ້ເທ່ົາກັບຍອດປະລິມານການຜະລິດຂອງ 5 ປີໃນເມ່ືອກ່ອນ.
ການສ່ຽງໄພຂອງຊາວບ້ານສຽວກາງໄດ້ເປີດສາກການປະຕິຮູບຢູ່ຊົນນະບົດຈີນ. "ຂ້ໍຜູກພັນລັບ" ທ່ີແປະໂປ້ 18 ນິ້ວມືສີແດງສະບັບນັ້ນ ຊູ່ມື້ນີ້ໄດ້ກາຍເປັນວັດຖຸບູຮານອັນລ້ຳຄ່າ ເກັບມ້ຽນຮັກສາໄວ້ໃນຫໍພິພິດທະພັນແຫ່ງຊາດທ່ີປັກກ່ິງ. ມາຮອດທ້າຍປີ 1984, ຢູ່ຊົນນະບົດຂອງຈີນເກືອບທຸກບ້ານໄດ້ປະຕິບັດລະບອບຄອບຄົວຮັບເໝົາການຜະລິດ. ການປະຕິຮູບເທ່ືອນີ້ໄດ້ເຮັດໃຫ້ຊົນນະບົດຈີນມີການປ່ຽນແປງທ່ີທ່ົວໂລກຮັບຮອງ: ໃນ 20 ກວ່າປີມານີ້, ຍອດຜົນຜະລິດທັນຍາຫານຂອງຈີນໄດ້ເພ່ີມຂຶ້ນ 200 ກວ່າລ້ານໂຕນ, ລາຍຮັບສຸດທິຂອງຊາວກະສິກອນໄດ້ເພ່ີມຂຶ້ນ 10 ກວ່າເທ່ົາ, ໄດ້ເຮັດໃຫ້ປະຫວັດທ່ີຂາດເຂີນຜະລິດຕະພັນກະສິກຳໃນໄລຍະຍາວນານນັ້ນສິ້ນສຸດລົງ, ແນວຄິດ ທັດສະນະແລະໂສມໜ້າດ້ານຈິດໃຈຂອງຊາວກະສິກອນໄດ້ມີການປ່ຽນແປງຢ່າງເລິກເຊ່ິງ.
ທ່ານຢວນອີຊານ ໄດ້ທຸລະກິດຢູ່ຊຽງໄຮ້ມາຫຼາຍປີ ຕົວແທນຮຸ້ນທີສອງຂອງບ້ານສຽວກາງ ປະຈຸບັນເປັນຜູ່ອຳນວຍການໃຫຍ່ບໍລິສັດອຸດສາຫະກຳການຄ້າຊາວສຽວກາງຊຽງໄຮ້ຈຳກັດ, ທ່ານເວົ້າວ່າ: "ເມ່ືອໄດ້ເຝິກຝົນຫຼ່ໍຫຼອມແລະຜັນແປມາເປັນເວລາ 26 ປີ, ຜົນສະທ້ອນອັນໃຫຍ່ຫຼວງແລະຄວາມໝາຍອັນເລິກເຊ່ິງຂອງ "ການຮັບເໝົາການປູກຝັງ" ໄດ້ລ່ືນກາຍການຄາດຄະເນຂອງຜູ່ລິເລ່ີມ, ມັນບໍ່ພຽງແຕ່ໄດ້ຊຸກຍູ້ການປົດປ່ອຍກຳລັງການຜະລິດຢູ່ຊົນນະບົດຈີນ, ສ້າງເສດຖະກິດຊົນນະບົດຈີນໃຫ້ຈະເລີນ, ຫາກຍັງໄດ້ສ້າງທ່ວງທ່າການປະຕິຮູບຂອງຈີນໃນຍຸກປະຈຸບັນ".
ທ່ີຈິງແລ້ວ, ຊາວກະສິກອນຈີນທ່ີໄດ້ແກ້ໄຂບັນຫາກິນອ່ີມນຸ່ງອຸ່ນແລ້ວນັ້ນ ບໍ່ໄດ້ເຊົາບາດກ້າວປະຕິຮູບ. ປີ 1992, ຫຼັກຈາກທ່ານເຕິ້ງສຽວຜິງລົງກວດການແລະກ່າວຄຳປາໄສຢູ່ພາກໃຕ້ຂອງຈີນແລ້ວ, ຊາວກະສິກອນຈີນໄດ້ເຂົ້າສູ່ຕະຫຼາດດ້ວຍຄວາມກະຕືລື ລົ້ນທ່ີບໍ່ເຄີຍມີມາກ່ອນ, ໂຮງຊ່າງຫັດທະກຳຂະໜາດນ້ອຍທ່ີສັງກັດການຜະລິດກະສິກຳໃນແຕ່ກ່ອນໄດ້ປ່ຽນມາເປັນວິສາຫະກິດຊົນນະບົດທ່ີມີຊີວິດຊີວາ. ຕາມຕົວເລກຂອງກະຊວງກະສິກຳຈີນ, ວິສາຫະກິດຊົນນະບົດຂອງຈີນມີ 20 ກວ່າລ້ານແຫ່ງ, ໄດ້ສ້າງຊັບສິນກວມ GDP 30% ຂຶ້ນໄປ, ໄດ້ດູດດຶງເອົາແຮງງານເສດເຫຼືອໃນຊົນນະບົດ 130 ລ້ານຄົນ.
ໃຕ້ການຊີ້ນຳຂອງທິດສະດີເຕິ້ງສຽວຜິງ, ການປະຕິຮູບອີກເທ່ືອໜ່ຶງຢູ່ຊົນນະບົດຈີນໄດ້ເຮັດໃຫ້ຊາວກະສິກອນຈີນຈາກການກິນອີ່ມນຸ່ງອຸ່ນກ້າວໄປສູ່ຄວາມຮ່ັງມີ, ເສດຖີທ່ີມີຊັບສິນສິບລ້ານຢວນ ເສດຖີທ່ີມີຊັບສິນຮ້ອຍລ້ານຢວນໄດ້ປະກົດຕົວໃນຊາວກະສິກອນຜູ່ທຳມະດາທ່ີສຸດ, ຜູ່ຕາງໜ້າຂອງພວກເຂົາເຈົ້າຍັງໄດ້ເຂົ້າຢູ່ໃນຕາລາງມະຫາເສດຖີຂອງຈີນເລື້ອຍໆ.
ປີ 1994, ບ້ານສຽວກາງກັບບໍລິສັດວາງຊິງຕາຮົງກົງສາຂາຈີນຈຳກັດຮ່ວມກັນລົງທຶນ 1 ລ້ານ 8 ແສນໂດລາສະຫະລັດ, ຕັ້ງບໍລິສັດອຸປະກອນໂທລະຄົມວາງຊິງຕາອານຮຸຍຈຳກັດ, ຜະລິດຕະພັນສ່ວນຫຼາຍແມ່ນສ່ົງອອກຕ່າງປະເທດ, ແຕ່ລະປີ ທ່ົວບ້ານຈະແບ່ງປັນໄດ້ກຳໄລ 2 ລ້ານຢວນ.
ຊູ່ມື້ນີ້ ຢູ່ຫ້ອງວາງສະແດງ "ໝາກຜົນຮັບເໝົາການປູກຝັງ" ຂອງບ້ານສຽວກາງ, ຕົວເລກສະຖິຕິຂອງຊາວບ້ານໄດ້ກະຕຸກໃຈຄົນທ່ີສຸດ: ໃນ 25 ປີຜ່ານມາ, ຜົນຜະລິດທັນຍາຫານໄດ້ເພ່ີມຂຶ້ນ 39 ເທ່ົາ; ລາຍຮັບຂອງຊາວກະສິກອນສະເລ່ຍແລ້ວໄດ້ເພ່ີມຂຶ້ນ 90 ເທ່ົາ. ບ້ານສຽວກາງໄດ້ກາຍເປັນພາບຫຍ້ໍຂອງຊາວກະສິກອນຈີນຈາກຫົວໄຮ່ແຄມນາກ້າວໄປສູ່ຕະຫຼາດສາກົນ.
|
