|
ວາລະສານຊິວຊຶ້ຂອງຈີນພິມບົດນຳໂດຍຊີ້ອອກວ່າ,ການປະກອບສ່ວນໃຫຍ່ກວ່າໝູ່ຂອງທ່ານເຕິ້ງສຽວຜິງແມ່ນທິດສະດີອັນສະຫງ່າລາສີຂອງທ່ານ
cri
ວາລະສານຊິວຊຶ້ເຊິ່ງເປັນວາລະສານຂອງສູນກາງພັກກອມມູນິດຈີນສະບັບທີ17ທີ່ຈະພິມຈຳໜ່າຍໃນໄວໆນີ້,ພິມບົດນຳກ່າວວ່າ, ການປະກອບສ່ວນທີ່ໃຫຍ່ກວ່າໝູ່ຂອງທ່ານເຕິ້ງສຽວຜິງທີ່ມີຕໍ່ພັກ ຕໍ່ປະຊາຊົນແລະຕໍ່ລັດທິມາກແລະມໍລະດົກທີ່ລ້ຳຄ່າກວ່າໝູ່ທີ່ທ່ານໄວ້ໃຫ້ພວກເຮົາ,ແມ່ນທິດສະດີອັນສະຫງ່າລາສີຂອງທ່ານ.
ບົດນຳຂອງວາລະສານຊິວຊຶ້ພາດຫົວເລື່ອງວ່າ 《ຊູທຸງອັນຍິ່ງໃຫຍ່ຂອງທິດສະດີເຕິ້ງສຽວຜິງແລະແນວຄິດສຳຄັນສາມຕົວແທນກ້າວໄປໜ້າຢ່າງມີໄຊ--ລະລຶກວັນຄ້າຍວັນເກີດຂອງທ່ານເຕິ້ງສຽວຜິງຄົບຮອບ100ປີ》.ບົດນຳສະບັບນີ້ຊີ້ອອກວ່າ,ການລະລຶກທ່ານເຕິ້ງສຽວຜິງດີກວ່າໝູ່ແມ່ນຍຶດໝັ້ນປະກອບອາວຸດທົ່ວພັກແລະສຶກສາປະຊາຊົນດ້ວຍທິດສະດີເຕິ້ງສຽວຜິງ,ຜັນຂະຫຍາຍທິດສະດີພື້ນຖານ ທິດທາງພື້ນຖານ ໂຄງການພື້ນຖານແລະບົດຮຽນພື້ນຖານຂອງພັກຢ່າງເດັດດ່ຽວໜຽວແໜ້ນ,ສືບຕໍ່ສ້າງສະຖານະພາບໃໝ່ແຫ່ງການພັດທະນາພາລະກິດສັງຄົມນິຍົມທີ່ມີສີສັນພິເສດຂອງຈີນໃນຂະບວນວິວັດອັນຍິ່ງໃຫຍ່ທີ່ສ້າງສາສັງຄົມພໍຢູ່ພໍກິນແລະມີສ່ວນເຫຼືອຢ່າງຮອບດ້ານ.
ບົດນຳຂຽນວ່າ,ເນື່ອງໃນໂອກາດວັນຄ້າຍວັນເກີດຂອງທ່ານເຕິ້ງສຽວຜິງຄົບຮອບ100ປີ, ຢູ່ປັກກິ່ງໄດ້ໄຂກອງປະຊຸມລະລຶກອັນຄຶກຄື້ນ,ທ່ານຫູຈິນທ່າວໄດ້ກ່າວຄຳປາໄສອັນສຳຄັນ. ໃນຄຳປາໄສ,ທ່ານຫູຈິນທ່າວໄດ້ເຈາະຈົງເນັ້ນໜັກທິດສະດີເຕິ້ງສຽວຜິງແລະແນວຄິດສຳ ຄັນສາມຕົວແທນແມ່ນຜືນທຸງອັນຍິ່ງໃຫຍ່ທີ່ຊີ້ນຳພວກເຮົາກ້າວໄປໜ້າຢ່າງມີໄຊ,ຮຽກຮ້ອງທົ່ວພັກຊຸກຍູ້ການຫັນລັດທິມາກເປັນແບບຈີນຢ່າງບໍ່ຢຸດຢັ້ງ,ຊຸກຍູ້ພາລະກິດອັນຍິ່ງໃຫຍ່ຂອງສັງຄົມນິຍົມທີ່ມີສີສັນພິເສດຂອງຈີນກ້າວໄປໜ້າຢ່າງບໍ່ຢຸດຢັ້ງ,ຊຸກຍູ້ກິດຈະການອັນໃໝ່ແຫ່ງການສ້າງສາພັກໃຫ້ກ້າວໄປໜ້າຢ່າງບໍ່ຢຸດຢັ້ງ.
ບົດນຳຊີ້ອອກວ່າ,ກ້າວໄປໜ້າໃຕ້ທິດສະດີເຕິ້ງສຽວຜິງ,ກໍຕ້ອງຍຶດໝັ້ນຜັນຂະຫຍາຍແນວຄິດອັນສຳຄັນສາມຕົວແທນຢ່າງເດັດດ່ຽວ ເປັນເຈົ້າການແລະຮອບດ້ານ;ຕ້ອງຍຶດໝັ້ນທິດທາງພື້ນຖານຂອງພັກໃນສັງຄົມນິຍົມໄລຍະຕົ້ນຢ່າງບໍ່ຫວັ່ນໄຫວຄອນແຄນ;ຕ້ອງບາກບັ່ນສູ້ຊົນເພື່ອບັນລຸເປົ້າໝາຍອັນຍິ່ງໃຫຍ່ທີ່ສ້າງສາສັງຄົມພໍຢູ່ພໍກິນແລະມີສ່ວນເຫຼືອຢ່າງຮອບ ດ້ານ;ຕ້ອງສ້າງຕັ້ງແລະຈັດຕັ້ງປະຕິບັດພັດທະນະທັດວິທະຍາສາດຢ່າງໝັ້ນຄົງແລະເອົາຈິງເອົາຈັງ;ຕ້ອງເພີ່ມທະວີແລະປົວແປງການສ້າງສາຂອງພັກຢ່າງແທ້ຈິງ,ຊຸກຍູ້ກິດຈະ ການໃໝ່ອັນຍິ່ງໃຫຍ່ແຫ່ງການສ້າງສາຂອງພັກຢ່າງຮອບດ້ານ.
ໃນຕອນທ້າຍ,ບົດນຳຊີ້ອອກວ່າ,ພວກເຮົາເຊື່ອໝັ້ນວ່າ,ຄຽງຄູ່ກັບການບັນລຸເປົ້າໝາຍທີ່ສ້າງສາສັງຄົມພໍຢູ່ພໍກິນແລະມີສ່ວນເຫຼືອຢ່າງຮອບດ້ານ,ປະເທດຊາດຂອງພວກເຮົາຍ່ອມຈະຈະເລີນຮຸ່ງເຮືອງແລະເຂັ້ມແຂງກວ່າເກົ່າ,ຊີວິດການເປັນຢູ່ຂອງປະຊາຊົນຈີນຍ່ອມຈະມີຄວາມຜາສຸກແລະສວຍງາມກວ່າເກົ່າ,ສັງຄົມນິຍົມທີ່ມີສີສັນພິເສດຂອງຈີນຈະສະແດງທ່າແຮງອັນມະຫາສານຕື່ມອີກ.ຄວາມມຸ່ງມາດປາຖະໜາຂອງທ່ານເຕິ້ງສຽວຜິງຍ່ອມຈະບັນລຸຜົນເປັນຈິງ.
|
|
