|
|
 |
| (GMT+08:00)
2004-09-08 15:54:08
|
 |
|
"ນີ້ຍັງແມ່ນຄຸນງາມຄວາມດີຂອງທ່ານເຕິ້ງສຽວຜິງ"----ສຳພາດທ່ານໂຮ້ອ່ິງໂຕ່ງ ຜູ່ສະໜັບສະໜູນການກິລາຂອງຈີນ
cri
Author: huang
ແຕ່ນັກກິລາຈີນເຂົ້າສູ່ການກິລາໂອລິມປິກສະໄໝປະຈຸບັນ, ມາຮອດເມືອງປັກກ່ິງຮ້ອງຂໍເປັນເຈົ້າພາບຈັດງານກິລາໂອລິມປິກປີ 2008 ຢ່າງສຳເລັດຜົນ, ຕະຫຼອດຄະນະນັກກິລາຈີນມ້າງໂຄງປະກອບກິລາແຂ່ງຂັນໂລກ, ເປັນທີສອງໃນຕາລາຫຼຽນຄຳງານກິລາໂອລິມປິກອາແຕນນັ້ນພຽງແຕ່ 20 ປີອັນສັ້ນໆ. ແມ່ນກຳລັງຫຍັງຈ່ຶງເຮັດໃຫ້ກິລາແຂ່ງຂັນຂອງຈີນບິນພຸ່ງຂຶ້ນໄວປານລູກສອນໄຟຂຶ້ນສູ່ທ້ອງຟ້າ.
ມີຂໍ້ໜ່ຶງທ່ີສາມາດເຊື່ອໄດ້ວ່າ, ຖ້າບໍ່ມີຊາວຈີນເປັນລ້ານເປັນໂກດພ້ອມຈິດພ້ອມໃຈ, ຖ້າບໍ່ມີຄົນກິລາຫຼາຍເຊັ່ນຄົນຮ່ວມໃຈຮ່ວມແຮງກັນ, ຖ້າບໍ່ມີຜູ່ຄົນທ່ີອອກແຮງສະໜັບສະໜູນການກິລາຈີນນັ້ນແລ້ວ, ເດັດດ່ຽວບໍ່ຫ່ອນຊິມີຄວາມຈະເລ່ີນຮຸ່ງເຮືອງຂອງການກິລາຈີນໃນປະຈຸບັນ. ສະນັ້ນ, ໃນເວລາທ່ີຄົນທັງຫຼາຍມອບດອກໄມ້ສົດແລະສຽງຕົບມືໃຫ້ແກ່ນັກກິລາຈີນ, ພວກຂ້າພະເຈົ້າໄດ້ໄປຢຽມທ່ານໂຮ້ອ່ິງໂຕ່ງ ຮອງປະທານສະພາປຶກສາການເມືອງປະຊາຊົນແຫ່ງຊາດຈີນ ເຊ່ິງທ່ານເປັນຜູ່ແທນທ່ີດີເດັ່ນຜູ່ໜ່ຶງໃນຜູ່ສະໜັບສະໜູນການກິລາຈີນຫຼວງຫຼາຍ ແລະທ່ານເປັນຜູ່ມີອາຍະສູງຢູ່ຮົງກົງພັດສະໜັບສະໜູນການກິລາຈີນຫຼາຍສິບປີມາແລ້ວ.
"ນີ້ຍັງແມ່ນຄຸນງາມຄວາມດີຂອງທ່ານເຕິ້ງສຽວຜິງ!" ບໍ່ຄຶດບໍ່ຝັນວ່າ, ທ່ານໂຮ້ອ່ິງໂຕງອາທິປາຍຄວາມຈະເລ່ີນຮຸ່ງເຮ່ືອງຂອງການກິລາຈີນໃນຊູ່ມື້ນີ້, ທ່ານເວົ້າວ່າ, "ຄັນບໍ່ມີທ່ານເຕິ້ງສຽວຜິງ, ເສດຖະກິດຈີນກໍບໍ່ຫ່ອນຊິພັດທະນາໄວຄືຊູ່ມື້ນີ້. ຄັນບໍ່ມີເສດຖະກິດທ່ີໄດ້ພັດທະນາ, ກິລາຈີນກໍບໍ່ຫ່ອນມີຜົນງາມຄືຊູ່ມື້ນີ້."
ທ່ານໂຮ້ອ່ິງໂຕ່ງມີທັດສະນະສັດຈະວິພາກຕໍ່ເສດຖະກິດກັບກິລາ. ທ່ານເຊ່ືອໝັ້ນວ່າ, ເມ່ືອເສດຖະກິດໄດ້ພັດທະນາແລ້ວຈ່ຶງຊັກຈູງກິລາກ້າວໜ້າໄດ້. ພ້ອມກັນນັ້ນ, ທ່ານກໍ່ກ່າວເນັ້ນວ່າ, "ປະເທດເຂັ້ມແຂງຂຶ້ນນັ້ນຕ້ອງເລ່ີມແຕ່ຮ່າງກາຍເຂັ້ມແຂງຂຶ້ນ." ທ່ານເວົ້າວ່າ, "ລະດັບກິລາກໍເປັນຂີດໝາຍສະແດງໃຫ້ເຫັນຄວາມຈະເລີນເຂັ້ມແຂງແຫ່ງຊາດ. ກິລາໃນໄລຍະສັນຕິພາບແມ່ນອິດທິພົນທ່ີປັດໃຈທາງການເມືອງ ເສດຖະກິດແລະວັດທະນະທຳຈະເຂົ້າແທນບໍ່ໄດ້. ຜົນງາມທ່ີພວກຂ້າພະເຈົ້າຍາດມາໄດ້ໃນງານກິລາໂອລິມປິກຄັ້ງນີ້ແມ່ນເລ່ືອງອັດສະຈັນ. ສະນັ້ນ, ຊາວຈີນຜູ່ໃດກໍເປີກບານມ່ວນຊ່ືນ, ຊາວຕ່າງປະເທດກໍຮູ້ສຶກຕ່ືນຕົກໃຈຫຼາຍ. ນີ້ກໍແມ່ນກຳລັງແຫ່ງກິລາ."
ກ່ຽວກັບເສດຖະກິດກັບການກິລາ, ຜູ່ຊົງຄຸນວຸທິດໃນວົງການການຄ້າຮົງກົງເວົ້າວ່າ, ງານກິລາໂອລິມປິກປັກກ່ິງມີໂອກາດການຄ້າຫຼາຍ. ທ່ານເວົ້າວ່າ, "ຫຼັງຈາກງານກິລາໂອລິມປິກປີ 1964ແລ້ວ, ເສດຖະກິດຂອງຍ່ີປຸ່ນໄດ້ບິນພຸ່ງຂຶ້ນ; ຫຼັງຈາກງານກິລາໂອລິມປິກເຊອຸນປີ 1988 ແລ້ວ, ເສດຖະກິດຂອງສ.ເກົາຫຼີກໍບິນພຸ່ງຂຶ້ນ. ຂ້າພະເຈົ້າຫວັງວ່າ, ງານກິລາໂອລິມປິກປັກກ່ິງກໍສາມາດນຳເອົາພະລັງແມ່ແຮງຫຼວງຫຼາຍແກ່ເສດຖະກິດຈີນ."
ນັກກິລາຈີນໄປຢ້ຽມຢາມຮົງກົງໄດ້ເຮັດໃຫ້ທ່ານໂຮ້ອ່ິງໂຕ່ງທ່ີມັກກິລານັ້ນດີໃຈຫຼາຍ. ພໍເວົ້າເຖິງທ້າວລິວສຽງ ຜູ່ຊະນະເລີດໃນການແຂ່ງຂັນຂ້າມຮົ້ວ 110 ແມດໃນງານກິລາໂອລິມປິກອາແຕນ, ທ່ານກໍເວົ້າວ່າ, ທ້າວລິວສຽງແມ່ນຜູ່ສ້າງອັດສະຈັນໃຫ້ແກ່ກິລາຈີນ. ລາວໄດ້ທັບມ້າງທິດສະດີກ່ຽວເຊື້ອຊາດໃນສະໜາມການແຂ່ງຂັນແລ່ນແລະລານ. ນອກຈາກນີ້, ທ່ານໂຮ້ອ່ິງໂຕ່ງທ່ີມັກຫຼິ້ນເທັນນິສຍັງເວົ້າເຖິງຫຼຽນຄຳຂອງການແຂ່ງຂັນເທັນນິສຕີຄູ່ເພດຍິງນັ້ນໂດຍສະເພາະ. ເພ່ິນທັງແກວ່ງຫົວທັງຍິ້ມວ່າ, " ຫຼຽນຄຳຫຼຽນນີ້ຈັ່ງແມ່ນຄຶດນຶກບໍ່ໄດ້, ຄົນຈີນພວກເຮົາກໍຮັບຫຼຽນຄຳເທັນນິສຕີໃນງານກິລາໂອລິມປິກໄດ້." ຄວາມເອກອ້າງທະນົງໃຈໄດ້ສະແດງອອກຢ່າງເຕັມທ່ີໃນຄວາມເວົ້າຂອງເພ່ິນ.
ທ່ານໂຮ້ອິ່ງໂຕ່ງມີອາຍຸ 82 ປີແລ້ວສີໜ້າແດງຮຸນໆ, ຈິດໃຈຊ່ືນບານ. ສ່ິງທ່ີເຮັດໃຫ້ນັກຂ່າວຮູ້ສຶກບໍ່ນຶກບໍ່ຝັນນັ້ນແມ່ນຜູ່ເຖົ້າຜູ່ນີ້ເຄີຍເປັນມະເຮັງລິມຟາຕິກໃນປີ 1983 . ດຽວນີ້, ເພ່ິນຍັງນິ້ີ້ຍືດໝັ້ນຫຼິ້ນເທັນນິສຕີຊົ່ວໜ່ຶງໃນທຸກໆມື້. ເພ່ິນເວົ້າວ່າ, ນີ້ແມ່ນຍ້ອນຫັດກາຍ. ເພ່ິນເວົ້າດ້ວຍຄວາມໂອບອ້ອມອາລີຕໍ່ນັກຂ່າວວ່າ, " ແຕ່ກ່ອນ, ຊາວຈີນກິນບໍ່ອ່ີມ, ນຸ່ງບອຸ່ນ, ດຽງນີ້, ເສດຖະກິດພັດທະນາດີຂຶ້ນແລ້ວ, ກິລາກໍ່ກ້າວໜ້າແລ້ວ, ຕໍ່ໄປ, ຄວນເຜີຍແຜ່ກິລາໃຫທົ່ວເຖິງກັນ. ເວົ້າສຳລັບທ່ົວທັງຊາດແລ້ວ, ຫຼຽນຄຳແມ່ນສຳຄັນຫຼາຍ, ແຕ່ສຸຂະພາບຂອງປະຊາຊົນກໍສຳຄັນທ່ີສຸດເຊັນດຽວກັນ."
|
|
|
