|
|
 |
| (GMT+08:00)
2004-09-08 22:48:38
|
 |
|
ດາລາໂອລິມປິກຈີນຜູ່ໂອບອ້ອມອາລີ
cri
Author: hua ling
ເວລາ 11 ໂມງເຊົ້າວັນທີ 7 ກັນຍາ, ຖັນແຖວດາລາກິລາທ່ີປະກອບດ້ວຍນັກກິລາຈີນຜູ່ໄດ້ຫຼຽນຄຳງານກິລາໂອລິມປິກແລະຄູເຝິກຂອງພວກເຂົາເຈົ້າໄດ້ຍ່າງມາສູ່ແທ່ນທ່ຽວຊົມຂົວຊິງໝາທ່ີຮົງກົງ.
ໄທເມືອງຮົງກົງໄດ້ແຂ່ງແສງແດດທ່ີຮ້ອນເອົ້າ, ລໍຖ້າມາດົນສົມຄວນແລ້ວ, ໃນໝູ່ພວກເຂົສເຈົ້າມີຜູ່່ເຖົ້າຜູ່ແກ່ທ່ີຜົມຫງອກຈຸ່ນພຸ່ນ, ມີຜົວເມຍໜຸ່ມທ່ີອຸ້ມລູກ, ມີນັກສຶກສາ, ຍັງມີນັກຂ່າວຜູ່ຖືກ້ອງຖ່າຍຮູບແລະຕັ້ງກ້ອງຖ່າຍວີດີໂອ. ບໍ່ດົນ, ພວກເຂົາເຈົ້າກໍປະກົດເຫັນວ່າ, ບຸກຄົນທ່ີມີຊ່ືສຽງໃນເວທີກິລາຂອງໂລກເຫຼົ່ານີ້ຈັ່ງແມ່ນໂອບອ້ອມອາລີທ່ີສຸດ.
ນາງໂລເສຈ່ຽນ ນາງຈ້າວຢຸ້ຍໆ ທ້າວມາລິນ ທ້າວເພິງປໍ ທ່ານເຊິນຈົງເຮີແລະທ່ານອ່ືນໆ, ເມ່ືອເຫັນຮູບໂສມຄຸ້ນເຄີຍເຫຼົ່ານີ້ແລ້ວ, ຝຸງຄົນທ່ີລໍຖ້າຢູ່ກໍໄດ້ໄຊໂຍໂຮຮ້ອງຂຶ້ນຢ່າງຟົດຟຶ້ນໃນທັນທີ. ພວກເຂົາເຈົ້າໂບກທຸງຊາດຈີນ, ພະຍາຍາມປຸ້ມລຸມຫຸ້ມຫໍ່ໄປທາງໜ້າ, ຍາດກັນເບ່ິງໂສມໜ້າຂອງດາລາກິລາ.
ນັກກິລາຜູ່ໄດ້ຫຼຽນຄຳໄດ້ຈົກເອົາຮູບໂຄສະນາຂະໜາດໃຫຍ່ທ່ີໄດ້ພິມຮູບຖ່າຍຂອງພວກເຂົາເຈົ້າແລະຂຽນຕົວໜັງສືຈີນ 3 ໂຕ ຄື, ຈົງກົວຮຸ່ນ ແປວ່າ ມິ່ງຂວັນຂອງຈີນ, ແຈກໃຫ້ໄທເມືອງຮົງກົງຢູ່ທ່ີຫັ້ນ. ໄທເມືອງຮົງກົງກໍ່ສວຍໂອກາດນີ້, ພາກັນຈັບມືກັບດາລາ, ຖ່າຍຮູບກັບດາລາ, ແລະຂໍເອົາລາຍເຊັນ. ຢູ່ເທິງຮູບໂຄສະນາ ວາລະສານຮູບພາບຂອງຄະນະຜູ່ແທນຂອງນັກກິລາຜູ່ໄດ້ຫຼຽນຄຳອາແຕນເກມຫຼືປຶ້ມລົງນາມ ໝວກແກັບແລະຮົ່ມກັນແດດ, ລ້ວນແຕ່ໄດ້ຈ່ົງໄວ້ລາຍເຊັນຂອງນັກກິລາທັງຫຼາຍ.
ຫຼັງຈາກເຊັນລາຍເຊັນແລ້ວ, ດາລາກິລາໄດ້ເຂົ້າຊົມສູນຮັບແຂກ, ຊອກຮູ້ຂໍ້ມູນເບຶ້ອງຫຼັງຂອງຂົວຊີງໝາ ເຊ່ິງເປັນຂົວສາຍໂສ້ທາງຫຼວງແລະທາງລົດໄຟທ່ີໃຫຍ່ທ່ີກວ່າໝູ່ໃນໂລກ.
ຫຼັງຈາກ 20 ນາທິແລ້ວ, ພວກເຂົາເຈົ້າຍ່າງອອກຈາກສູນຮັບແຂກ, ໄທເມືອງຮົງກົງຍັງມີຄວາມຈູບຈ້າວຫ້າວຫັນຢູ່ຄືເກົ່າ, ສືບຕໍ່ໄລ່ຕາມນັກກິລາຂໍລາຍເຊັນ. ໃນແທ່ນຊົມເທິງຂົວ, ໄທເມືອງອີກງວດໜ່ຶງທ່ີລໍຖ້າຢູ່ຫັ້ນກໍໄດ້ຮັບໂອບອ້ອມອາລີຈາກດາລາກິລາທັງຫຼາຍເຊັ່ນດຽວກັນ, ມີນັກສຶກສາຍິງຫຼາຍຄົນຍັງໄດ້ຖ່າຍຮູບນຳກັນກັບນາງຈ້າວຢຸ້ຍຢຸ້ຍຢ່າງມີກຽດ.
ນາງລາວຢຸ້ນເຟີຍ ໄທເມືອງຮົງກົງເວົ້າວ່າ, ໃນສະໜາມແຂ່ງຂັນ, ນັກກິລາຜູ່່ໄດ້ຫລຽນຄຳພະຍາຍາມເຮັດໄດ້ດີທີ່ສຸດ, ແລະຊິງໄດ້ແຊມປຽນ, ຈິດໃຈບາກບ່ັນສູ້ຊົນຂອງພວກເຂົາເຈົ້າເປັນໜ້າຮ່ຳຮຽນ. ນາງເວົ້າວ່າ, ໃນເວລາອອກຈາກບ້ານ, ຕົນເອງມີແຕ່ຄິດຢາກເອົາກ້ອງຖ່າຍຮູບມາລອງເບິ່ງ, ແຕ່ບໍ່ນິກບໍ່ຝັນເລີຍວ່າ, ນັກກິລາໃກ້ຊິດກັບໄທເມືອງປານນີ້, ນາງກໍໄດ້ຖ່າຍເອົາຮູບງາມບໍ່ໜ້ອຍ.
ນາງຮວງຊຸ້ຍທິງ ທີ່ຫາກໍ່ເຂົ້າຮຽນປ.5 ກໍດີໃຈທີ່ສຸດ, ຍ້ອນວ່ານາງບໍ່ພຽງແຕ່ໄດ້ຮັບຮູບໂຄສະນາທໍ່ນັ້ນ, ຫາກຍັງໄດ້ລາຍເຊັນຂອງທ້າວເພິງປໍອີກດ້ວຍ. ໝູ່ຮຽນທີ່ຢູ່ອ້ອມຂ້າງນາງກໍ່ຕື່ນເຕັ້ນດີໃຈຄືກັນ, ໃນໝູ່ພວກເຂົາເຈົ້າ, ບາງຄົນຈົນໄດ້ລາຍເຊັນຂອງນັກກິລາ 3 ຄົນທີ່ໄດ້ຫລຽນຄຳອີກຊ້ຳ.
ທ້າວເພິງປໍເຖິງຈະເມື່ອຍຫລາຍ, ໃນຍາມກິນເຂົ້າແລງໃນມື້ວານນີ້, ເກືອບນອນຫຼັບກໍຕາມ, ແຕ່ດຽວນີ້ກໍຍັງທັງເຊັດນ້ຳເຫື່ອທັງລົງລາຍເຊັນໃຫ້ໄທເມືອງ. ລາວຍັງໄດ້ຮັບການສຳພາດຂອງສື່ມວນຊົນນຳອີກ. ລາວກ່າວວ່າ, ລາວມັກໄທເມືອງຮົງກົງຫລາຍ, ຫວັງວ່າ, ໃນອະນາຄົດຈະໄດ້ມາທ່ຽວຮົງກົງອີກໃນຖານເປັນຄົນທຳມະດາສາມັນ.
ນາງໂລເສຈ່ຽນກໍໄດ້ຮັບສຳພາດຢ່າງກ້າຫານ. ນາງເວົ້າວ່າ, ນີ້ແມ່ນນາງມາຮົງກົງເປັນເທື່ອທີສອງ, ແຕ່ເທື່ອນີ້ໄດ້ມາໃນນາມເປັນເຈົ້າຫລຽນຄຳໂອລິມປິກ, ຈຶ່ງຮູ້ສຶກຕ່າງກັນຫລາຍ.
ນັກຂ່າວຮົງກົງໄດ້ສວຍໂອກາດທ່ານເສີນຈູ່ງເຮີນ່ັງສູບຢາຢູ່ທາງຂ້າງ, ເລີໄປລົມທິມບານສົ່ງເພດຍິງກັບທ່ານ. ທ່ານເສີນຈູ່ງເຮີເຜີຍໃຫ້ຮູ້ວ່າ, ເດືອນໜ້າ, ທ່ານຈະເລີ່ມຄັດເລືອກນັກກິລາທີ່ສູງໃຫຍ່ເຂົ້າທິມຊາດ, ເພື່ອກະກຽມງານກິລາໂອລິມປິກປີ 2008. ຂ່າວດັ່ງກ່າວໄດ້ເຮັດໃຫ້ນັກຂ່າວທັງຫລາຍຄືໄດ້ຂອງອັນລ້ຳຄ່າ.
ໃນເວລານັກກິລາທີ່ໄດ້ຫລຽນຄຳໂອລິມປິກ 10 ກວ່າຄົນຖ່ານຮູບເປັນທີ່ລະລຶກໂດຍຖືຂົວຊີງມາເປັນຫລັງສາກນັ້ນ, ນັກຂ່າວຖ່າຍຮູບຈຳນວນໜຶ່ງທີ່ຖືກລັດຢູ່ເຂດນັກຂ່າວນັ້ນປະກົດເຫັນວ່າ, ເລນກ້ອງຖ່າຍຂອງພວກເຂົາເຈົ້າຍາວບໍ່ພໍ, ເລີຍຮ້ອງດ້ວຍສຽງດັງໆວ່າ, ຍ່າງເຂົ້າມາໃກ້ແດ່, ຍ່າງເຂົ້າມາໃກ້ອີກແດ່. ນັກກິລາທັງຫລາຍເລີຍ້ຍ່າງໄປຮອດບ່ອນຕາມຄວາມຮ້ອງຂໍ, ຊ່າງຖ່າຍຮູບທັງຫລາຍກໍຟ້າວກົດຊັດເຕີ, ເບິ່ງຊົງຄືວ່າພໍໃຈຫລາຍ.
|
|
|
