ທ່ີນີ້ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ່ຟັງທ່ີໂຄລົບ, ວັນທີ 10 ກັນຍາແມ່ນວັນຄູຈີນ. ໃນລາຍການນັດພົບໃນວັນທິດພາກນີ້, ຂ້າພະເຈົ້າໄດ້ຈັດເອົາເພງຍ້ອງຍໍສໍລະເສີນຄູປະມວນໜ່ຶງມາສູ່ຟັງ, ອີກປະມານເດືອນໜ່ຶງກໍຈະຮອດວັນຄູແຫ່ງຊາດລາວແລ້ວ, ພວກເຮົາຂໍຝາກຄຳອວຍພອນອັນປະເສີດໄປຕາມເພງໄປຍັງຄູລາວໝົດທຸກຄົນ, ສະແດງຄວາມໂຄລົບນັບຖືຢ່າງສູງມາຍັງຄູລາວໃນໂອກາດວັນຄູນີ້.
ທ່ີທ່ານພວມຟັງຢູ່ນີ້ແມ່ນເພງ "ຫຼາວຊ່ືເຕີເຊ່ິງຢື້" "ວັນຄ້າຍວັນເກີດຂອງຄູ", ເນື້ອເພງຮ້ອງວ່າ: ມື້ນີ້ແມ່ນວັນຄ້າຍວັນເກີດຂອງທ່ານ ຄູທ່ີຮັກ. ພວກເຮົາມີຄວາມປາຖະໜານ້ອຍໆ, ຂໍອວຍພອນໃຫ້ທ່ານຈ່ົງມີຄວາມສຸກແລະສຸຂະພາບເຂັ້ມແຂງຕະຫຼອດໄປ. ຄູທ່ີຮັກແພງ, ບໍ່ວ່າພວກເຮົາຈະໄປຢູ່ໃສ, ພວກເຮົາກໍຈະບໍ່ລືມຄວາມຫວັງຂອງຄູຈົນເທ່ົາໃດໆ".
ຢູ່ຈີນ ຄົນທັງຫຼາຍມັກປຽບຄູເປັນຜູ່ເຮັດສວນ, ພວກເພ່ິນຫຼໍ່ລ້ຽງຕົ້ນໄມ້ຕົ້ນໝາກດ້ວຍນ້ຳເຫ່ືອນ້ຳແຮງແຫ່ງຄວາມດຸໝ່ັນ, ໄດ້ຮັບໝາກຜົນອຸດົມສົມບູນ. ຍັງມີຄົນປຽບຄູເປັນທຽນໄຂ, ເຍືອງທາງແຫ່ງການເຕີບໂຕຂອງພວກເດັກນ້ອຍ. ຕໍ່ໄປເຊີນຟັງເພງ "ຊ້າງເກີຍລາວຊ່ືເຕີເກີ່" ແປວ່າ "ເພງສັນລະເສີນຄູ". ເນື້ອເພງຮ້ອງວ່າ: ສາຍລົມຍາມແລງພັດຕົ້ນໄຄ້ສ້ອຍໄກວໂອ້ນເອ້ນ, ຜູ່ເຮັດສວນທ່ີດຸໝ່ັນຄ່ຳມືດແລ້ວຈ່ຶງກັບເມືອເຮືອນ, ເປັນຫ່ວງນຳເບ້ຍພັນຕົ້ນໝ່ືນຕົ້ນ. ຄູທ່ີໂຄລົບຮັກ, ຄູລືມຕົນເອງ, ລືມຄວາມອິດເມ່ືອຍ, ຄູປຽບເໝືອນທຽນໄຂທ່ີໄຕ້ໄວ້, ເຍືອງທາງໃຫ້ພວກເດັກນ້ອຍເຕີບໃຫຍ່.
ຕໍ່ໄປເຊີນຟັງເພງ "ໃນເວລາຂ້ອຍຍ່າງຜ່ານປ່ອງຢ້ຽມຂອງຄູ" ຂັບຮ້ອງໂດຍຄະນະຮ້ອງຮ່ວມໝູ່ເຍົາວະຊົນສະຖານີວິທະຍຸກະຈາຍສຽງປະຊາຊົນສູນກາງຈີນ. ເພງວາດພາບອັນເປັນໜ້າຕື້ນຕັນໃຈຂອງຄູທ່ີເຮັດວຽກຈົນຮອດເດິກດ່ືນ ກຽມຫຼັກສູດການສອນໃຫ້ນັກຮຽນໃນມື້ໃໝ່.
ເພງ "ເຟີຍຫຼາຍເຕີຮວ່າປ່ານ" ແປວ່າ "ກີບດອກໄມ້ທ່ີບິນມາ" ແມ່ນເພງໜ່ຶງທ່ີແຕ່ງສະເພາະຄະນະຮ້ອງຮວມໝູ່ຂອງຄູນະຄອນປັກກ່ິງຈີນ. ນາງວ້າງອານ ຜູ່ແຕ່ງເນື້ອຮ້ອງເຄີຍເປັນຄູ, ຈ່ຶງຮູ້ນັກຮຽນດີທ່ີສຸດ, ໃນເນື້ອເພງ ນາງປຽບຈົດໝາຍທ່ີນັກຮຽນຝາກມາໃຫ້ເປັນກີບດອກໄມ້ສີທ່ີສວຍງາມ, ຍ້ອງຍໍສໍລະເສີນຄວາມຮັກແພງອັນເລິກເຊ່ິງລະຫວ່າງຄູກັບນັກຮຽນ. ທຳນອງເພງທ່ີໄພເລາະເພາະຫູ, ໄດ້ສະແດງເຖິງຄວາມຮັກອັນຈິງໃຈຂອງນັກຮຽນທັງຫຼາຍທ່ີມີຕໍ່ຄູ.
(ເນື້ອເພງ)ຈົດໝາຍທ່ີຝາກມາໃຫ້ ເໝືອນກັບກີບດອກໄມ້ນາໆສີ, ຝາກຄວາມຄິດຮອດຄິດເຖິງອັນຈິງໃຈ. ສ່ົງຄວາມຖາມຂ່າວອັນສະໜິດສະໜົມ, ແມ່ນບົດຄຳຕອບທ່ີດີເດ່ັນ, ແມ່ນກີບດອກໄມ້ທ່ີສ່ົງກ່ິນຫອມຫວນໃນລົມລະດູບານໃໝ່, ຕອບຄວາມອວຍພອນຂອງຄູໃນຫຼາຍປີກ່ອນ.
ທ່ານຜູ່ຟັງທ່ີໂຄລົບ, ລາຍການນັດພົບໃນວັນອາທິດພາກນີ້ກໍຈະສ້ຽງສຸດລົງແລ້ວ, ມ້ວນທ້າຍລາຍການນີ້, ເຊີນຟັງເພງ "ວັນຄ້າຍວັນເກີດຂອງຄູ" ອີກເທ່ືອໜ່ຶງ, ຂໍອວຍພອນໃຫ້ຄູຈ່ົງມີສຸຂະພາບເຂັ້ມແຂງຕະຫຼອດໄປ, ຂອບໃຈທ່ີທ່ານຮັບຟັງ, ພົບກັນໃໝ່ໃນອາທິດໜ້າ, ສະບາຍດີ.
|